مه‌سعود بارزانی، له‌درامای ‌دۆڵی گورگاندا چی ده‌کات!؟

کورد له‌ (‌دۆڵی گورگان - واد الذئاب Kurtlar Vadisi) دا! ناونیشانی نووسینێکی هێژا سلێمان عه‌بدوڵڵا یونسه‌، ڕۆژی دووشەممە, 26 کانونی دووەم 2009 ، له‌یه‌کێ له‌ماڵپه‌ڕه‌کاندا بڵاوکراوه‌ته‌وه‌.

مه‌به‌ستی نووسینه‌که‌ وریاکردنه‌وه‌ی خه‌ڵکی کورد به‌ده‌سه‌ڵاتدار و بێده‌سه‌ڵاته‌وه‌، که‌ له‌شێوه‌یه‌کی نوێ به‌ر هه‌ڵمه‌تی شێواندن ده‌بێته‌وه‌، ئه‌ویش بواری نواندنی ته‌له‌فیزیۆنییه‌!

دۆڵی گورگان، زنجیره‌ - سریالی ته‌له‌فیزیۆنی تورکییه‌ به‌دۆبلاجی عه‌ره‌بی، تا ئێستا زیاتر له‌ 30 به‌ش- ئه‌لقه‌ی له‌که‌ناڵی ئاسمانی ته‌له‌فیزیۆنی ئه‌بو زه‌بی یه‌ک، پیشاندراوه‌.

دراماکه‌ ڕاده‌یه‌ک له‌دراما میسرییه‌کان هونه‌ری تره‌، بۆیه‌ بینه‌ر زۆر به‌ئاسانی به‌لای خۆدا ڕاده‌کێشێت؛ ده‌مێک دڵداری، ده‌مێک توندوتیژی، ده‌مێک پۆله‌تیکا، ده‌مێکیش سیخوری و نهێنییه‌کانی، وه‌هه‌روه‌ها..

ئه‌وه‌ی جێی سه‌رنجه‌ ماوه‌ی ساڵێک ده‌بێت، که‌ناڵه‌ عه‌ره‌بییه‌کان سه‌ریان کردۆته‌ سه‌ر ئه‌و سریاڵه‌ تورکیانه‌، پێشه‌بڕکێیانه‌ بۆ پیشاندانیان، یه‌کێکیان ته‌واو نابێت دوانی تر ئاماده و به‌ڕێوه‌‌یه‌.

دیاره‌ له‌نێو ئه‌وانه‌دا تائێستا بێجگه‌ له‌م سریاڵه‌، دانه‌یه‌کی تریان پیشاندا به‌ناوی( بێ شوێن و بێ نیشتمان – لا مکان لا وطن)ه‌وه‌، حیکایه‌تی خۆش و ناخۆشی ‌خێزانێکی کوردی باکوری دانیشتووی شاری حه‌سه‌ن کیفی بۆ ده‌گێڕاینه‌وه‌ که‌ به‌هۆی دروستکردنی به‌نداوێکه‌وه‌ به‌شێک له‌شاره‌که‌ که‌وتۆته‌ ژێر ئاوه‌وه‌.

ئه‌و زنجیرانه‌ بێجگه‌ له‌دۆڵی گورگان له‌نێو ڕاگه‌یاندنی کوردیدا ده‌نگی نه‌دایه‌وه‌! بۆچی ئه‌مه‌یان قسه‌وباسی به‌دوای خۆیدا هێنا، له‌به‌ر ئه‌وه‌ی ناوی کورد به‌گشتی و به‌تایبه‌تی هه‌رێمی کوردستان و سه‌رکرده‌کانی به‌خراپ و ناشیرین ناو ده‌هێنرێن!

سه‌ره‌تا وه‌زاره‌تی ڕۆشنبیری هه‌رێم مه‌سه‌له‌که‌ی وروژاند، له‌ڕێگای بالیۆزخانه‌ی عێراق له‌ئیماراته‌وه‌ یاداشتنامه‌یه‌کیان به‌که‌ناڵی ناوبراو داوه‌، تێدا داوا کراوه‌‌ په‌خشی ئه‌و سریاله‌ ڕابگیرێت.

