خەمی ڕۆژانە، شوبات ٢٠١٤

عەباس شوانAbas Shiwan
کاری ڕۆژنامەنووسیم لە مانگی ٢ی  ٢٠١٤دا

٥٢ هەواڵ

یەکەم مانگی ئەمساڵ توانرا ٤٦ هەواڵ بڵاوبکرێتەوە، بەڵام وەک دەبینرێت ئەم مانگە شوبات ژمارەی هەواڵەکان بەرزبۆتەوە، چەندیان بینەری خۆی داوە لە هەزار و ٧٥٠ کەس، وەک لە وێنەکدا دیارە بەگشتی جەماوەری لاپەڕەکە لە هەفتەیەکدا بەرزبۆتەوە، خۆی داوە لە ٥ هەزار و ٣٦٠ بینەر و خوێنەر.
هەروەها جیاوازی ئەم مانگە لەوەشدایە کە لە ٢٣ی ٢ەوە دایلۆگێکمان لەگەڵ ژمارەیەک کەسایەتی دیاری کوردستانی باشووڕ و ڕۆژهەڵات لەسەر پێکهێنانی فیدراسیۆنی کۆمەڵە کوردییەکان دامەزراندووە، تا ئەم چرکە ساتە ٨ یان وەڵامیان دابەزێندراوە.

تەواوی هەواڵەکانی ئەو مانگە لە وێببلاگی فینلاند بەکوردی

ئوکرانیا لە بری سووریا!!
٢٠١٤.٢.٢٣

دیارە ڕووداوەکان خێرا تێدەپەڕن، من بۆ خۆم لەو ململانێیەی نێوان ئەمەریکا و ڕۆژئاوا لەبەرانبەر بلۆکی ڕووس و چین و.. پێشبینیم بۆ ئەو کرانەوەیە بە ڕووی ئێران وا بوو کە قوربانییەکەی سووریا دەبێت، بەڵام وا دەرنەچوو بزیسکە لە ئەوروپا، لە خاڵێکی لاوازی وەک ئۆکرانیا گۆڕان ڕوویدا و پاشەکشەیان بە بلوکی ڕووسی کرد! دیارە ئەوەی گرنگە و لە پێشە بۆ ڕۆژهەڵاتی ناوەڕست بەتایبەتی هەرێمی کوردستان نەمانی سووریا و کەمبوونەوەی هەژموونی ئێران مایەی دڵخۆشییە و قازانجە، مەینەتییکانی ناوچەکە بۆ ماوەیەکی نادیار درێژ دەبێتەوە...
هاوپێچ
-------

- : بەڵام ئەوە کێشەی ناوخۆیی و کێشەی بەڕێوەبردنە، قورسایی خۆی هەیە. ئەو ڕووداوانەیش لە چواردەورمان ڕوو دەدات و ڕوو بدات وەک ڕووخانی سووریا و نەمانی ئێرانی ئیسلامی کاریگەری لەسەرمان دروست دەکات، ئیتر مرۆڤ ناکرێت بڵێت بە باش دەکەوێت یان بە خراپ؟ بەڵام لەهەموو حالەتەکاندا ئەو دیکتاتۆرانە بڕۆن خۆشە و کارێکی باش و پۆزەتیفە.

بەرچنەی بارە ترێکە لاسەنگە! 
٢٠١٤.٢.٢٠

وەک لەو هاوپێچەی خوارەوەدا دیارە تێکستێکم بەناونیشانی: بۆریە پیترۆڵەکەی بەندەر عەباس کوا؟ لە ڕۆژی ٢٠١٤.١.١٧ نووسی. ئەوم پێشبینیی کردبوو، کە  حکومەتی هەرێم کاری حەکیمانەی نەکردووە، تەنها لایان لە تورکیا کردۆتەوە و بۆری نەوتی هەرێمیان بەو وڵاتەوە بەستۆتەوە و ئێرانیان بێبەش و فەرامۆش کردووە! دەبوایە وەک وتوومە حسابی بەرژەوەندی دراوسێی ڕۆژهەڵاتیشیان بەجۆرێک لە جۆرەکان بکرایە! دروستکردنی قەیرانی گورچکبڕی وەک دەبینرێت بۆ هەرێم بەناڕاستەخۆ لە ڕێگای دۆست و بەکرێگیراوانەوە دەخولقێنرێت.
کاردانەوەی ئێران سەرەتا بە بانگکردنی پارتی و یەکێتی بە مەبەست  گوێڕاکێشان بوو، بەڵام میدیا و ئۆپۆزسیۆن لە خەیاڵێکی تر! نەمانی پارەی بانک و موچەی فەرمانبەران و چەندەها کێشەی تر لە ڕێی حکومەتی عێراقی عەرەبی ژێر هەژموونی ئێران هەنگاوی دووهەم بوو. کەچی تازە بەتازە چەند ساسەتمەدارێک و دەستەبژێری هەرێمی کوردستان بەو خاڵە دەزانن و باسی دەکەن. ئێستا قسە لەوەیە چۆن چارەسەری ئەم قەیرانە نێردراوە و فشارەکانی تر کە بەڕێوەیە دەبنەوە؟
هاوپێچەکە: 
بۆریە پیترۆڵەکەی بەندەر عەباس کوا؟
٢٠١٤.١.١٧
چوونی هەردوو شاندی یەکێتی+پارتی بۆ ئێران، بە ڕووکەش بۆ مەسەلەی ڕاوێژکردن لەسەر مەسەلەی پێکهێنانی حکومەتی نوێی هەرێمی کوردستان بوو، بەڵام میدیا و ئۆپۆزسیۆنی کۆن لێیان کردن بەهەڵا، بەڵام ئەوەی ڕەخنەگران لەبیریان چوو بوو، کە چۆن دەبێت پێکهێنەرانی شاندەکە تەنها بۆ مەبەستێک سەردانێکی وا ئەنجام بدەن، گەر وردتر لە دۆخی هەرێم بڕوانرێت دوای ناردنی پێترۆڵ بە ڕێگای بۆری لە خاکی تورکیاوە، قابیلە ئێران دەستەوەستان ڕابوەستێت، کێچ کەوتبووە کەوڵی گونجاو نییە لە خێروبەرەکەتی هەرێم بێبەش بێت و تورکیا هەمووی لووشی بدات، هەژموونی تورکیا لەناو هەرێم زۆر زاڵتر بێت بەسەر ئێران، کەواتە ئەمە لایەنێکی تری سەردانەکەیە، ئەی چار چییە بێگومان یەکێک لەو مەسەلە گرنگانەی دراوە بە گوێی شاندەکە مەسەلەی نەوتی ناوچەی کۆنی زۆنی سەوزە کە بۆریی گواستنەوەی پیترۆڵە لەوێوە بۆ یەکێک لە بەندەرەکانی ئێران کە نزیکترینیان بەندەر عەباسە.. ئەم کارە دەبێتە هۆی بوژانەوەی زیاتری ناوچەی کۆنی سەوز و کەمکردنەوەی هەژموونی تورکیا و پارتی و قازانجی هەموو لایەکی تێدایە..
گەر ئەو پرۆژە ئابوورییە زەبەلاحە جێبەجێ بێت، گردوکۆییەک لە بەرهەمەکانی پیترۆڵ روو دەدەن، لە ناردنی نەوتی قاچاغ بە تەنکەر ڕزگار دەبێت، کە بۆتە هۆی ڕووداوی نەخوازراو و گیان لەدەستدانی خەڵکێکی زۆر و پیسبوونی ژینگە.
------
ئەم تێکستە لەماڵپەڕی گۆڤاری شاردا بڵاوبۆتەوە

پێ بەئاسمانەوە جۆلانە دەکات!
٢٠١٤.٢.١٨

دایکێکی باش، لە سەد مامۆستا و زانکۆ باشترە. وتەزایەکی نەوزاد شێردڵە.
پێم وایە ئەو دەربڕینە زۆر لە جێی خۆیدا نەبێت، وەک چۆن دەڵێن ژن هەیە و ژانیش هەیە، دایکەکانیش پۆلین دەکرێن.. ئینجا لە کۆمەڵگاکاندا مانا کردنی دایک و دایکایەتی جیاوازە، فەرموو هەر لە وڵاتە ئەورووپییەکان بڕوانە، بزانە چی دەگوزەرێت؟ ئینجا دایک دەورێک دەبینێت مامۆستا و زانکۆ هەریەکەیان کایەیەکی جیاوازیان لە نێو کۆمەڵگا هەیە، مەگەر تەنها لەوەدا یەکبگرنەوە کە پەروەرەدەکارن، گونجاو نابێت دەوریان تێکەڵ بکرێت و فەرزی ئەویان بەسەری ئەوی تردا بدرێت و نادیدە بگیرێت.. ئەو دیدە پێی بەئاسمانەوە جۆلانەیەتی.
دایکان و دایکایەتی دەوریان بە پلەی کۆمەڵایەتیانەوە بەندە، هاوکات پلەی خوێندەواریان... تێڕوانینی ئەو کاک نەوزادە سۆزدارییە، یەک لایەنەیە چوونکە باوکیش دەوری لە پەروەردەی مناڵاکاندا هەیە، زۆرن ئەو کەسانەی کە چەند دایکی خۆش دەوێت بەڵام زیاتر لە ژێر هەژموونی باوکاندان و دەرناچن.

