1000 و یه‌ک شه‌وه‌، وا ڕاست ناکرێته‌وه‌!

ئه‌م نووسه‌ره‌ به‌ڕێزه‌، شه يدا بڵباس له‌نووسێنێکی که‌ له‌ماڵپه‌ڕی کڵاوڕۆژنه‌ دا، له‌ڕۆژی 2009.2.4 بڵاویکردۆته‌وه‌، له‌دیدی ناسیۆنالیستییه‌وه‌، جۆرێک گومانی چێکردووه‌، له‌سه‌ر ڕاستی و دروستی ئه‌و به‌رهه‌مه‌ " هه‌زار و یه‌کشه‌وه" ناوازه‌یه.

بۆ به‌رپه‌رچدانه‌وه‌ی بۆچوونه‌کانی، ئه‌وه‌یش به‌رگری له‌عه‌ره‌ب و ئیسلام و شتی له‌و بابه‌ته‌ نییه‌‌، له‌وانه‌یه‌ به‌نده‌ش له‌دیدی ناسیۆنالیستیه‌وه‌ بڕوانمه‌ هه‌مان به‌رهه‌م. به‌ڵام، ‌گه‌ر له‌باری مێژووییه‌وه‌ لێووردبینه‌وه‌، ئه‌و کاته‌ی ئه‌و به‌رهه‌مه‌ی تیا گه‌ڵاڵه‌ کراوه‌ و بووه‌، کۆمه‌ڵگای عه‌ره‌بی و ئیسلامی له‌پاکێتی خۆی ده‌رچووه‌ و تێپه‌ڕی کردووه‌، به‌هۆی ئه‌و هه‌موو له‌شکرکێشییه‌ی له‌و کاته‌دا عه‌ره‌به‌ ئیسلامییه‌کان بۆ فڵان و فیسار وڵاتانی دوور و نزیکی خۆیان کردوویانه‌، به‌خۆشی یان ناخۆشی بووبێت گه‌ڵانی دی تێکه‌ڵ به‌و سیسته‌م و داموده‌زگایه‌ بوون، له‌هه‌موو بواره‌کاندا ده‌وروکاریگه‌رییان په‌یداکردووه‌ تا گه‌یشتن به‌ده‌سه‌ڵاتی و به‌ده‌ستهێنانی پله‌وپایه‌ی به‌رز، ئه‌ویش به‌لێهاتوویی خۆیان بووه‌، خێروبێر و مه‌رحه‌مه‌تی عه‌ره‌به‌ ده‌سه‌ڵاتداره‌کان نه‌بووه‌.  له‌م پێوه‌دانگه‌وه‌یه‌، کارێکی ئاسییه،‌ له‌بوار و کایه‌کانی تریشدا، دیاره‌ ئه‌ده‌ب و هونه‌ر بێبه‌ری نییه‌ له‌و کاریگه‌رییه‌، ده‌نگ و سه‌دایان هه‌بێت، خۆ بسه‌پێنن، به‌و قالبه‌، به‌و ‌که‌لتوره‌ ناعه‌ره‌بییه‌ی لێوه‌ی هاتوون، مۆری خۆیان لێداوه‌.

له‌لایه‌کی تره‌وه‌ گه‌ر له‌فڵان په‌ره‌گرافی یه‌کێ له‌ ئه‌فسانه‌کاندا ناوی کورد هاتبێت به‌ ناشیرینی، ئه‌وه‌ خه‌تا له‌که‌سه‌وه‌ نییه‌، کورد به‌پێی ئه‌وه‌ی له‌شوێنه‌ سه‌خته‌کاندا ژیاوه‌، له‌کۆمه‌ڵی بچووک بچووکی په‌رته‌وازه‌دا بوون، له‌نێوان هێزه‌ کاریگه‌رییه‌کان ئه‌وکاته‌، بوونێکی ئه‌وتۆیان نه‌بووه‌. به‌پێناس و مانای وشه‌ی ناسیونالیستی چه‌رخی نوێ، کورد وه‌ک نه‌ته‌وه‌ وشتێکی له‌و بابه‌ته‌ به‌ده‌ر نه‌که‌وتووه‌!

