کێشەکانی ڕێکخراوی بێکاران و یەکێتی بێکاران

عەباس شوانAbas Shiwan

ئەوەی لێرەدایە چ نووسین و چ وتار چ نامە باس لە دوو تەوژمی سیاسی چەپی ناو بزووتنەوەی بێکاری و کۆمۆنیستی و کرێکاری دەکات کە خۆم لە ناویدا ژیاوم. ئەو مێژووە بە جوان و ناشیرینیەوە ئەوەیە کە باس کراوە.


بێکاران به‌ریڕه‌نج و تێکۆشانی ژماره‌یه‌کی زۆر له‌که‌سانی سۆسیالیست و چه‌پی ڕادیکال بوو. له‌ده‌وره‌یه‌کی پڕ له‌حه‌ماس و هه‌ڵچوونی کوردستان. گه‌ر مێژووی کورت و ساوای ئه‌م یه‌کدوو ساڵه‌ی هه‌ڵبده‌ینه‌وه‌، ده‌بینرێ که‌ گفت و لفت و کرده‌وه‌ی - هه‌رچه‌نده‌ زۆر که‌مه‌ - ئه‌م ده‌زگایه‌ جۆره‌ تایبه‌تمه‌ندی پێوه‌ دیار بووه‌ و ناسراوه‌.

به‌ڵام به‌هۆی به‌سه‌ره‌وه‌بوونی ئه‌م ڕێکخراوه‌یه‌ یه‌عنی به‌هۆی شکڵ نه‌گرتنی له‌خواره‌وه‌، هه‌ر له‌ده‌ستبه‌کاربوونییه‌وه‌ تۆوی ته‌ناقوز و ناکۆکی و که‌موکوڕی له‌گه‌ڵ خۆیدا هه‌ڵگرتبوو. به‌پله‌ی یه‌که‌م بۆ نه‌قلی میکانیکی و فۆتۆکۆپیکردنی ته‌جروبه‌ی فڵان و فیسار وڵاتی پێشکه‌وتوو ده‌گه‌ڕێته‌وه‌.

ئه‌وه‌بوو له‌پاش ماوه‌یه‌کی زۆر کورت له‌پێکهێنانی ئه‌و تۆوه‌ یان ئه‌و میکرۆبه‌ که‌وته‌ بزووتن، به‌توندی شه‌ره‌ده‌نوکی نێو دڵ و گورچیله‌ فلقه‌یان کرد و ته‌قییه‌وه‌ - لوتتان بگرن - که‌وتنه‌ بێڵکاری ساختمانی تازه‌کوره‌ی ڕێکخراو. بێچاوێنی بن به‌هه‌موو - خێریان بنووسێ کاری کۆمۆنیستی ئائه‌مه‌یه‌! هه‌ش به‌سه‌رخۆی بێکاران، ئه‌گه‌ر ئه‌مانه‌ داکۆکیکه‌رت بن! - وه‌ک شووتی شه‌قیان کرد!

چۆن له‌ڕاپه‌ڕین - ڕووداوه‌کانی ئازار - شووراکان به‌هۆی کێشه‌ی لابه‌لاوه‌ سووک و سه‌لیمیان کرد! ئاوایش ئه‌و کۆرپه‌ به‌دایک ئه‌ورووپی و به‌باوک کوردی، له‌دوای سکی یه‌که‌م - شووراکان - دروست بوو، له‌باربرا! ئه‌و قیمه‌ته‌ی هه‌یبوو تڕا به‌گونیاندا، بێبن و ئه‌تک کرا!؟
به‌ڕاستی قه‌ره‌قۆزانی سه‌ره‌کی و کۆمبارسی ئه‌و مه‌هزه‌له‌یه‌ هێنده‌ خیانه‌تکارن هه‌قه‌ و ده‌بێت ناویان له‌مێژووی بزووتنه‌وه‌که‌دا به‌ئاوی زێڕ - عه‌فو زێراب - بنوسرێته‌وه‌.

دوای ئه‌و ته‌ڵه‌یه‌ یان دوای ئه‌و پاشقوله‌ نه‌مه‌ردانه‌یه‌، باڵێکیان بۆ پاساودانی کاری گه‌نیان - بیرمان نه‌چێ ئه‌م ناوهێنانه‌ قه‌پۆزی ئه‌ولایش ده‌گرێته‌وه‌ - که‌وتنه‌ په‌له‌قژێ بۆ ئه‌وه‌ی به‌حسابی خۆیان و عه‌قلی گۆچانییان بیسه‌لمێنن دڵسۆزن بۆ بیکاران، که‌وتنه‌ په‌یوه‌ندی و ماستاوساردکردنه‌وه‌ و قلیشانه‌وه‌ی قاپی ئه‌م حیزب ئه‌و حیزب بۆ ۆه‌یداکردنی پاره‌وپول و زه‌خیره‌ - کاسبییه‌کی چاکه‌ - بۆ ئه‌مه‌یش سوود له‌نفوزی عه‌میلیکی وه‌ک حاجی ئه‌نوه‌ر وه‌رگیرا. ئه‌ویش خوا هه‌ڵناگرێ مه‌ئمورییه‌ته‌که‌ی باس ئه‌نجام ئه‌دا به‌تایبه‌تی له‌گه‌ل یه‌کێتیدا.

جا ئه‌م تیشکی سه‌وزه‌ خێروبه‌ره‌که‌ت بوو، تا جارێ به‌ئاشکرا ده‌چوو، سێ جار به‌نهینی خۆی به‌مه‌ڵبه‌نددا ده‌کرد! ڕووی زه‌مانه‌ و ڕاپه‌ڕین ڕه‌ش بێت، سه‌ری لێتێکچووه‌ ده‌بوایه‌ ئه‌ویش ئێستا شتێ بوایه‌ له‌و شوێنه‌ گرنگه‌، نه‌چووه‌ بچێ، ماڵه‌ باوانه‌، ماڵی قه‌ڵب سه‌ر به‌ساحێبێتی.

ئه‌م هه‌نگاوه‌ یان ڕه‌شمه‌ له‌ده‌ستده‌رچونه‌ هه‌لێکی زێڕین بوو بۆ باڵه‌که‌ی سه‌ر به‌حیزبی گه‌نجان تا ئه‌و خاڵه‌یان لێبکه‌ن به‌شه‌وه‌زه‌نگ، هێنده‌یان وته‌وه‌ ته‌نانه‌ت ببووه‌ گرێی سه‌ردڵ، له‌جه‌لال تاڵه‌بانی و یه‌کێتی نیشتمانی به‌تاوانبارتریان ده‌زانیین!تا وای لێهات به‌ڕێکخراوی بێکارانی یه‌کێتی له‌لای خه‌ڵکی کوردستان بناسرێ! که‌ مایه‌ی قێز و نه‌فره‌ت بوو! نه‌ک هه‌رئه‌مه‌ به‌ڵکوو به‌پیشه‌ی بۆرژوازی باوکیان تۆمه‌تی دزی و ئه‌خلاقیشیان خستنه‌پاڵ!

ئه‌وه‌ نه‌بێ ئه‌مانیش زۆر شه‌ریف بن، چییان به‌ده‌مدا ده‌هات و چییان به‌کرده‌وه‌ پێده‌کرا له‌مقابل ئه‌واندا ده‌یانکرد! ئه‌م کێشه‌یه‌ باڵی ڕێکخراوی به‌ته‌واوه‌تی سووک و ڕسوا کردبوو! ئه‌وه‌ نه‌بێ که‌سانێکی که‌م له‌دژی هه‌ردوولا قسه‌یان ده‌کرد. گه‌یشته‌ ڕاده‌ی نه‌ک ته‌لاقی سیاسی به‌ڵکوو ته‌لاقی ئیجتماعیش دران، سه‌لامیشیان له‌یه‌کتر نه‌ده‌کرد!

ماجه‌رایه‌کی وا ئه‌و زه‌وییه‌ به‌پیت بوو تا هه‌موولایه‌ک چیلکه‌ی تێوه‌ ژه‌نن. دیاره‌ حیزب و گروهه‌ چه‌پ و خۆبه‌کۆمۆنیسته‌کان - ئێران و عێراق - که‌ هه‌موو شیروتیریان له‌یه‌کتر ده‌کوتا، نه‌ک ده‌وریان له‌ته‌قینه‌وه‌ی کێشه‌که‌دا بینی! به‌ڵکوو خوهه‌ڵناگرێ له‌ته‌خریبدا قسووریان نه‌کرد، هه‌روه‌ک بینرا هه‌وڵیان بێسه‌مه‌ر نه‌بوو! دایکی بێکارانیان گا و هه‌ڵسانه‌سه‌رپێ!

ئه‌و جه‌ڕوحه‌بله‌ وه‌رچه‌رخانیکی گرنگ بوو بۆ دووژمنانی بزووتنه‌وه‌. ئه‌گه‌ر چه‌پ تێکشکانی شووراکانیان بۆ هێرشی بۆرژوازی - گوایه‌ خۆیان بۆرژوازی نیین - ده‌گه‌ڕانده‌وه‌! له‌مه‌یاندا به‌موباشر بۆرژوازی ده‌ستی نه‌بوو! پاروویه‌ک بوو خوادابووی کێ ده‌ست ده‌نێ به‌خێری خۆیه‌وه‌؟ ئه‌ی چۆن پێشوازی لێناکات؟

وه‌ک ئاشکرایه‌ باڵی رێکخراو به‌بێره‌قیب ده‌ستیان ئاوه‌ڵاتربوو، خێرا په‌نایان ببۆ بۆرژوازی برد، ئه‌وانیش ده‌یانزانی مه‌سه‌له‌که‌ چییه‌ بۆیه‌ به‌خشیش و ته‌کریمی پاره‌ و زه‌خیره‌...هتد یان کردن. ئه‌م کاره‌ی ڕێکخراوی بێکاران له‌به‌ر خاتری چاوی قاوه‌یی بێکاران نه‌بوو! هه‌مان کار ئه‌گه‌ر جه‌ماعه‌تی(ی . ب) بیکردایه‌، ده‌رگای بۆرژوازیان واڵا بکردایه‌ته‌وه‌، ئه‌وا به‌خشیشیان وه‌رده‌گرت. به‌ڵام له‌گه‌ڵ هه‌رزه‌ ده‌ڵێی چێ! له‌م ئاخرییه‌دا پێیان زانی له‌خێروبه‌ره‌که‌تی زۆر و زه‌وه‌ندی بۆرژوازی تۆزێ به‌هره‌مه‌ند ده‌بوون!
به‌خشیش ته‌ماعیک بوو تا له‌ده‌وری ڕیکخراو، جه‌ماوه‌ریکی پیکهاتوو له‌ژنان و پیاوانی پیر و په‌ککه‌وته‌ کۆوه‌ بێت، که‌ به‌پێی په‌یره‌ووپرۆگرام نه‌ده‌بوایه‌ وه‌رگیرانایه‌! به‌ڵام هه‌روابووه‌ یاسا قوڕی سه‌ناعی بووه‌ چۆن ویستراوه‌ ئاو شێلراوه‌! یان ژنانێکی زیاد له‌پێویست وه‌رگیران ده‌کرێ بووترێ رێکخراوی ژنانی کوردستان نه‌ک بێکاران!

هه‌مان ڤایرۆس تووشی یه‌کێتی بێکاران بووه‌! ئه‌مه‌ له‌کاتێکدایه‌ به‌هۆی دواکه‌وتوویی فه‌رهه‌نگی کۆمه‌ڵگای کوردستانه‌وه‌ پیاوان موئه‌هه‌لترن بۆ کارکردن وه‌ک له‌ژنان. ڕووکردنی جه‌ماوه‌ری عه‌بابه‌سه‌ر بۆ ئه‌م جۆره‌ شوینانه‌ ته‌نها و ته‌نها بۆ به‌ده‌ستهێنانی زه‌خیره‌ بوو نه‌ک خه‌بات و عه‌قلی ته‌شه‌کول! به‌هۆی ئه‌و فه‌وزایه‌ی کۆمه‌ڵگای کوردستانی تێکه‌وتووه‌، جۆره‌ها ڕێکخراو به‌ئه‌هدافی جۆراوجۆر دروست بووه‌! هه‌ر ئه‌و ژنانه‌ به‌بێکارانه‌وه‌ له‌چه‌ند شوێنی تر خۆیان ناونووس کردووه‌!

ئه‌م حاله‌ته‌ یان ئه‌م ئایدزه‌ی ڕێکخراوی بێکاران بڵاوی کرده‌وه‌ ته‌نها و ته‌نها بۆ مزایه‌ده‌کردن بوو به‌سه‌ر (ی . ب)ه‌وه‌! ئه‌م پۆز لێدانه‌ به‌موعجیزه‌ و ده‌ستکه‌تیان داده‌نا له‌کاتێکدا ئه‌و کاره‌ زۆر کۆنه‌، فڵان و فیسار ڕێکخراوی جه‌ماوه‌ری بۆرژوازی کردوویانه‌ و ده‌یکه‌ن. ده‌کرێت بڵێین زۆر تێروپڕتر کردوویانه‌، وای لیهاتووه‌ ده‌ڵێن به‌ده‌ستهێنانی زه‌خیره‌ ماڵی بێدانه‌.

به‌هه‌رحاڵ ئه‌گه‌ر ئه‌م وه‌سیله‌ ته‌کتیکییه‌ به‌مه‌به‌ستی ڕێکخستن و به‌رکردنه‌وه‌ی هوشیاری چینایه‌تی و دانانی جه‌نینی ته‌نزیمێکی کرێکاری، ئه‌وا جێی ده‌ستخۆش بوونه‌. جا ئه‌مه‌ له‌هه‌ردوولا بپرسه‌، ئه‌بی چ وه‌ڵامیکی عه‌جیب و گه‌ریب بده‌نه‌وه‌. پایدۆزکردنی جه‌ماوه‌ر و به‌پۆل وه‌رگرتنه‌وه‌ی هه‌وییه‌ ناکارایی ئه‌و کاره‌یان ده‌رده‌خا! هه‌ڵماقۆیان بکردایه‌ چاکتر بوو.

جه‌ماوه‌رێک به‌ته‌ماع راگیرابێت، دواڕۆژی له‌مه‌ باشتر نابی. بێکارانیش بۆ زیندووهێشتنه‌وه‌ی په‌یوه‌ندی وه‌سیله‌یان له‌هه‌بگه‌دا نه‌مابوو. ئه‌و جه‌ماوه‌ره‌ هێنده‌ دراوه‌ به‌به‌رد و داردا سیقه‌ی به‌هیچ ستێ نه‌ماوه‌. زۆر جار به‌ئاشکرا و نهینی تۆمه‌تی دزی و فزییان داوه‌ته‌ پاڵیان! ئاخر تاڕاده‌یه‌کیش ناهه‌قیان ناگیرێ، ته‌سه‌رف له‌لایه‌ن فڵان و فیساره‌وه‌، به‌زه‌خیره‌ کراوه‌! یان پاره‌ی زۆر هه‌بووه‌ له‌ختوخۆرایی ته‌خشان و په‌خشان کراوه‌! خوا پیم نه‌رێ قاچ و قیچی تیاکراوه‌! ئێ قه‌یدی چییه‌ ئه‌وه‌ له‌بری ماندووبونیانه‌! یه‌کێ نه‌زانێ گۆیژه‌یان ڕووخاندووه‌!

ئه‌مه‌ حاڵی جه‌ماوه‌ره‌که‌یه‌، ئه‌بێ هه‌ڵسووڕاوانی له‌چیدا بن؟
هه‌ریه‌که‌ زروفێ فڕێیداوه‌ته‌ ئه‌وێوه‌. قه‌ناعه‌تی پی نییه‌، هه‌ر گاڵته‌ی به‌خه‌بات و تێکۆسان دێ! به‌ڵام ئه‌مڕۆ جاده‌که‌ی پانه‌، هیچ شتێ باجی له‌سه‌ر نییه‌! بۆ وه‌ک چایخانه‌ به‌کارینه‌هێنێ، له‌وانه‌یشه‌تۆزه‌تۆزه‌ له‌زه‌خیره‌ و پاره‌ به‌هره‌مه‌ند بێ. هه‌ر هیچی ده‌ست نه‌که‌وێ کوێخایه‌تی به‌سه‌ر یه‌کدوو ژنی داماوی بۆ ده‌مێنێته‌وه‌!

هه‌یانه‌ خۆی به‌مه‌جموعه‌ زاراوه‌یه‌کی بنیه‌وییه‌کانه‌وه‌ خه‌ریک کردووه‌ که‌ قسه‌ ده‌کات وه‌ک ئیحما بکات وایه‌، باڵ به‌ملاوبه‌ولادا فڕێ ده‌دا، ده‌ڵێی پرۆفیسۆری هیچه‌.
زه‌لامێکی تریان ه‌ناو نائه‌دیبه‌، عه‌قل بۆشی وه‌ک خۆی نه‌بۆته‌وه‌. ئه‌وه‌ی سه‌ریڕووتاوه‌ته‌وه‌ ئه‌گه‌ر یه‌کێ له‌دووره‌وه‌ نه‌یناسێ واده‌زانێ ئه‌و سه‌رڕووتاوییه‌ی هی عاقلییه‌تی، به‌ڵام ئه‌وه‌ی پێی بووترێ عه‌قل، نییه‌تی. ده‌م پیس، تائێستا له‌سه‌ر ده‌م پیسی چه‌ندجار پۆرتیان شکاندووه‌، جارێکیش گرتیان. ترحێو خۆس ڕابه‌ری کرێکار! جا ئه‌م براده‌ره‌ نه‌خۆشییه‌کی تریشی هه‌یه‌، ئه‌ویش شانازیکردنییه‌تی به‌پۆخڵاواته‌کانی زه‌مانی پێشمه‌رگایه‌تی یه‌کێتی!
هه‌شه‌ بۆ دڵداری و حب حبێنه‌ هاتووه‌، هه‌ر که‌ گه‌یشت به‌ ئانتۆنێلا، ئه‌ڕوا ده‌ستێکی ته‌ڕ ده‌هینێ به‌قنگی ڕێکخراودا، بای بای...

هیوایش هه‌یه‌ زۆر ئه‌نانییه‌، حه‌ز ده‌کات هه‌رچی کاری ڕێکخراو هه‌یه‌ ئه‌و بیکات، سقه‌ی به‌که‌س نییه‌! ئه‌مه‌یش ته‌نها له‌به‌ر ده‌کا تا له‌ یو ئێنی ئیمپریالیسته‌کان وه‌رگیرێ، بۆخۆی له‌یه‌کێ له‌وڵاته‌ ئه‌ورووپاییه‌کان ئیسراحه‌ت بکات. ئه‌م ورده‌ بۆرژوا ئه‌نتی (حککع)یه‌، هینده‌ ئینتهازی بوو، له‌چوونه‌ده‌ره‌وه‌ بۆ ته‌نها ته‌زکییه‌ک له‌به‌رده‌میاندا فشی کردووه‌، مه‌یلی تازه‌ بۆته‌وه‌!

براده‌ریکی بچووکیش هه‌یه‌ له‌ژێر ئۆتۆریته‌ی فڵان حیزبی ئێرانیدایه‌، هه‌مو هه‌می ئه‌وه‌یه‌ معاداتی (حککع) و جه‌ماعه‌تی مه‌نسووری حیکمه‌ت بکات! ده‌یه‌وێ وه‌ک مونه‌زیرێک ده‌رکه‌وێ، فه‌قیره‌ هه‌ست به‌نه‌قس ده‌کات. خوا پیم نه‌گرێ ڕفاندنه‌که‌ی موئامه‌ره‌ بوو!

به‌عام ئه‌م خۆ به‌چه‌پزانانه‌، هه‌رچی له‌کاروکرده‌وه‌ و گفت و لفتیان ده‌ڕوانی به‌مو له‌گه‌ڵ چه‌په‌کانی تردا ته‌فاوتیان نییه‌. قه‌ل به‌قه‌ل ده‌ڵێ ڕوو ڕه‌ش بی!
له‌دوا قسه‌دا ته‌نها ئه‌وه‌ ده‌وترێ که‌ بێ ئاسۆیی و جه‌وی به‌بنبه‌ست گه‌یشتنی ڕێکخراو خه‌ریکه‌ ده‌یتاسێنێ. ڤایرۆسی چوونه‌ده‌ره‌وه‌یش سه‌ری هه‌ڵداوه‌. به‌هۆی بێرۆکراتییه‌وه‌ نه‌یانهێشتووه‌ وزه‌ی نوێی تێبکه‌وێ. هه‌رچییه‌ک هاتووه‌، خه‌ریک بووه‌ کار بکات له‌پۆرتیان داوه‌! ئیعتمادیش له‌سه‌ر ئه‌م ئه‌فرادانه‌ و نه‌مانیان، یه‌عنی بێکاران فت!

بێ ئاسۆیی زاڵه‌ ماوه‌یه‌که‌ قسه‌ له‌یه‌کگرتنه‌وه‌ ده‌کرێ. چ شه‌رمه‌زارییه‌که‌ ئێستا له‌گه‌ل دووژمنی دوێنێدا خه‌ریکی یگا کردن و چاوداگرتن و دڵدارین!
یه‌ڵڵا ئه‌م شمڵی شه‌رانه‌ی ده‌له‌وه‌ڕێن به‌سه‌ر بزووتنه‌وه‌که‌وه‌ - هه‌ردوولا - خه‌ریکه‌ شه‌قی زه‌مانه‌ وه‌ده‌ریان ده‌نێ و ده‌ستیان که‌شف ده‌کات. ئه‌گه‌ر ڕێکخراوبوون و به‌حیزبیکردنی چینی کرێکار له‌سه‌ر ده‌ستی ئه‌م خاڵه‌ ره‌حیمانه‌ بچێته‌ سه‌ر، ئه‌وا کریکاران ده‌بێ ئالیلی بڵێن.
---------------
ئه‌م نووسینه‌ بێناونیشان و بێمێژووه‌، هی سه‌رده‌مێکی دیاریکراوه‌ - دیاره‌ و پێده‌چێ عاجزیان کردبێتم بۆیه‌ زمانم به‌و شێوه‌یه گێراوه‌‌، چوونکه‌ من بۆ خۆم له‌ماوه‌ی چه‌ند ساڵدا هه‌ڵسووڕاوێکی سه‌رسه‌ختی ڕێکخراو بووم - به‌داخه‌وه‌ زمانێکی گاڵته‌جاری و توند به‌کارهێنراوه‌‌ من ئێستا به‌هیچ شێوه‌یه‌ک له‌گه‌ڵیدا نیم ته‌نها وه‌ک دیکۆمینتیک ده‌یخه‌مه‌ ڕوو، داوای لێبووردن له‌و که‌سانه‌ ده‌که‌م ‌ڕاسته‌وخۆ و ناراسته‌وخۆ به‌خراپ ناویان هاتووه‌ و باس کراون. 05.3.26

ئاگادارکردنه‌وه‌
ژماره‌/27

هاوڕێیانی یه‌کێتی بێکاران - سله‌یمانی
بابه‌ت/ لێکۆلینه‌وه‌

له‌ڕۆژی 1994/7/9 کات 11ی به‌یانی، لیژنه‌ی په‌یوه‌ندییه‌کانی سه‌ر به‌ڕێکخراومان که‌ پێکهاتبوو له‌هاوڕێیان ( حاجی ئه‌نوه‌ر،عه‌باس شوان،ئه‌حمه‌د حه‌سه‌ن - ڕانیه‌) به‌مه‌به‌ستی ته‌سلیمکردنی لیستی ناوی بێکاران و وه‌رگرتنی چه‌ند سه‌د پشکێ له‌خۆراک سه‌ردانی به‌ڕێز به‌ڕێوه‌به‌ری کومپانیای دابه‌شکردنی خۆراک - عه‌باس عه‌بدولره‌حمان -مان کرد. له‌نێوان قسه‌وباسه‌کان ئه‌وه‌مان بۆ ده‌رکه‌وت که‌ ئێوه‌یش سه‌ردانی شوێن و که‌سی ناوبراو بۆ هه‌مان مه‌به‌ست ده‌که‌ن. ئه‌مه‌ هه‌تا ئێره‌ نه‌ک ده‌ستخۆش بوونتان لێ ده‌که‌ین، به‌ڵکو هانی ئه‌وه‌شتان ده‌ده‌ین هه‌رچی زیاتر جددی و شێلگیرانه‌ و فشاری زیاتر بخه‌نه‌ سه‌ر ئۆرگانه‌کانی حکومه‌ت بۆ زیادکردنی نانێک به‌سفره‌ی خاڵی بێکاران.

به‌ڵام و به‌ڵام به‌ڕێزان ئه‌وه‌ی به‌نائسوولی و ناکرێکاری ده‌ده‌ینه‌ قه‌له‌م، له‌نێوان قسه‌کاندا له‌گه‌ڵ ئه‌و به‌ڕێزه‌، فه‌رمووتانه‌: ( .. چۆن خۆراک ئه‌ده‌ن به‌وان بیده‌ن به‌ئێمه‌یش، ئه‌گه‌ر ئه‌وان سی چل که‌س بن ئه‌وه‌ ئێمه‌ هه‌زاره‌هاین!!!) قسه‌ی به‌ڕێوه‌به‌ر کۆتایی دێت.

ئءمه‌ زۆر بڕوامان به‌قسه‌ی به‌ڕێوه‌نه‌ر نییه‌ و نیشانه‌ی پرسیارمان خستۆته‌ سه‌ر، به‌ڵام له‌هه‌مان کاتدا وو ڵيءيةچآـێ ‌يڵدانه‌وه‌ی ئه‌و کارشکێنیانه‌ی له‌مه‌وبه‌ر له‌به‌رامبه‌ر ئێمه‌دا کردووتانه‌. به‌لامانه‌وه‌ شتێکی ئاساییه‌، ئه‌و حه‌قد و نیگه‌رانییه‌ به‌و شێوه‌یه‌ ده‌ربرابێ. جا هه‌رکه‌س وتبێتی ئه‌وه‌ (ی . ب) به‌رپرسه‌. به‌هه‌قی خۆمانی ده‌زانیین داواتان لێ بکه‌ین بچنه‌ بنکڵێشه‌ی ئه‌و مه‌سه‌له‌یه‌ و حه‌دێ بۆ ئه‌و زیاده‌ڕه‌ویانه‌ دابنرێت، که‌سی نوێنه‌ر سزا بدرێت. گه‌ر وانه‌که‌ن ئه‌وا ئێمه‌ هه‌روه‌ک چۆن له‌مه‌وبه‌ر وه‌ڵامی دروستمان پێداونه‌ته‌وه‌، له‌مه‌یش بێده‌نگ نابین و گشت بڵقه‌کان به‌ر ده‌رزی ده‌ده‌ین.
هاوکاریتان مایه‌ی پێزانینی ئێمه‌یه‌.
وێنه‌یه‌ک بۆ: حککع - سله‌یمانی/ بۆ ئاگاداریتان 1994.7.12
---------
هه‌یئه‌تی به‌ڕێوه‌بردن منی (عه‌باس شوان)ته‌کلیف کرد بۆ نووسینی ئه‌م نامه‌یه‌.

ڕاپۆرتی ژماره‌:1

له‌دوای تێکشکاندنی ته‌رحی یه‌کگرتنه‌وه‌، باڵی (حککع) وازیان نه‌هینا بۆ هه‌مان مه‌به‌ست زمانیان گۆڕی خوازیاری کۆبوونه‌وه‌ی گشتی بوون. زۆرایه‌تی نێو ڕێکخراویش به‌چوار شێوه‌ی جیاواز له‌به‌رانبه‌ریاندا ڕاوه‌ستانه‌وه‌: فه‌رهاد فه‌ره‌ج به‌رپاکردنی کۆبوونه‌وه‌ی قبوڵ نه‌بوو. عه‌باس شوان خوازیاری ده‌ستبردن بۆ کاری عه‌مه‌لی، زه‌مینه‌ خۆشکردن بۆ ئه‌و مه‌به‌سته‌. له‌هه‌مانکاتیشدا ئه‌وه‌ی ده‌ربڕی ماده‌م کۆبوونه‌وه‌ ته‌رحی ئه‌وانه‌، نابێ بچینه‌ ژێری. ئه‌وانه‌ هه‌زار چاوبه‌ست و فروفێڵیان هه‌یه‌، ته‌قله‌مان پێلێده‌ده‌ن. س.ک به‌بیاونووی ئه‌وه‌ی له‌و کۆبوونه‌وه‌یه‌دا بۆ یه‌کجاری مه‌سه‌له‌که‌ ده‌بڕێنرێته‌وه‌ به‌بوون یان نه‌بوون، بۆیه‌ خوازیاری کۆبوونه‌وه‌ی گشتی بوو - ئه‌وان خێرا موباره‌ک بوونیان له‌و قسه‌یه‌ کرد -! ساکاریش کۆبوونه‌وه‌ی پێباش بوو تێیدا باس له‌یه‌کگرتنه‌وه‌ نه‌کرێ. به‌لای عه‌باس شوانه‌وه‌ ئه‌و حاڵه‌ته‌ نائینسجامی ده‌گه‌یه‌نێ، بۆیه‌چه‌ند هه‌وڵیدا که‌ به‌ره‌یه‌کی تۆکمه‌ و یه‌ک ده‌ست پێکبێت تا ته‌رحه‌که‌ پووچه‌ڵ بکرێته‌وه‌، بێسوود بوو.