چه‌ند به‌شێک له‌ یاداشتنامه‌ی حکومه‌تی هه‌رێم:

لە 4/1/2009 وەزارەتی رۆشنبیری نووسراوێكی فەرمی بۆ فەرمانگەی پەیوەندییەكانی دەرەوەی ناردووە كە ئەوان لە رێگەی خۆیانەوە ئاگاداری باڵیۆزخانەی عێراق لە ئیمارات بكەن بۆ راگرتنی زنجیرە درامای (واد الذئاب) كە لە كەناڵی ئاسمانیی ئەبوزەبی پەخشدەكرێت.

ئەم درامایە لەلایەن میتی توركییەوە دەركراوە و دواتر لە رێگەی هەواڵگری سوریا لە توركیاوە دۆبلاج كراوەتە سەر زمانی عەرەبی لە دژی گەلی كورد و برینداركردنی هەستی تاكی كوردی دانراوە تا لە كەناڵە عەرەبییە ئاسمانییەكان پەخش بكرێت.

رووداوەكانی (واد الذئاب) باسی ئەوە دەكات كە میتەكانی توركیا دێنە كوردستانی عێراق و ئیهانە بە رەمز و هێماكان و سەركردەكانی كورد دەكەن، ئەمەش پڕیەتی لە تەشهیركردن بە كورد، بۆیە داوا دەكەین بەپەلە دراماكە رابگیرێت.

ئەم جۆرە كارانە كە لە ژێر سێبەری هونەر و رۆشنبیری دەكرێن، كاریگەری دەبێت لەسەر پەیوەندی گەلان و پاراستنی كۆدەنگی و ئاشتەوایی.

حکومه‌تی هه‌رێم هه‌قی خۆیه‌تی له‌به‌رانبه‌ر هه‌رکارێک که‌ هه‌وڵی شێواندنی که‌سایه‌تی کورد و ناڕاست پیشاندانی کۆمه‌ڵگای کوردی ڕابوه‌ستێته‌وه‌. به‌ڵام ئه‌م کاره‌ جۆرێکه‌ له‌لاسییکردنه‌وه‌ی فڵان وڵاتی عه‌ره‌بی له‌به‌رانبه‌ر فڵان که‌ناڵی سه‌ته‌لایت که‌ ئۆپۆزسیۆنیان ده‌هێننه‌ په‌یڤین و خێرا ئۆفیسه‌کانیان پێداده‌خه‌ن و کارمه‌ندانیان وڵاتبه‌ده‌ر ده‌که‌ن!

ئه‌گه‌ر بڕیاره‌ کورد له‌عه‌ره‌ب نه‌چێت، ئه‌وا ده‌بێت گه‌ر به‌خراپیش باس کرا به‌لایه‌وه‌ ئاسایی بێت. یان هه‌وڵێک بدات، سه‌مه‌ره‌ دار بێت، وه‌ک ده‌بینن سه‌ره‌رای ئه‌و ناره‌زایه‌تییه‌، سریاله‌که‌ هه‌ر به‌رده‌وامه‌! کورد له‌چییه‌وه‌ هاتۆته‌ سه‌ر چی! تا له‌شاخ بووین خواخوامان بوو، له‌کونه‌ده‌رزییه‌که‌وه‌ باسمان بکه‌ن، پێی ده‌گه‌شاینه‌وه‌، خۆشحاڵی ده‌کردین، که‌چی ئێستا ڕۆژانه‌ نه‌ک له‌سه‌رزاری ده‌زگاکانی ڕاگه‌یاندین، به‌ڵکوو وامان لیهاتووه‌ له‌نیو هونه‌ر و ئه‌ده‌بیاتیشدا ره‌نگمان داوه‌ته‌وه‌، به‌هه‌ردوو دیوه‌ خراپ باشه‌که‌ی، که‌چی ته‌نگه‌ ده‌مان گرێت، به‌هزری کراوه‌وه‌ وه‌ریناگرین و ده‌مانه‌وێت هه‌ر به‌باش باسمان بکرێت!

له‌ئه‌لقه‌ی 22 دا، ژماره‌یه‌ک مافیا له‌گه‌ڵ خاوه‌ن بانکێک گفتوگۆیانه‌، له‌نێو قسه‌کانیاندا باسی له‌دانانی بانکێکی نوێ ده‌کرێت که‌ پشکی ئیسرائیلی تێدایه‌، هاوکات وه‌ک یه‌کێک له‌خاوه‌ن پشکه‌کان ناوی سه‌رۆکی هه‌رێم مه‌سعود بارزانی ده‌برێت!باوکی ره‌حمه‌تی مه‌لا مسته‌فا به‌پیاوێکی باش ناو ده‌بات، به‌ڵام بۆ کوڕه‌که‌ی هه‌رچه‌ند حه‌زی پێ ناکه‌ن، به‌س به‌بیانوه‌ی ئه‌وه‌ی کاره‌که‌ بزنسه‌، بزنسیش له‌شته‌کانی دی جیاوازه تره‌‌، هه‌قی به‌سه‌ر ناکۆکییه‌ جۆراوجۆره‌کانه‌وه‌ نییه‌. 2009.2.1