ئێن ئاڕ تی لەگەڵ تۆمە، ئەوانی تر گوێبگرن!
٢٠١٤.٢.١٧

لە نێوان ململانێی تۆڕی جالجاڵۆکەیی حیزبە فەرمانڕەواکانی هەرێمی کوردستان، دەستوەشێنرا لەو کەناڵە، بەڵام بە قازانجی کەوتەوە، ئەوەندەی تر لایەنگری بۆ پەیدا بوو. ئێستا لە ناو میدیادا ژمارەیەکی سەنگینە، تا ئەو کاتەی کەناڵی ڕووداو پەیدا نەبوو، ئەم گوژمی دووبارەی بە خۆی نەدایەوە.
لێرەوە دەکرێت باس لە چەند کەموکوڕی تەکنیکی نەک ئەم کەناڵە بەڵکوو بەشی زۆری میدیای بینرا و بیستراو بکرێت.. کۆمەڵگای هەرێمی کوردستان لە قۆناغی بنیاتنانەوەدایە، ئەمەیش وای کردووە جۆرێک لە فەوزا و ناجێگیری و ناستانداری لە کۆی گشتی کایەکانی کۆمەڵگا بە میدیاشەوە هەبێت. ئێوە دیقەت بدەنە مۆنیتەری ئێن ئاڕ تی، هێڵێک بەردەوام لە بەشی جوارەوەیدا بە جووڵەی جێی سەرنجە، ئەویش تێکستی کورتە هەواڵەکانە.
ئەم خزمەتگوزارییە لە کوێدا باشە و لە کوێدا خراپە؟ دیارە لە کاتی پەخشی هەواڵەکاندا گونجاوە بەمەرجێک تەنها ئەو هەواڵانە بێت کە لەو کاتەدا دەخوێنرێنەوە. ئەمە وا دەکات تەرکیزی بینەر چڕ بکرێتەوە لەسەر ئەو چەند هەواڵەی کە بێژەرەکە دەیخوێنێتەوە و نەینبات بەملاوبەوڵادا. لەمەوە پێویست ناکات ٢٤ کاژێر هێڵ و شریتی هەواڵەکان بسووڕێتەوە. هاوکاتیش لاسیکردنەوەی کوێرانەی چەند کەناڵی عەرەبی کەنداوە!
لەلایەکی ترەوە گەر مرۆڤێک تەنها لە تەلەفیزیۆنەوە سەیری هەواڵەکان بکات، وا دەزانێت جیهان بەو گەورەوگرانییەی پڕ شەڕوشۆڕە، شوێنێکی ئارام نەماوە و نادۆزیتەوە، ئەمە وەک تاک بەڵام گەر ئەو دۆخە ناتەندروستە بپەڕێتەوە بۆ ئەوەی ٢٤ کاتژێر هەواڵ لە چەند لاوە دەرخواردی خەڵکی بدرێت، هەڵوێستەی جدی دەوێت.
ئەو کارەی کەناڵەکان بە شریتە هەواڵییەی دەیکەن نەک بەسیاسیکردنی کۆمەڵگایە، بەڵکوو تێکدانی باری دەروونی بینەرانیشە، ئاخر لە بەرژەوەندی کێدایە کۆمەڵگا بەرەو کایەیەکی ناتەندروستی لوغماوی وا بکرێت لە کاتێکدا ئارامی لەهەموو شت پێویست ترە.
زووربەی بەرنامەکان بێ خاوەنن، ئەمە چۆن؟ گەر وا نییە، بۆ قسە گرنگەکانی میوان لەسەر مۆنیتەر زەق ناکرێتەوە و نانووسرێت؟ جا سەیرەکە لەوەدایە، تەنها ئەو چاوپێکەوتن و بەرنامانە دەکرێتە هەواڵ، کە سیاسەتمەداران تیایدا بەشدارن! بەڵام ئەو بەرنامانەی کە بۆ نووسەر و خەڵکانی تر فەرامۆش دەکرێن.
پرسیار ئەوەیە لەو بەرنامانەدا پێویستە شریتی کورتە هەواڵەکان بجووڵێت و هەبێت؟بێگومان نەخێر چوونکە بینەر نابێت خەریک بکرێت بە شتێکی ترەوە، سەرنجی بە دوولادا بڕوات. گەر ئەوە کرا بێ بەها کردنی بابەتی بەرنامەکە و میوانەکانیەتی.
میدیای تەندروست نەک خولقێنەری ئارامییە بەڵکوو ئەنتی فەوزایە.. ئەم دیدانە بەرئەنجامی بەراوردکاری نێوان میدیای بینراو و بستراوی فینلاندی و کوردییە.

نوخشە بێت لە هەرێمی کوردستانیش
٢٠١٤.٢.١٦

لەم هەواڵەدا ئەگەر جێی بڕوا و ڕاست بێت، برگەی ئایین لە پێناسەی تایبەتی هاوڵاتیان لادەبرێت و نامێنێت. ئەوەیش هەنگاوێکە بە ئاراستەیەکی جوانتر بوونی کۆمەڵگا.

لەپەراوێزی ئەو هەواڵەدا:
من بۆ خۆم لەو بڕوایەدا نیم لە ئایندەیەکی نزیکدا کاربەدەستانی کۆن و ئەوانەشی کە لە داهاتوودا حکومەت دەبەن بەڕێوە، ئازایەتی وا لە خۆ پیشان بدەن و ئەو بڕگەیە بگۆڕن..ئێوە دیقەت بدەنە چەند دیاردەی ڕوکەشی وەک تەلەفیزیۆنەکان، هەتا بێت بێژەری سەرپۆش بەسەر زیاد دەبن.. بەرنامە ئایینییەکان زیاتر دەبن.. بە پێچەوانەی ئەورووپا و وڵاتیکی وەک فینلاند، کە تەنها لە ڕۆژانی یەکشەممە کەناڵی فەرمی حکومەت بۆ چەند کاژێرێک لا لە ئایین دەکەنەوە و دەگوێزنەوە.. ئەمەیش لەو سیاسەتەوە سەرچاوە دەگرێت کە حکومەت نوێنەرایەتی گشت کۆمەڵگا دەکات.. لای خۆمان هەرێمی کوردستان کەناڵی تەلەفیزیۆنی کەی ئێن ئێن و ڕووداو کە فڕیان بە حکومەتەوە نییە هەموو ڕۆژانێکی هەینی بەرنامەی ئایینی پێشکەش دەکەن!! کە ئەرکی ئەوان نییە دیارە ئەمە بێجگە لە حیزبەکانی تر ئەو دیاردەیە دەچێتە خانەی ئەو فەوزایەوە کە بەربینی بە کۆمەڵگا گرتووە، تا کەی درێژە دەکێشێت کە شتەکان لە شوێنی خۆیاندا بێت ئەوە وەک موسڵمانان دەڵین خوا دەیزانێت.
---------
دەقی هەواڵەکە 

لە ڕۆژی هاوڕێیەتیدا کۆمۆنیستە عەبەسییەکان!!
٢٠١٤.٢.١٤
ماوەیەکە دیقەت دەدەم هاوڕێیانی چەپ بەتایبەتی خۆ بەڕادیکاڵزانەکانیان گەر هەر کەسێک بە ئیسلامییەکانیشەوە قسەیەک بە بزووتنەوەی گۆڕان بڵێن، لەلای خۆیان شێری دەکەن و دەرخواردی خەڵکی دەدەنەوە وەک ئەوەی رۆن قەرچەک لە قەڵبیان بدەن. جا زۆریان بیسی ساڵە لە ئەورووپان یەک زەڕە لە هزەرەی کۆنی هەرێمی کوردستانیان لایان نەداوە، بەهەمان ئاوازی ئەوێ دەخوێنن.
لە مەسەلەی بێڕێزی کردنی چەند کەسایەتییەکی ئیسلامی سیاسی بۆ سروودی نیشتمانی ئەیرەقیبش هاتوونەتە سەر هێڵ بە جۆرێک لە جۆرەکان بەرگری لە هەڵوێست و کارەیان دەکەن، گوایە ئەوە مافی تاکەکانە کە لەبەر سروودی نیشتمانی هەڵنەستن!! لەمەوە دەکرێت بووترێت ئەو دوو بەرە دژ بەیەکە وەک وجودی و عەبەسییەکان وان لە چەند خاڵدا هاوبەشن و ئاو بەیەک ئاشدا دەکەن.. ئەم جۆرە لە کۆمۆنیستەکان لەم خاڵی ئازادی تاکەدا دەیانەوێت لاسایی ئیسلامیە نەیارەکانیان بکەنەوە، گەر ڕۆژێک لە رۆژان دەستتان ڕۆیشت و وەک ئەوان حساببۆکراو بوون، لەو جۆرە بۆنانەدا بەشدار بوون.. تەنانەت وەک ئەتەکیەت لەبەر سروودی نیشتمانیەکە بەرزەپێ هەڵنەستن.. تا ببنە جێی سەرنجی خەڵکی... بەشێک لەو دوو گرووپە ئیسلامی و کۆمۆنیست کایەی سیاسەتکردن وەک هیوایەت و حەزی تاکە کەسی سەیر دەکەن و دەبینن، بۆیە نەبوونەتە هێزی کاریگەری ناو کۆمەڵگا.

وەحش مانای هۆڤی!!
٢٠١٤.٢.٩
- : خاوەنکار و دەسەڵاتدارەکان و دەستڕۆیشتوان بەخواردنت ڕازی نابن، یەک سەلەفە لووش و قووتت دەدەن.
- : بۆ ئەوەی تەزویر لە هەڵبژاردنی هەرێمی کوردستان نەکرێت، هەرچی دەنگی دا، لە هاتنە دەرەوەدا پەنجە مۆربووەکەی ببڕیت..
-------
هاوپێچ:
- : نە ئەوەی تۆ نە ئەوەی تریش هەرچەندە ئەوەی تۆ کەمێک نەرمترە.. ئاخر ناکرێت کەسێک داوای چاکسازی لەبوارێکی دیاریکراوی وەک هەڵبژاردن بکات و پێشنیاری پەنجە قرتاندنی دەنگدەر بەرز بکاتەوە!! گوایە بەوەدا دەزانرێت کە دەنگی داوە، گەر بێت دووبارە بێتەوە دەنگ بداتەوە کەسەکە دەناسرێتەوە..
مەترسی ئەم جۆرە قسەوباسانەی کە لە میدیاکانەوە خەڵکی ئاسایی دەیکات ئەوپەڕی تووندوتیژییە و جێی مەترسییەکی گەورەیە، بەپێچەوانەوە لە جیاتی لەسێدارەدان و ڕەمیکردن و مەرگ ئەلتەرناتیڤی حوکمی هەتا هەتایی باشترە.
جا تۆ دیقەت بدە ئەم جۆرە پێشنیارانە لەبەرانبەر کاری دەستڕۆیشتوانی تری کۆمەڵگا هۆڤیانەیە، و تەواوکەری یەکترن. کە جێ داخە خەڵکی ئاسایی ئەو دیدە وەحشیانەیەی هەبێت.

کێ ئاتائیستە(ئایینسزە) پەنجە هەڵبڕێت؟
٢٠١٤.٢.٧
دوای خوێندنەوەی ڕاپۆرتێکی وەرگێڕدراوی ماڵپەڕی ڕووداو کە باس لە دیاردەی ئاتائیستی مرۆڤەکان دەکات، ئەوانەی لێرە دانراون بە کەمێک دەستکارییەوە قسەی سەرنجڕاکێشی چەند کەسێکی کورد و عەرەبن لە چەند شوێنی جیاواز.. ناونیشانەکە هی بەندەی موخلیستانە:
- : كێشەكانی عێراق زۆربەیان بەهۆی تووندوتیژی ئایینیەوەن .. ئەگەر كەسێكیش بێباوەڕی خۆی ئاشكرا بكات، ئەوا چاونەترسییە.
- : بەهۆی ئایینەوە رێگای زۆرشتم لێگیرابوو، بەڵام ئێستا، كە بێباوەڕم، بناترسم و توشی خەمۆكی نابم.
- : بەر لە ٣٠ ساڵ لەمەوبەر و بە پێی ئامارە فەرمییەكانی ئەو کات ٩٥% عێراقییەكان مسوڵمانن، ئێستا رێژەیەکی ناتەواوە.
- : ئایینی ئیسلام دەڵێت، كە هەموو شتێكی راستە، بەڵام وانییە و كتێبی هیندۆسە كۆنەكان زیاتر لە قورئان راستی زانستییان تێدایە.
- : تەنیا ئیسلام ئایین نییە، بەڵكو ١١٠٠ ئایینی دیكەش لە دونیادا هەن، كە هەریەكەیان خۆی پێ لە ئەویدیكە باشتر دەزانێت.
---------
هاوپێچ:
- : بەداخەوە، زۆرن لەم کۆمەڵگای فەیسبووکەدا ناوێرن پەنجە هەڵبڕن، لەکاتێکدا دەمیان بکەنەوە دژی ئایین و پارتە ئیسلامییەکان دەەپەیڤن بەتایبەتی لایەنگرانی حیزبە حکومییەکان.. پەنجە هەڵبڕین کە ئایینسزی مانای و لێدانەوەی زۆر هەڵدەگرێت، من بۆ خۆم لەو ڕاپۆرتەدا ئەوەم قبووڵ نییە کە خەڵکی بە بێباوەڕ بناسرێت، هەر یەکە لە ئێمە باوەڕ و مەبدەئمان هەیە، بەڵام لەگەڵ ئاییندا ناتەبایین و لەو خاڵەشدا زیاتر کە ببێتە هۆی گێلاندن و توندوتیژی نابەجێ.. ئەلتەرناتیڤ بۆ من بەندەکانی مافی مرۆڤە کە دەکرێت وەک ئایینی هاوچەرخ بۆ خۆمان دیاری بکەین،
دیارە بەهۆی مێژووییەوە ئێمەی کوردی کوردستانی باشوور ئەو ئایینەمان بە خواستی خۆمان نەبووە، لە ژێر فشاردا قبووڵمان کردووە.. بۆیە پێم وایە دەبوایە لەناو ئێمەدا زۆرترین ئایینسز هەبوایە، بەڵام وەک دەبینی جێی دڵخۆشی نییە.. بەڵام من بۆ خۆم خۆشحاڵم ئەو تاکوتەرایە لە خەڵک هەیە. هەمیشەش خەڵکە یاخییەکان کەم و کەمایەتی بوون لەناو کۆمەڵگادا.
- : چەپەکان بە ڕادیکاڵ و ناڕادیکاڵیانەوە لە کوێن کە لە ناو کۆمەڵگادا بە ئاینسزەکان ناویان ڕۆیشتووە؟