له‌ڕاپه‌ڕاندنی کاره‌کانی کۆبوونه‌وه‌که‌دا نه‌ک کاریان له‌گه‌ڵ نه‌کردن به‌ڵکوو ڕێگریشیان بۆ پێکهێنان. هه‌ردوولا بۆ پشتگیری و خۆئاماده‌کردن له‌دژی یه‌کتر خه‌ریکی په‌یوه‌ندیگرتن بوون. له‌کۆبوونه‌وه‌که‌دا ده‌رکه‌وت ئه‌وان زیاتر کاریان کردووه‌، ته‌نانه‌ت به‌یاننامه‌یشیان ئاماده‌کردبوو و بڵاویانکرده‌وه‌. له‌وێدا بێجگه‌ له‌باسکردنی کێشه‌ ده‌روونییه‌کان و مه‌سه‌له‌ی یه‌کگرتنه‌وه‌ داوای ڕسوواکردنی باڵی موخالیفیشیان کردبوو. له‌ولایشه‌وه‌ حککع پێش ده‌ستپێکردنی کۆبوونه‌وه‌که‌ به‌یاننامه‌یه‌کیان له‌سه‌ر پرۆسه‌ی یه‌کگرتنه‌وه‌ بڵاوکرده‌وه‌.

نه‌ک هه‌ر ئه‌وه‌ نزیکه‌ی 30 که‌س له‌ئه‌ندامان و لایه‌نگرانی حیزبیان بانگهێشت کردبوو. هێنانی ژماره‌یه‌کی وا نیازخراپی ده‌گه‌یاند، هه‌روایش ده‌رچوو. ئاماده‌بوونی تاهیر حه‌سه‌ن گومانی نه‌هێشت. پێش کۆبوونه‌وه‌که‌ زانرا موئامه‌ره‌یه‌ک رێکخراوه‌. موغریزانه‌ چه‌ند که‌سیشیان بۆ سالحی خۆیان به‌سیجکردبوو. بۆیه‌ به‌په‌له‌ هه‌یئه‌ت کۆبوونه‌وه‌یه‌کی ئیستیسنائی به‌ست. له‌وێدا ئیشاره‌ به‌وه‌درا هه‌ر جۆره‌ باسێ بڕیاری له‌سه‌ر نه‌درابێ و مه‌سائیلی شه‌خسی و ده‌روونی بوورووژێنرێ ئه‌وا وه‌ڵامی تووند ده‌درێته‌وه‌، ئه‌و کاره‌یش سپێردرا به‌ فه‌رهاد فه‌ره‌ج، بڕیاردرا کارشکێنی نه‌کرێ.

ئه‌وه‌بوو کۆبوونه‌وه‌ به‌ئاماده‌بوونی نزیکی 60 که‌س له‌ئه‌ندامانی رێکخراو ده‌ستی پێکرد. سه‌ری داو و بلۆفه‌که‌ به‌هه‌ڵسانی شه‌هابی شووراکان ده‌رکه‌وت، له‌باره‌ی یه‌کگرتنه‌وه‌ قسه‌یکرد. له‌و کارشکێنییه‌ خێرا باڵی یه‌کگرتنه‌وه‌ ئاگادار کرا.دوای ئه‌وه‌ له‌سه‌ر ئاوازی پێشوو تاهیر حه‌سه‌ن له‌قسه‌کانیدا داوای یه‌کگرتنه‌وه‌ی کرد. نیازیان هه‌بوو هه‌رچی سه‌ربه‌خۆیان بوو هه‌ڵیانسێنن و یه‌ک ئاواز بخوێنن. به‌ڵام به‌هۆی فشاره‌وه‌ ئه‌و کاره‌یان بۆ نه‌چووه‌ سه‌ر.

کاتێ مه‌سه‌له‌که‌ به‌ته‌واوی خۆی نواند که‌ دارا هه‌ڵسا به‌زمانێکی ته‌حریزی بۆ بێئیعتبار کردنی ئه‌ولا ناوی حاجی ئه‌نوه‌ری هێنایه‌ ناو ناوانه‌وه‌، گوایه‌ له‌دزی کردندا چاوپۆشی لێکراوه‌ و رێکخراو تووسی بنبه‌ست بووه‌، له‌نرخی نه‌بووان داینا، باسی ڕێگرییه‌کانی کرد که‌ هیچ کارێک بۆ ئه‌م کۆبوونه‌وه‌یه‌ نه‌کردووه‌ ، زۆر مه‌سه‌له‌ی لاوه‌کی تر....

ئه‌و قسانه‌ شقارته‌یه‌ک بوو نرا به‌پووشه‌وه‌. سه‌روه‌ر که‌ریم بێجگه‌ له‌هێرشی توند بۆ سه‌ر حیزب، به‌به‌ڵگه‌ و .... ره‌دی چه‌ند خاڵی دایه‌وه‌. خێرا باڵی ئه‌ولا بۆیان ده‌رکه‌وت ئه‌و چاڵه‌ی هه‌ڵیان که‌ندووه‌ خۆیانی تێده‌که‌ون. یه‌کێکیان چه‌ند قسه‌ی کرد بۆ حه‌ددانان و له‌گرێژنه‌ نه‌چوونی مه‌سه‌له‌که‌، به‌ڵام پاش چی؟ فه‌رهاد فه‌ره‌ج له‌بنی هه‌مانه‌که‌یدا به‌تایبه‌تی کاتێ دزی و فزی دارا و فه‌وزه‌ویه‌تی له‌به‌رچاوی خه‌ڵکی هه‌ڵماڵی. پێی له‌سه‌ر یه‌کنه‌گرتنه‌وه‌ که‌ 6 که‌س بوون داگرت. ئه‌وان بڕیارنامه‌ی یه‌کگرتنه‌وه‌یشیان حازر کردبوو، نیازیان هه‌بوو به‌بلۆفی ده‌نگدان فه‌رزی بکه‌ن، له‌م نێوه‌دا تاهیر حه‌سه‌ن هه‌ڵسا و ڕۆیشت. ئه‌وه‌ بووه‌ مایه‌ی ئه‌وه‌ی جه‌ماوه‌ر به‌ره‌ردوولا بڵی دز!

ئیتر گرووپی یه‌کگرتنه‌وه‌ هه‌رچی مه‌سائیلی شه‌خسی و قسه‌ی ئه‌م و ئه‌و هه‌بوو بۆ بێئیعتبار کردنی ته‌ره‌فی زۆربه‌ ده‌ستیان پیکرد. عه‌ناسیره‌کانی حیزب بێ مه‌وقیف نه‌مانه‌وه‌ وه‌ک مه‌ئموورییه‌ت هه‌ڵسان به‌ته‌حریزات له‌دژی موخالفین، خه‌ریک بوو له‌گه‌ڵ یه‌کدوویه‌کدا ده‌ست بدرێته‌ یه‌خه‌ی یه‌کتری و قسه‌ی ناخۆش. به‌نیازبون له‌مینبه‌ره‌وه‌ قسه‌ بکه‌ن، به‌ڵام نه‌هێڵرا. به‌خه‌ڵکیان وتبوو هه‌ویه‌کانیان بده‌نه‌وه‌ و به‌ردبارانیان بکه‌ن و داوای 30 دیناری فرۆشگاکه‌ بکه‌نه‌وه‌.
به‌خه‌ڵکی وترا ئه‌وانه‌ تێکده‌رن و ده‌یانه‌وێت ڕێکخراوی بێکاران بکه‌نه‌ حککع. خه‌ڵکه‌که‌یش ئه‌وه‌یان قبووڵ نه‌بوو، ده‌یانویست وه‌ک باڵی ئیدامه‌ خه‌ریکی کاری عه‌مه‌لی بن و به‌دوای کارێکه‌وه‌ بن که‌ سوود به‌بێکاران و ئه‌ندامانی بگه‌یه‌نێ. کۆبوونه‌وه‌که‌ درێژه‌ی کێشا، هه‌تاویش به‌تیشکی سووتێنه‌ری هه‌مووی ده‌کوتا، خه‌ڵکه‌که‌ زۆر بێته‌قه‌ت و نیگه‌ران بوون.

کۆبوونه‌وه‌که‌ به‌وه‌ کۆتایی هات که‌ باڵی ئیدامه‌ له‌سه‌ر قسه‌ی خۆیان سوور بوون. کێ ده‌چێ یه‌کبگرێته‌وه‌ با بچێ کێش لای ئێمه‌ ده‌مێنێته‌وه‌ با ىـێنێته‌وه‌. به‌بێ ئه‌وه‌ی بلۆفه‌که‌یان سه‌ر بگرێ کۆتایی به‌کۆبوونه‌وه‌که‌ هات. ئه‌ندامانی باقی پێیان له‌سه‌ر ده‌رکردنی ئه‌وان داگرت که‌ زه‌ربه‌یان له‌بێکاران داوه‌ و بیئیعتباریان کردووه‌. هه‌ر به‌ئاشکرا وترا ده‌رتان ده‌که‌ین. کلیل و قفڵی تازه‌ خێرا کررا. به‌ده‌نگه‌ ده‌نگ و هه‌ره‌شه‌ و گوڕه‌شه‌ له‌لایه‌ن هه‌ردوولاوه‌ لاپه‌ڕه‌یه‌ک هه‌ڵدرایه‌وه‌. تائێستا قسه‌وباس کۆتایی پێنه‌هاتووه‌. 1995.7.2
---------
ئه‌گه‌ر به‌هه‌ڵه‌دا نه‌چووبم ئه‌م ڕاپۆرته‌ بۆ کۆمه‌ڵه‌ی ئێران به‌ڕێز ئیبراهیمی عه‌لیزاده‌م ناردووه‌.

ڕاپۆرتی ژماره‌: 2

هه‌روه‌ک ئاگاداری بۆ ڕوونکردنه‌وه‌ی هه‌ڵوێستی ڕێکخراو له‌مه‌ڕ کێشه‌کانی ئه‌م دواییه‌ و ئیفشاکردنی سیاسه‌ته‌ غه‌یره‌کرێکارییه‌کانی گروپی (حککع) ده‌ستمان به‌زنجیره‌یه‌ک سه‌ردان بۆ لای حیزب و ڕێکخراوه‌ جه‌ماوه‌رییه‌کانی دانیشتووی شاری سله‌یمانی کرد و سه‌رکه‌وتوانه‌ ئه‌وه‌ی پێویست بوو ئه‌نجامدرا.

ڕۆژی به‌خه‌یاڵمدا هات و له‌لای هاوڕێیان ده‌رمبڕی: ئه‌ڵێن چی گێچه‌ڵێک به‌ (حککع) بکه‌ین، له‌هه‌ردوو باردا به‌قازانجمان ده‌که‌وێته‌وه‌، ئه‌ویش چۆن سه‌ردانی حیزبه‌کانمان کرد، نامه‌یه‌کیان بۆ ئه‌و مه‌به‌سته‌ بنێرین.؟ هاوڕێیان پێیان باش بوو. وترا: جواب نه‌ده‌نه‌وه‌ ئه‌وا ده‌یکه‌ین به‌خاڵێ له‌سه‌ریان، گه‌ر ڕازیش بوون ئه‌وا ئه‌و هاش و هۆش و جه‌نجاڵه‌ی بۆ یه‌کگرتنه‌وه‌ی هه‌ردوو بێکاڕان کردیان، فه‌شه‌ل پێده‌هێنین. له‌هه‌مانکاتدا سووککردنی ئه‌و ئه‌فرادانه‌ی لای ئێمه‌ بوون و سه‌نگه‌ریان گواسته‌وه‌، ده‌گه‌یه‌نێ. هه‌ر دانیشتنێک له‌گه‌ڵماندا په‌شیمان بوونه‌وه‌ی خۆیان له‌و سیاسه‌ته‌ ده‌رده‌خا و ئیعترافێکی ڕه‌سمییه‌ به‌ڕێکخراو.

له‌هه‌مانکاتدا لایه‌نی مه‌نفی بۆ خودی ڕیزه‌کانی حیزبی ناوبراو ده‌بێ و ده‌که‌ونه‌ ژێر پرسیاره‌وه‌: ئه‌مه‌تان له‌چی و ئه‌وی ترتان له‌چی؟ ئه‌مه‌ چ سیاسه‌تێکی ...؟ به‌ڵام ده‌ڵێی چی ماسین و ته‌ر نابن! هه‌ر خه‌ریکی سیاسه‌ت گۆڕینن، ئه‌سبه‌قییه‌تیان نه‌ماووه‌!

به‌هه‌رحاڵ ئه‌وه‌ی ئێمه‌ پێشبینیمان کرد وا ده‌رچوو. دیاره‌ وه‌زعییه‌تێک بۆ حیزبی ناوبراو هاته‌ پێشه‌وه‌. ده‌رگیریان له‌گه‌ڵ ئیسلامییه‌کان و هێزه‌فشۆڵه‌که‌یان و ناسین و لێکدانه‌وه‌ی میزانی هێز وای پیکردن که‌ ئه‌م هه‌ڵوێسته‌ وه‌ربگرن. هێنده‌ خۆ به‌لاواز ده‌زانن ئێستا ئاماده‌ی هاوکارین له‌گه‌ڵ هه‌موو هێزیکدا! جا سه‌یر بکه‌، هه‌ر هێزێک! هه‌روه‌ک له‌م به‌یاننامه‌یه‌ی دواییان له‌باره‌ی تیرۆره‌وه‌ ده‌ریان کردووه‌، دیاره‌!
هه‌ر له‌و کێشه‌یه‌ به‌تاککه‌وتنه‌وه‌، به‌تایبه‌تی ئه‌و هێزه‌ ڕادیکاڵه‌ی وه‌ره‌وه‌ی ئه‌وان بێده‌نگه‌یان لێکرد. ئه‌م وه‌زعییه‌ته‌ له‌گۆڕینی هه‌ڵوێستیان خێراترکرد له‌به‌رانبه‌ر ڕێکخراودا! به‌قازانج که‌وته‌وه‌. به‌ڵام نابی ئه‌ولایه‌نه‌ له‌بیر بکه‌ین، ئێمه‌یش به‌فشه‌ نه‌بێت کاری زۆرمان کرد. هه‌ر ئه‌وه‌ بوو پشتی ناوبراومان له‌زه‌ویدا.

دوێنی مه‌وعیدی دانیشتنمان هه‌بوو، سه‌ری نه‌گرت. ئه‌مڕۆ به‌هێزێکی زۆرتره‌وه‌ که‌ پێنج که‌س بووین چووینه‌ پێشه‌وه‌. به‌ڵام ئه‌وان ته‌نها که‌سێکیان قسه‌ی له‌گه‌ڵدا کردین! سه‌ره‌تا باسی ئه‌وه‌مان کرد، له‌و کێشه‌یه‌ی (بۆپێشه‌وه‌) خولقاندی بێده‌نگیمان هه‌ڵبژارد و په‌یره‌وپرۆگراممان رێی پێنه‌داین. به‌ڵام له‌دڵه‌وه‌ پێمانناخۆش بوو. ئێمه‌ خه‌تی عیلمانیمان پێ قبووڵ تره‌ وه‌ک له‌خه‌تی کۆنه‌په‌رستی. هه‌رچه‌نده‌ ئه‌و شێوازه‌ له‌ته‌بلیغکردن له‌دژی دین به‌دروست نازانیین، ته‌بریر دراوه‌ته‌ ده‌ست ئیسلامییه‌کان تا حه‌مله‌ی توند بکه‌نه‌ سه‌ر بیروباوه‌ڕی پێشکه‌وتووخوازی و که‌شی دژی کۆمۆنیستی بخوڵقێ! هه‌وڵ ئه‌ده‌ین له‌(خه‌باتی بێکاران)دا قسه‌یه‌ک بکه‌ین.

هه‌روه‌ها باس له‌په‌یوه‌ندی و سیاسه‌تی ڕکخراومان له‌گه‌ڵ حیزبه‌کاندا کرد، ئاماژه‌مان بۆ ئه‌وه‌ کرد، ڕێکخراو له‌دژی هیچ حیزبێک دروست نه‌بووه‌. ته‌نها له‌دژی حیزبی حاکمین. ئێمه‌ به‌سیاسه‌تی حیزبێک یان لایه‌نێک له‌دژی لایه‌نێکی تر کار ناکه‌ین، سه‌ربه‌خۆیی خۆمان ده‌پارێزین. هه‌ر حیزبێک له‌به‌رژه‌وه‌ندی واقعی بێکاران کار بکا پێمان باشه‌. به‌ده‌ستی ئه‌نقه‌ست و وه‌ک بڕیار بوو ئاماژه‌ بۆ کێشه‌ کۆنه‌کان نه‌کرا .

له‌لایه‌نیکی قسه‌کاندا باس له‌وه‌زعیه‌تی بێکاران و ڕێکخراومان و هه‌وڵدان بۆ سووککردنی باری گرانی ژیانی جه‌ماوه‌ری بێکار به‌ده‌ستهێنانی زه‌خیره‌. ڕێکخراو وا ته‌عریف کرا که‌ ئامرازێکه‌ بۆ فشار خستنه‌ سه‌ر حکومه‌ت بۆ به‌ده‌ستهێنانی ده‌ستکه‌وت. تیرۆر و وه‌زعییه‌تی عامی کۆمه‌ڵ و هه‌وڵدان بۆ که‌مکردنه‌وه‌ی جه‌وی ئیرهاب، نه‌خشه‌ی عه‌مه‌لی بۆی، ئاماژه‌ به‌به‌یاننامه‌که‌یان کرا، ڕێکخراو ئاماده‌یی خۆی بۆ ڕاوه‌ستانه‌وه‌ له‌دژی تیرۆر ده‌ربڕی.

نوێنه‌ری ئه‌وان دوای به‌خێرهاتن، وا خۆی پیشاندا سه‌رقاڵن و له‌م دانیشتنه‌ به‌کورتی قسه‌ له‌سه‌ر مه‌سه‌له‌کان ده‌که‌ین. به‌ده‌ستهێنانی زه‌خیره‌ و بیمه‌ی بێکاری به‌ هیچ و سووک سه‌یرکرد! که‌چی باسی خۆیانی کرد که‌ له‌ده‌ربه‌ندیخان ده‌مه‌بۆڵه‌ و قاوه‌قاویان له‌سه‌ر سووته‌مه‌نی کردووه‌!

ئاماژه‌ی بۆ ئه‌وه‌کرد که‌ باس له‌کۆن ناکات به‌ڵام وه‌فادار نه‌بوو، گوایه‌ ڕێکخراو له‌دژی ئه‌وان کاریکردووه‌، له‌جیاتی ئه‌وه‌ی له‌دژی بۆرژوازی و کۆنه‌په‌رستی قسه‌ بکات ! فه‌رهاد فه‌ره‌ج له‌دژی عه‌مروزه‌یدی ئه‌وان ته‌شهیراتی کردووه‌ به‌یاننامه‌ی ده‌رکردووه‌. له‌جه‌ریده‌کاندا قسه‌ی زۆریان پێده‌ڵێ!

ئیتر که‌وته‌ باسی خۆیان، یه‌کێ نه‌یانناسێ واده‌زانێ هیچیان نه‌هێشتۆته‌وه‌! ئه‌مانه‌ حه‌ماسێکی گه‌نجانه‌ له‌خوێنیاندا قوڵپ ده‌دا! واده‌زانن ته‌نها خۆیانن، حساب بۆ ده‌وروبه‌ریان ناکه‌ن! واده‌زانن ژیان و کارکردن چه‌ند قسه‌ی توندی ناو کتێبانه‌! ئه‌وه‌مانکرد و ئه‌وه‌مان کرد...نیازمان وایه‌ ئه‌وه‌ بکه‌ین. حسابی رێکخراوه‌ جه‌ماوه‌رییه‌کانی تێکه‌ڵ به‌حیزب ده‌کرد!

داوای ئه‌وه‌ی ده‌کرد سیاسه‌ت سیاسه‌تی حیزبیانه‌، خه‌ڵکیش ده‌بێ ریعایه‌تی بکه‌ن! به‌بێ ئه‌وه‌ی بزانێ ئه‌رک و مه‌هامی هه‌ریه‌که‌یان شتێکه‌. ناکرێ یاری حیزبیکی سیاسی له‌ڕێکخاوه‌یه‌کی جه‌ماوه‌ریدا بکرێ! ئه‌گه‌ر به‌قسه‌ی ئه‌وان نه‌که‌ین ده‌که‌وینه‌ په‌راوێزه‌وه‌!

هه‌ستم کرد فه‌رهاد فه‌ره‌ج زۆر خۆشی له‌و که‌سه‌ نایه‌ت، نازانم چی له‌نێوانیاندا هه‌یه‌ و بووه‌! له‌و قسانه‌ قه‌لسه‌ و دانه‌چیره‌یه‌تی. بۆیه‌ خۆم حازر کرد هه‌روه‌ک ئیتفاق بوو من جڵه‌وی زیاده‌ڕۆیی هاوڕێیانی خۆمان ڕابگرم، هه‌رواشم کرد. فه‌رهاد: هه‌رچه‌ند بڕیار نه‌بوو قسه‌ له‌و باره‌یه‌وه‌ بکرێ. به‌ڵام ڕێکخراومان هه‌میشه‌ له‌حاڵه‌تی به‌رگریدا بووه‌. ئه‌وه‌ ئێوه‌ بوون گێچه‌ڵتان پێده‌کردین. ویستووتانه‌ له‌قاڵبمان بده‌ن. له‌مه‌وبه‌ر و له‌داهاتویشدا هه‌ر حیزبێک له‌دژی بێکاران قسه‌ بکات زۆر به‌توندی له‌دژی ڕاده‌ستینه‌وه‌. ره‌دی ئه‌وه‌ی دایه‌وه‌ که‌ گوایه‌ ئێمه‌ ته‌ده‌خولمان له‌زۆر ئموری کۆمه‌ڵگادا نه‌کردووه‌! پێی له‌سه‌ر کار و چالاکییه‌کانی ڕێکخراو ‌داگرت، که‌ له‌پێشی پێشه‌وه‌ی ناڕه‌زایه‌تییه‌کاندا بووه‌.

خه‌ریک بوو ته‌شه‌نوج زیاتر بێ، قسه‌یه‌ک له‌و قسه‌یه‌ک بترشێ، خێرا حه‌دم بۆ داناو. وترا: ئه‌وه‌ی گوزه‌را چوو، هه‌رچه‌ند غه‌درمان لیکراوه‌، به‌ڵام لاپه‌ڕه‌یه‌کی نوێمان هه‌ڵداوه‌ته‌وه‌. گه‌ر قسه‌ له‌کۆن بکه‌ین ناگه‌ینه‌ نه‌تیجه‌. خوا هه‌ڵناگرێ فه‌رهاد وازی هێنا.

ئه‌وه‌ی بۆی هاتبووین که‌ ئیعترافکردن بوو به‌ڕێکخراو و دوورکه‌وتنه‌وه‌ له‌گێچه‌ڵی ئه‌م حیز و ئه‌و حیزب پێی گه‌یشتین. ئه‌و مه‌سه‌لانه‌ بۆ مێژوو هه‌ڵده‌گرین. ئه‌گه‌ر ئێمه‌ سیاسی بین ده‌رس و ته‌جروبه‌کانمان زۆرن، سوودیان لێوه‌رده‌گرین، ئه‌و گروپه‌ ئه‌و باوکه‌یان مرد.
ئه‌م گۆڵه‌ له‌گشت گۆڵه‌کانی تر جوانتر بوو. 1995.10.29
--------
ئه‌گه‌ر به‌هه‌ڵه‌دا نه‌چووبم ئه‌م ڕاپۆرته‌ بۆ کۆمه‌ڵه‌ی ئێران به‌ڕێز ئیبراهیمی عه‌لیزاده‌م ناردووه‌.

ڕاپۆرتی ژماره‌: 3

به‌مه‌به‌ستی مه‌تره‌حکردنی باڵی چه‌پی مته‌فه‌ریقه‌ و به‌تایبه‌ت ڕکخراوی بێکاران که‌ له‌مدواییه‌دا باڵی ئه‌کسه‌ریرته‌ و مونه‌زه‌م خۆی ته‌عریفکه‌ر له‌ژێر ناوی (حککع) پاشقولێکی نامه‌ردانه‌ به‌مه‌به‌ستی هه‌ڵوه‌شاندنه‌وه‌ی ڕێکخراو لێگرت. بیر له‌وه‌ کرایه‌وه‌ ده‌ست ببری بۆ هه‌ندێ کاری ئیسلاحی. به‌تایبه‌تی ساڵی تازه‌ چه‌ند بۆنه‌ی کرێکاری جیهانی له‌خۆ گرتووه‌. هه‌ر بۆ ئه‌و مه‌به‌سته‌ ده‌ستپێشکه‌ری کرا. به‌ده‌نگی ئه‌کسه‌رییه‌ت بڕیار له‌سه‌ر مه‌راسیمێک درا بۆ یادی مه‌رگی لینین.
فیعله‌ن کاری عه‌مه‌لی بۆ کرا مانگێکی مابوو هۆڵه‌که‌ی بۆ گیرا. به‌وه‌یش به‌ڕه‌ ده‌رکێشرا له‌ژێر پیی باڵی ئه‌کسه‌رییه‌ت که‌ به‌نیاز بوون ئه‌و مه‌راسیمه‌ و ئه‌و یاده‌ بکه‌نه‌وه‌. به‌ڵام وه‌ختێ ده‌چن بۆ هۆڵی ڕۆشنبیری، پێیان ده‌ڵێن ئه‌و ڕۆژه‌ گۆڤاری ئه‌ده‌بی کرێکاری گرتوویه‌تی.

له‌دوو کۆبوونه‌وه‌ی کۆمیته‌ی ڕێزلێگرتن بڕیار درا سێ جۆر پۆسته‌ر به‌تیراژی 600 دانه‌ ئاماده‌کرێ. 6 لافیته‌ به‌ناوی کۆمیته‌وه‌ بنوسرێ. سیانی بۆ به‌رده‌رکی سه‌را، سیانی بۆ ناو هۆڵ. هه‌وڵ نه‌درێ له‌مه‌راسیمه‌که‌دا لایه‌نی پێکهێنه‌ری کۆمیته‌که‌ بێجگه‌ له‌سه‌رو په‌یام، به‌درووشم و شتی تایبه‌تی خۆیان مه‌تره‌ح نه‌که‌ن. وتاره‌کان دابه‌ش بکرێ و که‌س دوو کار نه‌کات. وه‌ختێ قسه‌ هاته‌ سه‌ر مه‌سره‌فی مه‌راسیمه‌که‌ بێجگه‌ له‌ڕێکخراوی بێکاران و گۆڤاری ئه‌ده‌بی کرێکاری ئه‌وانی تر ئاماده‌ی چوونه‌ ژێر باری ئه‌و مه‌سه‌له‌یه‌ نه‌بوون - عه‌یب نه‌بی لاکوتن - به‌هه‌رحاڵ مه‌سه‌له‌که‌ ده‌بر کرا. که‌ گێرانی مه‌راسیمه‌که‌ له‌لای (حشک) ته‌رح کرا، ئاماده‌یی خۆیان پیشاندا. مه‌سره‌فی لافیته‌کانیان گرته‌ ئه‌ستۆ، له‌گه‌ڵ هه‌ڵواسینی به‌شێک له‌پۆسته‌ره‌کان. ئه‌رکی ڕاکێشانی پۆسته‌ره‌کان له‌لایه‌ن کۆمۆنیسته‌ ئێرانییه‌کانه‌وه‌ گیرایه‌ ئه‌ستۆ، 1500 دیناریش بۆ ڕاپه‌ڕاندنی کاره‌کان ته‌رخان کرا.