بۆ یه‌که‌مجار له‌کوردستان پۆست دا بڵاوکرایه‌وه‌

جارێکی تر له‌ماڵپه‌ڕی چرا تیڤی دا بڵاوکرایه‌وه‌
------------
-: تێکستی یاداشته‌که‌ حکومه‌تی هه‌رێم، له‌لاپه‌ڕه‌ یه‌کی ڕۆژنامه‌ی کوردستان ڕاپۆرت، ژماره‌ 564 ، ڕۆژی 8ی کانوونی دووه‌می 2009 بڵاوکراوه‌ته‌وه‌.
-: تکایه‌ کلیکی ئێره‌ بکه‌، بۆ بینینی هه‌لقه‌ی 22


کورته‌ زانیاری:
دۆڵی گورگان - واد الذئاب Kurtlar Vadisi
2003 به‌رهه‌م هێنراوه‌ و له‌ سێ به‌ش پێکهاتووه‌

ده‌رهێنان :
Serdar Akar
Mustafa Sevki Dogan
Osman Sinav

سیناریۆ:
Raci Sasmaz
Mehmet Turgut
به‌رهه‌مهێنه‌ر : ته‌له‌فیزیۆنی شۆ SHOW
کورته‌ی سیناریۆ:
به‌سه‌رهاتی مناڵێک بێسه‌رپه‌نایه‌، ئێستا ئه‌فسه‌ری هه‌واڵگرییه‌، داوای لێده‌کرێت پێدزکه‌ بکاته‌ نیو مافیای تورکییه‌وه‌ که‌ به‌ئه‌نجوومه‌نی گورگان ناوی ده‌رکردووه‌.

Necati ŞAŞMAZ ئه‌و ڕۆڵه‌ کایه‌ ده‌کات، گه‌ر به‌هه‌ڵه‌دا نه‌چووبم کورده‌ و خه‌ڵکی شاری Elazig له‌کوردستانی باکوور.


Mes'ud Barzanî, le dramay ‌Dolî Gurganda çî dekat!?
Kurd le (‌dolî gurgan - wad alذab Kurtlar Vadisi) da! nawnîşanî nûsînêkî hêja slêman 'ebidulla îunse, rojî dûşemme, 26 kanunî duwem 2009 , leyekê lemalperekanda bilawkirawetewe.
mebestî nûsîneke uriyakirdinewey xelkî kurd bedeselatdar u bêdeselatewe, ke leşêweyekî nuwê ber helmetî şêwandin debêtewe, ewîş biwarî nwandinî telefîzîoniye!
dolî gurgan, zncîre - sriyalî telefîzîonî turkiye bedobilacî 'erebî, ta iêsta ziyatir le 30 beş- elqey lekenalî asmanî telefîzîonî ebu zebî yek, pîşandrawe.

dramake radeyek ledrama mîsriyekan hunerî tire, boye bîner zor beasanî belay xoda radekêşêt؛ demêk dldarî, demêk tundutîjî, demêk poletîka, demêkîş sîxurî u nhêniyekanî, weherweha..
ewey cêyî sernce mawey salêk debêt, kenale 'erebiyekan seriyan kirdote ser ew sriyale turkiyane, pêşebirkêyîane bo pîşandaniyan, yekêkiyan tewaw nabêt dwanî tir amade u berêweye.

diyare lenêw ewaneda taiêsta bêcge lem sriyale, daneyekî tiriyan pîşanda benawî( bê şuwên u bê nîştman – la mkan la uطn)ewe, hîkayetî xoş u naxoşî ‌xêzanêkî kurdî bakurî danîştuwî şarî hesen kîfî bo degêraynewe ke behoy drustkirdinî bendawêkewe beşêk leşareke kewtote jêr awewe.
ew zncîrane bêcge ledolî gurgan lenêw rageyandinî kurdîda dengî nedayewe! boçî emeyan qsewbasî beduway xoyda hêna, leber ewey nawî kurd begiştî u betaybetî herêmî kurdistan u serkirdekanî bexirap u naşîrîn naw dehênrên!
sereta wezaretî roşnbîrî herêm meselekey urujand, lerêgay balîozxaney 'êraq leymaratewe yadaştinameyekiyan bekenalî nawbiraw dawe, têda dawa kirawe pexşî ew sriyale rabigîrêt.