حیزبی باوک مردوو!
٢٠١٤.٢.٢
ئەگەر بەهەڵەدا نەچووبم، ئەو هەڵوێستەی دوێنێی دکتۆر بەرهەم ساڵح (تاکتێک نەبێت) کە دەوری خۆی نیمچە سڕ کرد لەناو حیزبەکەیدا، بەرئەنجامی ململانێنێی نهینی و ناوخۆییەکانی چەند کەسێکی دەستڕۆیشتووی ناو حیزبە باوک مردووەکەیانە، کە هەموو دەیانەوێت کۆنترۆڵی بکەن. لەم نێوەدا ئەوەی دەدۆڕێت بەرهەم ساڵحە، گەر ئەو زاتە بە باڵی خوێندەوار سیاسی و ژیر و دانای ناویان دابنرێت، چوونکە لە کۆمەڵگادا هەمیشە ئەو توێژاڵە دۆڕاو بووە، وەک چۆن کۆنتر نەوشیروان مستەفا لەهەمان گۆڕەپاندا لەبەرامبەریان دۆڕاندی و بەئەدەبانە هاتە دەرەوە. لەم نێوەدا یارییەکە ئاشکرایە براوەی سەرەکی بنەماڵەی خاوەن مردووەکە ئەویش هێرۆ ئیبراهیم و کورەکانییەتی.
نوخشە بێت لە باوکی حیزبەکانی تر...

خەمی ڕۆژانە، کانوونی دووهەم ٢٠١٤

عەباس شوانAbas Shiwan


هەواڵەکانی فینلاندم لە مانگی ١ی ١ ی ٢٠١٤دا 
مانگی یەکی ساڵی ٢٠١٤ەمان بە گەرم و گووڕی بەڕێکرد، لە ٣١ ڕۆژدا ٤٦ هەواڵمان بڵاوکردۆتەوە، بە هەواڵی وەرزش دەستمان پێکرد و بە هەواڵێکی هونەری ٧ کۆتاییمان پێهێناوە. 
دیارە دووبارەکردنەوەی لە وێببلاگی هەواڵنامەی فینلاند بۆ ئەڕشیفەکردن و پاراستنێتی وەک سەرچاوەیەک گەر یەکێک بیەوێت مێژووی فینلاند و کوردەکان بزانێت و لێکۆڵینەوەی لەسەر بکات.

لەم لینکەدا تەواوی هەواڵەکان دەبینرێت:
فینلاند بەکوردی

ئای خوایە چەند غەشیمم


پێشکەشە بە دکتۆر سالار باسەرە

دکتۆر گیان گەر بە هەڵەدا نەچووبم، سەرجەمی پارتە سیاسییەکان وەهان بەهەموو ئاراستەکانیانەوە، من تەمەنی گەنجی و لاوێتی و کامل بوونم لەگەڵ بزووتنەوەی کۆمۆنیستی ڕادیکال سەرف کرد، نەک هیچم بەهیچ نەکرد بەڵکوو زۆرجاریش تا ئەم چرکە ساتە دوای وەرگەڕانم چوونە سەر تەوژمی لببرالی یەک دێڕ چییە لە بارەی منەوە کەس باسی ناکات.. بەمەرجێک وەک کەسێکی ئەهلی قەڵەم و نووسین لە زمنی واژووکەرانی بووم بۆ دروستکردنی حیزبی کۆمۆنیستی کرێکاری .. عارم نەنا لەگەڵ دروستکردنی بزووتنەوەی گۆڕانیش لە فینلاند وەک کەسێکی ئەساسی دەورم لە دروستکردنی و خستنە سەرپێی گێڕا، ئەو ئەشرەفشەریفانەیش کە کۆنگرەیان بەست، هەرچی نەخوێندەواری بوو لەم وڵات و ئەو وڵات بردیان، کەچی منیان وەک میوانیش دەعوەت نەکرد... ئێمە مانان غەشیمین ئەوان نیین، کە نزیکی ئەم حیزبە سیاسە سەخیفانە دەکەوین, خۆمانیان بۆ خراپ و ناشرین دەکەین. ئای خوایە کەی عاقڵ دەبم!!
هاوپێچ
------- 
- : لەداخدا خەنجەرم لێدەن خوێنم لێ نایەت.
- : دیارە گلەیی لە سەرجەم لایەنگرانی حیزبەکان نییە، ئەوەندەی لە حیزبەکان، دەزانم زۆرن ئەو مرۆڤە شەریفانەی لەناو ئەو ئۆرگانانە کار دەکەن.. ئەوە چەند ساڵە سیاسەت بۆ جوانتر کردن دەبینم نەک ڕق و کینە تەنانەت لە ناو خودی لایەنگرانی تاکە حیزب و کیانێک، ئەوەندەی لایەنگران لەلای یەکتر سووکن نیو هێندە لە دەرەوەی حیزبەکە نیین.
- : لە ١٥ ساڵییەوە تا ٤٢ ساڵی بەسەختی ئاڵا هەڵگری کرێکاری و کۆمۆنیستی ڕادیکاڵ بووم... دوای ئەوە من بەدوای گۆڕانکارییەوە بووم بۆیە لەویان وازم هێنا، ماوەیەک زۆر بێدەنگ بووم کە بزووتنەوەی گۆڕان هاتە کایەوە، بۆ دوو مەبەست بوومە لایەنگری، لەبەر بەراوێزخستنی شارەکەم و دژ بە هەژموونی زاڵی پارتی و یەکێتی هێزم خستە پاڵیان.. خۆشبەختانە لەم فازەدا سەرکەوتنم بەدەست هێنا و توانرا ڕووکەشیش بێت لە سەتحی سیاسیدا گۆڕانکاری لە هاوکێشەی سیاسی شارەکە وو هەرێمەکە بکرێت... ددنایبینینم فڕاوانتر بووە نەک داخراو بێت بە یەک ڕەنگ.
- : شانسم لەگەڵ سیاسەتدا نییە، من گەری پێ دەکەم، هەرچەندە دەروێشانە گرتوومە.
- : دیارە حیزبیش وەک دەوڵەت بێگیان و رۆحە، خراپییەکە لە مرۆڤەکانەوەیە، زۆر جار هەژموونی زاڵی ئەوانیشە کە مرۆڤەکان جەڕ دەکات بۆ خۆی.. باشە ئەو جۆرە پارتەی تۆ ئاماژەت پێکردووە لەلای خۆمان نییە لە پارچەیەەکی دییە.
- : دیارە حیزبیش وەک دەوڵەت بێگیان و رۆحە، خراپییەکە لە مرۆڤەکانەوەیە، زۆر جار هەژموونی زاڵی ئەوانیشە کە مرۆڤەکان جەڕ دەکات بۆ خۆی.. باشە ئەو جۆرە پارتەی تۆ ئاماژەت پێکردووە لەلای خۆمان نییە لە پارچەیەەکی دییە.
- : هۆکارەکان زۆرن کە مرۆڤەکان نزیک دەکاتەوە لە پارت و تەوژمە سیاسی و ئاڕاستە جیاوازەکان.. هەمیشە عەقڵ میوانی مرۆڤەکان نییە.
- :

لەسەر وەزنی فشقایەتەکانی دکتۆر شێرکۆ عەبدولڵا
٢٠١٤.١.٢٦
- : سیاسییەکی گێل: سەربەخۆیی لە لولەی بۆرییەکانی پۆترۆڵەوە سەرچاوە دەگرێت.
- : نووسەرێکی چەپلەر: زوربەى دزەكان وەجاغزادە حیزبیەکانن!
- : دەستگێرێک: لەخوا زياتر لە چاودێرەكانى شارەوانى دەترسين.
- : ئاسنفرۆشێک: كە مردم حەز دەكەم پارچەيە ئاسن لەگەڵما بنيژن.

جوانناسی - ستاتیکا:  
شه‌مامه‌ و خاڵ خاڵ

٢٠١٤.١.٢٤
یەکێک لە گورانییەکانی سەردەمی لاوی ئێمە، یادگارێکی خۆشە، زیاتر دەنگی لە حەسەن زیرەکی ڕەحمەتی دەچێت.. بەڵام ئەو گۆرانییە بەدەنگی حوسه‌ین شۆخكه‌مان میرزا شوكروڵڵایە ناسراو به (زێ زێ) خەڵکی کوردستانی ڕۆژهەڵات/ سەقزە
لێرە گۆرانییەکە ببینە و گوێلێبگرە