ئیشه‌کان دابه‌ش کرا، سێ رۆژی مابوو یه‌عنی 18ی مانگ حه‌مله‌ی ئیعلامی به‌هه‌ڵواسینی به‌شێک له‌پۆسته‌ره‌کان ده‌ستی پیکرد. ڕۆژی دوایی لافیته‌کانی به‌رده‌رکی سه‌را هه‌ڵواسرا. له‌ڕاگه‌یاندنی ئازادیه‌وه ئاگاداری مه‌راسیمه‌که ‌‌په‌یتا په‌یتا بڵاوده‌کرایه‌وه‌. جێی سه‌رنجه‌ پۆسته‌ری سه‌ردیوار و شه‌قام و شوێنه‌ گشتییه‌کان زۆریان لیدراند بوو و لیکردبووه‌. هه‌ر به‌م بۆنه‌یه‌وه‌ (حشک) چه‌ند پۆسته‌ریان کردبوو ڕۆژی 21 مانگ هه‌ڵیانواسی.

ڕۆژی دیاریکراو پێش ئه‌وه‌ی بگه‌ینه‌ هۆڵه‌که‌ له‌دووره‌وه‌ دوو لافیته‌ی سوور دیار بوو. یه‌کێکیان هی کۆمیته‌ ئه‌وی تریان هی یه‌کێتی کرێکارانی کۆمۆنیست بوو. ئه‌مه‌یش موناقیز بوو له‌گه‌ڵ بڕیاری کۆمیته‌. دانانی لافیته‌یه‌کی وا یه‌عنی خه‌ڵکینه‌ ئه‌وه‌ ئێمه‌ین ئه‌م یاده‌ ده‌که‌ینه‌وه‌ یان له‌پشت به‌رپاکرنییه‌وه‌ین، ئه‌وانی تر عاید به‌ئێمه‌ن، له‌ژێر ئۆتۆریته‌ی ئه‌وانداین!

به‌هه‌حاڵ ئه‌وه‌ بلۆفێکی سیاسی بوو له‌رێکخراوی بێکاران و گۆڤاری ئه‌ده‌بی کرێکاری درا. سه‌ره‌تای خۆ فه‌رزکردن و دروستکردنی موشکله‌یه‌کی تر، وه‌ک گروپی (حککع) له‌به‌رانبه‌ر ڕێکخراوی بیکارن کردیان. هێشتا ئه‌و برینه‌ سارێژ نه‌بۆته‌وه‌، نۆره‌ی ئه‌مانه‌یه‌.

وێنه‌گرتنی لافیته‌کان به‌کامێرای ڤیدیۆ بووه‌ مایه‌ی بۆڵه‌بۆڵ و قسه‌ی به‌رزونزم و ئیهانه‌تکردن له‌لایه‌ن (تاهیره‌ ڕه‌ش)ه‌وه‌ بۆ سه‌ر ع.شوان که‌ ناکرێ بخرێته‌ سه‌ر کاغه‌ز. له‌به‌رانبه‌ر ئه‌وه‌دا ع.شوان ده‌ستی کرده‌وه‌، شه‌پازله‌یه‌کی سره‌وانده‌‌(تاهیره‌ ڕه‌ش). ئه‌مه‌یش پێش ئه‌وه‌ی مه‌راسیم ده‌ست پێبکات. که‌س دیفاعی لینه‌کرد، موشکله‌که‌ ئه‌وه‌ی نه‌ده‌هێنا. به‌هه‌رحاڵ ته‌وه‌توره‌که‌ گه‌وره‌ نه‌کرا، ئارام بووه‌. ئه‌مه‌ به‌دوور له‌چاوی جه‌ماوه‌ری نێو هۆڵه‌که‌ ڕوویدا.

مه‌راسیمه‌که‌ به‌سروودی ئه‌نته‌رناسیۆنال و ده‌قه‌یه‌ک ڕاوه‌ستان بۆ گیانبه‌ختکردوان ده‌ستی پێکرد. وتاری کۆمیته‌ له‌لایه‌ن (تاهیره‌ ڕيش)ه‌وه‌ نووسرابوو، دوای ده‌سکاریکردن هه‌ر خۆی خوێندییه‌وه‌.سروودێ، ژیاننامه‌ی هاوڕی لینین، فه‌رهاد فه‌ره‌ج ئاماده‌ی کردبوو، عه‌بدوڵڵا عه‌لی شاحیر خوێندییه‌وه‌، شیحرێ له‌لایه‌ن کابرایه‌کی به‌ته‌مه‌ن و زه‌حمه‌تکێش به‌ناوی کاک تۆفیق خوێندرایه‌وه‌، په‌یامی لایه‌نه‌ به‌شداربووه‌کان: ڕێکخراوی بێکاران، یه‌کێتی کریکارانی کۆمۆنیست، کانوونی هونه‌ر و ئه‌ده‌بیاتی ئێران، حشک، گۆڤاری ئه‌ده‌بی کرێکاری خوێندرانه‌وه‌. کرێکارانی کۆمۆنیست که‌سیان نه‌بوو په‌یامه‌که‌یان بۆ بخوێنێته‌وه‌! ته‌کلیفیان له‌ژنه‌که‌ی عه‌بدوڵڵا حه‌لی شاعیر کرد بۆیان بخوێنێته‌وه‌.

له‌نێوان ئه‌و بابه‌تانه‌ بروسکه‌ و وته‌کانی هاوڕێ لینین له‌لایه‌ن هه‌ردوو پێشکه‌شکاری مه‌راسیمه‌که‌وه‌ : فه‌رهاد فه‌ره‌ج و سه‌روه‌ر که‌ریم ده‌خوێندرانه‌وه‌.به‌خوێندنه‌وه‌ی شیعرێک و سروودی ئه‌نته‌رناسیۆنال کۆتایی پێهات. ده‌کرێ بووترێ له‌ سه‌دا75 کاره‌که‌ سه‌رکه‌وتوو بوو. هۆڵه‌که‌ له‌سه‌ره‌تاوه‌ به‌جه‌ماوه‌ر پڕ ببووه‌ که‌ نزیکه‌ی 500 که‌سێک ده‌گرێ. گۆڤاری ئه‌ده‌بی کریکاری به‌یاننامه‌یه‌کی به‌و بۆنه‌یه‌وه‌ ده‌رکردبوو پێش ئه‌وه‌ی خه‌ڵکی بچنه‌ ناو هۆڵه‌که‌وه‌ دابه‌شکرا. له‌کۆتاییدا بڵاوکراوه‌ی خه‌باتی بیکاران ساڵنامه‌یه‌کی وه‌ک دیاری پێشکه‌س به‌ئاماده‌بووان کرد. یه‌ک شه‌ممه‌ 1996.1.21
----------
ئه‌گه‌ر به‌هه‌ڵه‌دا نه‌چووبم ئه‌م ڕاپۆرته‌ بۆ کۆمه‌ڵه‌ی ئێران به‌ڕێز ئیبراهیمی عه‌لیزاده‌م ناردووه‌.

کێشه‌کان یان مێژووی ڕێکخراوی بێکاران

نا بۆ بێكاری

له‌ڕۆژی 31 ی ئازاری 1994 دا بوو، یه‌كه‌م ژماره‌ی خه‌باتی بێكاران كه‌وته‌ به‌ر دیدی خوێنه‌ران. له‌وكاته‌وه‌ تا ئێستا31 ی ئازاری 1997،11 ژماره‌ی به‌تیراژی 100 تا 500 دانه‌یی و به‌چاپێكی هه‌ژارانه‌، لێ بڵاوكراوه‌ته‌وه‌.

له‌و ماوه‌یه‌دا خه‌باتی... چه‌ند سه‌رنووسه‌ر و ده‌سته‌ی نووسه‌رانی به‌خۆیه‌وه‌ بینیوه‌، به‌چه‌نده‌ها به‌رزی و نزمیدا گوزه‌ره‌ی كردووه‌. له‌دووتوێی لاپه‌ره‌كانیدا كه‌ له‌سه‌ر په‌ره‌ی A4 و A3 چاپكراوه‌، زۆر به‌جوانی و سه‌لیقه‌ كێشه‌ و گرفت و داخوازی و ئاسۆی دواڕۆژی كار و چالاكییه‌كانی بزووتنه‌وه‌ی دژی بێكاری نووسیوه‌ته‌وه‌، گه‌ر پێویستی كردبێت، پاشكۆی له‌سه‌ر مه‌سه‌له‌ جۆراوجۆه‌ركان ده‌ركردووه‌.

خه‌باتی... له‌به‌ر ئه‌وه‌ی قسه‌كه‌ر و ده‌نگ و بڵندگۆی رێكخراوێكی جه‌ماوه‌ری سه‌ربه‌خۆ له‌ حیزبه ‌ڕاست و چه‌په‌كان بووه‌، له‌ته‌مه‌نی چه‌ند ساڵه‌یدا به‌هۆی فاكته‌ره‌ زاتی و مه‌وزوعیه‌كانه‌وه‌ به‌ره‌وڕووی هه‌ڵچوون و داچوون بۆته‌وه‌، هه‌ربۆیه‌كه‌ ده‌بینرێ خه‌باتی... یش به‌هه‌مان شێوه‌ ڕووبه‌ڕووی هه‌ڵچوون و داچوون بۆته‌وه‌.

ده‌كرێ بووترێت خه‌باتی.... خۆراگر تر بووه‌، گه‌ر په‌یكه‌ره‌ی رێكخراو له‌ئه‌نجامی كێشمه‌كێشی هه‌مه‌لایه‌نه‌ به‌ر زه‌ربه‌ی كوشنده‌ كه‌وتبێ و جه‌ماوه‌ره‌ 2000 ئه‌ندامییه‌كه‌ی به‌ده‌وره‌وه‌ نه‌مابێ و به‌شێك له‌ ڕابه‌رانی په‌رته‌وازه‌ی وڵاتان بوو بێتن، ئه‌وا بڵندگۆكه‌ی سه‌ربه‌رزانه‌ درێژه‌ی به‌كاری خۆی داوه‌، توانیویه‌تی ڕووی گه‌ش و هه‌وڵ و ته‌قه‌لای رێكخراو و ڕابه‌رانی ڕابگرێ.

له‌م فرسه‌ته‌دا به‌پێویستی ده‌زانیین سڵاوی گه‌رمی خه‌بات بۆ یه‌كه‌یه‌كه‌ی ئه‌و هاوڕێ و كه‌سانه‌ بنێرین كه‌ چ به‌نووسین چ به‌یارمه‌تی ماددی هاوكارییان كردووین و نه‌یانهێشتووه‌ تا ئێستا ئه‌م بڵند گۆیه‌ بكوژێته‌وه‌.
------------------------
* خه‌باتی بێكاران ژماره‌ 11 ڕۆژی 1997.3.31

* ناونیشانی وتار : له‌یادی ده‌رچوونی یه‌كه‌م ژماره‌ی خه‌باتی بێكاراندا : نه‌خێر بۆ دیارده‌ی بێكاری

رێكخراوی بێكاران خوێندنه‌وه‌ی ئه‌زموونێكی تاقانه‌!

ڕۆژی 2 ی شوباتی 1994 ژماره‌یه‌ك له‌وانه‌ی دژی دیارده‌ی بێكاری بوون، به‌مه‌به‌ستی كار و به‌رژه‌وه‌ندی هاوبه‌ش، نه‌ك مه‌یلی هاوبه‌ش ( رێكخراوی بێكاران )یان پێكهێنا.

ئه‌و تێكۆشه‌رانه‌ سه‌ره‌ڕای كه‌موكوڕییه‌كانیان سه‌لماندیان ئه‌هلی قسه‌ فرۆشتن بۆ مه‌به‌ستێكی سیاسی دیاریكراو نین، به‌ڵكوو ده‌یانویست به‌پێی تێگه‌یشتنێكی دروست و دیاریكراو خزمه‌تێك گه‌ر بچووكیش بێت پێشكه‌شی جه‌ماوه‌ری بێكاری بكه‌ن.

له‌و پێناوه‌شدا ئاماده‌بوون چ به‌دبلۆماسیه‌ت چ به‌فشار سه‌ر به‌كۆشی دوژمنه‌ ره‌نگاوره‌نگه‌كاندا بكه‌ن، شێوازی جۆراوجۆری وه‌ك به‌یاننامه‌، یاداشت به‌رزكردنه‌وه‌، ڕێپێوان و میتینگ بگرنه‌به‌ر.

له‌ماوه‌یه‌كی كورتدا ( بێكاران ) توانی له‌قورگی ته‌سك و بێده‌ربه‌ست و به‌نازونوزی حاكمانی وڵات، بۆ جه‌ماوه‌ری بێكار و برسی پشكێكی كه‌م، ده‌ربهێنێت.

حاكمانی وڵات به‌هۆی قه‌یرانی توندوتۆڵه‌وه‌ نه‌یانده‌توانی دروشمی مه‌ركه‌زی رێكخراو ( كاری گونجاو یان بیمه‌ی بێكاری ) وه‌ك یاسا قبوڵ و جێبه‌جێ بكه‌ن. بۆیه‌ ڕابه‌رانی رێكخراو له‌و قۆناغه‌دا تاكتیكی گونجاویان گرته‌ به‌ر، ئه‌ویش به‌ده‌ست هێنانی پشكی ئازووقه‌ بۆ نزیكی 1500 ئه‌ندام. به‌مه‌یش بووه‌ مایه‌ی سه‌رنجی زیاتری جه‌ماوه‌ری بێكار، به‌لێشاو له‌ده‌وری گرد بوونه‌وه‌.

به‌ته‌ره‌فێكی تر ده‌ورونه‌خشی ڕوو له‌سه‌ری رێكخراو ببووه‌ مایه‌ی نیگه‌رانی حاكمانی وڵات. بۆیه‌ به‌شێوه‌ی جۆراوجۆر له‌هه‌وڵی له‌كه‌داركردنیدا بوون، ئه‌مه‌ وێرای هه‌ره‌شه‌، به‌ربه‌ست دانان، ته‌نانه‌ت گرتن و ڕاوه‌دوونانی ڕابه‌رانی!!

رێكخراو خۆی له‌بواری ئابووری و داخوازییه‌ ئانییه‌كانی بێكاران قه‌تیس نه‌كرد بوو. به‌ڵكوو له‌بواری سیاسه‌تیشدا له‌دژی دیارده‌ نێگه‌تیفه‌كان ده‌وه‌ستایه‌وه‌ و پشتگیری دیارده‌ پۆزه‌تیفه‌كانیشی ده‌كرد كه‌ كاریگه‌رییان له‌سه‌ر گوزه‌رانی بێكاران هه‌بوو. بۆ نموونه‌ له‌ دژی گه‌مارۆی چه‌ند فاقی، جه‌نگی كۆنه‌په‌رستانه‌ی ناوخۆ، له‌شكركێشی ده‌وڵه‌تانی ئیقلیم، ئیرهابی سیاسی، پێشێلكردنی مافی مرۆڤ و هه‌موو جۆره‌ سانسۆرێك ده‌وه‌ستایه‌وه‌ و قسه‌ی خۆی به‌ئاشكرا ده‌كرد و هاوكاری هێزه‌ پێشكه‌وتوخوازه‌كانی ده‌كرد.

هه‌روه‌ها به‌پێی ئه‌وه‌ی رێكخراو خۆی وه‌ك ئۆرگانێك و به‌شێ له‌چینی كرێكار داده‌نا، گه‌ر سه‌ربه‌خۆیانه‌ بۆنه‌ و یاده‌ كرێكارییه‌كانی ڕێز لێنه‌گرتبێ، ئه‌وا به‌هاوكاری هێزه‌ پێشكه‌وتوخوازه‌كان مه‌راسیمی شكۆداری به‌رپا كردووه‌. به‌ڵام، رێكخراو ئه‌م كاره‌ی بۆ نه‌چووه‌ سه‌ر، به‌ره‌و ڕووی ئاسته‌نگ بووه‌وه‌ :

یه‌كه‌م / به‌هۆی قوورستر بوون و درێژه‌ كێشانی گه‌مارۆی ئابووری.

دووه‌م / به‌هۆی قووڵ بوونه‌وه‌ی هه‌رچی زیاتری جه‌نگی ناخۆ.

سێیه‌م / دیارده‌ی پارتایه‌تی ته‌سك.

له‌سه‌ر ئه‌م فاكته‌ره‌یان هه‌ڵویسته‌یه‌ك پێویسته‌ : (... ئه‌وه‌ نه‌بێ ده‌ورونه‌خشی به‌رچاوی رێكخراو و بوونی به‌هێزێك و جه‌مسه‌رێك،به‌ته‌نها حاكمانی وڵاتی نیگه‌ران كرد بێت، به‌ڵكه‌ زۆر جێی داخه‌ هێزێكی چه‌پ و ڕادیكالی ( پارتی كۆمۆنیستی كرێكاری ئێراق ) یشی هه‌راسان كرد بوو! ده‌یانبینی جه‌ماوه‌رێكی به‌رینی كرێكار و بێكار له‌ده‌ووری رێكخراو كۆبوونه‌ته‌وه‌، نیو هێنده‌ به‌ده‌وری پارت و رێكخراوه‌ جه‌ماوه‌رییه‌كانیانه‌وه‌ نییه‌.

به‌ته‌سه‌وری یه‌ك لایه‌نه‌ی خۆیان، ده‌وروونه‌خشی دۆنكیشوه‌تانه‌یان له‌به‌ر چاوی خه‌ڵكی نه‌فی ده‌كاته‌وه‌ و ده‌مژێ، له‌عه‌قلییه‌تی كوێخایه‌تی بزووتنه‌وه‌ی چه‌پ، گوایه‌ پێشره‌وی به‌لامنازیعی جه‌ماوه‌ری نارازی كوردستانن!

له‌جیاتی ئه‌وه‌ی منافه‌سه‌ و پێشه‌بركێ بۆ خزمه‌تی بێكاران له‌گه‌ڵ رێكخراودا بكه‌ن، هێنده‌ ته‌سك ده‌یانڕوانی، به‌ته‌واوه‌تی حاكمانی وڵاتیان له‌بیر چووبووه‌، وایان ده‌زانی رێكخراو بۆ ئیزاحه‌ و دژایه‌تی كردنی ئه‌وان هاتۆته‌ بوون!

له‌جیاتی ئه‌وه‌ی ببنه‌ پشت و په‌نای و به‌هێزی بكه‌ن، یان لایه‌نی كه‌م دژایه‌تی نه‌كه‌ن، ده‌ستیان به‌بلۆف و پاشقول گرتن و زه‌ربه‌لێدان له‌پشته‌وه‌ كرد. هه‌روه‌ك بینرا به‌ناوی یه‌كگرتنه‌وه‌ له‌گه‌ڵ یه‌كێتی بێكارانه‌كه‌یان، ده‌ستدرێژییان كرده‌ سه‌ر رێكخراو، به‌و كاره‌یشیان په‌ڵه‌یه‌كی قه‌ترانییان نا به‌ته‌وێڵی پارته‌ كۆرپه‌كه‌یانه‌وه‌، تا ماون ده‌درێته‌وه‌ به‌ڕوویاندا! ...)

ئه‌و سێ فاكته‌ره‌ كاریگه‌ری نێگه‌تیفانه‌ی له‌سه‌ر رێكخراو دانا، له‌درێژ ماوه‌دا هێز و گوڕ و تینی لاوێتی لێ سه‌ند. ته‌جربه‌و شكڵگرتنی رێكخراوی سه‌ربه‌خۆی جه‌ماوه‌ری ( بێكاران ) ده‌كرێ وه‌ك نموونه‌یه‌كی تاقانه‌ی پڕبایه‌خ له‌مێژووی هاوچه‌رخی چینی كرێكار له‌كوردستان، چاو لێبكرێت و به‌ئاوی زێر تۆمار بكرێ، له‌به‌ر ئه‌م هۆیانه‌ :

یه‌كه‌م / رێكخراو له‌ئه‌نجامی ئیتفاق نه‌زه‌ر یان به‌ئه‌مرێكی فه‌وقی فڵان پارت پێك نه‌هات، هه‌روه‌ك باوه‌، به‌ڵكوو له‌ئه‌نجامی به‌بنبه‌ست گه‌یشتنی رێكخراوه‌ جه‌ماوه‌رییه‌كانی تره‌وه‌ سه‌ری هه‌ڵدا. هه‌روه‌ها له‌ئه‌نجامی به‌هێزبوون و سه‌رهه‌ڵدانی ژماره‌یه‌ك ڕابه‌ری عه‌مه‌لی و دڵسۆز و به‌ئۆتۆریته‌ی ناحیزبی ناو بزووتنه‌وه‌ی چینی كرێكار به‌تایبه‌ت بێكارانه‌وه‌ پێكهات.

دووه‌م / ئه‌و رێكخراوه‌ جه‌ماوه‌رییانه‌ی پارته‌كان پێكیان ده‌هێنن، زیاتر بۆ پڕ كردنه‌وه‌ی كه‌لێنی رێكخستنه‌كانیانه‌، وه‌ك شانه‌ و كۆمیته‌ چاویان لێ ده‌كرێ. بۆ به‌رپه‌رچدانه‌وه‌ی ئه‌و دیارده‌ سه‌قه‌ت و باوه‌، رێكخراو خۆبه‌خۆ – عه‌فه‌وی بوونی خۆی ڕاگه‌یاند.

خزمه‌تكردنی جه‌ماوه‌ر و په‌ره‌پێدانی عه‌قلییه‌تی رێكخراوبوونی سه‌ربه‌خۆیانه‌ی له‌ده‌ستوور كاریدا دانا بوو. هێنده‌ی گرنگی به‌داخوازییه‌ ئانییه‌كانی جه‌ماوه‌ری بێكار ده‌دا، نیو هێنده‌ گرنگی به‌مه‌سه‌له‌ سیاسییه‌كان ئه‌دا.

بۆ سه‌لماندنی ڕاستی قسه‌ و دیده‌كه‌ رێكخراو و ڕابه‌رانی مه‌به‌ستیان نه‌بوو، یان نه‌یانتوانی بۆ بنیات نانی ئاپارتمانی رێكخراوه‌یه‌كی سیاسی سوود له‌و جه‌ماوه‌ره‌ زۆره‌ وه‌ربگرن، كه‌ به‌ده‌ووریاندا خرببوونه‌وه‌.
--------------------------------------
سه‌رووتاری خه‌باتی بێكاران ژماره‌ 10ی 2 ی شوباتی1997 دواتریش گه‌ر هزرم یارمه‌تیم بدات له‌گۆڤاری تایمدا دووباره‌ بڵاوكرایه‌وه‌. به‌ڵام ساڵ و ژماره‌ی ونه‌.

رێكخراوی بێكاران له‌ته‌نگه‌ژە...

خولی سێیه‌می شه‌ری كۆنه‌په‌رستانه‌ی ناخۆی نێوان KDP و PUK هێنده‌ ته‌كانده‌هه‌نده‌ بوو كه‌ سه‌رجه‌م قیاساته‌كانی گۆری. شاراوه‌ نییه‌ ڕاپه‌ڕین – ئازاری 1991 چه‌ند ده‌سكه‌وتی به‌دوای خۆیدا هێنا، یه‌كێ له‌وانه‌ ده‌ست بردن بوو بۆ پێكهێنانی رێكخراوه‌ی جه‌ماوه‌ری كه‌ بێكاران سه‌رباشقه‌یان بوو، به‌ئۆرگانێكی زیندوو و به‌رچاو ده‌ژمێررا.

به‌ڵام، له‌درێژه‌ی ئه‌م چه‌ند ساڵه‌دا به‌هۆی گه‌مارۆی دڕندانه‌ی ئابووری ئیمپریالیستانه‌وه‌ و چه‌ند فاكته‌ری ده‌ره‌كی و ده‌روونی، به‌گشتی ئه‌و رێكخراوانه‌ تووشی ئیفلیجی بوون. سه‌ره‌ڕای ئه‌و فشاره‌ هه‌مه‌ لایه‌نه‌، رێكخراوه‌كان درێژه‌یان به‌كاری خۆ دا. تا ئه‌م گۆرانكارییانه‌ی دواییه‌ی به‌سه‌ردا هات، ئه‌و جووڵه‌ و نووزه‌یه‌شیان نه‌هێشت!!

ئێستا هه‌ر چه‌نده‌ گۆرانكارییه‌كان به‌ئه‌نجامی كۆتایی نه‌گه‌یشتووه‌، پێشبینی بنبڕكردنی ته‌واوه‌تی ئه‌زموونه‌كه‌ و ده‌ستكه‌وته‌كه‌ ده‌كرێ. باڵێكی بزووتنه‌وه‌ی قه‌ومی كوردیKDP بۆته‌ به‌ربووكی حكوومه‌تی به‌عس و دره‌نگ بێ یان زوو به‌یه‌كجاره‌كی ده‌یهێنێته‌وه‌...!

ئێمه‌یش تا ئه‌و كاته‌ی باره‌كه‌ به‌لایه‌كدا ده‌كه‌وێ ده‌ستبه‌رداری رێكخراو نابین، هه‌وڵ ئه‌ده‌ین به‌شكڵی جۆراوجۆر و به‌پێی ئه‌و ئیمكاناته‌ی له‌به‌رده‌ستماندایه‌ كه‌ به‌سیتترینیان ده‌ركردنی به‌رده‌وامی خه‌باتی بێكارانه‌، درێژه‌ به‌ژیانی پڕ سه‌روه‌ری رێكخراو بده‌ین، وه‌فاداربێن به‌جه‌ماوه‌ری بێكار و ده‌نگی ناره‌زایه‌تییان بین. ناوه‌راستی كانوونی یه‌كه‌م 1996
--------------------------------
* ناونیشانی وتار: رێكخراوی بێكاران له‌به‌رامبه‌ر ته‌نگه‌ژه‌كاندا خۆڕاگره‌

* خه‌باتی بێكاران ژماره‌ 9 ، 8 ی كانوونی دووه‌م 1997

ڕوونكردنه‌وە

له‌كۆتایی مانگی كانوونی دووه‌م 1996، ڕێك دوای مه‌راسیمی یادی مه‌رگی لینین، (..........! ) به‌هۆی چه‌ند فاكته‌ر كار و هه‌ڵسووڕانی ڕاگرت. ئیتر ببڕای ببڕ سه‌ری نه‌دایه‌وه‌، سه‌نگه‌ری دژی به‌رێكخراوی نه‌گرت، ماڵی ئاوا بێت.

به‌ڵام، ئه‌م هێژایه‌ پاش چه‌ند مانگه‌ به‌قودره‌تی قادر بۆ كارێكی ناجایز به‌داخه‌وه‌ ئه‌وه‌ی لێ چاه‌ڕوان نه‌ده‌كرا، ده‌بێته‌وه‌ به‌بێكارانه‌ حه‌یاته‌كه‌، ده‌چێ ئه‌و بره‌ یارمه‌تییه‌ی كه‌ له‌لایه‌ن (........ )ه‌وه‌ بۆ رێكخراو هاتبوو وه‌رده‌گرێ! چۆن رێی به‌خۆیدا؟

پاش ماوه‌یه‌ك كه‌ به‌كاره‌كه‌ زانرا، ئه‌و هێژایه‌ تاوانه‌كه‌ی په‌رده‌پۆش كرد، گوایه‌ یارمه‌تی بۆ ئه‌فراد هاتووه‌ نه‌ك رێكخراو!! دوایی له‌به‌ندوبه‌ستی ژێربه‌ژێر كه‌ چه‌ند كه‌سی تر به‌شداربوون، دێزه‌به‌ده‌رخۆنه‌ كرا، یارمه‌تییه‌كه‌ حولدرا، رێكخراویش ده‌ستی له‌بنی هه‌مانه‌كه‌وه‌ هاته‌ده‌ر!!؟

زۆر به‌داخه‌وه‌ یه‌كێ له‌و كه‌سانه‌ی له‌عه‌مه‌لییه‌ی سه‌توودا به‌شدار بوو (..............!)ه‌، ئه‌و كه‌سه‌ی هێنده‌ قسه‌ی به‌كۆمۆنیستان ده‌ووت نیو هێنده‌ قسه‌ی به‌پارته‌ ڕاسته‌كان نه‌ده‌ووت! ئه‌و كه‌سه‌ی له‌گه‌ڵ پارتی كۆمۆنیستی كرێكاری بۆ هه‌ڵوه‌شاندنه‌وه‌ و زه‌ربه‌لێدانی رێكخراو ده‌ستی تێكه‌ڵ كرد!! به‌س لووتی هه‌ردوولایان شكێنرا، ئه‌و كه‌سه‌ی....!

ئه‌و كه‌سه‌ بێ ئاسۆیه‌ دوای وه‌رگرتنی پشكێ، بێده‌نگه‌ی لێده‌كات و قوچانی بۆ توركیا!! دوای ئه‌وه‌ی زۆر له‌مومته‌له‌كات و به‌ڵگه‌ و مۆر و....هتد. بزر كردو، بێ ئه‌وه‌ی ده‌سته‌ی ڕابه‌رایه‌تی له‌چاره‌نووسیان لێ ئاگادار بكاته‌وه‌!