çend beşêk le yadaştinamey hikumetî herêm:
le 4/1/2009 wezaretî roşnbîrî nûsrawêkî fermî bo fermangey peywendiyekanî derewey narduwe ke ewan le rêgey xoyanewe agadarî balîozxaney 'êraq le îmarat biken bo ragirtinî zncîre dramay (wad alذab) ke le kenalî asmanî ebuzebî pexşdekirêt.
em dramaye lelayen mîtî turkiyewe derkirawe u dwatir le rêgey hewalgirî suriya le turkiyawe dobilac kirawete ser zimanî 'erebî le dijî gelî kurd u birîndarkirdinî hestî takî kurdî danrawe ta le kenale 'erebiye asmaniyekan pexş bikirêt.
rûdawekanî (wad alذab) basî ewe dekat ke mîtekanî turkiya dêne kurdistanî 'êraq u îhane be remz u hêmakan u serkirdekanî kurd deken, emeş piriyetî le teşhîrkirdin be kurd, boye dawa dekeyn bepele dramake rabigîrêt.
em core karane ke le jêr sêberî huner u roşnbîrî dekirên, karîgerî debêt leser peywendî gelan u parastinî kodengî u aştewayî.

hikumetî herêm heqî xoyetî leberanber herkarêk ke hewlî şêwandinî kesayetî kurd u narast pîşandanî komelgay kurdî rabwestêtewe. belam em kare corêke lelasîkirdinewey flan wilatî 'erebî leberanber flan kenalî setelayt ke opozsîoniyan dehênine peyvîn u xêra ofîsekaniyan pêdadexen u karmendaniyan wilatbeder deken!

eger biriyare kurd le'ereb neçêt, ewa debêt ger bexirapîş bas kira belayewe asayî bêt. yan hewlêk bidat, semere dar bêt, wek debînin sereray ew narezayetiye, sriyaleke her berdewame! kurd leçiyewe hatote ser çî! ta leşax buwîn xwaxwaman bû, lekunederziyekewe basman biken, pêyî degeşaynewe, xoşhalî dekirdîn, keçî iêsta rojane nek leserzarî dezgakanî rageyandîn, belkû waman lîhatuwe lenîu huner u edebiyatîşda rengman dawetewe, beherdû dîwe xirap başekey, keçî tenge deman girêt, behzrî kirawewe werînagirîn u demanewêt her bebaş basman bikirêt!

leelqey 22 da, jimareyek mafiya legel xawen bankêk gftugoyane, lenêw qsekaniyanda basî ledananî bankêkî nuwê dekirêt ke pişkî îsraylî têdaye, hawkat wek yekêk lexawen pişkekan nawî serokî herêm mes'ud barzanî debirêt!bawkî rehmetî mela mstefa bepiyauwêkî baş naw debat, belam bo kurekey herçend hezî pê naken, bes bebiyanweî ewey kareke bznse, bznsîş leştekanî dî ciyawaze tire, heqî beser nakokiye corawcorekanewe niye. 2009.2.1
------------
-: têkstî yadaşteke hikumetî herêm, lelapere yekî rojnamey kurdistan raport, jimare 564 , rojî 8î kanûnî duwemî 2009 bilawkirawetewe.
-: tkaye klîkî iêre bike, bo bînînî helqey 22

kurte zaniyarî:
‌ ‌dolî gurgan - wad alذab Kurtlar Vadisi
2003 berhem hênrawe u le sê beş pêkhatuwe
derhênan :
Serdar Akar
Mustafa Sevki Dogan
Osman Sinav
sînarîo:
Raci Sasmaz
Mehmet Turgut
berhemhêner :
telefîzîonî SHOW
kurtey sînarîo:
beserhatî minalêk bêserpenaye, iêsta efserî hewalgiriye, daway lêdekirêt pêdzke bikate nîu mafiyaî turkiyewe ke beencûmenî gurgan nawî derkirduwe.
Necati ŞAŞMAZ ew role kaye dekat, ger beheleda neçûbm kurde u xelkî şarî Elazig lekurdistanî bakûr.

ليست هناك تعليقات:

إرسال تعليق