فەوزای پانکوردستانی دژی تایبەتمەندییە

٢٠١٤.١.٢٤
پێم وایە وشەی ستاندار بۆ کورد خۆخەڵەتاندنە، چوونکە هەر کوردستانە ناچێتە سەر ئایینی ئەوی تر، کەواتە بەکارهێنانی زیادەیە و لاسییکردنەوەیەکی بێمانای چەند نەتەوەی ترە، دەبێت مەمنوون بین لە هەر کوردستانێک زمانێکی فەرمی هەبێت، کە بەداخەوە لە بەشە ئازادەکەیدا شەق بووە، شارە دێیەکی وەک دهۆک فیدراڵی وەرگرتووە، هەرچەندە شێوەزاری کرمانجی ناوەند لە کۆی هەرێم و کوردستانی باشوور زاڵە.
هەمە هەمەی زمانی ستاندار دەگەڕێتەوە بۆ هزری پان کوردستانی، بۆیە کوردە ناسیۆنالستەکانی کوردستانەکانی تر، ناهێڵن لە کوردستانی ئازاد هیچ بکرێت.. کێشە ئەوەیە بەشێک لە ناسیۆنالستانی هەرێم کوردایەتی شمولی نابینای کردوون، بەشێکیشیان لەو سیاسەت و دۆخە تێگەیشتوون کە پیلانی هاوزمانان و ناحەزانی بێگانە لە ئارادایە و ئاو بە ئاشێکدا دەکەن، نابێت بکەونە ژێر کاریگەری ئەو تەوژمە، هەنگاو بۆ زمانی فەرمی یان ورد تر بڵێن زمانی میدیایی بنێن..ئیتر من بە گەرمیانی و بادینی و هەورامی لە بازاڕ و ماڵ و شاری خۆمدا چۆن دەپەیڤم با بپەیڤم ئازادم، بەڵام زمانی نووسین، یان دروست تر زمانی میدیا جیا بێت و ببێتە زمانی هاوبەش و لێتێگەیشتنی هەموو خەڵکی کوردستانی باشوور بێت. خۆش بەختانە لەو خاڵە و چەند خاڵی تردا بزیسکەکان بەدیار کەوتوون، بەهزری هەرێمی کوردستان بیر دەکەنەوە.
حیکمەتی ئەم نامەیە چییە؟
٢٠١٤.١.٢٣
لە کاتێکدا کوردانی کوردستانی خۆرهەڵات بە هۆی جیاجیا تا بێت دوور دەکەونەوە لە کوردانی هەرێمی کوردستان بە حیزب و حکومەتەوە. ئەم دەرهێنەرە(بەهمەنی قوبادی) بەناودەنگە کە ماوەیەک لەمەوبەر ڕەخنەی تووندی لە هەرێم گرت و ئەستەمبووڵی پێ باشتر بوو لە هەولێر، خێرە وا نامە دەنێرێت بۆ مالکی سەرۆکوەزیرانی حکومەتی عەرەبی ئاینزای شیعە بەرگری لە حکومەت و خەڵکی هەرێم دەکات!!؟؟ دیارە بەتەمای پرۆژەیەکی سینەمایی نوێیە، یان ئەوەتا لە هەرێمە سەرقاڵی پرۆژەیەکی ترە و پێویستی بە کۆمەکی حیزب و حکومەت هەیە.. هەر چۆن بێت خراپی نەکردووە، ئەو نامەیەی ناردووە.
----------
تەواوی نامەکە لە ماڵپەڕی تەلەفیزیۆنی کەی ئێن ئێن دەبینرێت


مەحمود سەنگاوی وانە، ئەما چۆن وانەیەک؟

٢٠١٤.١.٢١
كێسى كاوە گەرميانى به مەرەخەس كردنى مەحمود سەنگاوى وەک كۆتايى هاتبێت وایە، وانە و عیبرەتەكانى ئەو كێسه، گریمان گەر بەئەنجامى تەواو و دڵخوازيش نەگات، ئەو سوودەى هەیە كە لايەنى كەم كەسێكى بەناودەنگى وەک ئەوی سووك كرد، لە داهاتووشدا گەر ئەو و هاوشێوەکانی بيانەوێت دەستى نامەردانە نەک لە ڕۆژنامەنووس بەڵکوو لە هەر کەسێکی نارازی ئاسایی بوەشێنن، بۆیان ناچێتە سەر، یان ئەوەتا گێلانە یان بە ديقەت تر بيكەن، کە کێشە و هەڵای لێ نەکەوێتەوە، يان ئەوەتا ژیر بوون دەست دەپارێزن و مارانگازن، ئیتر دیارە لە ترسی میدیای ئازا و ئازاد و پیشەیی و لایەنە سیاسییە ڕکەبەرەکانیان کە هەمیشە لە بۆسەدان بۆ یەکتر.

ئەلتەرناتیڤی سیاسی نا

٢٠١٤.١.٢١
لە خولی ڕابردوودا و جاران باش بوو، ژمارەیەک هەبوون وەک کەلەشێر و قاز دەیانقوقاند و قیڕەیان بەرز بوو، بۆ ئەم دەورەیە لەوە ناچێت کەس هەبێت، ئەلتەرناتیڤە سیاسییەکانیش زۆر لاوازن و بێجەماوەرن!! ئەی چار؟ پێم وایە میدیای ئازا و ئازاد و پیشەیی دەبێت دەوری قاز و کەڵەشێرەکان ببینن و زیاتر جێی بڕوای خەڵکیشن، لەژێر هیچ بیانوویەکدا دەست لە کەس نەپارێزن.. جا بۆ ئەوە، وا باشترە پاکسازی بکرێت و ڕۆژنامەنووسە خەت مایلەکان بکەنە دەرەوە، بیاننێرنەوە لای لایەنە سیاسییەکانی خۆیان، بۆ ئەوەی نەبنە گرێ و بەربەست لەبەردەم ئەو کارە پیشەییە پاکەدا... ئەو کات بێگومان قوربانی ڕۆژنامەنووسان لەوەی تائێستا بەرزتر دەبێت.

بۆریە پیترۆڵەکەی بەندەر عەباس کوا؟

٢٠١٤.١.١٧
چوونی هەردوو شاندی یەکێتی+پارتی بۆ ئێران، بە ڕووکەش بۆ مەسەلەی ڕاوێژکردن لەسەر مەسەلەی پێکهێنانی حکومەتی نوێی هەرێمی کوردستان بوو، بەڵام میدیا و ئۆپۆزسیۆنی کۆن لێیان کردن بەهەڵا، بەڵام ئەوەی ڕەخنەگران لەبیریان چوو بوو، کە چۆن دەبێت پێکهێنەرانی شاندەکە تەنها بۆ مەبەستێک سەردانێکی وا ئەنجام بدەن، گەر وردتر لە دۆخی هەرێم بڕوانرێت دوای ناردنی پێترۆڵ بە ڕێگای بۆری لە خاکی تورکیاوە، قابیلە ئێران دەستەوەستان ڕابوەستێت، کێچ کەوتبووە کەوڵی گونجاو نییە لە خێروبەرەکەتی هەرێم بێبەش بێت و تورکیا هەمووی لووشی بدات، هەژموونی تورکیا لەناو هەرێم زۆر زاڵتر بێت بەسەر ئێران، کەواتە ئەمە لایەنێکی تری سەردانەکەیە، ئەی چار چییە بێگومان یەکێک لەو مەسەلە گرنگانەی دراوە بە گوێی شاندەکە مەسەلەی نەوتی ناوچەی کۆنی زۆنی سەوزە کە بۆریی گواستنەوەی پیترۆڵە لەوێوە بۆ یەکێک لە بەندەرەکانی ئێران کە نزیکترینیان بەندەر عەباسە.. ئەم کارە دەبێتە هۆی بوژانەوەی زیاتری ناوچەی کۆنی سەوز و کەمکردنەوەی هەژموونی تورکیا و پارتی و قازانجی هەموو لایەکی تێدایە..
گەر ئەو پرۆژە ئابوورییە زەبەلاحە جێبەجێ بێت، گردوکۆییەک لە بەرهەمەکانی پیترۆڵ روو دەدەن، لە ناردنی نەوتی قاچاغ بە تەنکەر ڕزگار دەبێت، کە بۆتە هۆی ڕووداوی نەخوازراو و گیان لەدەستدانی خەڵکێکی زۆر و پیسبوونی ژینگە.
هاوپێچ
---- 
من وتوومە زۆنی کۆنی سەوز، یەکێتی لەڕاستیدا لە کەرکووک بەهێزە و ئەویش لەسەر هەرێم نییە، ئەو پرۆژەیە بۆ ئێستا و داهاتووی هەرێم باشە، بۆ بزووتنەوەی گۆڕانیش کە لە ناوچەی سلەیمانی باڵا دەستە... پێم وایە ئەو تێڕوانییە دۆنییە نەک بۆ یەکێتی بەڵکوو بۆ حیزبەکانی تریش نادروستە، یەکێتی بەو ڕوانینە دۆنییەی بۆ بزووتنەوەی گۆڕان وای بەسەرهات کە ببێت بە حیزبی سێهەمین.. لەلایەکی ترەوە کێشە لە دراوسێکانە کە بۆ بەرژەوەندی خۆیان تەنانەت حساب بۆ حەمەی حاجی مەحمودیش دەکەن.

لەداخی پارتی+یەکێتی لاسایی یەکێتی+پارتی دەکەنەوە!

٢٠١٤.١.١٥
گەر سەیری دەربڕینی ئەو کابرا عەرەبە شیعە دەسەڵاتدارە بکەین، کە بەم شێوەیەیە:(مالیكی‌ بۆ نێچیرڤان: نه‌وته‌كه‌تان هه‌ڵگرن بۆ دوای‌ سه‌ربه‌خۆیی‌‌ و هه‌رزانفرۆشی‌ مه‌كه‌ن) لەیەکەم ڕوانیندا دەربڕینەکە زیاتر لە قسەی کوردەکانی خۆمان دەچێت، چوونکە ڕۆژنامەی ئاوێنە سەرچاوەکەی زۆڵ و بێ دایک و باوکە!! گریمان قسەی مالکی ڕاستە و وتوویەتی، بەڵام گرێنتی چییە هەر خودی خۆی دژی سەربەخۆیی کوردستان لە کاتی ڕاگەیاندنی ڕاناوەستێتەوە، لەشکرکێشی ناکاتە سەری؟ وەک چۆن ئێستا لەژێر ناوی دژایەتی ئەلقائیدە هێرشی سەربازی کردۆتە سەر ناوچە ئاینزا سونییەکان فەلوجە و ڕومادی.
چاومان نەفڕێت هەرێمی کوردستان لەشکری عەرەبی ئاینزای شیعە ڕۆژێک دێت پەرامارمان بدات ناڵین مانگەشەو سەر لەئێوارە دیارە دەفەرموو هەرێمی کوردستان بۆرییەکی نەوتی گەیاندۆتە تورکیا، کەسێکی وای لێقووت دەبێتەوە بێ پەردە داوای داگیرکردنی هەرێمی کوردستانی لە ماڵکی دەکات.. بۆیە لەمەوە سەیرم لە ژمارەیەک خەڵکانی ناڕازی دێت لەداخی پارتی و یەکێتی قسەی مالکی کاوێژ دەکەنەوە و دەجوونەوە، بەداخەوە هەمان هزری پارتی و یەکێتی لە دژی نەیارە ناوخۆییەکانی خۆیان بەکار دەهێنن، لەکاتێکدا قسەی دروست ئەوەیە لە سیاسەتی ئەوان دەبێ تێپەڕێنرێت بۆ باشتر نەک لاسایی کردنەوەیان!! 
-----------------------
لینکی ڕۆژنامەی ئاوێنە کە قسەکەی مالکی تێدایە
ئەم لینکەی ماڵپەڕی خەندانیش داوای سەرکردەیەکی ئاینزای شیعەیە له‌ مالكی له‌شكركێشی بۆ هەرێمی کوردستان بکات