وێرای ئه‌و گۆڵه‌ هاتووه‌ له‌بانگه‌وازێكی چه‌ند دێریدا فتوای هه‌ڵوه‌شاندنه‌وه‌ و نه‌مانی رێكخراوی ڕاگه‌یاندووه‌! به‌مه‌رجێ ئه‌و مردووه‌، زووربه‌ی ئه‌ندامانی ده‌سته‌ی ڕابه‌رایه‌تی زیندوون و له‌كوردستان ماون. 1996.12.16

-----------------------------------
خه‌باتی بێكاران ژماره‌ 9 لاپه‌رە 2 ، 8ی كانوونی دووه‌م 1997

تێبێنی : به‌جوانی نازانم لێره‌دا ناوی ئه‌و سێ به‌ڕێزه‌ دووباره‌ بكرێته‌وه‌. ئه‌و ڕوونكردنه‌وه‌یه‌ ڕاسته‌ من نووسیومه‌. به‌ڵام، ده‌سته‌ی ڕابه‌رایه‌تی لێی به‌رپرسه‌ و قسه‌ی هه‌مووان بوو.

به‌گرد و كۆ ..

شه‌ری نێوان دوو زلهێزه‌كه‌ی كوردستان بۆ ماوه‌یه‌ك ده‌چی له‌ژێر فشاری ده‌ره‌كیدا ڕاگیراوه‌، ئارامی باڵی سپی به‌سه‌ر ناوچه‌كه‌دا كێشاوه‌. به‌ڵام، سێبه‌ری شوومی جه‌نگ به‌ته‌واوه‌تی نه‌ره‌ویوه‌ته‌وه‌.

جه‌ماوه‌ری كرێكار و زه‌حمه‌تكێشی كوردستان ده‌مێك ساڵه‌ له‌ژێر باری گران و مه‌ینه‌تباری ئابلوقه‌ی ئابووری هاوپه‌یماناندا ده‌ناڵێنن، هه‌ڵگیرساندنی شه‌ری ناوخۆ هێنده‌ی تر مه‌ینه‌تی و ڕۆژره‌شییه‌كانی قوڵتر كرده‌وه‌.

جا گه‌ر بووترێ دانیشتوانی كوردستان به‌تاڵ و حه‌تاڵن، ئه‌وا درۆ و موباله‌غه‌ ده‌رناچێ. بێكاری و به‌ڕێنه‌چوونی ژیان هێنده‌ سه‌رسوورهێنه‌ره‌ ته‌نانه‌ت فه‌رمانره‌وایان ناتوانن خۆیانی لێ ببوێرن و دانی پێدا نه‌نێن. به‌ڵام، هۆكه‌ی ده‌ساون به‌ملی یه‌كتر و شه‌ره‌ ناوخۆییه‌كه‌یان و....

ئه‌وه‌ نه‌بێ جه‌ماوه‌ری كرێكار و زه‌حمه‌تكێش له‌به‌رانبه‌ر وه‌زعێكی داسه‌پاو و نائینسانی وادا بێده‌نگه‌یان لێكرد بێت. ئێمه‌ شاهید و هه‌ڵخرێنه‌ری زۆرێك له‌و ناره‌زایه‌تییانه‌ین كه‌ لێره‌و له‌وێ به‌شكڵ و شێوه‌ی جۆراوجۆر له‌دژی سیاسه‌تی برسی كردن و..... ده‌ربڕاوه‌ و به‌رێوه‌چووه‌.

به‌ڵام، هۆی به‌سه‌ر ئه‌نجام نه‌گه‌یشتنی ئه‌وه‌ خه‌بات و تێكۆشانه‌ بۆ نه‌بوونی ستادێكی ڕابه‌رایه‌تی ده‌گه‌رێته‌وه‌، ڕابه‌اریه‌تییه‌كی وا كه‌ بووبێته‌ مایه‌ی قووڵكردنه‌وه‌ و هاوئاهه‌نگكه‌ری ناره‌زایه‌تییه‌كان، بۆ پاشه‌كشه‌ پێكردنی فه‌رمانره‌وایان و داسه‌پاندنی داخوازییه‌ ئابووری و سیاسی و كۆمه‌ڵایه‌تییه‌ هه‌نووكه‌ییه‌كانی جه‌ماوه‌ری كرێكار و زه‌حمه‌تكێش.

نه‌بوونی ڕابه‌رایه‌تییه‌كی لابه‌لاكه‌ره‌وه‌ی هه‌ڵقووڵاوی نێو جه‌ماوه‌ر، كاردانه‌وه‌ی مه‌نفی و زیانباری خوڵقاندووه‌، كه‌ بۆته‌ مایه‌ی زاڵكردنی بێ ئاسۆیی و دڵساردی. دیاره‌ به‌پله‌ی جۆراوجۆر هه‌ڵسووڕاوان و كه‌سانی هوشیاری نێو بزووتنه‌وه‌ی ناره‌زایه‌تیشی گرتۆته‌وه‌.

رێكخراومان، له‌م بارودۆخه‌ی ئێستادا بۆ ده‌رباز بوون له‌و قه‌یران و به‌دبینییه‌، بانگه‌وازی خه‌ڵكی كوردستان ده‌كا، به‌تایبه‌تی كرێكارو و زه‌حمه‌تكێشان، به‌دوور له‌گیانی ته‌سكی فڵان و فیسار حێزب چ ڕاست چ چه‌پ، رێكخراوه‌ جه‌ماوه‌ری و پیشه‌یییه‌ سه‌ربه‌خۆكانی خۆتان له‌شوێنی كاروژیان پێكبهێنن. هه‌روه‌ك به‌ته‌جرووبه‌ده‌ركه‌وتووه‌ ته‌نها و ته‌نها به‌ڕێگای گردوكۆبوونه‌وه‌ ده‌توانرێ مل به‌ده‌سه‌ڵاتدارانی ره‌نگاوره‌نگ كه‌چ بكرێ و داخوازییه‌ ئابوورییه‌ هه‌نوكه‌ییه‌كان بسه‌پێنرێ.
------------------------
خه‌باتی بێكاران ژماره‌ 8 ، تشرینی دووه‌م 1995

ناونیشانی وتار به‌گرد كۆبوونه‌وه‌ داخوازییه‌كانمان به‌ده‌ست دێن

كۆڵه‌ دیكتاتۆر !

یه‌كێتی بێكارانی سه‌ر به‌پارتی كۆمۆنیستی كرێكاری، ئه‌بوبه‌كر عه‌لییان له‌سه‌ر میلاكی به‌تاڵی خۆیان داناوه‌، هه‌روه‌ك چه‌ند لایه‌نی تریش، ته‌نانه‌ت بكوژانیشی وایان ئیدعا ده‌كرد!! له‌ده‌ره‌وه‌ و ناوه‌وه‌ی وڵات نان و پیازی باشیان پێوه‌ خوارد و خوێنی ڕژاوی بووه‌ په‌ساپۆرتی په‌ڕینه‌وه‌ی ژماره‌یه‌ك موفلیسی سیاسی و....

ئه‌مساڵ ئاماده‌ نه‌بوون سه‌ربه‌خۆ ئه‌ركی یادكردنه‌وه‌ی له‌ئه‌ستۆ بگرن! مشه‌خۆرانه‌ له‌سه‌ر خوانی یه‌كێتی نووسه‌ران نیشتنه‌وه‌. بوونه‌ میوانی ناوه‌خت، به‌نیاز بوون كۆنترۆڵی یاده‌كه‌ بكه‌ن، له‌گه‌ڵ خانه‌خوێكه‌ بیكه‌ن به‌دوو كه‌رته‌وه‌! ئه‌وه‌یان بۆ نه‌چووه‌ سه‌ر، به‌ڵام هێڵرا به‌وتارێك به‌شداری بكه‌ن و پێشوه‌ختیش ببینرێت، ئه‌ندامێكی ده‌سته‌ی ڕابه‌رایه‌تی رێكخراوی بێكاران نه‌یهێڵا سانسۆر بكرێن.

له‌به‌رنامه‌رێژی مه‌راسیمه‌كه‌دا عه‌قلییه‌تی پاوانخوازییان له‌به‌رانبه‌ر هاوسه‌نگه‌رانیان شله‌قا، بێ ئه‌وه‌ی بزانن مه‌وقعیان له‌ئیعرابدا چییه‌، به‌بیانووی نابه‌جێ و درۆ و بوختانی ئاشكرا و داتاشراو، هێڵی ڕاست و چه‌پیان به‌سه‌ر به‌شداری كردنی رێكخراوی بێكاراندا هێنا! به‌ڵام، بۆیان نه‌چووه‌ سه‌ر و له‌به‌رده‌م ناره‌زایه‌تی توندی ئه‌ندامی ڕابه‌رایه‌تی رێكخراو به‌روڕوو بوونه‌وه‌.

له‌ئه‌نجامدا هاتنه‌ ژێربار - خۆ ماسین ته‌ر نابن - ، لووتی زلیان چوو به‌ده‌رزی دروومانی شكستدا و رێكخراوی بێكاران نه‌ك دوو فه‌قه‌ره‌ی له‌مه‌راسیمه‌كه‌دا بچری، به‌ڵكوو كۆنترۆڵی یاده‌كه‌ له‌ژێر ده‌ستی نوێنه‌ری رێكخراودا بوو گۆڵ... گۆڵ....

ئه‌و جه‌نابانه‌ی خۆ به‌ئۆپۆزسیۆن ده‌زانن، ته‌ور و مه‌قسه‌له‌ له‌زمانی ئه‌م و ئه‌و ده‌وه‌شێنن و ئه‌ده‌ن، ئه‌بێ وه‌ختێ ته‌شریفی ناموباره‌كیان ده‌فه‌ی حوكم بگرنه‌ ده‌ست، چی بكه‌ن؟؟!! دیاره‌ له‌ئێستای پارته‌ فه‌رمانره‌واكانی كوردستان ئه‌گه‌ر خراپتر نه‌كه‌ن، بێگومان چاكتر نابن.
-----------------------------
خه‌باتی بێكاران ژماره‌ 8 ل 4 ، تشرینی دووه‌م 1995

به‌رێكخراوه‌یی ده‌كرێ داخوازییه‌كان به‌ده‌ست بێت

ڕێكخراوی بێكاران له‌كوردستان، وه‌ك رێكخراوه‌یه‌كی جه‌ماوه‌ری سه‌ربه‌خۆ، له‌هه‌وڵی ئه‌وه‌دایه‌ باری ژیان و گوزه‌رانی خه‌ڵكی بێكاری كوردستان به‌تایبه‌ت ئه‌ندامانی چاك بكات و ئه‌و گرانییه‌ی كه‌وه‌ك مۆته‌كه‌یه‌كی ره‌ش خۆی به‌سه‌ر ژیانیاندا داوه‌، قورساییه‌كه‌ی كه‌م بكاته‌وه‌.

رێكخراوی بێكاران یه‌كێكه‌ له‌ڕیزی ئه‌و رێكخراوه‌ خه‌باتكارانه‌ی ساحه‌ی كوردستان، هه‌موو وه‌سیله‌یه‌كی شارستانی و گونجاو ده‌گرێته‌به‌ر بۆ به‌ده‌ستهێنانی داخوازییه‌ هه‌نوكه‌ییه‌كانی ئه‌ندامانی.

له‌دوای دانیشتن و په‌یوه‌ندی كردنی زۆر و بێ سه‌رئه‌نجام له‌گه‌ڵ كاربه‌ده‌ستانی ورد و درشتی حكومه‌ت و پارته‌كان، له‌كۆبوونه‌وه‌ی گشتیدا ئه‌ندامان بڕیاری ڕێپێوانێكی هێمنانه‌یان بۆ به‌رده‌م رێكخراوی UN له‌گردی رێعایه‌ شه‌بابدا.

ئه‌وه‌ بوو به‌یانی ڕۆژی 31 ی ئابی 1994 زایتر له‌ 600 كه‌س له‌ئه‌ندامان له‌به‌رده‌م بنكه‌ – جاده‌ی گۆران نزیك گه‌رماوی سه‌رچنار، ئاماده‌ بوون. له‌ژێر دروشمی : ( داواكارین حسه‌ی دیاریكراو بۆ رێكخراوی بێكاران دابین بكرێ. یان ئه‌و یارمه‌تییانه‌ی دێنه‌ كوردستانه‌وه‌ له‌ڕێگای بایعه‌كانه‌وه‌ به‌یه‌كسانی دابه‌ش بكرێ ). ئه‌م دروشمه‌یان به‌زمانی ئینگلیزی نووسرا بوو.

ڕێپێوان به‌شه‌قامی مه‌وله‌وی و به‌رده‌م دیوانی پارێزگادا و ئینجا به‌ره‌و خوار بۆ جاده‌ی سه‌هۆڵه‌كه‌ و ڕزگاری تا به‌رده‌م رێكخراوی UN له‌گرده‌كه‌ی ریعایه‌ شه‌باب، به‌كاروانێكی دوور و درێژی ژنان و پیاوانی بێكار، ده‌ستی پێكرد.

وه‌ختێ كاروان گه‌یشته‌ شوێنی مه‌به‌ست، چوار كه‌س له‌ئه‌ندامانی هه‌یئه‌تی نوێنه‌رانی رێكخراو بۆ قسه‌ و باس و وتووێژ چوونه‌ لای نوێنه‌رانی هه‌ر دوو رێكخراوی WFP و یونسیف.... دوای دوو كاتژمێر، نوێنه‌ران به‌م ده‌ستكه‌وتانه‌وه‌ كه‌ هه‌ردوو رێكخراو په‌یمان و بڕیاریان دابوو بۆ رێكخراوی بێكارانی بكه‌ن و بده‌ن، هاتنه‌ ده‌ره‌وه‌، بووه‌ مایه‌ی شوروشه‌ق و خۆشحاڵی له‌نێو ئه‌ندامانی به‌شدار له‌ڕێپێوانه‌كه‌دا :

1 - خستنه‌ سه‌ركار بۆ رێكخراوه‌ مرۆییه‌كان له‌ڕێگای رێكخراوی بێكارانه‌وه‌ بێت.

2 - بڕینه‌وه‌ی خۆراك بۆ ئه‌ندامانی رێكخراو.

3 - سه‌رپه‌رشتی و چاودێریكردنی مناڵانی ئه‌ندامانی رێكخراو له‌لایه‌ن یونسیفه‌وه‌.

4 - یارمه‌تییه‌ مرۆییه‌كانی دێنه‌ كوردستانه‌وه‌، له‌ڕێگای بایعه‌كانه‌وه‌ به‌یه‌كسانی دابه‌ش بكرێ.

به‌و جۆره‌ ڕێپێوانه‌كه‌ كۆتایی هات، رێكخراو سه‌ركه‌وتوانه‌ خاڵێكی گه‌شی تری بۆ خۆی تۆمار كرد. شایه‌نی وتنه‌ ژنه‌ڕۆژنامه‌نووسێك كه‌ سه‌یری جه‌ماوه‌ره‌ خره‌وه‌بووی به‌رده‌كی باره‌گای UNده‌كرد، نزێك بووه‌ و كه‌وته‌ وتووێژ له‌گه‌ڵ جه‌ماوه‌ره‌كه‌دا. هاوڕێیان ده‌عوه‌تیان كرد بۆ سه‌ردانی بنكه‌ی رێكخراو... ئه‌وه‌بوو ڕۆژی داواتر هاته‌ بنكه‌ و وتووێژێكی تێروته‌سه‌لی له‌گه‌ڵ ژماره‌یه‌ك له‌ ئه‌ندامانی هه‌یئه‌تی نوێنه‌ران كرد.

ڕێپێوانه‌كه‌ له‌نێو جه‌ماوه‌ری شاری سله‌یمانی ده‌نگ و سه‌دایه‌كی باشی دایه‌وه‌. هه‌ر ئه‌و ئێواره‌یه‌ هاوڕێیانی TV ئازادی پارتی كۆمۆنیست – شیوعی بێجگه‌ له‌بڵاوكردنه‌وه‌ی هه‌واڵه‌كه‌ چه‌ند گۆشه‌یه‌كی له‌ڕێپێوانه‌كه‌ پیشان دا. هه‌روه‌ها ڕۆژنامه‌ی كوردستانی نوێش له‌ ژماره‌.... ڕۆژی........ 1994 له‌گۆشه‌یه‌كی بچوكیدا هه‌واڵه‌كه‌ی بڵاوكرده‌وه‌.
---------------------------
خه‌باتی بێكارن ژماره‌ 4 ل 3 ، تشرینی یه‌كه‌م 1994

چۆنییه‌تی گیان له‌ده‌ستدانی ئه‌بوبه‌كر عه‌لی

له‌ئه‌نجامی هه‌وڵ و ته‌قه‌لای نوێنه‌رانی گه‌ره‌كی هه‌ژارنشین و خانووه‌ بێ تاپۆكانی حامییه‌ی شاری سله‌یمانی، په‌یوه‌ندیكردن به‌رێكخراوه‌ جه‌ماوه‌ری و كرێكارییه‌كان و ئه‌و لایه‌نانه‌ی ده‌وور و نزیك سه‌ر به‌كرێكارانن، بۆ پشتگیری كردن لێیان.

له‌دوای چه‌ند كۆبوونه‌وه‌ی یه‌ك له‌دوای یه‌ك و ده‌ركردنی چه‌ند به‌یاننامه‌، ڕۆژی 1ی9ی1994 كه‌ ڕۆژی ته‌نفیزكردنی ڕووخاندنی خانووه‌كان بوو، خه‌ڵكی زه‌حمه‌تكێشی ئه‌و گه‌ره‌كه‌ به‌ئاماده‌بوونی ژماره‌یه‌كی به‌رچاو له‌ئه‌ندامانی رێكخراوه‌ جه‌ماوه‌رییه‌كان به‌تایبه‌ت رێكخراوی بێكارن، بڕیاری خۆپیشاندانی هێمنانه‌یاندا، له‌ژێر دروشمی :

( با ئه‌و مه‌سره‌فه‌ی بۆ شه‌ری ناوخۆ خه‌رج ده‌كرێ، خانوو بۆ ئێمه‌ پێ دابین بكرێ ) بۆ به‌رده‌م دیوانی پارێزگای سله‌یمانی به‌رێخست.

له‌گه‌ڵ گه‌یشتنی جه‌ماوه‌ر، كه‌ نزێكه‌ی 150 كه‌سێك ده‌بوون، پۆلیسه‌كان كه‌وتنه‌ قسه‌ی هه‌لق ومه‌لق و بێ سه‌روبه‌ر ده‌رهه‌ق به‌خه‌ڵكه‌ ناڕازییه‌كه‌! له‌و كاته‌دا جه‌نابی پارێزگار - سالار عه‌زیز له‌دائیره‌ نه‌بوو، ده‌بوایه‌ چاوه‌ڕوان بكه‌ن تا ته‌شریفی دێته‌وه‌.

پۆلیسه‌كان نه‌یانهێشت جه‌ماوه‌ره‌كه‌ له‌به‌رده‌رگا ڕابوه‌ستن و كردنیانه‌ ئه‌و به‌ری جاده‌، به‌عنی به‌ری باخی گشتی! پیاوانی پۆلیس دیار بوو ئه‌بوبه‌كریان ده‌ناسی و لێی پڕ و داخ له‌دڵ بوون ، ده‌یانویست به‌هه‌ر قیمه‌تێك بووه‌ بیگرن، بۆیه‌ له‌بێنه‌وبه‌ره‌ی هه‌ڵبژاردنی نوێنه‌ر ته‌ده‌خولیان كرد، ده‌یانویست ئه‌بوبه‌كر یه‌كێك له‌نوێنه‌ره‌كان بێ!

كه‌ ئه‌وه‌یان بۆ نه‌چووه‌ سه‌ر، ئینجا كه‌وتنه‌ محاوه‌له‌ی گرتنی. به‌ڵام، جه‌ماوه‌ر هه‌وڵه‌كه‌یان پوچه‌ڵ كرده‌وه‌، ئه‌وه‌یش بووه‌ مایه‌ی سڵه‌مینه‌وه‌ و نیگه‌رانی له‌لای ئه‌بوبه‌كر.. ئیتر كه‌وته‌ هه‌وڵی خۆ دوور خستنه‌وه‌ و به‌جیهێشتنی جه‌ماوه‌ره‌كه‌.. به‌هاوكاری و حیمایه‌ی چه‌ند كه‌س، له‌سه‌ر داخوازی خۆی بۆ سه‌ری كۆڵانی باخی گشتی و یانه‌ی فه‌رمانبه‌ران دوورخرایه‌وه‌..

له‌گه‌ڵ گه‌یشتنه‌ سه‌ری كۆڵان و ڕاكردن یه‌ك شت بوو!! پۆلیسه‌كان ئاگایان لێ بوو، بۆیه‌ هاواریان لێهه‌ستا : ( ئه‌ها ئاژاوه‌گیره‌كان ڕایان كرد ) و به‌هه‌ڵه‌داوان دوایان كه‌وتن.. له‌راكه‌راكه‌ و په‌ڕینه‌وه‌ له‌جاده‌كه‌ پاسێكی ڕیم له‌یه‌كێ له‌پۆلیسه‌كانیدا و هێنده‌ی تر بووه‌ مایه‌ی شڵه‌ژان و شیرازه‌ تێكچوون و ته‌قه‌ له‌جه‌ماوه‌ری خۆپیشانده‌ر كردن!!

به‌جیا، چه‌ند پۆلیس به‌ته‌قه‌كردنه‌وه‌ دوای ئه‌بوبه‌كر و هاوه‌ڵه‌كانی كه‌وتن.. یه‌كێ له‌ڕاكردووان له‌شپرزه‌ییدا كه‌وت، كه‌ پۆلیسه‌كان گه‌یشتنه‌ سه‌ری و دوای لێووردبوونه‌وه‌، هێچیان لێنه‌كرد و به‌جێیان هێشت... زۆر تێنه‌په‌ری هاوه‌ڵه‌كه‌ی تری ئه‌بوبه‌كریان گرته‌وه‌ و به‌شه‌ق و قۆناغه‌ تفه‌نگ پیاكێشان بردیان.. یه‌ك دوو پۆلیس زۆر قیرچیسمه‌ بوو هه‌ر وازیان نه‌هێنا و دوای ئه‌بوبه‌كر كه‌وتن.. پاش برینداركردنی زۆر نامه‌ردانه‌ كوشتیان!!؟؟
----------------------------
خه‌باتی بێكاران ژماره‌ 4 ل 2، تشرینی یه‌كه‌م 1994

تێڕوانینێكی تر له‌مه‌ڕ له‌شكركێشی توركیا

ئێمه‌ كه‌ خوازیاری لابردنی گه‌مارۆی ئابووری ئیمپریالیستانین، مانای ئه‌وه‌ نییه‌ چووبێتینه‌ پاڵ ده‌ستی ڕژێمی به‌عس – حكومه‌تی ئێراقی سه‌رمایه‌. ڕێك به‌پێچه‌وانه‌وه‌ له‌به‌ر خاتری ئه‌وان نییه‌، به‌ڵكوو له‌دید و بۆچوونێكی ته‌واو جیاوازه‌وه‌ ده‌ڕوانینه‌ مه‌سه‌له‌كه‌.

به‌رزكردنه‌وه‌ی ئه‌م دروشمه‌ و داوایه‌ له‌لایه‌كه‌وه‌، له‌به‌ر ئه‌وه‌ی گه‌مارۆكه‌ به‌زۆر سه‌پێنراوه‌، له‌فه‌رهه‌نگماندا نییه‌ زۆر و ملهوری قبوڵ بكه‌ین. له‌لایه‌كی تره‌وه‌، به‌پله‌ی یه‌كه‌م ئه‌وه‌ی له‌به‌رچاومان گرتووه‌، هه‌لومه‌رجی سه‌ختی ژیان و گوزه‌رانی خه‌ڵكی كرێكار و زه‌حمه‌تكێشی ئێراقه‌، كه‌ تا چ ڕاده‌یه‌كی مه‌ترسیدار گه‌مارۆكه‌ ژیانیانی كردووه‌ به‌دۆزه‌خ.

ئه‌م هه‌ڵوێسته‌ به‌مه‌سه‌له‌ی هێرش و له‌شكركێشی ده‌وڵه‌تی توركیاوه‌ بۆ سه‌ر كوردستانی ئێراق ده‌به‌ستینه‌وه‌، ده‌كرێت به‌هه‌مان دیدگاوه‌ بڕوانینه‌ ئه‌م مه‌سه‌له‌یه‌ش، به‌شداریمان له‌به‌رێخستنی ناره‌زایه‌تی جه‌ماوه‌ری له‌دژی توركیا، له‌یه‌ك فه‌قه‌ره‌ یان دووان له‌گه‌ڵ هێزه‌كانی تردا یه‌كده‌گرینه‌وه‌، ئه‌ویش هه‌ر كارێ به‌زه‌بری شه‌ق و تفه‌نگ له‌هه‌ر شوێنێ ڕوو بدات، ڕاوه‌ستانه‌وه‌ له‌دژی پێویسته‌.

دیا‌رە هه‌ر كارێكی توندی له‌م جۆره‌ كه‌ حكومه‌تی توركیا پێی هه‌ڵساوه‌، بێجگه‌ له‌پێشێلكردنی ئیراده‌ی ڕاسته‌وخۆ و سه‌ربه‌خۆی خه‌ڵكی كرێكار و زه‌حمه‌تكێشی كوردستانی ئێراقه‌، له‌هه‌مان كاتدا ئه‌و په‌لاماره‌ ئیفرازات و كاریگه‌ری زۆر خراپ دروست ده‌كا و به‌دوای خۆیدا ده‌هێنێ، كه‌ باجده‌ری سه‌ره‌كی كرێكار و زه‌حمه‌تكێشانی ناوچه‌كه‌یه‌.

كه‌ ده‌ڵێین : له‌شكری توركیا بۆ ده‌ره‌وه‌. گوزارشت له‌عه‌قلییه‌تی ناسیونالیستیمان ناكا و مانای وا نییه‌ ئێمه‌ هه‌روه‌ك مه‌سه‌له‌ی گه‌مارۆكه‌ چووبێتینه‌ پاڵ به‌عس. باس له‌كه‌چكردنی سه‌روه‌ری خاكی نیشتمان بكه‌ین. نه‌خێر، ئێمه‌ ته‌نها و ته‌نها ئینسان و هاوچینه‌كانمان له‌به‌ر چاوه‌، كه‌ به‌و هۆیانه‌وه‌ هه‌لومه‌رجی دژواریان به‌سه‌ردا سه‌پێنراوه‌، به‌لاوه‌ گرنگه‌.

له‌به‌ر خاتری ئه‌وانه‌ ده‌نگی ناره‌زایه‌تیمان له‌گه‌ڵ هێزه‌ غه‌یره‌ كرێكارییه‌كاندا تێكه‌ڵ كردووه‌. ده‌مانه‌وێ له‌ورد و درشتی مه‌سه‌له‌كانی ڕۆژ، گه‌ر هاتوو له‌سه‌دا سه‌د له‌گه‌ڵ بیر و بۆچوونیشماندا نه‌یه‌ته‌وه‌، قسه‌مان هه‌بێ و به‌شدار بین، ئاخر ناكرێ به‌مونعه‌زلی بمێنینه‌وه‌. 1995.3.29

-----------------------------
گۆشه‌ی ستوونی ئازاد، خه‌باتی بێكاران ژماره‌ 6 نیسانی 1995

ئینشقاق له‌ناو یه‌کێتی بێکاراندا

وه‌ڵام: به‌پێی هه‌لومه‌رجێک که‌ به‌سه‌ر ڕاپه‌ڕینی کوردستاندا سه‌پێنرا، شکستی خوارد. بزووتنه‌وه‌ی چه‌پ و سۆسیالیستیش بێبه‌ش نه‌بوو، گورزی به‌رکه‌وت و تێکشکا. به‌ڵام ئه‌مه‌ تا سه‌ر نه‌بوو، به‌هه‌وڵ و کۆششی ئینسانه‌ سۆسیالیست و کۆمۆنیست و ژماره‌یه‌ک ڕابه‌ری کرێکاری، به‌بێ له‌به‌رچاوگرتنی هه‌لومه‌رجی دیاریکراوی کوردستان، له‌جیاتی ئه‌وه‌ی واقعیانه‌ بیر له‌شکڵ و شێوه‌یه‌کی موناسبتر بکه‌نه‌وه‌، هاتن له‌دوای جه‌ده‌ل و بێنه‌وبه‌ره‌یه‌کی زۆر به‌دوور له‌جه‌ماوه‌ری بێکاران، له‌سه‌رو ئه‌وانه‌وه‌ یه‌کێتی بێکارانیان پیکهێنا! ئه‌م رێکخراوه‌یه‌ به‌پێی ئه‌وه‌ی له‌نێو جه‌رگه‌ی بزووتنه‌وه‌ی بێکارییه‌وه‌ شکڵی نه‌گرتبوو، له‌گه‌ڵ کێشمه‌کێشی لاوه‌کی و به‌دوور له‌واقعی کێشه‌ی ئه‌سلی بێکاران، بۆیه‌ له‌کورت ماوه‌دا، هێشتا نه‌که‌وتبووه‌ داره‌داره‌، لێی درا و دوو که‌رت بوو!