خوێندنه‌وه‌م ئه‌وه‌یه‌؛ ناوهێنانی کورد وه‌ک چه‌ته‌ و ڕێگر، ئه‌وه‌ ده‌گه‌یه‌نێت باوباپیرانمان، هه‌ر له‌کۆنه‌وه‌ به‌گروپی ناڕازی ناسراون. به‌ره‌ی ده‌سه‌ڵات هه‌میشه‌ به‌ناو و ناتۆره‌ی وا؛ چه‌ته‌ و ڕێگر و عاسی  له‌که‌داریان کردووین، ئه‌وه‌ مه‌دالیای ئازایه‌تییه‌، دووژمن ده‌یدا له‌یه‌خه‌مان. به‌خه‌وش و عه‌یب و ناشیرینی ناژمێررێت، ئه‌وه‌ نه‌شوره‌ییه‌ و نه‌ دزێوییه‌، میلله‌تێک هه‌ر له‌بوونییه‌وه،‌ ناڕازی بوو بێت. قابیلی نیگه‌رانی نییه‌، به‌پێچه‌وانه‌وه‌ ده‌کرێت جێی شانازی هه‌رتاکێکی کورد بێت، ئیتر دوژمن قابیله‌، خه‌سله‌تی جوانمان  بداته‌ پاڵ، غه‌یر ئه‌و ناو و ناتۆرانه‌ نه‌بێت!  2009.2.7
--------------
تکایه‌ بڕوانه ئه‌م به‌سته‌ره‌‌
هه‌‌زار و یه‌کشه‌و ڕاستکردنه‌وه‌ی له‌نووسینی: شه يدا بڵباس
ئه‌و نووسینه‌ی سه‌ره‌وه‌، بۆیه‌که‌م جار له‌ماڵپه‌ڕی
کڵاوڕۆژنه‌دا بڵاوکرایه‌وه‌.
!Hezar u yek şewe, wa rast nakirêtewe

Em nûsere berêze, şe îda bilbas lenûsênêkî ke lemalperî klawrojne da, lerojî 2009.2.4 bilawîkirdotewe, ledîdî nasîonalîstiyewe, corêk gumanî çêkirduwe, leser rastî u drustî ew berheme " hezar u yekişewe" nawazeye


Bo berperçdanewey boçûnekanî, eweyş bergirî le'ereb u îslam u ştî lew babete niye, lewaneye bendeş ledîdî nasîonalîstiyewe birwanime heman berhem. belam, ‌ger lebarî mêjuwîewe lêwurdibînewe, ew katey ew berhemey tiya gelale kirawe u buwe, komelgay 'erebî u îslamî lepakêtî xoy derçuwe u têperî kirduwe, behoy ew hemû leşkirkêşiyey lew kateda 'erebe îslamiyekan bo flan u fîsar wilatanî dûr u nzîkî xoyan kirduwiyane, bexoşî yan naxoşî bûbêt gelanî dî têkel bew sîstem u damudezgaye bûn, lehemû biwarekanda dewrukarîgerîan peydakirduwe ta geyştin bedeselatî u bedesthênanî plewpaiyey berz, ewîş belêhatuwî xoyan buwe, xêrubêr u merhemetî 'erebe deselatdarekan nebuwe. lem pêwedangeweye, karêkî asiye,‌ lebiwar u kayekanî tirîşda, diyare edeb u huner bêberî niye lew karîgeriye, deng u sedayan hebêt, xo bsepênin, bew qalbe, bew ‌kelture na'erebiyey lêwey hatûn, morî xoyan lêdawe.


Le layekî tirewe ger leflan peregirafî yekê le efsanekanda nawî kurd hatbêt be naşîrînî, ewe xeta lekesewe niye, kurd bepêyî ewey leşuwêne sextekanda jiyawe, lekomelî bçûk bçûkî pertewazeda bûn, lenêwan hêze karîgeriyekan ewkate, bûnêkî ewtoyan nebuwe. bepênas u manay uşey nasîunalîstî çerxî nuwê, kurd wek netewe uştêkî lew babete beder nekewtuwe!


Xuwêndinewem eweye؛ naweênanî kurd wek çete u rêgir, ewe degeyenêt bawbapîraniman, her lekonewe begirupî narazî nasrawn. berey deselat hemîşe benaw u natorey wa؛ çete u rêgir u 'asî lekedariyan kirduwîn, ewe medaliyaî azayetiye, dûjmn deyda leyexeman. bexewş u 'eyb u naşîrînî najmêrrêt, ewe neşureiye u ne dzêwiye, mîlletêk her lebûniyewe,‌ narazî bû bêt. qabîlî nîgeranî niye, bepêçewanewe dekirêt cêyî şanazî hertakêkî kurd bêt, îtir dujmn qabîle, xesletî cwaniman bidate pal, xeyr ew naw u natorane nebêt! 2009.2.7
--------------
Tkaye birwane em bestere hezar u yekişew rastkirdinewey lenûsînî: şeîda bilbas.
Ew nûsîney serewe, boyekem car lemalperî Klawrojneda bilawkirayewe.

ليست هناك تعليقات:

إرسال تعليق