ڕوونکردنەوەیەک

٢٠١٤.١.١٤
بەداخەوە بە ناونیشانی کامەرانیش ڕۆیشت، بەدواداچوون و بیرەوەرییەکم بەر لە ٤ کاتژمێر شێر کرد و دانا، وەک هەواڵی مەرگی گۆرانیبێژی کامەران عەبدولرەحمان ڕاست نەبوو، برایەکی ئەو گیانی لەدەستداوە.. بۆ ئاگاداری هەموو دوو جار تێکستی هەواڵەکەم خوێندەوە، بەڵام بەداخەوە پێ دەچێت ئومێد نانەکەڵی خراپ تێکستەکەی داڕشتبێت، چوونکە دەقەکەی گۆڕییوە و هی ئەو کاتە نییە کە من هەواڵەکەیم شێر کردبوو.. هەرچۆن بێت مژدەیەکی خۆشە ئێمە چاومان دەردەهات ئەو برادەرە بەهەڵەیدا بردینی، من داوای لێبوردن لە خودی کاک کامەران دەکەم و پرسە و هاوخەمییم بۆ بنەماڵەکەیان بەبۆنەی کۆچی دوایی کوڕەکەیانەوە هەیە، داوای لێبووردنیش لە خوێنەران و هاوڕێیانم دەکەم... و ئەو هەواڵە دەکوژێنمەوە سوپاسی لایک و کۆمێنتەکانتان دەکەم.
کامەرانیش ڕۆیشت
کامەران ئەو کاتەی کە چەپ بووین و ئۆفیسی گۆڤاری ئەدەبی کرێکاری/ جادەی سابونکەران- سلەیمانی ببووە ڕووگەی جۆرەها کەس بەتایبەتی ئەوانەی مەیلی ڕەوتی کۆمۆنیست و کۆمۆنیستە ڕادیکاڵەکانیان هەبوو، کامەران یەکێک بوو لەوانە زیاتر دڵی بە ئێمە دەکرایەوە، بۆیە بەردەوام لەلامان بوو، ئێمەیش کە خەریکی کاری ئەدەبی و هونەری چینایەتی بووین، ئەومان تێکەڵ بە بزووتنەوەکە کرد و لە چەند مەراسیمدا وەک سرودبێژ بەشداری کرد، ساڵ هات و ساڵ ڕۆیشت ئەو لە سلەیمانی دوور کەوتەوە، چووە هەولێر، بزووتنەوەی چەپ نەیدەتوانی بیژیەنێت، ئیتر بەهەر هۆیەکەوە بێت، زۆر بەداخەوە تێکەڵ بە حیزبەکەی مەسعود بارزانی بوو.. بەڵام سەرەرای ئەوە هەر وەفادار بە هونەری خۆی خەریکی گۆرانی وتن بوو، لێرەوە بە هەواڵی مەرگی وەک مرۆڤێکی ناسیاو لە قۆناغێکی ژیان زۆر غەمبارم، گەر هەژار نەبوایە زوو نەدەمرد.. ئەو بەهەژاری ژیان و بەهەژاری مرد...

گونی شۆڕی دراوسێکان هەر دەمێنێت!

٢٠١٤.١.١٤
بۆ ئۆپۆزسیۆنی کۆن بەچی دەزانرێت؟ گریمان بزووتنەوەی گۆران کەمێک لە دوانە ئیسلامییەکە سەنگین ترە؟ بەدەر لە لایەنگری و مزایەدەی سیاسی بەسەر یەکترەوە، کێ حەدی هەیە لە ژێر هەژموونی ئێران و تورکیا دەربچێت؟ ئەم قەوارە دەڵەمانەی وەک هەرێمی کوردستان، ئەوەیان لەسەرە گوێڕایەڵ بن.. ئەوە ڕاستییەکی حاشاهەڵنەگرە، ناکرێت سەرزارەکیانە و بەتێپەڕ لە پرسی ئەو هەژموونە زاڵە بڕوانرێت.. 
لە سیاسەت و پەیوەندییەکاندا بۆ نموونە فینلاند خاوەن ئاڵا و سەربەخۆیی خۆیەتی لە هەموو دنیا دانی پێدا نراوە، بەڵام لە خۆ خورانێکی ڕووسیا دەترسێت و کارێک ناکات ڕووسیا چەپۆکێکی پیا بکێشێت، هەرچەندە پارچەیەک لە زەوی داگیرکردووە نایداتەوە.. فینلاندە ئەوە دۆخی بێت، ئەی ئەبێت هەرێمێکی قنهەڵبچراوی وەک ئەوەی خۆمان لەبەردەم زەبەلاحەکانی چواردەوری چی بێت و بکات، غەیر دەبێت بڵێن یاشێخ بە شاڵتان قسەم و ئەشهەدوبیلا وایە..
ئایا ئیرادە هەموو شتێکە؟ بێگومان نەخێر، ئەو جەرول حەبلە لە نێوان ئێمە و دراوسێکان هەر دەمێنێت.. بەڵام چۆن دەستوپەنجەی لەگەڵدا نەرم بکرێت؟ چۆن سیاسەتی حەیکمانە لەمەی تا ئێستا کراوە پەیرەو بکرێت، شتێکی ترە و کاتی زۆرتری دەوێت.
--------
ئەم تێکستەی سەرەوە بۆ ئەم چەند دێڕەی کاک عەدنان گلیم نووسی بوو:
گەر لە ئێران و تورکیا پیلانی دامەزراندنی کابینەی ٨ەمی حکومەتی هەرێم لەلایەن پارتی و یەکێتیەوە دابڕێژرێت، ئەوا لاوازییەکی گەورەیە بۆ لایەنەکانی ئۆپۆزسیۆنی پێشوو، کە بچنە ناو ئەو کابینەیەوە، چوونکە ئەجنداکەی کوردی نییە و لە خزمەتی هاوڵاتیانی کوردستان نییە.

ئەفغانستانی هەرێمی کوردستان!!

٢٠١٤.١.١٣
لەم یەکدوو ڕۆژەدا بەهۆی میدیاوە تیشک خرایە سەر کەسایەتییەکی ئایینی و هاوکات بۆنەیەکی ئایینی تر.. پێم وایە ئەفغانستانی ٢ لە هەرێمی کوردستان بەتایبەتی لە پایتەختەکەیەوە وەحی بۆ دێت و جارێکی تر سەرهەڵدەداتەوە، ئیتر نازانرێت ئەمجارەیان لەشکری ئەمەریکا دێت بۆ تەفروتووناکردنی یان ئەورووپییەکان بەڵام ئەمایان جێی سقە نیین، کەواتە ڕووسیای پۆتین مەورەشەحترە لەشکر بنێرێت!!؟
هەر شتێک زۆر وترا و گرنگی پێدرا، جێی مەترسییە و ناخۆش دەبێت، جاران مەولود لە ناو شوێنە ئایینییەکان بوو، ئەمساڵ لە هەولێر لە هەوای کراوەدا ئەنجام دراوە، برادەرێک بە ئینگلیزی بۆ بێگانەکانی ناو ئەو شارەی نووسیبوو، لەو هەموو دروشمە ئاینیانە مەترسن، کاتییە و بۆنەی ئایینییە..
من و حەمەی سۆسیال عەشایر
٢٠١٤.١.١١
حەمەی حاجی مەحمود بۆ ڕۆژنامەی عەرەبی زمانی لەندەنی ئەلشەرق ئەلئەوسەت وتوویەتی:دروشمه‌كانی‌ كه‌ركوك قودس و دڵی‌ كوردستانه‌ ساخته‌ ده‌رچوون..
بەندەیش گەرماوگەرم نووسیم: ٣١ ی ئابی کەرکووک..
توخوا دینتان بێت هی کامان بەهێزترە...
-----
دیارە ناوبراو و من مەبەستمان لە نا یەکڕیزی ئەو دووانەیە لە شاری کەرکووک بەتایبەتی بۆ هەڵبژاردنی داهاتووی پەرلەمانی عێراق، حیزبەکەی مەسعود بارزانی لیستی کوردی هەڵوەشاندەوە، تا ئەو شارەیش لە دەست بچێت، هەمان کایەی ٣١ ی ئابی ١٩٩٦خولقاند کە چوو لەشکری دوژمنی سەرەکی کوردی هێنایە سەر شاری هەولێر و دواتر سلەیمانی، بەمەبەستی دەرکردنی یەکێتی، ئیتر لەو کاتەوە لایەنی دۆڕاو تا بێت دۆڕاوتر دەبێت..

نیو دەرزەن کۆمێنت

٢٠١٤.١.١٠
١ : ئەوەی ئیسلامی بەهێز کرد، شمشێر نەبوو، بەڵکوو ڕەوشتی بەرزی محەمەد بوو. 
غاندی (١٨٦٩- ١٩٤٨) 
نا وانییە، گریمان بۆ شاری مەدینە و مەکە ئەو سەردەمە وا بووە، ئەی دوای ئەوە..؟ دوای ئەوە کێ دەڵێت غاندی شەکری وای شکاندووە؟ غاندی سەری دای لەبەرد سەرچیغ چووە.. کێشە ئەوەیە مرۆڤ شت زوو لەبیر دەکات، لێکدانەوە بۆ ناکات؟؟!!!
٢ : ئەوەی تۆ دەڵێت(داخستنی ئاودەستی مزگەوتەکان، کە سەرچاوەی بڵاوبوونەوەی ڤیرۆسن، ژینگە پیسکەرن) وەک ئیدە، زۆر باشە.. ملی موسڵمانان و پارتە ئیسلامییەکان ئەستوورە لەو بڕوایەدا نیم جێبەجێکردنی کارێکی ئاسان بێت.. بەندە ساڵبەوعەیان بۆ ماوەی زیاتر لە ساڵێک لە شارێکی تورکیا بووم، نەک ئاودەستی تێدابوو بەڵکوو سەرچاوەیەکیش بوو بۆ ئاوی شیرین.. ئیتر نازانم لە ئێستادا وا ماوە یان نا؟
٣ : یادکردنەوەی سەری ساڵی زاینی بۆتە كلتوورێكى جيهاني، بەدەستى تاكەكان نييه و خۆى سەپاندووه، ئيتر بەهەر هۆيەكەوه بوو بێت، تۆ ديقەت بده بۆ نموونە من ئەوه ٤٠ سال زياتره ئەم بؤنەيه ياد دەكەنەوه، بەداخەوه ئەم ديده وەك قسه و دەربڕينى وشكه ئيسلامييەكان وايه!
لەمەدا ڕەگی چەپێتیم جووڵا، تۆ تەنها چەپلەر هاوڕێت نییە، بۆ گشتت نووسیوە، کەواتە دەتوانن هەر یەکە لەلای خۆیەوە بەرچاو ڕۆشنیت بداتێ. ئەمە چ پەیوەندی بە سەنگەر و خەندەقەوە هەیە؟
٤ : بێجگە لە لایلایەی دایک ، هەموو گۆرانیەکانی دنیا قسەی قۆڕن. 
ڕەسوڵ حەمزاتۆف (١٩٢٣ - ٢٠٠٣)
نا وەڵا وا نییە با ئەو ڕەسووڵە لە ورگی خۆی بدات.. ئاخر ئەوە جۆرێکە لە تووندڕەوی بۆ دایک وەک مرۆڤ و دایک وەک نیشتمان، نە هەموو دایکەکان دایکن نە نیشتمانی من جوانترینە و نیشتمانی ئەوانی تر ناشیرین..
٥ : هەڵوەشانەوە گەر ئەلتەرناتیڤی لەگەڵدا نەبێت.. کەواتە بەو پێیە بێت هەرجومەرج دەبێت و فەوزا دەخولقێت!! کێشەی حیزبی کۆمۆنیستی کرێکاری و زۆر لایەنی ناڕازی تر لەوەدایە کە دەیانەوێت دەرچن لەو دۆخەکە پارتی و یەکێتی و پاشکۆکانی خولقاندیانە، بە پێچەوانەوە گەر بۆ نموونە ئەو دەزگایانە وەک ئەوانی ئەورووپا بن و بیشەیی بن و حیزب کۆنترۆڵی نەکردبێت، بێگومان شتێکی ترە.
٦ : ئەوه گوزەشت، بەداخەوه دواى ٢٠ سال رێنيسانس كەسێك بێت بلێ زمانى مۆسيقا جيهانييه!! ئێمه وتوومانه جيهان به زمانى كوردييەوه جوانتره، دياره مەبەست ئەو تێكستەيه عەرەبيەيه كه لەگەڵ گؤرانييەكەدا دانراوه، ئێمه دەبێت هەموو دنيا بەكوردى بخوێنينەوه و بەكوردى ببينين نەك زمانێكى تر.