ئه‌مه‌یش به‌رئه‌نجامی کێشه‌ و خیلافه‌ سیاسییه‌کانی ناو باڵه‌ جیاوازه‌کانی پێکهێنه‌ری رێکخراوه‌که‌ بوو! ئه‌و ئینشقاقه‌ وه‌رچه‌رخاندنێک بوو، بووه‌ مایه‌ی ده‌رهاتن و له‌بێژنگدان و ڕزگاربوون له‌کێشه‌ی ده‌روونی که‌ ده‌ستوپێی ئیفلیج کردبوو. هه‌نگاونان به‌ره‌و به‌دیهێنانی ئه‌و ئامانجانه‌ی که‌ له‌پێناویدا دروست ببوو. رێکخراوی بێاکاران سه‌ربه‌رزانه‌ به‌هۆی ڕابه‌رانی عه‌مه‌لی و دڵسۆزییه‌وه‌ له‌کورت ماوه‌دا جیی خۆی کرده‌وه‌. توانی ببێته‌ جێی سه‌رنجی دۆست و دوژمن. باڵه‌ ڕێگره‌که‌ی تر(یه‌کێتی بێکاران) هاتا بوو ده‌که‌وته‌ حاشییه‌وه‌، تائێستایش به‌و ده‌رده‌وه‌ ده‌تلێته‌وه‌.
----------
وه‌ک دیاره‌ ئه‌م چه‌ند دێره‌ وه‌ڵامی پرسیاریکه‌. مێژووی بزره‌ و نازانم پرسیاره‌که‌ چی بووه‌ و چ که‌س و لایه‌نێک لیی کردووم و له‌کوێدا بڵاوبۆته‌وه‌.

نامه‌
هاوڕێیانی بێکار له‌ رێکخراوه‌ی بێکاران

سڵاوی گه‌رمم قبوڵ بکه‌ن

من به‌هۆی چه‌ندد کارێکی تایبه‌تی، به‌داخه‌وه‌ ناتوانم ئاماده‌بم. بۆیه‌ ئه‌م یه‌کدوو دێڕه‌م به‌پێویستزانی: ( مه‌هزه‌له‌که‌ ئه‌وه‌یه‌ شۆره‌سواران - دۆنکیشوه‌تانی ئینشقاق بایان داوه‌ته‌وه‌ و داوای له‌حیمکردنه‌وه‌ ده‌که‌ن! ئه‌گه‌ر ئێمه‌یش حه‌یامان بێت زووخاو ده‌که‌ین به‌گه‌روویاندا، ناهێڵین قسه‌یان بچێته‌سه‌ر.

ئه‌وه‌ بۆ سێ مانگ زیاتره‌ رێکخراوه‌که‌مان به‌هۆی مه‌یلی به‌ناو کۆمۆنیزمی کرێکارییه‌وه‌ تووشی ته‌نگه‌ژه‌یه‌کی قوڵ هاتووه‌. چه‌نده‌ها کۆبوونه‌وه‌ی بێسه‌رئه‌نجام بۆ ئه‌و مه‌به‌سه‌ت گیراوه‌، وای لێهاتووه‌ هه‌موو کاره‌کانمان بۆ جه‌ماوه‌ری بێکار هاتۆته‌ سه‌ر ماوناقه‌شه‌ و شه‌ڕه‌ده‌نووک!؟ موئامه‌ره‌یه‌کی پیسمان له‌دژ هه‌یه‌، ئه‌گه‌ر حه‌دی بۆ دانه‌نرێ، ئه‌وا مێژوو لێره‌ دووباره‌ ده‌بێته‌وه‌، ئینشقاق ڕووده‌دا.

دیاره‌ قوڵکردنه‌وه‌ی کێشه‌که‌ تا ئه‌م حه‌ده‌ مه‌ترسیداره‌، ئه‌وه‌یش ده‌خه‌مه‌ پاڵ (.........) ئه‌و گروپه‌ی له‌ناو رێکخراودایه‌ و دڵیان بۆ ئه‌ولا لێده‌دا. به‌هیوام هاوڕێیانی تر لێبراوانه‌ به‌دوور له‌گیانی ته‌زه‌بزوب هه‌ڵوێستی بنجبڕ له‌به‌رامبه‌ریاندا وه‌ربگرن. ته‌مێی ئه‌و که‌سانه‌یش ده‌که‌م که‌ دڵیان بۆ ئه‌ولا لێده‌دا، ئیش له‌گه‌ڵ حه‌ریفه‌کانی خۆتان بکه‌ن، زۆر له‌خواردنی نوقلی ترشوشیرین خۆشتره‌. هه‌ر بژین بۆ خه‌بات له‌دژی بێکاری. 1994.12.17

به‌یاننامه‌
کۆمۆنیزمی کرێکارییه‌ یان پۆلیسه‌؟!

هه‌روه‌ک ساڵانی ڕابردووبه‌بۆنه‌ی ڕۆژی جیهانی کرێکاره‌وه‌ - یه‌کی ئایار - (رێکخراوی بێکاران له‌کوردستان) به‌یاننامه‌یه‌کی ده‌رکرد. به‌مه‌به‌ستی بڵاوکردنه‌وه‌ی به‌شێکی به‌یاننامه‌ی ناوبراو، گرووپێ له‌هه‌ڵسوڕاوان خۆیان ده‌گه‌یه‌ننه‌ مه‌راسیمی مه‌لعه‌ب که‌ له‌لایه‌ن حیزبی به‌ناو کۆمۆنیزمی کرێکارییه‌وه‌ ساز درا بوو.

به‌گه‌یشتنی هاوڕێیانی ڕێکخراو، له‌به‌رده‌م ده‌رگای چوونه‌ ژووره‌وه‌دا له‌گه‌ڵ پۆلیسه‌کانی (مه‌نسووری حیکمه‌تیار) به‌ره‌وڕووی سانسۆر ده‌بنه‌وه‌، له‌دوای بێنه‌وبه‌ره‌یه‌کی زۆر به‌بیانووی ئه‌وه‌ی گوایه‌ فه‌وزا ده‌خولقێنێ، ناهێڵن به‌یاننامه‌که‌ دابه‌ش بکرێ!؟

قووتکردنه‌وه‌ی بیانوویه‌کی زه‌عیف و به‌عسئاسایانه‌ی له‌و جۆره‌ له‌به‌رده‌م ڕێکخراوه‌یه‌کی بێکاریدا بۆ خۆی نه‌ک پێشێلکردنی ئازادی بیروڕا ده‌ربڕین ده‌گه‌یه‌نێ، به‌ڵکوو فه‌زیحه‌یه‌که‌ ته‌نها قابیل و شیاوی حیزبۆکه‌یه‌کی بانازپه‌روه‌رده‌ی وایه‌، که‌ خه‌ریکی سه‌وداومامه‌ڵه‌ی ژێربه‌ژێرکردنه‌ له‌گه‌ڵ پارتی و یه‌کێتیدا!

گه‌ر حیزبیکی به‌ناو کرێکاری و کۆمۆنیست له‌یه‌کی ئایاردا پڕکێشی بکات و کاری ئیرهابی ئه‌نجام بدات، ئه‌وا ده‌بێ له‌لایه‌ن جه‌ماوه‌ری بێکار و کرێکار و ئازادیخوازانه‌وه‌ ڕسوا و مه‌حکوم بکرێ.

بژی ئازادی بیروڕا ده‌ربڕین سه‌رشۆڕی بۆ قیناعپۆشان 1997.5.2
----------
ئه‌م به‌یننامه‌یه‌ من نووسیم، دیاره‌ دوای بڕیاری هه‌یئه‌ی به‌ڕێوه‌بردن گه‌رماوگه‌رم بڵاوکرایه‌وه‌.


بێکاران به‌ریڕه‌نج و تێکۆشانی ژماره‌یه‌کی زۆر له‌که‌سانی سۆسیالیست و چه‌پی ڕادیکال بوو. له‌ده‌وره‌یه‌کی پڕ له‌حه‌ماس و هه‌ڵچوونی کوردستان. گه‌ر مێژووی کورت و ساوای ئه‌م یه‌کدوو ساڵه‌ی هه‌ڵبده‌ینه‌وه‌، ده‌بینرێ که‌ گفت و لفت و کرده‌وه‌ی - هه‌رچه‌نده‌ زۆر که‌مه‌ - ئه‌م ده‌زگایه‌ جۆره‌ تایبه‌تمه‌ندی پێوه‌ دیار بووه‌ و ناسراوه‌.

به‌ڵام به‌هۆی به‌سه‌ره‌وه‌بوونی ئه‌م ڕێکخراوه‌یه‌ یه‌عنی به‌هۆی شکڵ نه‌گرتنی له‌خواره‌وه‌، هه‌ر له‌ده‌ستبه‌کاربوونییه‌وه‌ تۆوی ته‌ناقوز و ناکۆکی و که‌موکوڕی له‌گه‌ڵ خۆیدا هه‌ڵگرتبوو. به‌پله‌ی یه‌که‌م بۆ نه‌قلی میکانیکی و فۆتۆکۆپیکردنی ته‌جروبه‌ی فڵان و فیسار وڵاتی پێشکه‌وتوو ده‌گه‌ڕێته‌وه‌.

ئه‌وه‌بوو له‌پاش ماوه‌یه‌کی زۆر کورت له‌پێکهێنانی ئه‌و تۆوه‌ یان ئه‌و میکرۆبه‌ که‌وته‌ بزووتن، به‌توندی شه‌ره‌ده‌نوکی نێو دڵ و گورچیله‌ فلقه‌یان کرد و ته‌قییه‌وه‌ - لوتتان بگرن - که‌وتنه‌ بێڵکاری ساختمانی تازه‌کوره‌ی ڕێکخراو. بێچاوێنی بن به‌هه‌موو - خێریان بنووسێ کاری کۆمۆنیستی ئائه‌مه‌یه‌! هه‌ش به‌سه‌رخۆی بێکاران، ئه‌گه‌ر ئه‌مانه‌ داکۆکیکه‌رت بن! - وه‌ک شووتی شه‌قیان کرد!

چۆن له‌ڕاپه‌ڕین - ڕووداوه‌کانی ئازار - شووراکان به‌هۆی کێشه‌ی لابه‌لاوه‌ سووک و سه‌لیمیان کرد! ئاوایش ئه‌و کۆرپه‌ به‌دایک ئه‌ورووپی و به‌باوک کوردی، له‌دوای سکی یه‌که‌م - شووراکان - دروست بوو، له‌باربرا! ئه‌و قیمه‌ته‌ی هه‌یبوو تڕا به‌گونیاندا، بێبن و ئه‌تک کرا!؟

به‌ڕاستی قه‌ره‌قۆزانی سه‌ره‌کی و کۆمبارسی ئه‌و مه‌هزه‌له‌یه‌ هێنده‌ خیانه‌تکارن هه‌قه‌ و ده‌بێت ناویان له‌مێژووی بزووتنه‌وه‌که‌دا به‌ئاوی زێڕ - عه‌فو زێراب - بنوسرێته‌وه‌.

دوای ئه‌و ته‌ڵه‌یه‌ یان دوای ئه‌و پاشقوله‌ نه‌مه‌ردانه‌یه‌، باڵێکیان بۆ پاساودانی کاری گه‌نیان - بیرمان نه‌چێ ئه‌م ناوهێنانه‌ قه‌پۆزی ئه‌ولایش ده‌گرێته‌وه‌ - که‌وتنه‌ په‌له‌قژێ بۆ ئه‌وه‌ی به‌حسابی خۆیان و عه‌قلی گۆچانییان بیسه‌لمێنن دڵسۆزن بۆ بیکاران، که‌وتنه‌ په‌یوه‌ندی و ماستاوساردکردنه‌وه‌ و قلیشانه‌وه‌ی قاپی ئه‌م حیزب ئه‌و حیزب بۆ ۆه‌یداکردنی پاره‌وپول و زه‌خیره‌ - کاسبییه‌کی چاکه‌ - بۆ ئه‌مه‌یش سوود له‌نفوزی عه‌میلیکی وه‌ک حاجی ئه‌نوه‌ر وه‌رگیرا. ئه‌ویش خوا هه‌ڵناگرێ مه‌ئمورییه‌ته‌که‌ی باس ئه‌نجام ئه‌دا به‌تایبه‌تی له‌گه‌ل یه‌کێتیدا.

جا ئه‌م تیشکی سه‌وزه‌ خێروبه‌ره‌که‌ت بوو، تا جارێ به‌ئاشکرا ده‌چوو، سێ جار به‌نهینی خۆی به‌مه‌ڵبه‌نددا ده‌کرد! ڕووی زه‌مانه‌ و ڕاپه‌ڕین ڕه‌ش بێت، سه‌ری لێتێکچووه‌ ده‌بوایه‌ ئه‌ویش ئێستا شتێ بوایه‌ له‌و شوێنه‌ گرنگه‌، نه‌چووه‌ بچێ، ماڵه‌ باوانه‌، ماڵی قه‌ڵب سه‌ر به‌ساحێبێتی.

ئه‌م هه‌نگاوه‌ یان ڕه‌شمه‌ له‌ده‌ستده‌رچونه‌ هه‌لێکی زێڕین بوو بۆ باڵه‌که‌ی سه‌ر به‌حیزبی گه‌نجان تا ئه‌و خاڵه‌یان لێبکه‌ن به‌شه‌وه‌زه‌نگ، هێنده‌یان وته‌وه‌ ته‌نانه‌ت ببووه‌ گرێی سه‌ردڵ، له‌جه‌لال تاڵه‌بانی و یه‌کێتی نیشتمانی به‌تاوانبارتریان ده‌زانیین!تا وای لێهات به‌ڕێکخراوی بێکارانی یه‌کێتی له‌لای خه‌ڵکی کوردستان بناسرێ! که‌ مایه‌ی قێز و نه‌فره‌ت بوو! نه‌ک هه‌رئه‌مه‌ به‌ڵکوو به‌پیشه‌ی بۆرژوازی باوکیان تۆمه‌تی دزی و ئه‌خلاقیشیان خستنه‌پاڵ!

ئه‌وه‌ نه‌بێ ئه‌مانیش زۆر شه‌ریف بن، چییان به‌ده‌مدا ده‌هات و چییان به‌کرده‌وه‌ پێده‌کرا له‌مقابل ئه‌واندا ده‌یانکرد! ئه‌م کێشه‌یه‌ باڵی ڕێکخراوی به‌ته‌واوه‌تی سووک و ڕسوا کردبوو! ئه‌وه‌ نه‌بێ که‌سانێکی که‌م له‌دژی هه‌ردوولا قسه‌یان ده‌کرد. گه‌یشته‌ ڕاده‌ی نه‌ک ته‌لاقی سیاسی به‌ڵکوو ته‌لاقی ئیجتماعیش دران، سه‌لامیشیان له‌یه‌کتر نه‌ده‌کرد!

ماجه‌رایه‌کی وا ئه‌و زه‌وییه‌ به‌پیت بوو تا هه‌موولایه‌ک چیلکه‌ی تێوه‌ ژه‌نن. دیاره‌ حیزب و گروهه‌ چه‌پ و خۆبه‌کۆمۆنیسته‌کان - ئێران و عێراق - که‌ هه‌موو شیروتیریان له‌یه‌کتر ده‌کوتا، نه‌ک ده‌وریان له‌ته‌قینه‌وه‌ی کێشه‌که‌دا بینی! به‌ڵکوو خوهه‌ڵناگرێ له‌ته‌خریبدا قسووریان نه‌کرد، هه‌روه‌ک بینرا هه‌وڵیان بێسه‌مه‌ر نه‌بوو! دایکی بێکارانیان گا و هه‌ڵسانه‌سه‌رپێ!

ئه‌و جه‌ڕوحه‌بله‌ وه‌رچه‌رخانیکی گرنگ بوو بۆ دووژمنانی بزووتنه‌وه‌. ئه‌گه‌ر چه‌پ تێکشکانی شووراکانیان بۆ هێرشی بۆرژوازی - گوایه‌ خۆیان بۆرژوازی نیین - ده‌گه‌ڕانده‌وه‌! له‌مه‌یاندا به‌موباشر بۆرژوازی ده‌ستی نه‌بوو! پاروویه‌ک بوو خوادابووی کێ ده‌ست ده‌نێ به‌خێری خۆیه‌وه‌؟ ئه‌ی چۆن پێشوازی لێناکات؟

وه‌ک ئاشکرایه‌ باڵی رێکخراو به‌بێره‌قیب ده‌ستیان ئاوه‌ڵاتربوو، خێرا په‌نایان ببۆ بۆرژوازی برد، ئه‌وانیش ده‌یانزانی مه‌سه‌له‌که‌ چییه‌ بۆیه‌ به‌خشیش و ته‌کریمی پاره‌ و زه‌خیره‌...هتد یان کردن. ئه‌م کاره‌ی ڕێکخراوی بێکاران له‌به‌ر خاتری چاوی قاوه‌یی بێکاران نه‌بوو! هه‌مان کار ئه‌گه‌ر جه‌ماعه‌تی(ی . ب) بیکردایه‌، ده‌رگای بۆرژوازیان واڵا بکردایه‌ته‌وه‌، ئه‌وا به‌خشیشیان وه‌رده‌گرت. به‌ڵام له‌گه‌ڵ هه‌رزه‌ ده‌ڵێی چێ! له‌م ئاخرییه‌دا پێیان زانی له‌خێروبه‌ره‌که‌تی زۆر و زه‌وه‌ندی بۆرژوازی تۆزێ به‌هره‌مه‌ند ده‌بوون!

به‌خشیش ته‌ماعیک بوو تا له‌ده‌وری ڕیکخراو، جه‌ماوه‌ریکی پیکهاتوو له‌ژنان و پیاوانی پیر و په‌ککه‌وته‌ کۆوه‌ بێت، که‌ به‌پێی په‌یره‌ووپرۆگرام نه‌ده‌بوایه‌ وه‌رگیرانایه‌! به‌ڵام هه‌روابووه‌ یاسا قوڕی سه‌ناعی بووه‌ چۆن ویستراوه‌ ئاو شێلراوه‌! یان ژنانێکی زیاد له‌پێویست وه‌رگیران ده‌کرێ بووترێ رێکخراوی ژنانی کوردستان نه‌ک بێکاران!

هه‌مان ڤایرۆس تووشی یه‌کێتی بێکاران بووه‌! ئه‌مه‌ له‌کاتێکدایه‌ به‌هۆی دواکه‌وتوویی فه‌رهه‌نگی کۆمه‌ڵگای کوردستانه‌وه‌ پیاوان موئه‌هه‌لترن بۆ کارکردن وه‌ک له‌ژنان. ڕووکردنی جه‌ماوه‌ری عه‌بابه‌سه‌ر بۆ ئه‌م جۆره‌ شوینانه‌ ته‌نها و ته‌نها بۆ به‌ده‌ستهێنانی زه‌خیره‌ بوو نه‌ک خه‌بات و عه‌قلی ته‌شه‌کول! به‌هۆی ئه‌و فه‌وزایه‌ی کۆمه‌ڵگای کوردستانی تێکه‌وتووه‌، جۆره‌ها ڕێکخراو به‌ئه‌هدافی جۆراوجۆر دروست بووه‌! هه‌ر ئه‌و ژنانه‌ به‌بێکارانه‌وه‌ له‌چه‌ند شوێنی تر خۆیان ناونووس کردووه‌!

ئه‌م حاله‌ته‌ یان ئه‌م ئایدزه‌ی ڕێکخراوی بێکاران بڵاوی کرده‌وه‌ ته‌نها و ته‌نها بۆ مزایه‌ده‌کردن بوو به‌سه‌ر (ی . ب)ه‌وه‌! ئه‌م پۆز لێدانه‌ به‌موعجیزه‌ و ده‌ستکه‌تیان داده‌نا له‌کاتێکدا ئه‌و کاره‌ زۆر کۆنه‌، فڵان و فیسار ڕێکخراوی جه‌ماوه‌ری بۆرژوازی کردوویانه‌ و ده‌یکه‌ن. ده‌کرێت بڵێین زۆر تێروپڕتر کردوویانه‌، وای لیهاتووه‌ ده‌ڵێن به‌ده‌ستهێنانی زه‌خیره‌ ماڵی بێدانه‌.

به‌هه‌رحاڵ ئه‌گه‌ر ئه‌م وه‌سیله‌ ته‌کتیکییه‌ به‌مه‌به‌ستی ڕێکخستن و به‌رکردنه‌وه‌ی هوشیاری چینایه‌تی و دانانی جه‌نینی ته‌نزیمێکی کرێکاری، ئه‌وا جێی ده‌ستخۆش بوونه‌. جا ئه‌مه‌ له‌هه‌ردوولا بپرسه‌، ئه‌بی چ وه‌ڵامیکی عه‌جیب و گه‌ریب بده‌نه‌وه‌. پایدۆزکردنی جه‌ماوه‌ر و به‌پۆل وه‌رگرتنه‌وه‌ی هه‌وییه‌ ناکارایی ئه‌و کاره‌یان ده‌رده‌خا! هه‌ڵماقۆیان بکردایه‌ چاکتر بوو.

جه‌ماوه‌رێک به‌ته‌ماع راگیرابێت، دواڕۆژی له‌مه‌ باشتر نابی. بێکارانیش بۆ زیندووهێشتنه‌وه‌ی په‌یوه‌ندی وه‌سیله‌یان له‌هه‌بگه‌دا نه‌مابوو. ئه‌و جه‌ماوه‌ره‌ هێنده‌ دراوه‌ به‌به‌رد و داردا سیقه‌ی به‌هیچ ستێ نه‌ماوه‌. زۆر جار به‌ئاشکرا و نهینی تۆمه‌تی دزی و فزییان داوه‌ته‌ پاڵیان! ئاخر تاڕاده‌یه‌کیش ناهه‌قیان ناگیرێ، ته‌سه‌رف له‌لایه‌ن فڵان و فیساره‌وه‌، به‌زه‌خیره‌ کراوه‌! یان پاره‌ی زۆر هه‌بووه‌ له‌ختوخۆرایی ته‌خشان و په‌خشان کراوه‌! خوا پیم نه‌رێ قاچ و قیچی تیاکراوه‌! ئێ قه‌یدی چییه‌ ئه‌وه‌ له‌بری ماندووبونیانه‌! یه‌کێ نه‌زانێ گۆیژه‌یان ڕووخاندووه‌!

ئه‌مه‌ حاڵی جه‌ماوه‌ره‌که‌یه‌، ئه‌بێ هه‌ڵسووڕاوانی له‌چیدا بن؟

هه‌ریه‌که‌ زروفێ فڕێیداوه‌ته‌ ئه‌وێوه‌. قه‌ناعه‌تی پی نییه‌، هه‌ر گاڵته‌ی به‌خه‌بات و تێکۆسان دێ! به‌ڵام ئه‌مڕۆ جاده‌که‌ی پانه‌، هیچ شتێ باجی له‌سه‌ر نییه‌! بۆ وه‌ک چایخانه‌ به‌کارینه‌هێنێ، له‌وانه‌یشه‌تۆزه‌تۆزه‌ له‌زه‌خیره‌ و پاره‌ به‌هره‌مه‌ند بێ. هه‌ر هیچی ده‌ست نه‌که‌وێ کوێخایه‌تی به‌سه‌ر یه‌کدوو ژنی داماوی بۆ ده‌مێنێته‌وه‌!

هه‌یانه‌ خۆی به‌مه‌جموعه‌ زاراوه‌یه‌کی بنیه‌وییه‌کانه‌وه‌ خه‌ریک کردووه‌ که‌ قسه‌ ده‌کات وه‌ک ئیحما بکات وایه‌، باڵ به‌ملاوبه‌ولادا فڕێ ده‌دا، ده‌ڵێی پرۆفیسۆری هیچه‌.

زه‌لامێکی تریان ه‌ناو نائه‌دیبه‌، عه‌قل بۆشی وه‌ک خۆی نه‌بۆته‌وه‌. ئه‌وه‌ی سه‌ریڕووتاوه‌ته‌وه‌ ئه‌گه‌ر یه‌کێ له‌دووره‌وه‌ نه‌یناسێ واده‌زانێ ئه‌و سه‌رڕووتاوییه‌ی هی عاقلییه‌تی، به‌ڵام ئه‌وه‌ی پێی بووترێ عه‌قل، نییه‌تی. ده‌م پیس، تائێستا له‌سه‌ر ده‌م پیسی چه‌ندجار پۆرتیان شکاندووه‌، جارێکیش گرتیان. ترحێو خۆس ڕابه‌ری کرێکار! جا ئه‌م براده‌ره‌ نه‌خۆشییه‌کی تریشی هه‌یه‌، ئه‌ویش شانازیکردنییه‌تی به‌پۆخڵاواته‌کانی زه‌مانی پێشمه‌رگایه‌تی یه‌کێتی!

هه‌شه‌ بۆ دڵداری و حب حبێنه‌ هاتووه‌، هه‌ر که‌ گه‌یشت به‌ ئانتۆنێلا، ئه‌ڕوا ده‌ستێکی ته‌ڕ ده‌هینێ به‌قنگی ڕێکخراودا، بای بای...

هیوایش هه‌یه‌ زۆر ئه‌نانییه‌، حه‌ز ده‌کات هه‌رچی کاری ڕێکخراو هه‌یه‌ ئه‌و بیکات، سقه‌ی به‌که‌س نییه‌! ئه‌مه‌یش ته‌نها له‌به‌ر ده‌کا تا له‌ یو ئێنی ئیمپریالیسته‌کان وه‌رگیرێ، بۆخۆی له‌یه‌کێ له‌وڵاته‌ ئه‌ورووپاییه‌کان ئیسراحه‌ت بکات. ئه‌م ورده‌ بۆرژوا ئه‌نتی (حککع)یه‌، هینده‌ ئینتهازی بوو، له‌چوونه‌ده‌ره‌وه‌ بۆ ته‌نها ته‌زکییه‌ک له‌به‌رده‌میاندا فشی کردووه‌، مه‌یلی تازه‌ بۆته‌وه‌!

براده‌ریکی بچووکیش هه‌یه‌ له‌ژێر ئۆتۆریته‌ی فڵان حیزبی ئێرانیدایه‌، هه‌مو هه‌می ئه‌وه‌یه‌ معاداتی (حککع) و جه‌ماعه‌تی مه‌نسووری حیکمه‌ت بکات! ده‌یه‌وێ وه‌ک مونه‌زیرێک ده‌رکه‌وێ، فه‌قیره‌ هه‌ست به‌نه‌قس ده‌کات. خوا پیم نه‌گرێ ڕفاندنه‌که‌ی موئامه‌ره‌ بوو!

به‌عام ئه‌م خۆ به‌چه‌پزانانه‌، هه‌رچی له‌کاروکرده‌وه‌ و گفت و لفتیان ده‌ڕوانی به‌مو له‌گه‌ڵ چه‌په‌کانی تردا ته‌فاوتیان نییه‌. قه‌ل به‌قه‌ل ده‌ڵێ ڕوو ڕه‌ش بی!

له‌دوا قسه‌دا ته‌نها ئه‌وه‌ ده‌وترێ که‌ بێ ئاسۆیی و جه‌وی به‌بنبه‌ست گه‌یشتنی ڕێکخراو خه‌ریکه‌ ده‌یتاسێنێ. ڤایرۆسی چوونه‌ده‌ره‌وه‌یش سه‌ری هه‌ڵداوه‌. به‌هۆی بێرۆکراتییه‌وه‌ نه‌یانهێشتووه‌ وزه‌ی نوێی تێبکه‌وێ. هه‌رچییه‌ک هاتووه‌، خه‌ریک بووه‌ کار بکات له‌پۆرتیان داوه‌! ئیعتمادیش له‌سه‌ر ئه‌م ئه‌فرادانه‌ و نه‌مانیان، یه‌عنی بێکاران فت!

بێ ئاسۆیی زاڵه‌ ماوه‌یه‌که‌ قسه‌ له‌یه‌کگرتنه‌وه‌ ده‌کرێ. چ شه‌رمه‌زارییه‌که‌ ئێستا له‌گه‌ل دووژمنی دوێنێدا خه‌ریکی یگا کردن و چاوداگرتن و دڵدارین!

یه‌ڵڵا ئه‌م شمڵی شه‌رانه‌ی ده‌له‌وه‌ڕێن به‌سه‌ر بزووتنه‌وه‌که‌وه‌ - هه‌ردوولا - خه‌ریکه‌ شه‌قی زه‌مانه‌ وه‌ده‌ریان ده‌نێ و ده‌ستیان که‌شف ده‌کات. ئه‌گه‌ر ڕێکخراوبوون و به‌حیزبیکردنی چینی کرێکار له‌سه‌ر ده‌ستی ئه‌م خاڵه‌ ره‌حیمانه‌ بچێته‌ سه‌ر، ئه‌وا کریکاران ده‌بێ ئالیلی بڵێن.
---------------
ئه‌م نووسینه‌ بێناونیشان و بێمێژووه‌، هی سه‌رده‌مێکی دیاریکراوه‌ - دیاره‌ و پێده‌چێ عاجزیان کردبێتم بۆیه‌ زمانم به‌و شێوه‌یه گێراوه‌‌، چوونکه‌ من بۆ خۆم له‌ماوه‌ی چه‌ند ساڵدا هه‌ڵسووڕاوێکی سه‌رسه‌ختی ڕێکخراو بووم - به‌داخه‌وه‌ زمانێکی گاڵته‌جاری و توند به‌کارهێنراوه‌‌ من ئێستا به‌هیچ شێوه‌یه‌ک له‌گه‌ڵیدا نیم ته‌نها وه‌ک دیکۆمینتیک ده‌یخه‌مه‌ ڕوو، داوای لێبووردن له‌و که‌سانه‌ ده‌که‌م ‌ڕاسته‌وخۆ و ناراسته‌وخۆ به‌خراپ ناویان هاتووه‌ و باس کراون. 05.3.26

تکایه‌ بروانه‌: بابه‌تی په‌یوه‌ندیدار PDF

ئاگادارکردنه‌وه‌

ژماره‌/27

هاوڕێیانی یه‌کێتی بێکاران - سله‌یمانی

بابه‌ت/ لێکۆلینه‌وه‌

له‌ڕۆژی 1994/7/9 کات 11ی به‌یانی، لیژنه‌ی په‌یوه‌ندییه‌کانی سه‌ر به‌ڕێکخراومان که‌ پێکهاتبوو له‌هاوڕێیان ( حاجی ئه‌نوه‌ر،عه‌باس شوان،ئه‌حمه‌د حه‌سه‌ن - ڕانیه‌) به‌مه‌به‌ستی ته‌سلیمکردنی لیستی ناوی بێکاران و وه‌رگرتنی چه‌ند سه‌د پشکێ له‌خۆراک سه‌ردانی به‌ڕێز به‌ڕێوه‌به‌ری کومپانیای دابه‌شکردنی خۆراک - عه‌باس عه‌بدولره‌حمان -مان کرد. له‌نێوان قسه‌وباسه‌کان ئه‌وه‌مان بۆ ده‌رکه‌وت که‌ ئێوه‌یش سه‌ردانی شوێن و که‌سی ناوبراو بۆ هه‌مان مه‌به‌ست ده‌که‌ن. ئه‌مه‌ هه‌تا ئێره‌ نه‌ک ده‌ستخۆش بوونتان لێ ده‌که‌ین، به‌ڵکو هانی ئه‌وه‌شتان ده‌ده‌ین هه‌رچی زیاتر جددی و شێلگیرانه‌ و فشاری زیاتر بخه‌نه‌ سه‌ر ئۆرگانه‌کانی حکومه‌ت بۆ زیادکردنی نانێک به‌سفره‌ی خاڵی بێکاران.

به‌ڵام و به‌ڵام به‌ڕێزان ئه‌وه‌ی به‌نائسوولی و ناکرێکاری ده‌ده‌ینه‌ قه‌له‌م، له‌نێوان قسه‌کاندا له‌گه‌ڵ ئه‌و به‌ڕێزه‌، فه‌رمووتانه‌: ( .. چۆن خۆراک ئه‌ده‌ن به‌وان بیده‌ن به‌ئێمه‌یش، ئه‌گه‌ر ئه‌وان سی چل که‌س بن ئه‌وه‌ ئێمه‌ هه‌زاره‌هاین!!!) قسه‌ی به‌ڕێوه‌به‌ر کۆتایی دێت.

ئێمه‌‌ زۆر بڕوامان به‌قسه‌ی به‌ڕێوه‌نه‌ر نییه‌ و نیشانه‌ی پرسیارمان خستۆته‌ سه‌ر، به‌ڵام له‌هه‌مان کاتدا وو ڵيءيةچآـێ ‌يڵدانه‌وه‌ی ئه‌و کارشکێنیانه‌ی له‌مه‌وبه‌ر له‌به‌رامبه‌ر ئێمه‌دا کردووتانه‌. به‌لامانه‌وه‌ شتێکی ئاساییه‌، ئه‌و حه‌قد و نیگه‌رانییه‌ به‌و شێوه‌یه‌ ده‌ربرابێ. جا هه‌رکه‌س وتبێتی ئه‌وه‌ (ی . ب) به‌رپرسه‌. به‌هه‌قی خۆمانی ده‌زانیین داواتان لێ بکه‌ین بچنه‌ بنکڵێشه‌ی ئه‌و مه‌سه‌له‌یه‌ و حه‌دێ بۆ ئه‌و زیاده‌ڕه‌ویانه‌ دابنرێت، که‌سی نوێنه‌ر سزا بدرێت. گه‌ر وانه‌که‌ن ئه‌وا ئێمه‌ هه‌روه‌ک چۆن له‌مه‌وبه‌ر وه‌ڵامی دروستمان پێداونه‌ته‌وه‌، له‌مه‌یش بێده‌نگ نابین و گشت بڵقه‌کان به‌ر ده‌رزی ده‌ده‌ین.

هاوکاریتان مایه‌ی پێزانینی ئێمه‌یه‌.

وێنه‌یه‌ک بۆ: حککع - سله‌یمانی/ بۆ ئاگاداریتان 1994.7.12
---------
هه‌یئه‌تی به‌ڕێوه‌بردن منی (عه‌باس شوان)ته‌کلیف کرد بۆ نووسینی ئه‌م نامه‌یه‌.


نامه‌هاوڕێی کریکار و دڵسۆز مام ئه‌نوه‌ر


سڵاوی گه‌رم

نامه‌که‌تمان به‌ده‌ست گه‌یشت.... هه‌وڵدانت بۆ کوژانه‌وه‌ی ئه‌و فیتنه‌یه‌ی حککع له‌ناو ڕێکخراوی بیکاراندا ناویه‌ته‌وه‌ نیشانه‌ی دڵسۆزیتان ده‌گه‌یه‌نێ. ده‌ستان به‌گه‌رمی ده‌گوشین.

ئێمه‌ له‌لای خۆمانه‌وه‌ بیگومانیین که‌ ئه‌وان سه‌رچاوه‌ی گرفته‌که‌ن، ڕێکخراوی بیکاران بۆته‌ گرێی ئۆدیب! ئه‌وان له‌اتیکدا ئاماده‌ی یارمه‌تیدانی نیین، له‌هه‌مانکاتدا خه‌ریکی پاشقول لێگرتنن! به‌و کارانه‌یان ڕێکخراویان له‌خۆ کردووه‌ به‌دوژمن! ئه‌مه‌ ده‌لیلێکی تره‌ که‌ ئه‌وان سیاسی نیین، هه‌رگیز نابن. هه‌وڵتان پیرۆزه‌ 1995.8.15

ڕاپۆرتی ژماره‌: 6

دوێنی به‌یانییه‌که‌ی ئه‌نجوومه‌نی باڵای شار سله‌یمانی ڕێپێوانێکی حه‌وت، هه‌شت هه‌زار که‌سی بۆ باره‌گای یو ئێن کرد. ئه‌م ئه‌نجوومه‌نه‌ یه‌کێکه‌ له‌ڕێکخراوه‌ جه‌ماوه‌رییه‌کانی یه‌کێتی نیشتمانی کوردستان، ته‌نها له‌شاری سله‌یمانی و قه‌زاوناحییه‌کاندا هه‌یه‌، هێنده‌ی بزانم له‌هه‌ولێر ئه‌نجوومه‌ن نییه‌.

ئه‌م ئه‌نجوومه‌نه‌ درێژه‌ی ئه‌و ئه‌نجوومه‌نانه‌ی لادێکانی زه‌مانی بزووتنه‌وه‌ی چه‌کداری شاخه‌ که‌ وه‌ک شاره‌وانی وابوون، بۆ دابه‌شکردنی پێ میم و ناردنی نامه‌ و هه‌ندێ ورده‌ ئیش که‌ خزمه‌تیان به‌هێزی چه‌کدار ده‌کرد.

زستانی ئێره‌ تووشه‌، به‌بێ سووته‌مه‌نی کار ناڕوات، ئه‌م حه‌ره‌که‌ته‌یش بۆ داواکردنی سووته‌مه‌نی به‌رێخرا. ساڵانی پێشوو تۆزێ نه‌وتیان دابه‌ش ده‌کرد، ئه‌مساڵ دواکه‌وت. مه‌ترسی ئه‌وه‌ هه‌یه‌ که‌ ئه‌و بڕه‌ نه‌وته‌یش نه‌درێ. ئه‌م گرفته‌ یه‌کێکه‌ له‌مه‌وزوعه‌ گرنگه‌کانی سه‌رزاری خه‌ڵکی.

له‌لایه‌که‌وه‌ به‌شێ له‌خه‌ڵکی حه‌ز ده‌که‌ن یه‌ک چۆڕ باران له‌ئاسامن نه‌یه‌ته‌خوارێ. له‌لایه‌کی تره‌وه‌ مه‌ترسی گرانی گه‌نم و جۆ هاتۆته‌ ئاراوه‌، به‌هۆی نه‌بارینی بارانه‌وه‌. له‌هه‌ردووباردا زه‌نگی خه‌ته‌ره‌ و باجه‌که‌ی خه‌ڵکی ده‌ستته‌نگ ده‌یدا، گرف له‌سه‌ر گرفت که‌ڵه‌که‌ ده‌بێ!

فه‌رمانڕه‌وایانی ناوچه‌که‌ ده‌وریان هه‌یه‌ له‌قورسکردنی گرفته‌که‌ به‌وه‌ی که‌ ئه‌و تۆزه‌ سووته‌مه‌نییه‌ی به‌ته‌نگه‌ر یان به‌ڕێگای قاچاغ دێته‌ کوردستانه‌وه‌ باجی زۆری ده‌خه‌نه‌ سه‌ر، وه‌ک بڵاوه‌ بۆ یه‌ک به‌رمیل 50 دینار ده‌سه‌ندن! له‌فه‌سڵی سه‌رما و سۆڵه‌ به‌هۆی به‌کارهێنانی زۆری سووته‌مه‌نییه‌وه‌ نرخه‌کان ده‌چنه‌ سه‌ر! خه‌ڵکانی ده‌ستته‌نگ ناتوانن سووته‌مه‌نی به‌ده‌ست بهینن.

هه‌روه‌ها ئامه‌ده‌یش نیین بودجه‌یه‌ک دیار بکه‌ن بۆ کڕینی سووته‌مه‌نی که‌ ئه‌رکی هه‌ر فه‌رمانڕه‌وایه‌که‌! ئه‌و ده‌رووه‌ی خه‌ڵکی دڵیان پێی خۆشه‌ و نه‌بوونی سووته‌مه‌نی پێقه‌ره‌بوو بکرێته‌وه‌، وزه‌ی کاره‌بایه‌. به‌ڵام پێده‌چێ فه‌رمانڕه‌وایان له‌و دوو ویستگه‌یه‌ی وزه‌ی کاره‌با به‌رهه‌م ده‌هێنێ، فاشل و فاشل تربن، هه‌ر له‌ئێستاوه‌ کاره‌باکه‌یان نه‌خۆش خستووه‌ و گوایه‌ به‌ش ناکات! هه‌ر شه‌وه‌ی گه‌ره‌کێ دوو گه‌ره‌ک بێ کاره‌با ده‌که‌ن! ئه‌بێ فه‌رمانڕه‌وایانی تری دنیا وه‌کو ئه‌مانه‌ بن؟ بڕوا ناکه‌م.

به‌هه‌رحال یه‌کێتی له‌به‌ڕێخستنی حه‌ره‌که‌یه‌کی وا پێده‌چێ بیه‌وێ قورسایی له‌سه‌ر کاره‌با که‌م بکاته‌وه‌! به‌پێی قسه‌ی سه‌رانی یه‌کێتی و له‌ناو خه‌ڵکیدا وابڵاوه‌ که‌ نیوه‌ی نه‌وتی ساڵی پار ده‌درێ، وه‌فده‌ ئه‌مه‌ریکییه‌که‌ ئه‌وه‌ی دابین کردووه‌. له‌لایه‌کی تره‌وه‌ خۆ له‌ئه‌رکی دابینکردنی سووته‌مه‌نی ده‌دزنه‌وه‌ و ڕووبه‌ڕووی یو ئێنی ده‌که‌نه‌وه‌!

به‌هۆی ئه‌م وه‌زعه‌وه‌ له‌نێو جه‌ماوه‌ری خه‌ڵکیدا ناڕه‌زایه‌تی و بۆڵه‌ و خوته‌ له‌جه‌ره‌یاندایه‌. کارێکی جه‌ماوه‌ری خۆبه‌خۆ له‌ئارادا نییه‌، له‌باری ڕاگه‌یاندنه‌وه‌ حیزبه‌ چه‌پ و ئۆپۆزسیۆنه‌کان ئه‌و مه‌سه‌له‌یه‌یان ورووژاندووه‌، به‌ڵام له‌به‌ر نه‌بوونی جه‌ماوه‌ و دابڕانیان، بێسقه‌یی جه‌ماوه‌ر له‌به‌رامبه‌ریاندا، ته‌نانه‌ت نه‌یانتوانیوه‌ له‌داخوازییه‌کی ئانی و گرنگی وادا هاوکاری بکه‌ن و عه‌مه‌لێکی هاوبه‌ش وه‌ک ڕێپێوان و شتیکی له‌و بابه‌ته‌ به‌ڕێبخه‌ن.

ئه‌مه‌یش ده‌گه‌ڕێته‌وه‌ بۆ ئه‌وه‌ی به‌ره‌ی ئۆپۆزسیۆن هه‌ر یه‌که‌یان له‌ئاشێ ده‌خوێنێ، خه‌ریکی شه‌ڕه‌ده‌نووکن! جا مه‌هزه‌له‌که‌ و تراجیدیاکه‌ له‌وه‌دایه‌ حیزبی حاکم ده‌ست بۆ کارێک ده‌با که‌ ئه‌رکی ئۆپۆزسیۆنه‌! نه‌ ئۆپۆزسیۆن ئۆپۆزسیۆنه‌ نه‌ حاکم حاکمه‌! جاوه‌ره‌ جه‌ماوه‌ری ڕيشوڕووت شه‌ق مه‌به‌و ئیباده‌ مه‌به‌!

به‌مه‌به‌ستی مه‌تره‌حبوون و ئیجتماعیبوونه‌وه‌ و موداخه‌له‌کردن له‌هه‌ر حه‌ره‌که‌یه‌کی جه‌ماوه‌ری ئیتر هه‌ر لایه‌ک به‌رێی بخات، داخوازییه‌کی مولحی خه‌ڵک پشتیوانی لێکردن، ڕێکخراوی بیکاران بڕیاری به‌شداریکردنیدا. هه‌رچه‌نده‌ ئه‌و هێزه‌ی جارانی نه‌ماوه‌.

له‌سه‌ر په‌ڕۆیه‌کی سوور دوو داخوازی به‌رزکرایه‌وه‌:

لابردنی گومرگ له‌سه‌ر سووته‌مه‌نی.

دابینکردنی سووته‌مه‌نی له‌لایه‌ن یو ئێن و فه‌رمانڕه‌وایانه‌وه‌، داخوازی خه‌ڵکی کوردستانه‌.

ئه‌ندامانی بێکاران سه‌ره‌تا ده‌ ژن و پیاو به‌ڵآم له‌درێژه‌ی ڕێپێوانه‌که‌دا نزیک بووه‌ له‌ سی ئه‌ندام. به‌هۆی کتوپڕی و دره‌نگ پێزانین نه‌توانرا زووربه‌ی ئه‌ندامان ئاگادار بکرێته‌وه‌، ژماره‌یه‌کیان هه‌روا خۆیان هاتبوون و په‌یوه‌ستبوون، هاتنه‌ ژێر و ڕیزی دروشمه‌که‌وه‌.

له‌سه‌ره‌تاوه‌ له‌نێو گشت ئه‌و دروشمانه‌ی به‌رزکرابوونه‌وه‌ ته‌نها بێکاران بوو درووسمه‌که‌ی له‌سه‌ر په‌ڕۆی سوور نووسیبوو. له‌گه‌ڵ ئه‌وه‌یشدا ژماره‌ی ئه‌ندامانی بێکاران و جه‌ماوه‌ری دوای دروشمه‌که‌ به‌قه‌ده‌ر جه‌ماوه‌ر گرووپی حککع ده‌بوو.

هه‌ر که‌ ڕێپێوانه‌که‌ گه‌یشته‌ به‌رده‌م باره‌گاکه‌یان له‌سه‌هۆڵه‌که‌ به‌یه‌کدوو دروشمی سووره‌وه‌ پێدزکه‌یان کرد، به‌و پییه‌ دروشمه‌کان بون به‌پێنج دانه‌. زووربه‌ی که‌ناڵه‌کانی ڕاگه‌یاندن هاتبوون، خه‌ریکی تۆمارکردنی وه‌قائیعه‌کانی حه‌ره‌که‌ته‌که‌ بوون. تیڤی ئازادی حشک وتووێژی له‌گه‌ڵ ڕێپێوانیکه‌ران ده‌کرد، دوو که‌س له‌ده‌سته‌ی ڕابه‌رایه‌تی رێکخراو (ع.ش) و (ف.ف) مقابه‌له‌کران.

له‌وێدا بێجگه‌ له‌دووباره‌کردنه‌وه‌ی قسه‌کانی سه‌ر دروشمه‌که‌، ئه‌وه‌ ده‌رببڕا؛ ئه‌گه‌ر فه‌رمانڕه‌وایان ناتوانن سووته‌مه‌نی دابین بکه‌ن؟ خۆ ده‌توانن وزه‌ی کاره‌بای تێروته‌سه‌ل بده‌ن. ئه‌و دوو ویستگه‌یه‌یی دوکان و ده‌ربه‌ند ده‌توانێ نه‌ک دابین کاره‌با بۆ دوو شاری کوردستان بکا، به‌ڵکوو ده‌توانێ شی هه‌موو ئێراقیش بدات. ئه‌و قسانه‌ ده‌نگ و سه‌دایه‌کی باشی له‌لای خه‌ڵکی کوردستان دروستکردبوو، جێی ڕه‌زامه‌ندی بوو.

دوای بڕینی چه‌ند سه‌د مه‌تر ڕۆیشتن جه‌ماوه‌ره‌که‌ گه‌یشتنه‌ به‌رده‌رگای یو ئێن. وه‌ک نمایش ژماره‌یه‌ک مناڵ به‌ده‌به‌ی نه‌وت و چرا و به‌تانیان دابوو به‌شانیاندا، ئاماده‌کردبوو، ڕووبه‌ڕووی ده‌رگای یو ئین دانران. دروشمه‌کانیش به‌هه‌ردوو زمانی کوردی و ئینگلیزی بوون برانه‌ پێشه‌وه‌ به‌دروشمه‌ سووره‌کانیشه‌وه‌. هاوکات له‌گه‌ڵ ئه‌مه‌دا گرووپی حککع به‌یاننامه‌یه‌ک که‌ له‌سه‌ر هامان مه‌سه‌له‌ی

سووته‌مه‌نی له‌نێو جه‌ماوه‌ری پوره‌کردوودا بڵاوکرده‌وه‌.

دیار بوو له‌هاتنه‌پێشه‌وه‌ی دروشمه‌ سووره‌کانی هه‌ردوولا؛ بێکاران و گرووپی حککع و دابه‌شکردنی به‌یاننامه‌ی گرووپه‌که‌، هه‌ڵسوڕینه‌رانی ڕێپێوانه‌که‌ ناڕازی و نیگه‌ران بوون، بیانوویش ئه‌وه‌بوو که‌ ئه‌م کاره‌ به‌دووره‌ له‌حیزبایه‌تی و یه‌کێ له‌دروشمه‌کانی ئه‌وانیان به‌ئیستفزازی ده‌زانی به‌وه‌ی ناوی پارتی و یه‌کێتی هاتبوو، ئه‌وان ده‌بێ سووته‌مه‌نی دابین بکه‌ن.

له‌پڕ جه‌ماوه‌ره‌که‌ شڵه‌ژا و دایبه‌یه‌کدا پۆلیس و حیمایه‌کانی ڕێپێوانه‌که‌ په‌لاماری زه‌لامێکیاندا ناوی کامه‌رانه‌ سوور بوو، به‌یه‌خه‌ڕاکێشان له‌جه‌اوه‌ره‌که‌یان دوورخسته‌وه‌. هاوکات دروشمه‌ سووره‌کانی ئه‌و گرووپه‌ دڕێنران. دیار بوو گێچه‌ڵیان به‌دوو که‌س که‌س کردبوو، ئه‌وانیش به‌جنێو وه‌ڵامیان دابونه‌وه‌. پاش چه‌ند سه‌عات به‌ره‌ڵایان کردبوو.

خه‌ریک بوو کۆبوونه‌وه‌که‌ تێکبچێ، ئیتر ئه‌مه‌ بووه‌ مایه‌ی ڕه‌وینه‌وه‌ی خه‌ڵکه‌که‌. هاوکات له‌گه‌ڵ ئه‌م بێنه‌و به‌ره‌یه‌دا یه‌کێ له‌کامێراکانی تیڤی ئازادی وێنه‌ ده‌گرێ. به‌ڵام ئه‌فسه‌رێکی پۆلیس نه‌یهێشت و ده‌ستیکرد به‌گێچه‌ڵ پێکردنیان و داواکردنی شریته‌که‌. ئه‌وانیش سه‌رسه‌ختانه‌ ڕاوه‌ستانه‌وه‌ و ژماره‌یه‌ک خه‌ڵکیش ته‌ده‌خولیان کرد، هه‌وڵی پۆلیس پووچه‌ڵ کرایه‌وه‌.

کاربه‌ده‌ستانی یو ئێن له‌به‌رزییه‌وه‌ به‌کامێرای ڤیدیۆ و فۆتۆگرافی چه‌ند به‌ش له‌جه‌ماوه‌ره‌ خربووه‌که‌یان تۆمار ده‌کرد.

له‌و کێشه‌یه‌دا جه‌ماوه‌ری ڕێکخراوی بێکاران و دروشمه‌که‌یان که‌ تاڕاده‌یه‌ک واقعی تر بوو زیانیان لێنه‌که‌وت، که‌س نه‌چوو به‌لایاندا تا کۆتایی حه‌ره‌که‌ته‌که‌ گه‌ش گه‌ش به‌سووری مایه‌وه‌.

کاربه‌ده‌ستانی یو ئین ئه‌وه‌یان به‌نوێنه‌رانی ئه‌نجوومه‌ن ڕاگه‌یاند که‌ فاکس ده‌که‌ن بۆ به‌غداد، دوای سێ ڕۆژی تر بۆ وه‌ڵامه‌که‌ی وه‌رنه‌وه‌. ئیتر خه‌ڵکی بڵاوه‌یان لیکرد.

ئه‌وه‌ی ماوه‌ بووترێ ڕێکخراوی بێکاران و چه‌پ و ئۆپۆزسیۆن نه‌یانتوانی سه‌ربه‌خۆیانه‌ حه‌ره‌که‌ت بکه‌ن. ئه‌وه‌ بۆ دووه‌مجاره‌ ڕێکخراوی بێکاران و گرووپی حککع پاشکۆیه‌تی قبوڵ ده‌که‌ن و ده‌بنه‌ هێزی یه‌کێتی یان بون به‌به‌شێ له‌کۆمیته‌یه‌ک. یه‌که‌مجار له‌منازه‌ره‌که‌ی کۆمه‌ڵگای مه‌ده‌نی، دووه‌مجار له‌م حه‌ره‌که‌ته‌ی ئه‌نجوومه‌نی باڵا. جا گرووپی حککع له‌به‌یاننامه‌ی ڕۆژی 1995.12.2 ئه‌و

حه‌ره‌که‌ته‌یه‌یان به‌هی خۆ داناوه‌! چۆن درۆیه‌که‌! ده‌مه‌ چیت لێکه‌مه‌! 1995.12.1

ڕاپۆرتی ژماره‌:1

له‌دوای تێکشکاندنی ته‌رحی یه‌کگرتنه‌وه‌، باڵی (حککع) وازیان نه‌هینا بۆ هه‌مان مه‌به‌ست زمانیان گۆڕی خوازیاری کۆبوونه‌وه‌ی گشتی بوون. زۆرایه‌تی نێو ڕێکخراویش به‌چوار شێوه‌ی جیاواز له‌به‌رانبه‌ریاندا ڕاوه‌ستانه‌وه‌: فه‌رهاد فه‌ره‌ج به‌رپاکردنی کۆبوونه‌وه‌ی قبوڵ نه‌بوو. عه‌باس شوان خوازیاری ده‌ستبردن بۆ کاری عه‌مه‌لی، زه‌مینه‌ خۆشکردن بۆ ئه‌و مه‌به‌سته‌. له‌هه‌مانکاتیشدا ئه‌وه‌ی ده‌ربڕی ماده‌م کۆبوونه‌وه‌ ته‌رحی ئه‌وانه‌، نابێ بچینه‌ ژێری. ئه‌وانه‌ هه‌زار چاوبه‌ست و فروفێڵیان هه‌یه‌، ته‌قله‌مان پێلێده‌ده‌ن. س.ک به‌بیاونووی ئه‌وه‌ی له‌و کۆبوونه‌وه‌یه‌دا بۆ یه‌کجاری مه‌سه‌له‌که‌ ده‌بڕێنرێته‌وه‌ به‌بوون یان نه‌بوون، بۆیه‌ خوازیاری کۆبوونه‌وه‌ی گشتی بوو - ئه‌وان خێرا موباره‌ک بوونیان له‌و قسه‌یه‌ کرد -! ساکاریش کۆبوونه‌وه‌ی پێباش بوو تێیدا باس له‌یه‌کگرتنه‌وه‌ نه‌کرێ. به‌لای عه‌باس شوانه‌وه‌ ئه‌و حاڵه‌ته‌ نائینسجامی ده‌گه‌یه‌نێ، بۆیه‌چه‌ند هه‌وڵیدا که‌ به‌ره‌یه‌کی تۆکمه‌ و یه‌ک ده‌ست پێکبێت تا ته‌رحه‌که‌ پووچه‌ڵ بکرێته‌وه‌، بێسوود بوو.

له‌ڕاپه‌ڕاندنی کاره‌کانی کۆبوونه‌وه‌که‌دا نه‌ک کاریان له‌گه‌ڵ نه‌کردن به‌ڵکوو ڕێگریشیان بۆ پێکهێنان. هه‌ردوولا بۆ پشتگیری و خۆئاماده‌کردن له‌دژی یه‌کتر خه‌ریکی په‌یوه‌ندیگرتن بوون. له‌کۆبوونه‌وه‌که‌دا ده‌رکه‌وت ئه‌وان زیاتر کاریان کردووه‌، ته‌نانه‌ت به‌یاننامه‌یشیان ئاماده‌کردبوو و بڵاویانکرده‌وه‌. له‌وێدا بێجگه‌ له‌باسکردنی کێشه‌ ده‌روونییه‌کان و مه‌سه‌له‌ی یه‌کگرتنه‌وه‌ داوای ڕسوواکردنی باڵی موخالیفیشیان کردبوو. له‌ولایشه‌وه‌ حککع پێش ده‌ستپێکردنی کۆبوونه‌وه‌که‌ به‌یاننامه‌یه‌کیان له‌سه‌ر پرۆسه‌ی یه‌کگرتنه‌وه‌ بڵاوکرده‌وه‌.