ئیسلامییەکان بەدووسەر حەیرانن!!

٢٠١٤.١.٩
ڕۆژی ٧ ی ١ سەرەتای زنجیرە بەرنامەیەک لەگەڵ عیرفانی مەلا عەلی لە کەناڵی تەلەفیزیۆنی ئێن ئاڕ تی؛یەوە دەستی پێکردووە.. ئەوەی لەو هەلقەی یەکەمیدا هەڵم هێنجا؛ بزووتنەوەی ئیسلامی، وەک حیزبەکەی مەسعود بارزانی و حەمەی حاجی مەحمود و سورچییەکان وایە بنەماڵەییە. هاوکات گەر حیزبە سکۆلارەکانی وەک پارتی و یەکێتی تاوانبار دەکرێن بەوەی پیاوی فڵان دەوڵەتی دراوسێ و خائین بوون، یاری دەستی ئەوان بوون، ئەمانیش نەک لەو خاڵیدا هاوبەشن، بەڵکوو ئەوان بەسەرێکی تر لە ژێر هەژموون گروپی دایکی تیرۆرستانی ڕۆژهەڵاتی ناوەڕاست برایانی موسڵمانی میسری بوون..
لەو قسەوباسەدا چەند خاڵی سەرنجڕاکێشی تێدا بوو، گرنگترینیان لەوەڵامی پرسیارێکدا وتی: ئەلحەمدلیلا لە فڵان شار چەند شەهیدمان دا!!! هاهاها
تەواوی چاوپێکەوتنەکە لە لینکی بەرنامەی ڕووداو مێژوو دا دەبینرێت، کە فەیسەل محەمەد ئامادەی دەکات.
هاوپێچ
------- 
- : دیارە وا ڕۆیشتووە، بەڵام جیاوازییەکەی لەوەدایە کە پاشگری ئیسلامی بە ناوەکەیەوە نییە.. بەڵام بزووتنەوە ئیسلامییەکی بەخۆیەوە ناوە، نەک ئەوە بەڵکوو ئیسلامییەکەی پێش کوردستانەکە خستووە.. ئەو عیرفانی مەلا عەلییە، ئەو پاشگرە بە دروست نازانێت دەڵێت بۆتە هۆی کەم جەماوەری بوونیان... ئیتر ئەمە نازانرێت زەمە یان چی؟ چوونکە ئامادەکاری بەرنامە کاک فەیسەڵ پرسیاری موحریجی لێدەکات.
- : لەگشتدا هیچ لایەنێکی سیاسی ناتوانرێت بە ڕەهایی فڵان ناویان لێ بنرێت، بەتایبەتی ئەوانی ڕۆژهەڵاتی ناوەڕاست، ڕێژەییە هی وایە زۆرە هی واش هەیە کەمە.

یەکێتی هێشتا لە پارتی نەگەیشتووە!!

٢٠١٤.١.٨

ئەو کارەی مەحمود سەنگاوی کردی، یەکێتی وەک دەستکەوتێک بۆ جوانترکردنی کۆمەڵگای هەرێمی کوردستان دایدەنێت، هاوکات وەک زەمێک بەسەر پارتەکەی مەسعود بارزانی کە تاوانبارن بە کوشتنی ڕۆژنامەنووس و خەڵکی ئاسایی، خۆی پێوە بادەدات.. جا لێرەدا قسە لەوەدایە پارتی ئەوەندە پیاو و وەجاغزادەیە هیچ ناکات دێت چاو لە یەکێتی دەکات و خەڵکی خۆی ڕادەستی دادگا دەکات؟ ئاسنی سارد کوتانە، ئەوەندەی ئێمە بزانیین، هێشتا یەکێتی لە پارتی باش تێنەگەیشتووە، ئەنجام لەم یارییەشدا بەدەستی بەتاڵ دێتە دەر، وەک چۆن لە یەکەم هەڵبژاردنی پەرلەمانیدا لەبەرانبەری دۆڕاندی..

هاوپێچ
------- 
- :  لەلایەن ئۆپۆزسیۆنی کۆن و یەکێتییەوە زۆر لەسەر ئەو دۆسێیە وترا، وتم با منیش چمکێکی بگرم... بەهیوام هەڵە نەبم.
- : لەم دەروازەیەوە، جارجار لەسەر ئەو ڕووداوانە دێینە قسە، گەر نەیڵێن دەتەقین، بۆیە پێم وایە بووترێت باشترە.
- : ئیتر ئەوە دەکەوێتە سەر تەرازووی هێزی کێبڕکێکەرانی دۆسییەکە..بەهیواین هەنگاوێک بێت بۆ جوانکردنی کۆمەڵگاکە، نەکە ناشیرینکردنی زیاتر...بەڵام ئێمە ئەوە دەبێت بزانیین زۆر جار مەرج نییە هەموو شتی بەخواستی دەسەڵاتداران بچێتە پێش و زۆر سوارمان دیوە گلاوە، جا ئەمەی ناوبراو پێ هەڵبڵانە گلانی تەواوەتی نییە بەڵام گروپەکەی دەوروبەری بەسەرکەوتن ناوزەدی دەکەن. 

کلیکێکی تری گەرەکە!

٢٠١٤.١.٧
زۆرن لەم دەروازەیەوە، کە هەر خەریکی دانانی وتەزای کەسایەتییە جیهانییەکان، کە هێندی بزانیین ئەوە ئاسانترین کارە و خۆ ماندووکردنی ناوێت. بەیەکدوو کلیک دەگوێزرێتەوە بۆ دیوارەکەی خۆی و دەیخاتە بەرچاوی هاوڕێیانی.. کێشە لەوەدا نییە ئەم وتەزایانە جوانن یان ناشیرین، قسە لە ناوی خاون وتەزاکانە، بۆ نموونە سەیری ناوێکی وا بکەن (ئەدۆرنۆ)، ئەم ناوە چییە؟ زەلامە؟ ژنە؟ ئامێرە؟ کوردە؟ عەرەبە؟ فەرەنسییە؟ کەی لەدایکبووە؟چ کارە بووە؟ ئەو ناوە چ دەعبایەکە؟ ئێستا جاران نییە سەرچاوەی زانیاری نەبێت، لەهەموو ماڵ و تەلەفوونێکدا نێت هەیە، بەیەکدوو کلیکی تر زانیاری لەسەر خاوەن وتەزا بەدەست دەهێنرێت، بۆیە فڕێدانی ئەو وتەزایانە کاتێک جوانتر دەبێت زانیاری یان لینکی خاوەن وتەزای لەگەڵدا بێت، ئەوەیش لە ماڵپەڕی ویکیپیدیا و کوردپیدیا دەستدەکەون.
هاوپێچ
------- 
- : ئەوە ناوە تەنها وەک نموونەیەک هێنراوەتەوە.. بەداخەوە بەشێک لە دۆستان تۆزێک ئەرک ناکێشن و تاقەتی بەدواداگەڕانیان نییە لە شوێنیکەوە بۆ شوێنێکی تر کۆپی دەکەن.. بەشێک لە کەسە دیارەکانیش هەروا دەکەن!!! 

خاڵەڕەحیمەکانی تاراوگە!!

٢٠١٤.١.٤
ژمارەیەک لە خەڵکی فرسەتتەلەب، پەڕیونەتەوە ئەم ئەورووپایە، هی وایان هەیە دوای بەشداریکردن لە ناڕەزایەتی جەماوەری یان شەهیدکردنی کەسێکی ڕۆژنامەنووس ڕایکردووە، جا خوا دەیزانێت چ سینارۆییەکیان ڕێکخستووە، سەرئەنجام مافی پەناهەندەیان پێوەرگرتووە، ئەو جەنابانە دوای شوێن گەرم بوون و حەوانەوەیان هەر ڕووداو و ناڕەزایەتییەک دەخولقێت، لە جیڤارا جیڤارا تر دەردەچن، داخویانی ئاگرین هاوشێوەی وا (شۆڕشی چه‌كداری ته‌نیا ڕێگاچاره‌یه‌) دەدەن نەبێتەوە! ئەو نابەرپرسانەی تاراوگە بیانوو بۆ قسەکانیان دەهێننەوە گوایە چارەسەر نەماوە غەیری شۆڕشی چەکداری نەبێت،پرسی هەڵبژاردن و ناڕەزایەتی سڤیلیشیان پێ پەشمەکە و قبووڵ نییە! ئەو دۆنکیشوەتانە سەیرەکەیان لەوەدایە چۆن ڕێ بەخۆیان دەدەن، بەخەڵک بڵێن گولە بەگولە وەڵام بدەنەوە، گەر لە ناوخۆ بوونایە ئەوە شتێکی تر بوو....تەنانەت گەر لەوێش بوونایە هەر خەڵک هاندان بۆ شەڕو کوشتار جێی پەسەند نییە.
-------
خاڵەڕەحیم، کەسایەتییەکی ناسراوی هەرێمی کوردستان/سلەیمانی بە رەحیمە فشە ناسراو بوو، هەرچییەکی دەوت و دەکرد زیاد لە پێویست فۆی پیادەکرد، بۆیە نەدەچوو عەقلەوە، لەوەوە هەرکەس قسەیەکی بەجۆرێک بکردایە دەستەواژەی خاڵەرەحیم یان ڕەحیمە فشەیان دەدایە پاڵی.
هاوپێچ
------- 
- : ئێستا رەحیمە فشە شاردراوەتەوە، جا هیوایان هەیە، فشەی وات بۆ دەکەن دوای ماوەیەک بۆت دەردەکەوێت درۆیە.
- : وەک ئاوەڵناوێک بۆ ژمارەیەک لە خەڵکی تاراوگەنشین بەکارهاتووە، مەبەستی خراپی لە پشتەوە نییە و وەک کلتوور و بیرهێنانەوەیەکی خۆماڵیانەیە.
- : کێشەکە لەوەدایە نییە بەشداریان کردووە یان نەکردووە، کێشە چاندنی هزری تووندوتیژییە لەناو کۆمەڵگادا، ئەوانە بەشێکیان ئەنتی تووندوتیژی نموونەی وەک ئەلقائیدەن کەچی خۆشیان بەجۆرێکی تر لێرەوە و لەم دوورەوە هەمان کایە پیادەدەکەن و بڵاودەکەنەوە.. دیارە من زیاتر مەبەستم خەڵکی هەرێمی کوردستانە، ئەگینا بۆ پارچەکانی تر لەوانەیە جۆریکی تر بێت، چوونکە داگیرکراون.
- : کێشەکە لەوەدایە ئەو خاڵە ڕەحیمانە بەپەلە هەر ڕووداوێک ڕوو دەدات حاڵ لە خۆیان دەهێنن و داخویانی ئاگرین فڕێ دەدەن.
وەڵام و قسەکانی من
بەڵێ کاک ئارام دڵت ئاوی خواردەوە، دامرکایتەوە؟ هاهاهاها... ناوی تۆی تێدا هاتووە وا گڕت گرتووە؟ خۆت ئاشکرا کرد لە لە زمنی خاڵە ڕەحیمەکانی، ئەو مەدالیایەت لێ پیرۆز بێت!! بۆ لە خۆڕایی باری دەرونی خۆت تێک داوە؟ چاوەکەم ئارام بەرەوە، ئێمە لەسەر تووڕەبوون نەمان کردووە.
ئارام گیان نەهی لەوە ناکەم جار جار لە رەحیمە فشە فشەکەر تر بووم، کەی ئەوە کێشەیە و بەشێکە لە سروشتی مرۆڤ، ناکرێت پەنای بۆ نەبەیت، زۆر جار بۆ سوعەبەت و شۆخی خراپ نییە و پێویستە...


ڕاستە ئەو دێڕەم لە تێکستێکی تۆوە وەرگرتووە، تۆ خۆت پێ کەشف کرد، بەڵام ئەوە بەتەنها دیدی بەڕێزتان نییە، ژمارەیەک لە خەڵکی هەمان دیدیان هەیە و بینیومە، کێشەکە لەوەدایە ئەو خاڵە ڕەحیمانە بەپەلە هەر ڕووداوێک ڕوو دەدەت حاڵ لەخۆیان دەهێنن و داخویانی ئاگرین فڕێ دەدەن.. پێم وایە ناوهێنانی کیانی سیاسی کە من تەرەفداریم نابەجێیە، من وەک خۆم قسە دەکەم، نەک وەک کیانە سیاسییەکەم
تێبینییەکی پێویست
لەو تێکستەدا بەهۆی بەکارهێنانی دێڕی کەسێک بەناوی ئارام جەلالەوە لێ عاجز بوو، ئەو بەداخەوە خستییە سەرخۆی هەر چەند بەنەرمی لەگەڵیدا ڕۆیشتم سوودی نەبوو قیرچیسمە بوو، ئیتر ناچار لە هاوڕێیەتی دەرم کرد، بەڵام دواتر بەهۆی برادەرێکەوە دووبارە تێکستێکی نووسی بوو، ئەوسا حەزرم خستە سەری، بۆ ئامانەت تەواوی قسەکانی ئەو و خۆم لێرەدا دووباە دەکەمەوە:
قسەکانی ئەو:

بۆ مه‌سه‌له‌ی فیشه‌ك به‌ فیشه‌ك ئه‌وه‌ ئه‌وپه‌ری مه‌نتقه‌، یه‌عنی چی تۆ به‌ لافیته‌وه‌ بچیته‌ به‌رده‌م بینای حكومه‌ت یا حیزبێك ئه‌و گولـله‌ بارانت بكات، ئه‌و جه‌للاده‌ی ئاماده‌یه‌ بۆ ٧٠٠٠٠٠ كه‌سێك بكوژێت ئه‌گه‌ر رووی فیشه‌ك له‌ خۆی بێت ئه‌وا بۆ حه‌وت سه‌د هه‌زار خۆی نادا به‌ كوشت و خه‌لك فیشه‌ك باران ناكات
خۆ فیشه‌ك به‌ فیشه‌كیش دیسان كێشه‌یه‌كی تری هه‌یه‌ ئه‌ویش ئه‌وه‌یه‌ دوای لاچونی ئه‌و ده‌سه‌لاته‌ گۆران به‌ حیز فرسه‌تی دێته‌ سه‌ر ده‌سه‌لات و ئه‌و ده‌بێت به‌ خاوه‌نی هه‌موو شتێك
پاشان ئه‌مه‌ پۆسته‌كه‌ی منه‌:
شۆڕشی چه‌كداری ته‌نیا ڕێگاچاره‌یه‌
ئه‌و ده‌سه‌ڵاته‌ چه‌ندین ساڵه‌ بووه‌ به‌ كه‌ڵه‌گا به‌سه‌ر خه‌ڵكه‌وه‌، له‌ هه‌رشوێنێكدا ناڕه‌زایه‌ی ڕاسته‌قینه‌ و ئیراده‌ی خه‌ڵك سه‌ری هه‌ڵدابێت، به‌ زه‌بری گولـله‌ خه‌ڵكیان بێده‌نگكردووه‌، كامه‌ خۆپیشاندانی جدی بوونی هه‌بووه‌ و خه‌ڵكیان تێیدا خه‌ڵتانی خوێن نه‌كردبێت.
به‌ڕاستی ده‌بێت ئیتر له‌وه‌ تێبگه‌ین، خۆپیشاندان به‌ ده‌ستی به‌تاڵ به‌رامبه‌ر ئه‌و هێزه‌ دڕندانه‌ ناكرێت، ده‌بێت ئیتر بیر له‌ ڕێگه‌یكی تری خه‌بات بكرێته‌وه‌ و گولـله‌ به‌ گوللـه‌ وه‌ڵام بدێته‌وه‌، ئیدی واده‌ی خۆپیشاندانی ناڕه‌زایه‌تی كۆتاییهات.
كه‌ ئه‌مه‌ هیچ جیگاڤارابوونێكی تێدا نیه‌ ته‌نیا رای خۆمه‌و ئیتر دڵنیابوونه‌ له‌ نه‌گۆرانی ئه‌و ده‌سه‌لاته‌
من له‌ تۆ خاڵه‌ ره‌حیمترێكم نه‌دیووه‌، له‌ هه‌موو شتێكدا ره‌خنه‌گریت و خۆشت توانای هیچت نیه‌، ئه‌توانی جوان ئه‌و پۆسته‌ی من بخوێنیته‌وه‌ ئه‌گه‌ر خۆنه‌واریت هه‌یه‌
To chwi hamw postakai mnt danawaw basi mn dakai bahoi xopishandanawa hatwm bo awrwpa, heshta mn aixama sar xom barast to tawawi
من خۆ به‌ دزییه‌وه‌ قسه‌م نه‌كردووه‌ هه‌تا خۆم كه‌شف بكه‌م، به‌ڵام ئه‌وه‌ ئه‌وپه‌ری بێ ئینسافی جه‌نابته‌، قسه‌ له‌سه‌ر ئه‌وه‌ بكه‌ی ئێمه‌ سیناریۆمان دروستكردوه‌ دوای خۆپیشاندانه‌كان و پێی هاتووین بۆ ئه‌وروپا. 
من نه‌ك بۆ تۆ بۆ هه‌ر كه‌سێكی وه‌ك تۆ كه‌ تفه‌نگ به‌ تاریكیه‌وه‌ ده‌نێت ده‌توانێت كه‌یسه‌كه‌ی من ببینێت، تۆ بیركردنه‌وه‌ت به‌شێكه‌ له‌ بیركردنه‌وه‌ی لایه‌نه‌كه‌ت، تۆش مرۆڤی كوردیت به‌هه‌مان ئاراسته‌ی لایه‌نه‌ سیاسیه‌كه‌ت بیرده‌كه‌یته‌وه، هیوادارم ئیتر خۆشت یه‌ك پۆست له‌سه‌ر كوردستان نه‌نوسی ئه‌گه‌ر نوسیت پێویست ناكا خاڵه‌ ره‌حیمی بنوێنیت ده‌توانی برۆیته‌وه‌ بۆ كوردستان، خۆ چیت نه‌كراوه‌ لێره‌ ره‌گه‌زنامه‌ت هه‌یه‌و له‌ كوردستانیش ته‌قاوتیت هه‌یه‌و حیزبه‌كه‌شت به‌شێكه‌ له‌ ده‌سه‌ڵات
تۆ بابه‌تت له‌سه‌ر شتی من نوسیوه‌ بۆت نیه‌ كۆمێنتی من بسریته‌وه‌
ده‌توانی هه‌موو بابه‌ته‌كه‌ بنوسیته‌وه‌ به‌جۆرێك باسی منی تیا نه‌بێت
هه‌تا باسی هۆكاری هاتنی من بۆ ئه‌وروپاو دێری من له‌م پۆسته‌ی تۆدابێت منیش مه‌جبورم وه‌ڵامت به‌مه‌وه‌.
گه‌ر بشی سریته‌وه‌ ئه‌وه‌ ئیتر دیاره‌ كێ خاڵه‌ ره‌حیمه‌
هۆكاری هاتنی من بۆ ئه‌وروپا دیاره‌ و به‌شداری كردنه‌ له‌ خۆپیشاندانێكی گه‌وره‌و كه‌ ئۆپزسیۆنێكی خوێڕی سواری كۆڵی بوو له‌ ئه‌نجامدا، وه‌ ئه‌توانن له‌ گوگڵ بنوسن (ئارام جه‌لال) ئه‌وه‌ ئیتر هه‌موو شت روونه‌ كه‌ من خوا ئه‌یزانێ سیناریۆم دروستكردووه‌ یان حه‌قیقه‌ت.
به‌ڵام ئه‌م پرسیارانه‌ش له‌ جه‌نابی قسه‌كه‌ری ئه‌م پۆسته‌ دێته‌ پێشه‌وه‌، ئه‌ی كه‌یسی جه‌نابتان چی بووه‌؟ خوا ئه‌یزانێ خۆتان كردوه‌ به‌ چی رۆبن هودێك، دورنیه‌ هه‌موو ئه‌سل و نه‌سه‌بی خۆتان نه‌گۆڕیبێت؟؟
پاشان جه‌نابت ٢٠ ساڵه‌ له‌ ئه‌وروپایت و ئه‌و كاته‌ی ئێمه‌ ئه‌مان ناڵاندا به‌ده‌ست ده‌سه‌ڵاتی كوردییه‌وه‌ جه‌نابت له‌ ئه‌وروپا خه‌ریكی كه‌یف و سه‌فای خۆت بوی، بۆیه‌ ئێستا هه‌ر ده‌بێ به‌ جۆرێكی تر بیر بكه‌یته‌وه‌و ئه‌و حكومه‌ته‌ هه‌ر بمێنێت لای تۆ كارێكی باشه‌، خۆتۆ له‌ناو موعاناتی ئه‌و خه‌ڵكه‌دا نیت.
پاشان ئێمه‌ نه‌هاتوینه‌ته‌ ئه‌وروپا وه‌ك جه‌نابت دایكوتین، كه‌ی زروفی گونجاومان بۆ بێته‌ پێشه‌وه‌ به‌ دڵنیایی له‌وێ مه‌كانه‌ت و كاری خۆمان هه‌بووه‌و ده‌گه‌ڕێینه‌وه‌.
وه‌ پرسیارێكیش بۆ جه‌نابت هه‌یه‌، خۆ تۆ چیت نه‌كراوه‌ له‌وێ، نه‌ له‌ روی سیاسیه‌وه‌ كێشه‌ت هه‌یه‌ نه‌ له‌ هیچ رویه‌كه‌وه‌، له‌م وڵاته‌ش هیچ شتێكت نه‌خوێندووه‌و نه‌ كارێكت هه‌یه‌،هیچت نیه‌ له‌ ده‌ستی بده‌یت، ده‌كرێ ئه‌و قسانه‌ی لێره‌ ده‌یكه‌یت برۆیته‌وه‌ له‌وێ بیكه‌یت، له‌ روی سیاسیه‌وه‌ ره‌نگه‌ مه‌كانه‌تێكیشت بده‌نێ.