نه‌ک هه‌ر ئه‌وه‌ نزیکه‌ی 30 که‌س له‌ئه‌ندامان و لایه‌نگرانی حیزبیان بانگهێشت کردبوو. هێنانی ژماره‌یه‌کی وا نیازخراپی ده‌گه‌یاند، هه‌روایش ده‌رچوو. ئاماده‌بوونی تاهیر حه‌سه‌ن گومانی نه‌هێشت. پێش کۆبوونه‌وه‌که‌ زانرا موئامه‌ره‌یه‌ک رێکخراوه‌. موغریزانه‌ چه‌ند که‌سیشیان بۆ سالحی خۆیان به‌سیجکردبوو. بۆیه‌ به‌په‌له‌ هه‌یئه‌ت کۆبوونه‌وه‌یه‌کی ئیستیسنائی به‌ست. له‌وێدا ئیشاره‌ به‌وه‌درا هه‌ر جۆره‌ باسێ بڕیاری له‌سه‌ر نه‌درابێ و مه‌سائیلی شه‌خسی و ده‌روونی بوورووژێنرێ ئه‌وا وه‌ڵامی تووند ده‌درێته‌وه‌، ئه‌و کاره‌یش سپێردرا به‌ فه‌رهاد فه‌ره‌ج، بڕیاردرا کارشکێنی نه‌کرێ.

ئه‌وه‌بوو کۆبوونه‌وه‌ به‌ئاماده‌بوونی نزیکی 60 که‌س له‌ئه‌ندامانی رێکخراو ده‌ستی پێکرد. سه‌ری داو و بلۆفه‌که‌ به‌هه‌ڵسانی شه‌هابی شووراکان ده‌رکه‌وت، له‌باره‌ی یه‌کگرتنه‌وه‌ قسه‌یکرد. له‌و کارشکێنییه‌ خێرا باڵی یه‌کگرتنه‌وه‌ ئاگادار کرا.دوای ئه‌وه‌ له‌سه‌ر ئاوازی پێشوو تاهیر حه‌سه‌ن له‌قسه‌کانیدا داوای یه‌کگرتنه‌وه‌ی کرد. نیازیان هه‌بوو هه‌رچی سه‌ربه‌خۆیان بوو هه‌ڵیانسێنن و یه‌ک ئاواز بخوێنن. به‌ڵام به‌هۆی فشاره‌وه‌ ئه‌و کاره‌یان بۆ نه‌چووه‌ سه‌ر.

کاتێ مه‌سه‌له‌که‌ به‌ته‌واوی خۆی نواند که‌ دارا هه‌ڵسا به‌زمانێکی ته‌حریزی بۆ بێئیعتبار کردنی ئه‌ولا ناوی حاجی ئه‌نوه‌ری هێنایه‌ ناو ناوانه‌وه‌، گوایه‌ له‌دزی کردندا چاوپۆشی لێکراوه‌ و رێکخراو تووسی بنبه‌ست بووه‌، له‌نرخی نه‌بووان داینا، باسی ڕێگرییه‌کانی کرد که‌ هیچ کارێک بۆ ئه‌م کۆبوونه‌وه‌یه‌ نه‌کردووه‌ ، زۆر مه‌سه‌له‌ی لاوه‌کی تر....

ئه‌و قسانه‌ شقارته‌یه‌ک بوو نرا به‌پووشه‌وه‌. سه‌روه‌ر که‌ریم بێجگه‌ له‌هێرشی توند بۆ سه‌ر حیزب، به‌به‌ڵگه‌ و .... ره‌دی چه‌ند خاڵی دایه‌وه‌. خێرا باڵی ئه‌ولا بۆیان ده‌رکه‌وت ئه‌و چاڵه‌ی هه‌ڵیان که‌ندووه‌ خۆیانی تێده‌که‌ون. یه‌کێکیان چه‌ند قسه‌ی کرد بۆ حه‌ددانان و له‌گرێژنه‌ نه‌چوونی مه‌سه‌له‌که‌، به‌ڵام پاش چی؟ فه‌رهاد فه‌ره‌ج له‌بنی هه‌مانه‌که‌یدا به‌تایبه‌تی کاتێ دزی و فزی دارا و فه‌وزه‌ویه‌تی له‌به‌رچاوی خه‌ڵکی هه‌ڵماڵی. پێی له‌سه‌ر یه‌کنه‌گرتنه‌وه‌ که‌ 6 که‌س بوون داگرت. ئه‌وان بڕیارنامه‌ی یه‌کگرتنه‌وه‌یشیان حازر کردبوو، نیازیان هه‌بوو به‌بلۆفی ده‌نگدان فه‌رزی بکه‌ن، له‌م نێوه‌دا تاهیر حه‌سه‌ن هه‌ڵسا و ڕۆیشت. ئه‌وه‌ بووه‌ مایه‌ی ئه‌وه‌ی جه‌ماوه‌ر به‌ره‌ردوولا بڵی دز!

ئیتر گرووپی یه‌کگرتنه‌وه‌ هه‌رچی مه‌سائیلی شه‌خسی و قسه‌ی ئه‌م و ئه‌و هه‌بوو بۆ بێئیعتبار کردنی ته‌ره‌فی زۆربه‌ ده‌ستیان پیکرد. عه‌ناسیره‌کانی حیزب بێ مه‌وقیف نه‌مانه‌وه‌ وه‌ک مه‌ئموورییه‌ت هه‌ڵسان به‌ته‌حریزات له‌دژی موخالفین، خه‌ریک بوو له‌گه‌ڵ یه‌کدوویه‌کدا ده‌ست بدرێته‌ یه‌خه‌ی یه‌کتری و قسه‌ی ناخۆش. به‌نیازبون له‌مینبه‌ره‌وه‌ قسه‌ بکه‌ن، به‌ڵام نه‌هێڵرا. به‌خه‌ڵکیان وتبوو هه‌ویه‌کانیان بده‌نه‌وه‌ و به‌ردبارانیان بکه‌ن و داوای 30 دیناری فرۆشگاکه‌ بکه‌نه‌وه‌.

به‌خه‌ڵکی وترا ئه‌وانه‌ تێکده‌رن و ده‌یانه‌وێت ڕێکخراوی بێکاران بکه‌نه‌ حککع. خه‌ڵکه‌که‌یش ئه‌وه‌یان قبووڵ نه‌بوو، ده‌یانویست وه‌ک باڵی ئیدامه‌ خه‌ریکی کاری عه‌مه‌لی بن و به‌دوای کارێکه‌وه‌ بن که‌ سوود به‌بێکاران و ئه‌ندامانی بگه‌یه‌نێ. کۆبوونه‌وه‌که‌ درێژه‌ی کێشا، هه‌تاویش به‌تیشکی سووتێنه‌ری هه‌مووی ده‌کوتا، خه‌ڵکه‌که‌ زۆر بێته‌قه‌ت و نیگه‌ران بوون.

کۆبوونه‌وه‌که‌ به‌وه‌ کۆتایی هات که‌ باڵی ئیدامه‌ له‌سه‌ر قسه‌ی خۆیان سوور بوون. کێ ده‌چێ یه‌کبگرێته‌وه‌ با بچێ کێش لای ئێمه‌ ده‌مێنێته‌وه‌ با ىـێنێته‌وه‌. به‌بێ ئه‌وه‌ی بلۆفه‌که‌یان سه‌ر بگرێ کۆتایی به‌کۆبوونه‌وه‌که‌ هات. ئه‌ندامانی باقی پێیان له‌سه‌ر ده‌رکردنی ئه‌وان داگرت که‌ زه‌ربه‌یان له‌بێکاران داوه‌ و بیئیعتباریان کردووه‌. هه‌ر به‌ئاشکرا وترا ده‌رتان ده‌که‌ین. کلیل و قفڵی تازه‌ خێرا کررا. به‌ده‌نگه‌ ده‌نگ و هه‌ره‌شه‌ و گوڕه‌شه‌ له‌لایه‌ن هه‌ردوولاوه‌ لاپه‌ڕه‌یه‌ک هه‌ڵدرایه‌وه‌. تائێستا قسه‌وباس کۆتایی پێنه‌هاتووه‌. 1995.7.2
---------
ئه‌گه‌ر به‌هه‌ڵه‌دا نه‌چووبم ئه‌م ڕاپۆرته‌ بۆ کۆمه‌ڵه‌ی ئێران به‌ڕێز ئیبراهیمی عه‌لیزاده‌م ناردووه‌.

ڕاپۆرتی ژماره‌: 2

هه‌روه‌ک ئاگاداری بۆ ڕوونکردنه‌وه‌ی هه‌ڵوێستی ڕێکخراو له‌مه‌ڕ کێشه‌کانی ئه‌م دواییه‌ و ئیفشاکردنی سیاسه‌ته‌ غه‌یره‌کرێکارییه‌کانی گروپی (حککع) ده‌ستمان به‌زنجیره‌یه‌ک سه‌ردان بۆ لای حیزب و ڕێکخراوه‌ جه‌ماوه‌رییه‌کانی دانیشتووی شاری سله‌یمانی کرد و سه‌رکه‌وتوانه‌ ئه‌وه‌ی پێویست بوو ئه‌نجامدرا.

ڕۆژی به‌خه‌یاڵمدا هات و له‌لای هاوڕێیان ده‌رمبڕی: ئه‌ڵێن چی گێچه‌ڵێک به‌ (حککع) بکه‌ین، له‌هه‌ردوو باردا به‌قازانجمان ده‌که‌وێته‌وه‌، ئه‌ویش چۆن سه‌ردانی حیزبه‌کانمان کرد، نامه‌یه‌کیان بۆ ئه‌و مه‌به‌سته‌ بنێرین.؟ هاوڕێیان پێیان باش بوو. وترا: جواب نه‌ده‌نه‌وه‌ ئه‌وا ده‌یکه‌ین به‌خاڵێ له‌سه‌ریان، گه‌ر ڕازیش بوون ئه‌وا ئه‌و هاش و هۆش و جه‌نجاڵه‌ی بۆ یه‌کگرتنه‌وه‌ی هه‌ردوو بێکاڕان کردیان، فه‌شه‌ل پێده‌هێنین. له‌هه‌مانکاتدا سووککردنی ئه‌و ئه‌فرادانه‌ی لای ئێمه‌ بوون و سه‌نگه‌ریان گواسته‌وه‌، ده‌گه‌یه‌نێ. هه‌ر دانیشتنێک له‌گه‌ڵماندا په‌شیمان بوونه‌وه‌ی خۆیان له‌و سیاسه‌ته‌ ده‌رده‌خا و ئیعترافێکی ڕه‌سمییه‌ به‌ڕێکخراو.

له‌هه‌مانکاتدا لایه‌نی مه‌نفی بۆ خودی ڕیزه‌کانی حیزبی ناوبراو ده‌بێ و ده‌که‌ونه‌ ژێر پرسیاره‌وه‌: ئه‌مه‌تان له‌چی و ئه‌وی ترتان له‌چی؟ ئه‌مه‌ چ سیاسه‌تێکی ...؟ به‌ڵام ده‌ڵێی چی ماسین و ته‌ر نابن! هه‌ر خه‌ریکی سیاسه‌ت گۆڕینن، ئه‌سبه‌قییه‌تیان نه‌ماووه‌!

به‌هه‌رحاڵ ئه‌وه‌ی ئێمه‌ پێشبینیمان کرد وا ده‌رچوو. دیاره‌ وه‌زعییه‌تێک بۆ حیزبی ناوبراو هاته‌ پێشه‌وه‌. ده‌رگیریان له‌گه‌ڵ ئیسلامییه‌کان و هێزه‌فشۆڵه‌که‌یان و ناسین و لێکدانه‌وه‌ی میزانی هێز وای پیکردن که‌ ئه‌م هه‌ڵوێسته‌ وه‌ربگرن. هێنده‌ خۆ به‌لاواز ده‌زانن ئێستا ئاماده‌ی هاوکارین له‌گه‌ڵ هه‌موو هێزیکدا! جا سه‌یر بکه‌، هه‌ر هێزێک! هه‌روه‌ک له‌م به‌یاننامه‌یه‌ی دواییان له‌باره‌ی تیرۆره‌وه‌ ده‌ریان کردووه‌، دیاره‌!

هه‌ر له‌و کێشه‌یه‌ به‌تاککه‌وتنه‌وه‌، به‌تایبه‌تی ئه‌و هێزه‌ ڕادیکاڵه‌ی وه‌ره‌وه‌ی ئه‌وان بێده‌نگه‌یان لێکرد. ئه‌م وه‌زعییه‌ته‌ له‌گۆڕینی هه‌ڵوێستیان خێراترکرد له‌به‌رانبه‌ر ڕێکخراودا! به‌قازانج که‌وته‌وه‌. به‌ڵام نابی ئه‌ولایه‌نه‌ له‌بیر بکه‌ین، ئێمه‌یش به‌فشه‌ نه‌بێت کاری زۆرمان کرد. هه‌ر ئه‌وه‌ بوو پشتی ناوبراومان له‌زه‌ویدا.

دوێنی مه‌وعیدی دانیشتنمان هه‌بوو، سه‌ری نه‌گرت. ئه‌مڕۆ به‌هێزێکی زۆرتره‌وه‌ که‌ پێنج که‌س بووین چووینه‌ پێشه‌وه‌. به‌ڵام ئه‌وان ته‌نها که‌سێکیان قسه‌ی له‌گه‌ڵدا کردین! سه‌ره‌تا باسی ئه‌وه‌مان کرد، له‌و کێشه‌یه‌ی (بۆپێشه‌وه‌) خولقاندی بێده‌نگیمان هه‌ڵبژارد و په‌یره‌وپرۆگراممان رێی پێنه‌داین. به‌ڵام له‌دڵه‌وه‌ پێمانناخۆش بوو. ئێمه‌ خه‌تی عیلمانیمان پێ قبووڵ تره‌ وه‌ک له‌خه‌تی کۆنه‌په‌رستی. هه‌رچه‌نده‌ ئه‌و شێوازه‌ له‌ته‌بلیغکردن له‌دژی دین به‌دروست نازانیین، ته‌بریر دراوه‌ته‌ ده‌ست ئیسلامییه‌کان تا حه‌مله‌ی توند بکه‌نه‌ سه‌ر بیروباوه‌ڕی پێشکه‌وتووخوازی و که‌شی دژی کۆمۆنیستی بخوڵقێ! هه‌وڵ ئه‌ده‌ین له‌(خه‌باتی بێکاران)دا قسه‌یه‌ک بکه‌ین.

هه‌روه‌ها باس له‌په‌یوه‌ندی و سیاسه‌تی ڕکخراومان له‌گه‌ڵ حیزبه‌کاندا کرد، ئاماژه‌مان بۆ ئه‌وه‌ کرد، ڕێکخراو له‌دژی هیچ حیزبێک دروست نه‌بووه‌. ته‌نها له‌دژی حیزبی حاکمین. ئێمه‌ به‌سیاسه‌تی حیزبێک یان لایه‌نێک له‌دژی لایه‌نێکی تر کار ناکه‌ین، سه‌ربه‌خۆیی خۆمان ده‌پارێزین. هه‌ر حیزبێک له‌به‌رژه‌وه‌ندی واقعی بێکاران کار بکا پێمان باشه‌. به‌ده‌ستی ئه‌نقه‌ست و وه‌ک بڕیار بوو ئاماژه‌ بۆ کێشه‌ کۆنه‌کان نه‌کرا .

له‌لایه‌نیکی قسه‌کاندا باس له‌وه‌زعیه‌تی بێکاران و ڕێکخراومان و هه‌وڵدان بۆ سووککردنی باری گرانی ژیانی جه‌ماوه‌ری بێکار به‌ده‌ستهێنانی زه‌خیره‌. ڕێکخراو وا ته‌عریف کرا که‌ ئامرازێکه‌ بۆ فشار خستنه‌ سه‌ر حکومه‌ت بۆ به‌ده‌ستهێنانی ده‌ستکه‌وت. تیرۆر و وه‌زعییه‌تی عامی کۆمه‌ڵ و هه‌وڵدان بۆ که‌مکردنه‌وه‌ی جه‌وی ئیرهاب، نه‌خشه‌ی عه‌مه‌لی بۆی، ئاماژه‌ به‌به‌یاننامه‌که‌یان کرا، ڕێکخراو ئاماده‌یی خۆی بۆ ڕاوه‌ستانه‌وه‌ له‌دژی تیرۆر ده‌ربڕی.

نوێنه‌ری ئه‌وان دوای به‌خێرهاتن، وا خۆی پیشاندا سه‌رقاڵن و له‌م دانیشتنه‌ به‌کورتی قسه‌ له‌سه‌ر مه‌سه‌له‌کان ده‌که‌ین. به‌ده‌ستهێنانی زه‌خیره‌ و بیمه‌ی بێکاری به‌ هیچ و سووک سه‌یرکرد! که‌چی باسی خۆیانی کرد که‌ له‌ده‌ربه‌ندیخان ده‌مه‌بۆڵه‌ و قاوه‌قاویان له‌سه‌ر سووته‌مه‌نی کردووه‌!

ئاماژه‌ی بۆ ئه‌وه‌کرد که‌ باس له‌کۆن ناکات به‌ڵام وه‌فادار نه‌بوو، گوایه‌ ڕێکخراو له‌دژی ئه‌وان کاریکردووه‌، له‌جیاتی ئه‌وه‌ی له‌دژی بۆرژوازی و کۆنه‌په‌رستی قسه‌ بکات ! فه‌رهاد فه‌ره‌ج له‌دژی عه‌مروزه‌یدی ئه‌وان ته‌شهیراتی کردووه‌ به‌یاننامه‌ی ده‌رکردووه‌. له‌جه‌ریده‌کاندا قسه‌ی زۆریان پێده‌ڵێ!

ئیتر که‌وته‌ باسی خۆیان، یه‌کێ نه‌یانناسێ واده‌زانێ هیچیان نه‌هێشتۆته‌وه‌! ئه‌مانه‌ حه‌ماسێکی گه‌نجانه‌ له‌خوێنیاندا قوڵپ ده‌دا! واده‌زانن ته‌نها خۆیانن، حساب بۆ ده‌وروبه‌ریان ناکه‌ن! واده‌زانن ژیان و کارکردن چه‌ند قسه‌ی توندی ناو کتێبانه‌! ئه‌وه‌مانکرد و ئه‌وه‌مان کرد...نیازمان وایه‌ ئه‌وه‌ بکه‌ین. حسابی رێکخراوه‌ جه‌ماوه‌رییه‌کانی تێکه‌ڵ به‌حیزب ده‌کرد!

داوای ئه‌وه‌ی ده‌کرد سیاسه‌ت سیاسه‌تی حیزبیانه‌، خه‌ڵکیش ده‌بێ ریعایه‌تی بکه‌ن! به‌بێ ئه‌وه‌ی بزانێ ئه‌رک و مه‌هامی هه‌ریه‌که‌یان شتێکه‌. ناکرێ یاری حیزبیکی سیاسی له‌ڕێکخاوه‌یه‌کی جه‌ماوه‌ریدا بکرێ! ئه‌گه‌ر به‌قسه‌ی ئه‌وان نه‌که‌ین ده‌که‌وینه‌ په‌راوێزه‌وه‌!

هه‌ستم کرد فه‌رهاد فه‌ره‌ج زۆر خۆشی له‌و که‌سه‌ نایه‌ت، نازانم چی له‌نێوانیاندا هه‌یه‌ وبووه‌! له‌و قسانه‌ قه‌لسه‌ و دانه‌چیره‌یه‌تی. بۆیه‌ خۆم حازر کرد هه‌روه‌ک ئیتفاق بوو من جڵه‌وی زیاده‌ڕۆیی هاوڕێیانی خۆمان ڕابگرم، هه‌رواشم کرد. فه‌رهاد: هه‌رچه‌ند بڕیار نه‌بوو قسه‌ له‌و باره‌یه‌وه‌ بکرێ. به‌ڵام ڕێکخراومان هه‌میشه‌ له‌حاڵه‌تی به‌رگریدا بووه‌. ئه‌وه‌ ئێوه‌ بوون گێچه‌ڵتان پێده‌کردین. ویستووتانه‌ له‌قاڵبمان بده‌ن. له‌مه‌وبه‌ر و له‌داهاتویشدا هه‌ر حیزبێک له‌دژی بێکاران قسه‌ بکات زۆر به‌توندی له‌دژی ڕاده‌ستینه‌وه‌. ره‌دی ئه‌وه‌ی دایه‌وه‌ که‌ گوایه‌ ئێمه‌ ته‌ده‌خولمان له‌زۆر ئموری کۆمه‌ڵگادا نه‌کردووه‌! پێی له‌سه‌ر کار و چالاکییه‌کانی ڕێکخراو ‌داگرت، که‌ له‌پێشی پێشه‌وه‌ی ناڕه‌زایه‌تییه‌کاندا بووه‌.

خه‌ریک بوو ته‌شه‌نوج زیاتر بێ، قسه‌یه‌ک له‌و قسه‌یه‌ک بترشێ، خێرا حه‌دم بۆ داناو. وترا: ئه‌وه‌ی گوزه‌را چوو، هه‌رچه‌ند غه‌درمان لیکراوه‌، به‌ڵام لاپه‌ڕه‌یه‌کی نوێمان هه‌ڵداوه‌ته‌وه‌. گه‌ر قسه‌ له‌کۆن بکه‌ین ناگه‌ینه‌ نه‌تیجه‌. خوا هه‌ڵناگرێ فه‌رهاد وازی هێنا.

ئه‌وه‌ی بۆی هاتبووین که‌ ئیعترافکردن بوو به‌ڕێکخراو و دوورکه‌وتنه‌وه‌ له‌گێچه‌ڵی ئه‌م حیز و ئه‌و حیزب پێی گه‌یشتین. ئه‌و مه‌سه‌لانه‌ بۆ مێژوو هه‌ڵده‌گرین. ئه‌گه‌ر ئێمه‌ سیاسی بین ده‌رس و ته‌جروبه‌کانمان زۆرن، سوودیان لێوه‌رده‌گرین، ئه‌و گروپه‌ ئه‌و باوکه‌یان مرد.

ئه‌م گۆڵه‌ له‌گشت گۆڵه‌کانی تر جوانتر بوو. 1995.10.29
--------
ئه‌گه‌ر به‌هه‌ڵه‌دا نه‌چووبم ئه‌م ڕاپۆرته‌ بۆ کۆمه‌ڵه‌ی ئێران به‌ڕێز ئیبراهیمی عه‌لیزاده‌م ناردووه‌.

ڕاپۆرتی ژماره‌: 3

به‌مه‌به‌ستی مه‌تره‌حکردنی باڵی چه‌پی مته‌فه‌ریقه‌ و به‌تایبه‌ت ڕکخراوی بێکاران که‌ له‌مدواییه‌دا باڵی ئه‌کسه‌ریرته‌ و مونه‌زه‌م خۆی ته‌عریفکه‌ر له‌ژێر ناوی (حککع) پاشقولێکی نامه‌ردانه‌ به‌مه‌به‌ستی هه‌ڵوه‌شاندنه‌وه‌ی ڕێکخراو لێگرت. بیر له‌وه‌ کرایه‌وه‌ ده‌ست ببری بۆ هه‌ندێ کاری ئیسلاحی. به‌تایبه‌تی ساڵی تازه‌ چه‌ند بۆنه‌ی کرێکاری جیهانی له‌خۆ گرتووه‌. هه‌ر بۆ ئه‌و مه‌به‌سته‌ ده‌ستپێشکه‌ری کرا. به‌ده‌نگی ئه‌کسه‌رییه‌ت بڕیار له‌سه‌ر مه‌راسیمێک درا بۆ یادی مه‌رگی لینین.

فیعله‌ن کاری عه‌مه‌لی بۆ کرا مانگێکی مابوو هۆڵه‌که‌ی بۆ گیرا. به‌وه‌یش به‌ڕه‌ ده‌رکێشرا له‌ژێر پیی باڵی ئه‌کسه‌رییه‌ت که‌ به‌نیاز بوون ئه‌و مه‌راسیمه‌ و ئه‌و یاده‌ بکه‌نه‌وه‌. به‌ڵام وه‌ختێ ده‌چن بۆ هۆڵی ڕۆشنبیری، پێیان ده‌ڵێن ئه‌و ڕۆژه‌ گۆڤاری ئه‌ده‌بی کرێکاری گرتوویه‌تی.

له‌دوو کۆبوونه‌وه‌ی کۆمیته‌ی ڕێزلێگرتن بڕیار درا سێ جۆر پۆسته‌ر به‌تیراژی 600 دانه‌ ئاماده‌کرێ. 6 لافیته‌ به‌ناوی کۆمیته‌وه‌ بنوسرێ. سیانی بۆ به‌رده‌رکی سه‌را، سیانی بۆ ناو هۆڵ. هه‌وڵ نه‌درێ له‌مه‌راسیمه‌که‌دا لایه‌نی پێکهێنه‌ری کۆمیته‌که‌ بێجگه‌ له‌سه‌رو په‌یام، به‌درووشم و شتی تایبه‌تی خۆیان مه‌تره‌ح نه‌که‌ن. وتاره‌کان دابه‌ش بکرێ و که‌س دوو کار نه‌کات. وه‌ختێ قسه‌ هاته‌ سه‌ر مه‌سره‌فی مه‌راسیمه‌که‌ بێجگه‌ له‌ڕێکخراوی بێکاران و گۆڤاری ئه‌ده‌بی کرێکاری ئه‌وانی تر ئاماده‌ی چوونه‌ ژێر باری ئه‌و مه‌سه‌له‌یه‌ نه‌بوون - عه‌یب نه‌بی لاکوتن - به‌هه‌رحاڵ مه‌سه‌له‌که‌ ده‌بر کرا. که‌ گێرانی مه‌راسیمه‌که‌ له‌لای (حشک) ته‌رح کرا، ئاماده‌یی خۆیان پیشاندا. مه‌سره‌فی لافیته‌کانیان گرته‌ ئه‌ستۆ، له‌گه‌ڵ هه‌ڵواسینی به‌شێک له‌پۆسته‌ره‌کان. ئه‌رکی ڕاکێشانی پۆسته‌ره‌کان له‌لایه‌ن کۆمۆنیسته‌ ئێرانییه‌کانه‌وه‌ گیرایه‌ ئه‌ستۆ، 1500 دیناریش بۆ ڕاپه‌ڕاندنی کاره‌کان ته‌رخان کرا.

ئیشه‌کان دابه‌ش کرا، سێ رۆژی مابوو یه‌عنی 18ی مانگ حه‌مله‌ی ئیعلامی به‌هه‌ڵواسینی به‌شێک له‌پۆسته‌ره‌کان ده‌ستی پیکرد. ڕۆژی دوایی لافیته‌کانی به‌رده‌رکی سه‌را هه‌ڵواسرا. له‌ڕاگه‌یاندنی ئازادیه‌وه ئاگاداری مه‌راسیمه‌که ‌‌په‌یتا په‌یتا بڵاوده‌کرایه‌وه‌. جێی سه‌رنجه‌ پۆسته‌ری سه‌ردیوار و شه‌قام و شوێنه‌ گشتییه‌کان زۆریان لیدراند بوو و لیکردبووه‌. هه‌ر به‌م بۆنه‌یه‌وه‌ (حشک) چه‌ند پۆسته‌ریان کردبوو ڕۆژی 21 مانگ هه‌ڵیانواسی.

ڕۆژی دیاریکراو پێش ئه‌وه‌ی بگه‌ینه‌ هۆڵه‌که‌ له‌دووره‌وه‌ دوو لافیته‌ی سوور دیار بوو. یه‌کێکیان هی کۆمیته‌ ئه‌وی تریان هی یه‌کێتی کرێکارانی کۆمۆنیست بوو. ئه‌مه‌یش موناقیز بوو له‌گه‌ڵ بڕیاری کۆمیته‌. دانانی لافیته‌یه‌کی وا یه‌عنی خه‌ڵکینه‌ ئه‌وه‌ ئێمه‌ین ئه‌م یاده‌ ده‌که‌ینه‌وه‌ یان له‌پشت به‌رپاکرنییه‌وه‌ین، ئه‌وانی تر عاید به‌ئێمه‌ن، له‌ژێر ئۆتۆریته‌ی ئه‌وانداین!

به‌هه‌حاڵ ئه‌وه‌ بلۆفێکی سیاسی بوو له‌رێکخراوی بێکاران و گۆڤاری ئه‌ده‌بی کرێکاری درا. سه‌ره‌تای خۆ فه‌رزکردن و دروستکردنی موشکله‌یه‌کی تر، وه‌ک گروپی (حککع) له‌به‌رانبه‌ر ڕێکخراوی بیکارن کردیان. هێشتا ئه‌و برینه‌ سارێژ نه‌بۆته‌وه‌، نۆره‌ی ئه‌مانه‌یه‌.

وێنه‌گرتنی لافیته‌کان به‌کامێرای ڤیدیۆ بووه‌ مایه‌ی بۆڵه‌بۆڵ و قسه‌ی به‌رزونزم و ئیهانه‌تکردن له‌لایه‌ن (تاهیره‌ ڕه‌ش)ه‌وه‌ بۆ سه‌ر ع.شوان که‌ ناکرێ بخرێته‌ سه‌ر کاغه‌ز. له‌به‌رانبه‌ر ئه‌وه‌دا ع.شوان ده‌ستی کرده‌وه‌، شه‌پازله‌یه‌کی سره‌وانده‌‌(تاهیره‌ ڕه‌ش). ئه‌مه‌یش پێش ئه‌وه‌ی مه‌راسیم ده‌ست پێبکات. که‌س دیفاعی لینه‌کرد، موشکله‌که‌ ئه‌وه‌ی نه‌ده‌هێنا. به‌هه‌رحاڵ ته‌وه‌توره‌که‌ گه‌وره‌ نه‌کرا، ئارام بووه‌. ئه‌مه‌ به‌دوور له‌چاوی جه‌ماوه‌ری نێو هۆڵه‌که‌ ڕوویدا.

مه‌راسیمه‌که‌ به‌سروودی ئه‌نته‌رناسیۆنال و ده‌قه‌یه‌ک ڕاوه‌ستان بۆ گیانبه‌ختکردوان ده‌ستی پێکرد. وتاری کۆمیته‌ له‌لایه‌ن (تاهیره‌ ڕيش)ه‌وه‌ نووسرابوو، دوای ده‌سکاریکردن هه‌ر خۆی خوێندییه‌وه‌.سروودێ، ژیاننامه‌ی هاوڕی لینین، فه‌رهاد فه‌ره‌ج ئاماده‌ی کردبوو، عه‌بدوڵڵا عه‌لی شاحیر خوێندییه‌وه‌، شیحرێ له‌لایه‌ن کابرایه‌کی به‌ته‌مه‌ن و زه‌حمه‌تکێش به‌ناوی کاک تۆفیق خوێندرایه‌وه‌، په‌یامی لایه‌نه‌ به‌شداربووه‌کان: ڕێکخراوی بێکاران، یه‌کێتی کریکارانی کۆمۆنیست، کانوونی هونه‌ر و ئه‌ده‌بیاتی ئێران، حشک، گۆڤاری ئه‌ده‌بی کرێکاری خوێندرانه‌وه‌. کرێکارانی کۆمۆنیست که‌سیان نه‌بوو په‌یامه‌که‌یان بۆ بخوێنێته‌وه‌! ته‌کلیفیان له‌ژنه‌که‌ی عه‌بدوڵڵا حه‌لی شاعیر کرد بۆیان بخوێنێته‌وه‌.

له‌نێوان ئه‌و بابه‌تانه‌ بروسکه‌ و وته‌کانی هاوڕێ لینین له‌لایه‌ن هه‌ردوو پێشکه‌شکاری مه‌راسیمه‌که‌وه‌ : فه‌رهاد فه‌ره‌ج و سه‌روه‌ر که‌ریم ده‌خوێندرانه‌وه‌.به‌خوێندنه‌وه‌ی شیعرێک و سروودی ئه‌نته‌رناسیۆنال کۆتایی پێهات. ده‌کرێ بووترێ له‌ سه‌دا75 کاره‌که‌ سه‌رکه‌وتوو بوو. هۆڵه‌که‌ له‌سه‌ره‌تاوه‌ به‌جه‌ماوه‌ر پڕ ببووه‌ که‌ نزیکه‌ی 500 که‌سێک ده‌گرێ. گۆڤاری ئه‌ده‌بی کریکاری به‌یاننامه‌یه‌کی به‌و بۆنه‌یه‌وه‌ ده‌رکردبوو پێش ئه‌وه‌ی خه‌ڵکی بچنه‌ ناو هۆڵه‌که‌وه‌ دابه‌شکرا. له‌کۆتاییدا بڵاوکراوه‌ی خه‌باتی بیکاران ساڵنامه‌یه‌کی وه‌ک دیاری پێشکه‌س به‌ئاماده‌بووان کرد. یه‌ک شه‌ممه‌ 1996.1.21
----------
ئه‌گه‌ر به‌هه‌ڵه‌دا نه‌چووبم ئه‌م ڕاپۆرته‌ بۆ کۆمه‌ڵه‌ی ئێران به‌ڕێز ئیبراهیمی عه‌لیزاده‌م ناردووه‌.

ڕاپۆرتی ژماره‌: 4

له‌کۆتایی مانگی ئازاره‌وه‌ ژماره‌یه‌ک هه‌ڵسووڕاوی کرێکاری که‌ڵکه‌ڵه‌ی خۆئاماده‌کردن بۆ ڕۆژی یه‌کی ئایاریان له‌ده‌ماغی دان، ئه‌وه‌بوو 4.2 چه‌ند گرووپی بچووک و گۆڤار که‌بنکه‌ی ڕێکخراوی بێکاران کۆبوونه‌وه‌، کۆمیته‌ی به‌رپاکردنی مه‌راسیمی یه‌کی ئایاریان ڕاگه‌یاند. ئیتر له‌و ڕۆژه‌وه‌ که‌وتنه‌ جووڵه‌، په‌یوه‌ندیگرتن و ڕاکێشانی لایه‌نه‌ چه‌پاکان به‌باش و خراپیانه‌وه‌. یه‌کێ له‌و چوار لایه‌نه‌ که‌ خۆی به‌ڕادیکاڵ و پێشڕه‌وی چینی کرێکاڕ ده‌زانێ حککع، ئیستنکافی کرد، گوایه‌ خۆیان به‌نیازن کۆمیته‌ بۆ هه‌مان مه‌به‌ست پێک بهێنن!

به‌هه‌رحاڵ ڕێکخراوی بێکاران هه‌ر له‌و ده‌مه‌دا له‌ته‌له‌فیزیۆنی سۆسیالسته‌وه‌ 4.14 ده‌عوه‌ت کرابوو بۆ به‌رنامه‌ی کێشه‌کانی کۆمه‌ڵ، به‌فرسه‌تیزانی ته‌بلیغ بۆ ئه‌و ڕۆژه‌ بکات. ئه‌و قسه‌وباسای له‌وێوه‌ له‌باره‌ی دیارده‌ی بێکاری و یه‌کی ئایاره‌وه‌ کرا جێی ڕه‌زامه‌ندی به‌شێ له‌خه‌ڵکی شار بوو، ده‌نگوسه‌دایه‌کی باشی دایه‌وه‌.نه‌گه‌یشتبووه‌ ناوه‌ڕاستی مانگی نیسان زووربه‌ی زۆری چه‌پ و خه‌ڵکی شار تێگه‌یه‌نرابوو که‌ خه‌ریکی خۆئاماده‌کردنن بۆ یه‌کی ئایار.

له‌درێژه‌ی کاره‌کاندا کۆمیته‌ی دایک به‌شداربووانی ساردی و کێشه‌ی تێکه‌وت! به‌ڕستی چه‌پی ته‌قلیدی باش نه‌ده‌هاته‌ پێش، ته‌حه‌فوزیان هه‌بوو! به‌هۆی ته‌راکومی نێوانیان، کار باش نه‌ده‌چووه‌ پێش! له‌ولاشه‌وه‌ کۆمیته‌ی سه‌ر به‌ حککع سه‌ردانێکی کۆمیته‌ی یه‌که‌میان کرد؛ داوای لێکهه‌ڵپێکانی هه‌ردوو کۆمیته‌که‌یان پێشنیارکرد. پاش مشاوه‌ره‌ به‌چاوپۆشین له‌خیلافات به‌چه‌ند شه‌رتوشرووت هه‌ردوو کۆمیته‌که‌ بوون به‌یه‌ک.

چه‌ند ڕۆژ به‌ر له‌یه‌کی ئایار زووربه‌ی شوێنه‌ گشتییه‌کانی نێو جه‌رگه‌ی شار به‌پۆسته‌ر و دروشمی سووری ڕێکخراوی بێکاران، کۆمیته‌ی هاوبه‌شی مه‌راسیم، گۆڤاری ئه‌ده‌بی کرێکاری، کۆمه‌ڵه‌ی ئێران، حشکع ڕازێنرابووه‌.

له‌ڕادیۆی ده‌نگی کوردایه‌تییه‌وه‌ کۆمیته‌ به‌رنامه‌ی تایبه‌تی هه‌مه‌ ڕۆژه‌ی پێشکه‌ش ده‌کرد. ته‌له‌فیزیۆنی سۆسیالیست ڕاپۆرتیکی په‌خشکرد. ئازادیش به‌جیا مه‌شغوڵی هه‌مان شت بوو. خه‌باتی بێکاران، گۆڤاری ئه‌ده‌بی کریکاری، بۆپێشه‌وه‌ ژماره‌ی تایبه‌تیان به‌و بۆنه‌یه‌وه‌ ده‌رکرد.

حککع به‌حسابی ده‌ستپێشکه‌ری به‌ر له‌کۆمیته‌ دروشمه‌کانی به‌ده‌رودیوار هه‌ڵواسی! بۆ شه‌وێ زووربه‌ی لێکرابووه‌! له‌وه‌وه‌ کۆمیته‌ و ئه‌وانی تریش له‌ترسی دڕاندن ئێواران دره‌نگێ دروشمه‌کانیان لێده‌کرده‌وه‌ و به‌یانی زوو پێوه‌یان ده‌کرده‌وه‌! پۆسته‌ر و به‌یاننامه‌کان به‌دڕاندن حه‌شریان پێکرا. وه‌ک به‌رپه‌رچدانه‌وه‌ چه‌ند کوڕوکاڵی چه‌پ لێره‌وله‌وێ دروشمی سه‌ندیکایان لیکردبووه‌! مه‌سه‌له‌ کوردییه‌که‌: به‌که‌ر ناوێرن به....!

هه‌ر له‌پێشوازی ئه‌و ڕۆژه‌دا 4.27 له‌به‌رده‌رکی سه‌را - مه‌یدانی ئازادی، گۆڤاری ئه‌ده‌بی کرێکاری پێشانگای پۆسته‌ری جیهانی تایبه‌ت به‌یه‌کی ئایار کرده‌وه‌، تاڕۆژی مه‌راسیم له‌یاریگا به‌رده‌وام بوو.

له‌ولاشه‌وه‌ گرووپێکی ئه‌ده‌بی هونه‌ری نزیک به‌ حککع له‌ 4.28 که‌رنه‌ڤاڵێکیان سازدا: به‌کۆڕێکی شیعری ده‌ستیان پێکرد، ڕۆژی دواتر نمایشکردنی شانۆییه‌ک، دواتر پێشانگای چه‌ند هونه‌رمه‌ند.

دوو ڕۆژ پێش مه‌راسیم کۆمیته‌ دوو سه‌یاره‌یان به‌نێوشاردا خستبووه‌گه‌ر، خه‌ڵکیان له‌وه‌ ئاگادار ده‌کرده‌وه‌ که‌ له‌فڵان شوێن مه‌رسیم هه‌یه‌. چه‌ند که‌سیان دانابوو بۆ کۆکردنه‌وه‌ی پاره‌ له‌نێوبازاڕدا، ته‌نانه‌ت له‌هه‌ندێ دائیره‌دا که‌ زووربه‌ی کارمه‌ندانی بیمووچه‌ که‌ له‌سه‌گ سواڵ ده‌که‌ن کۆکردبووه‌! حه‌مید ناوێکی ده‌ستگێڕ به‌هۆی پسووڵه‌ی کۆمه‌ک له‌لایه‌ن ده‌رنه‌فیزی فه‌حسه‌کانه‌وه‌ بۆ زیاتر

له‌ 24 سه‌عات ده‌گیرێ!

ڕۆژی دیاریکراو ئه‌ندامانی کۆمیته‌ هه‌ر له‌به‌یانی زوه‌وه‌ له‌یاریگا مه‌وجوود بوون، سه‌رقاڵی ڕازاندنه‌وه‌ی به‌رده‌م منه‌سه‌ و ته‌لبه‌ندی ده‌وری گۆره‌پانه‌که‌ بوون، به‌دروشمی سوور. زووربه‌یشی له‌ده‌وری یه‌کی ئایار و داخوازی و هاندانی خه‌ڵکی ده‌سووڕایه‌وه‌.

له‌کاتی چوونه‌ ژووره‌وه‌دا یه‌کدوو پێشمه‌رگه‌ی کۆمه‌ڵه‌ی ئێران، به‌به‌لاش بڵاوکراوه‌ی پێشڕه‌وی تایبه‌ت به‌یه‌کی ئایار به‌ئاماده‌بوون ده‌دا. ڕێکخراوی بێکارانیش خه‌ریکی بڵاوکردنه‌وه‌ی به‌یاننامه‌ی خۆیان بوون، هه‌ر ڕێکخراو چه‌ند دروشم و پلاکارت و ئارمیان دابووه‌ ده‌ست خه‌ڵکانی ڕیزی پێشه‌وه‌ی جه‌ماوه‌ره‌که‌. ئه‌وانه‌ هه‌ر هه‌مووی له‌ده‌وری بیمه‌ی بێکاری و کاری گونجاو، لابردنی گه‌مارۆی

ئابووری، یه‌کسانی ژن و پیاو بوون.

هاوکات له‌گه‌ڵ ئه‌م مه‌راسیمه‌دا حشکع و زه‌حمه‌تکێشان له‌گه‌ره‌کی عه‌قاری له‌به‌رده‌م باره‌گای شیوعییه‌کاندا به‌و بۆنه‌یه‌وه‌ خه‌ریکی ئاهه‌نگگێڕان بوون. هه‌ر سێ ته‌له‌فیزۆنه‌که‌ شه‌و پێش و پاش یه‌کی ئایار سه‌رقاڵی پشاندانی مقابه‌له‌ و وتار و فلیم بڵاوکردنه‌وه‌ بوون. هه‌ر ئه‌و ڕۆژه‌ سه‌ندیکای کریکاران له‌مقه‌ره‌که‌یان به‌مه‌به‌ستی پیرۆزبایی پێشوازیان له‌خه‌ڵکی ده‌کرد.

گۆڕه‌پانه‌که‌ پرنه‌ببووه‌، وه‌ک پار نه‌بوو! جه‌ماوه‌ری پار له‌وه‌وه‌ بوو هه‌ردوو زلهێزه‌که‌ به‌خه‌ڵکیان ڕاگه‌یاند ئاهه‌نگ له‌مه‌لعه‌به‌که‌ ده‌گێڕن. ئیتر شار ڕژایه‌ ئه‌وێوه‌، به‌قازانجی کۆمۆنیسته‌کان شکایه‌وه‌! ئه‌مساڵ بینیان جه‌ماوه‌ری ئه‌وتۆ نه‌هاتووه‌ خۆبادانه‌که‌ی پاریان نه‌ما و فش بوونه‌وه‌. ئه‌وانه‌ی هاتبوون هه‌وادار و که‌سانی نزیک به‌چه‌پ بوون. ژماره‌یه‌کی زۆری کڕوکاڵ و منداڵی ده‌ستگێڕ ده‌بینران. به‌ده‌گمه‌ن کرێکارێکت تیا به‌دی ده‌کرد.ه‌راسیم ده‌ستیپێکرد، فڵانو فیسار هه‌ر هه‌موو به‌وتاری درێژ و مومیل خه‌ڵکیان والێکرد ته‌رکیزی نه‌مێنێ ته‌نانه‌ت گوێش نه‌گرن! له‌نێوان وتاره‌کاندا چه‌ند سروود دابه‌زێنرا.

ئه‌وانه‌ی له‌سه‌ره‌تاوه‌ قسه‌یان کرد، هه‌ر هه‌مووی نوێنه‌رانی ڕێکخاوه‌ جه‌ماوه‌رییه‌کانی حککع بوون! وتاری ڕێکخراوی بێکاران دواخرا، ئه‌ندامانی هه‌ڵسووڕاوی بێکاران کردیان به‌فه‌رته‌نه‌، گه‌یشته‌ ئه‌وه‌ی نه‌خیخوێننه‌وه‌. به‌ڵام دوایی قڵشته‌که‌ وێکهێنرایه‌وه‌ و خوێندرایه‌وه‌.

له‌نێو ته‌له‌فیزیۆنه‌کاندا ته‌نها سۆسیالیست هاتبوو، ئه‌ویش بۆ تۆمارکردنی ڕاپۆرتێکی نیوسه‌عاتی. ئه‌ندامانی بارز و هه‌ڵسووڕاوانی ڕێکخراوی بێکاران فرسه‌تیان هێنا، سێ که‌سیان له‌گه‌ڵ سه‌رنووسه‌ری گۆڤاری ئه‌ده‌بی کرێکاری قسه‌یان کرد.

گرووپی حککع کامێرای ڤیدیۆییان هێنابوو، مقابه‌له‌ی هه‌وادارانی خۆیانیان پێده‌کرد. ڕێکخراوی بێکارانیش کامێرای خۆی هینابوو، مقابه‌له‌ی له‌گه‌ڵ ئه‌ندامانی ڕێکخراودا ده‌کرد. کاتێ نوێنه‌ریان له‌مینبه‌ره‌وه‌ قسه‌ی کرد به‌ته‌واوی تۆمار کرد. سۆسیالیست بۆ شه‌وه‌که‌ی ڕاپۆرته‌که‌ی په‌خش کرد.

به‌یه‌کدوو ده‌قه‌ پێش ته‌وابوون و سروودی کۆتایی ئه‌نته‌رناسیۆنال ژماره‌یه‌ک کوڕوکاڵی سه‌ر به‌یه‌کێتی نیشتمانی کوردستان کردیان به‌فه‌وزا: مامه‌ ... مامه‌..یان ده‌ستپیکرد! باش بوو هیچ نه‌قه‌وما. به‌مه‌سیره‌ و چڵه‌دار و گه‌ڵای سه‌وزه‌وه‌ به‌ره‌وناوشار بوونه‌وه‌. تومه‌س چووبوون بۆ گه‌رکردن به‌شیوعیه‌کان و تێکدانی ئاهه‌نگه‌که‌یان! ئه‌وانیش نه‌یانکردبووه‌ نامه‌ردی، په‌لاماریان ده‌ده‌ن،

چه‌ند که‌سیان باس ده‌کوتن و چه‌ندیشاین لێده‌گرن. گه‌ڵا سه‌وزه‌کانیان پێفڕێ دابوون، سه‌رجاده‌که‌ی ئه‌و ناوه‌ سه‌وز ده‌چووه‌. هه‌ر ئه‌وانه‌ یه‌کده‌گرنه‌وه‌ به‌جاده‌ی مه‌وله‌ویدا سه‌رده‌که‌ون هه‌رچی پۆسته‌ریان هاتبوو رێگا دڕاندبوویان به‌بێ ئه‌وه‌ی که‌س پێیان بڵی بۆ واده‌که‌ن! مه‌ڵبه‌ندی یه‌کێتیش وتبووی له‌ئێنه‌ نیین!

له‌شاری هه‌ولێریش مه‌راسیم له‌باخی گڵکه‌ن ساز درابوو. به‌هۆی هونه‌رمه‌ندێکی میللی گۆرانیبێژی خۆشه‌ویستی شاره‌وه‌ نوری گه‌رمیانی. گوایه‌ گۆرانی ده‌ڵی و ده‌عوه‌ته‌، جه‌ماوه‌رێکی زۆر کۆده‌بنه‌وه‌، هه‌ر چاوه‌ڕوان ده‌که‌ن، نایه‌ت. ده‌ڵێن سه‌بر بکه‌ن ئێستا ناتۆزێکی تر که‌چی هه‌ر نایه‌ت. دوایی له‌نه‌هاتنی داوای لێبووردن ده‌که‌ن. ئه‌م فێڵه‌ ده‌بێته‌ مایه‌ی ناره‌زایه‌تی و قسه‌ پێووتنیان که‌

درۆیان له‌گه‌ڵدا کردوون.

له‌شارۆچکه‌ی ڕانییه‌ ڕێکخراوی بێکارن ژماره‌یه‌کی تر له‌کۆمۆنیستان هه‌ر له‌و ڕۆژه‌دا مه‌راسیمی خۆیان له‌هه‌وای ته‌لقدا ده‌شت به‌ئاماده‌بوونی ژماره‌یه‌کی زۆر له‌خه‌ڵکی ساز ده‌که‌ن . هه‌روه‌ک باس ده‌که‌ن سه‌رکه‌وتوو بووه‌. یه‌کێتی له‌وێش ئاژاوه‌ی ناوه‌ته‌وه‌.

ته‌نانه‌ت یه‌کێ له‌هه‌ڵسووڕاوانی ڕێکخراوی بێکاران مه‌لا حه‌سه‌ن له‌قسه‌وباسیدا زۆر توند بووه‌ باسی له‌گوزه‌رانی سه‌ختی خه‌ڵکی کردووه‌. هه‌وادارانی یه‌کێتی ته‌حه‌مولیان پچڕاوه‌ به‌ردبارانیان کردوون! 1995.5.5

ڕاپۆرتی ژماره‌: 5

ڕۆژی هه‌ینی 1995.6.16 به‌مه‌به‌ستی چاوپێکه‌وتن له‌گه‌ڵ به‌شی په‌یوه‌ندییه‌کانی لقی چواری پێ دال کاف - یه‌کگرتوو، هاوڕێ ع.شوان و ع. محه‌مه‌د به‌نوێنه‌رایه‌تی ڕێکخراوی بێکاران، سه‌ردانێکی شارۆچکه‌ی هه‌ڵه‌بجه‌ی شه‌هیدیان کرد.

سه‌ره‌تا باس له‌و کاروبار و چالاکیانه‌ کرا که‌ ڕێکخراو بۆ سووککردنی باری ژیانی ئه‌ندامانی بێکاران ئه‌نجامیداوه‌. ئه‌و هه‌لومه‌رجه‌ به‌سترایه‌وه‌ به‌بوونی دوو گه‌مارۆی ئابووری و شه‌ری ناوخۆ که‌ تا چه‌ند ژیان و گوزه‌رانی خه‌ڵکی هێناوه‌ته‌ خواره‌وه‌، قابیلی ته‌سه‌ور نییه‌، چه‌ند نموونه‌ و مشاهه‌دات خرایه‌ ڕوو.

ئه‌وه‌ ده‌ربڕا به‌خاتری چینی کرێکار و بێکاران ئه‌و پڕۆژانه‌ی که‌ له‌لایه‌ن ئێوه‌ و حیزبه‌کانی تره‌وه‌ ته‌رحکراوه‌، جێی خۆشحالییه‌. به‌ڵام کافی نیین، ڕێکخراو ده‌یه‌وێ هه‌ر ئێستا و ده‌ستبه‌جێ شه‌ری سه‌رتاسه‌ری ڕابگیرێ و بارودۆخ ئاسایی ببێته‌وه‌. هه‌ریه‌که‌ له‌لای خۆیه‌وه‌ مرونه‌ت و ته‌نازل پیشان بدات.

له‌درێژه‌ی دانیشتنه‌که‌دا باس له‌ته‌رکیبه‌ی ڕێکخراو کرا، ئه‌و گرفتانه‌ی یه‌خه‌ی گرتووه‌. هاوکاری نه‌کردنی حیزبی ده‌سه‌ڵاتدار و ڕێگرییه‌کانی له‌گه‌ڵ ڕێکخراودا به‌تایبه‌ت ده‌ستکورتی مالی وای کردووه‌ چالاکی جه‌ماوه‌ر و ناڕه‌زایه‌تییه‌کانی باش نه‌چێته‌ پێش، داوای ده‌عمی مالی کرا.

هه‌روه‌ها داواکرا له‌حاله‌تی هێرش و گرتنی ئه‌ندامانی نوێنه‌رایه‌تی ئیعلامییه‌ن به‌رگری له‌ڕێکخراو بکه‌ن و له‌قاوی بده‌ن. باس له‌ته‌سهیلات کرا بۆ ئه‌و که‌س و ئه‌ندامانه‌ی که‌ به‌نیازن بچنه‌ ده‌ره‌وه‌ی وڵات. له‌مابه‌ینی قسه‌کاندا باس له‌و پێشێلکردنانه‌ کرا که‌ ده‌رهه‌ق به‌و که‌سانه‌ ده‌کرێ، له‌بازگه‌کانی سنووری بادینان نامه‌کانیان سانسۆر ده‌کرێ ته‌نانه‌ت ده‌دڕێنرێ.

ئه‌وانیش له‌وه‌ڵام و قسه‌کانیاندا ده‌یانویست له‌سه‌ر فڵان و فیسار مه‌سه‌له‌ که‌ ڕووده‌دات رێکخراو هه‌ڵوێست وه‌رگرێ. به‌‌ڵام ڕێکخراو به‌حوکمی مه‌حدودیه‌تێک که‌ له‌باری مالییه‌وه‌ تووشی بووه‌، هه‌روه‌ها به‌رنامه‌که‌ی ڕێگا به‌چوونه‌ هه‌ندێ مه‌سائیل هه‌یه‌ نادات، وه‌ک حیزبیکی سیاسی ته‌سه‌روف ناکات، نه‌چووه‌ ژێر ئه‌وباره‌وه‌.

ئه‌وان ویستیان ده‌می ڕێکخراو تاقی بکه‌نه‌وه‌، له‌سه‌ر مه‌سه‌له‌ی ئه‌وه‌ی کێ له‌شه‌ری ناوخۆدا ده‌ستپێشکه‌ر بووه‌. ئه‌وه‌ ڕاگه‌یه‌نرا که‌ هه‌ردوولا له‌شه‌ره‌که‌دا تاوانباره‌. مه‌سه‌له‌که‌ هاتۆته‌ سه‌ر ئه‌وه‌ی شه‌ر ڕابگیرێ. ئه‌و حاله‌ته‌یش گه‌ڕێنرایه‌وه‌ بۆ گه‌مارۆی ئابووری به‌گشتی، ئه‌زمه‌ی سولته‌ی سیاسی له‌کوردستان به‌تایبه‌تی.

ئه‌مه‌ بێجگه‌ له‌قسه‌وباسی تر. ئه‌وان خۆشحالیان ده‌ربڕی و حه‌زیان به‌په‌یوه‌ندی توندوتۆڵ له‌نێوان هه‌ردوولا ده‌کرد. دانیشتنه‌که‌ دوو سه‌عاتی خایاند. به‌یارمه‌تییه‌کی 500 دینارییه‌وه‌ که‌ بۆ مه‌سره‌فی ڕێگا دایان نابوو سه‌رکه‌وتوانه‌ کۆتایی پێهات. 1995.6.18

نامه‌
هاوڕێ سه‌لاحی مازووچی

دوای سڵاوی هاوڕێیانه‌

هه‌روه‌ک ئاگادارن له‌م ده‌ورانه‌دا به‌هۆی ئه‌وه‌ی جه‌ماعه‌تی حککع زۆر به‌توندی له‌هه‌وڵی هه‌ڵوه‌شاندنه‌وه‌ و بێئیعتبارکردنی رێکخراون، به‌عه‌مه‌لیش چه‌ند کاری ڕوو به‌ده‌ره‌وه‌یان کردووه‌. وه‌ک ده‌رکردنی به‌یاننامه‌ی یه‌کگرتنه‌وه‌، هه‌ڵواسینی لافیته‌ی پیرۆزبایی یه‌کگرتنه‌وه‌ی هه‌ردوو رێکخراو! ئه‌مه‌یش ته‌شویهکردنی ڕای گشتییه‌! ئه‌وه‌ی ئه‌وان له‌دژی رێکخراو ده‌یکه‌ن، بۆرژوازی نایکات، ڕووی ئه‌وانیان له‌درۆکردندا سپی کردۆته‌وه‌!

له‌به‌رامبه‌ر ئه‌واندا ئێمه‌یش به‌عه‌مه‌لی له‌هه‌وڵی ئه‌وه‌داین شه‌کراوی یه‌کگرتنه‌وه‌ درۆزنانه‌که‌یان لێبکه‌ین به‌ژه‌قنه‌بووت. هه‌ڵسووڕانی زۆر و جیدیمان له‌خۆ پیشانداوه‌. دیاره‌ کاری زۆرترمان له‌ده‌ستوردایه‌، عه‌زممان جه‌زمکردووه‌ وه‌ک جاره‌کانی تر لووتیان بده‌ین له‌عه‌رز، تاڵاوی شکست بنۆشن. ئه‌و شتانه‌یشس به‌گیرفانی خاڵییه‌وه‌ ناچێته‌ سه‌ر.

نازانم تایپه‌که‌ت بۆ سۆراغکردم؟ هه‌ر بژیت بۆ خه‌بات 1995.9.11

ليست هناك تعليقات:

إرسال تعليق