هەرێمی کوردستان = بە پارێزگای سلەیمانی؟!!
٢٠١٤.١.٣
تا دوێنێ بوو، لە شارۆچکەی کەلار حیزفرسەتانە گەنجێکیان تیرۆر کرد، بەو هۆیەوە ناڕەزایەتی گەورەی لێکەوتەوە، تا ئێستایش دانەمرکاوەتەوە، ئەوە دوو ڕۆژیشە شارۆچکەی سەیدسادق تەحەمولیان پچڕا و سەرەتا بەبیانووی دژ بە پارێزگابوونی هەڵەبجەوە هاتنە سەرجادە و قلیشانیانەوە، بەداخەوە دووبارە گەنجێکی دیکە گیانی لەدەست دا، پرسیار ئەوەیە سبەی و دوو سبەی نۆرەی کام شارۆچکەیە؟ چەند گەنجی تر گیان لەدەست دەدەن؟ ئایا ئەم ناڕەزایەتیانەی کەنار سەنتەری بڕیار چ لێ سەوز دەبێت؟ تا ئێستایش تیشکەکان هەمووی لەسەر ناوچەی سلەیمانی و دەوروبەرییەتی؟ لەم ڕووداوە یەک لەداوی یەکانەوە ئەوە دەردەکەوێت بە بێ پارێزگای سلەیمانی و چواردەوری کەس ناتوانێت هیچ بکات، هاوکات گۆڕانکارییەکان هەر لێرەوە سەرچاوەی گرتووە و دەگرێت.

هەڵەبجە کیمیابارانی سەیدسادقی کرد!! 
٢٠١٤.١.٢
ئەوە خۆپیشاندانەی لە شارۆچکەی سەیدسادق دەکرێت، گوریسێکی تێدایە... جا دیقەت بدەن، بەشێکی خەڵکی شارۆچکەی سەیدسادق، چەند ناخۆشحاڵن بەو دەستکەوتەی شارۆچکەی هەڵەبجە؟ دوێنێ ئەوان شاییان گێڕا، ئەمڕۆ ئەمان لەداخدا یەخەی خۆیان دەدڕن و شەڕیان گێڕا!!
ئەو گروپەی خەڵکی شارۆچکەی سەیدسادق دیارە بەغیلی بە کیمیابارانی هەڵەبجە دەبەن و خۆزگە بەوە دەخوازن کە خۆیان بوونایە نەک هەڵەبجە تا لایان لێبکرایەتەوە!!
ئەوە بڕاوەیە هیچ شار و شارۆچکەیەک لە قوربانیدا خۆی نادات لە قولەپێی هەڵەبجە، مایەی داوەشینە، ئاوا سەنگەری لێدەگیرێت، لەو پێناوەدا مناڵی خەڵکی تێیدا بەکوشت دەدرێت!!
وەک لەسەرەوە ئاماژەی پێکرا، کاری ئەمڕۆی ئەو گرووپەی خەڵکی سەیدسادق دژ بە پارێزگابوونی هەڵەبجە بوو، بەڵام بۆ چەواشە و کڵاونانە سەر حیزبەکان و ڕایگشتی ڕووپۆش بە داخوازی هەنووکەیی کراوە، گوایە خزمەتگوزاری نییە و زانکۆ و پەیمانگا نییە و نەکراوەتەوە. ئاخر ناهەقی خوێنەواران و ڕووناکبیران ناگیرێت کە بە کورد دەڵێن عیلەت نەک میللەت...
هاوپێچ
------- 
- : ئەمی بەڕێزت وەك ئەوە وایە بڵێت لە شەردا نابێت کەس هیچی لێ بێت ، ماڵ وێران نەبێت.. بۆ ناپرسیت کێ لەپشتی ئەو ناڕەزایەتییەدایە؟ سەرەرای ئەوەیش هەموو کوشتنێک و تووندوتیژییەک جێی پەسەند نییە.
- : من سەیرم لە تۆی هەڵەبجەیی دێت ئاوا قسە دەکەیت...؟ دەبوایە تۆ ئەم قسانەی منت بکرادیە، ئەوە داخوازییە ئانیانە ڕووپۆش و چەواشەکاریی بوو.
- : بەداخەوە هزری داخراو خەڵکی لەو وڵاتە نابینا کردووە، تەنها خۆی و بنەماڵە و گەرەک و شارۆچکەی خۆیان دەبینن.. هەر ئەو هزرە بوو کە شەری ناخۆی دروست کرد..
- : ئەوەی ڕوویدا بەرئەنجامی کارێکی ناعەقڵانی گروپێکی ئەو شارە لە دژی شارێکی تر، دەبێت چاوەڕوان بکەیت سبەینێ لە هەڵەبجەش گروپێک فەلاقە بۆ سەیدسادقییەکان دابنێنن.. هەر تەقە و توندوتیژییەک قابیلی قبووڵ نییە..
بە کورتی و کوردی هەموو ناڕەزایەتییەک قابیل پشتیوانیی نییە، وەک لە تێکستەکەی سەرەوە باسکراوە هەڵەبجە سەروەری هەموومانە.
- : خۆ لە تێکستەکەدا ئەوە دەربڕاوە کە تووشی شۆک بووم، من تەنها ئەو خاڵە بێزاری کردووم کە لە دژی بەپارێزگابوونی هەڵەبجەیە، وەک تۆ دەڵێت مەهزەلەکە لەوەدایە شارۆچکەیەکی هاوسنووری هەڵەبجە، ئەوە من نیم کە جیاوزی دەخەمە ناویانەوە، خۆیانن، من قسەم لە خاڵێکی جەوهەری ڕووداوەکە کردووە. لەو بەینەدا پشتیوانیم لە تەرەفی هەڵەبجە کردووە، بۆ داهاتووش هەر کەس لە ژێر هەر بیانوویەکدا دژی بوەستێتەوە دژیم.
- : جا تۆ ئیمانت من لە کوێی ئەو تێکستەدا پاساوم هێناوەتەوە بۆ کوشت و بڕ؟!! هەر لەو بارەیەوە، بۆ ڕوونکردنەوەی زیاتر تۆ دیقەت بدە، نەک لە هەرێمی کوردستان لەم نیشتمانی دووهەممان(فینلاند) بڕوانە ئەوەندەی لە یاری هۆکی نێوان دوو شاردا خەڵک گرد دەبنەوە و زۆر جاریش شەر دەکەوێتە نێوانیان، نەبوونی خزمەتگوزاری نیو هێندە خەڵک هان نادات و ناجوڵێنێت بۆ ناڕەزایەتی.. 
من ئەو خاڵەم گرتووە کە خەڵکی شارۆچکەی ناوبراوی جوڵاندووە و هاتوونەتە سەرجادە ئیتر بەشێکی کەمی خەڵکەکە داخوازییە ئانییەکانی ڕۆژانەیان تێهەڵکێش کردووە، مەبەستم ئەوەیە هزری شارچێتی دافعی ئەسڵی ڕووداوەکەیە و بەداخەوە بووە هۆی لەدەستدانی گەنجێک و چەندەها بریندار.. پێشبینی ئەوە دەکەم هەڵەبخەییەکان بەشێوەی جۆراوجۆر هەق لە سەیدسادقییەکان بکەنەوە.
-: زۆر بە ڕاشکاوانە وتوومە گرووپێک لە خەڵکی سەیدسادق چاویان بەرایی نایەت بەو بڕیارەی کە هەڵەبجە بووە بە پارێزگا، من لایەنگری هەڵەبجەییەکانم.. بەڵام هاوسۆز لەگەڵ داخوازییەکانی تردا.. کوشتن و تەقەکردن لە ناڕازیان نەک شەرمەزارییە بەڵکوو ڕسواییەکی گەورە و گرانە، هەر کەسێک بیکات.

خەمی ڕۆژانە، کانوونی یەکەمی ٢٠١٣

عەباس شوانAbas Shiwan

وا بڕوات عەدنان عوسمان پایدۆزی لێ دەکات
٢٠١٣.١٢.٣١

لەم وتارەی ناوبراودا کە درێژدادڕی تێدایە و لەم چەرخی فەیسبووکەدا مرۆڤ مەگەر بەزۆر بیخوێنێتەوە ئەم چەند قسانەیم دەرهێناوە لەوێدا کۆنگرەکەی هەڵوەشاندووە:
...نیگەرانیەکانی ترم لە هاوپیشەکانم لە راگەیاندنی هەردولا گۆڕان و یەکێتی، (لەم خاڵەدا عەدنان عوسمان میدیای پارتی بەتایبەتی ڕووداوی بیر کردووە!!) ... کۆنگرەکە ... لە زۆربێژی و دورودرێژیە کە پێموایە ئیتر ئەمە بەسەرچوە و کاتی نەماوە... پەیکەرەی رێکخستن و کاری گۆڕان .. موتەکامل نیە و حەلقەیەکی ونبو هەیە لە هەیئەی سەرکردایەت.... دیاریکردنی سەرکردایەتیم لە رێگەی راپرسی گشتی و ڕاستەوخۆوە... نە لەگەڵ ئەم جۆرەی ئێستای گۆڕانم و نە لە هەڵبژاردنی کۆنگرە..

تەواوی وتارەکە لەم لینکەدا دەبینرێت
http://sbeiy.com/article_detail.aspx?ArticleID=7127&AuthorID=142

زمانێکی یەکێتیانە
٢٠١٣.١٢.٣٠

ئەو دەربڕینە ئارام شێخ محەمەد، قابیل لێوردبوونەوەیە، تۆ بڵێی مەبەستی موخالیفانی ناو کیانە سیاسییەکی خۆێ نەبێت:(...هیوادارین نەسیحەتەكانیان بۆ كۆنگرەی خۆیان سودی لێوەربگرن...)
مرۆڤ لە ئاواز و قسەی وا (مزدەوەج) لەرزی لێدێت و دەترسێت
--------
لەم لینکەدا ئەو دێڕەی کەسی ناوبراو دەبینرێتەوە
http://www.awene.com/article/2013/12/27/28510

سەربەخۆیی وا جێی خۆشحاڵی نییە

تێی هەڵدە، جێی دڵخۆشی نییە، هیچ نەبێت وەک لای خۆمانی لی دێت، حیزبێک یا دوو حیزب خوێڕی و فڵان بنەماڵەی دەستڕۆیشتووی سەخیف دەست بەسەر داهاتیدا دەگرن.. مانگەشەو سەرلەئێوارە دیارە، هاوکێشەکە هەر ئێستا دەبینرێت حیزبێکی قەرەقۆزی تەرەفداری پێ کە کە لەو پارچەیە بکوژوببڕن... وەسەلام

لەم لینکەدا ڕاپۆتە هەواڵێکی تەلەفیزیۆنی ئەلعەرەبییە هەیە، باس لە پیترۆڵی کوردستانی خۆرئاوا دەکات
https://www.facebook.com/photo.php?v=617226445006135

ئەو کاتیش شایەنی ئەو ناوە نەبوون
٢٠١٣.١٢.٢٩

بە چ پێوەرێک ئەوانەی لە شاخ بوون ئاوەڵناوەی شۆڕشگێڕی بۆ دادەتاشرێت؟ پێم وایە غەدرێکی گەورەیە بەوانەی لە بزووتنەوەی چەکداری کورد بەشداریان کردووە بووترێت شۆڕشگێڕ، تەنانەت بە بزووتنەوەکەیش بووترێت شۆڕشگیری، ئێمە بۆ خۆمان یەکێکین لە گەواهیدەرانی ئەو سەردەمە بەهی سەردەمی مەلا مستەفا و یەکێتی نیشتمانی کوردستانیشەوە، ئایا ئەوە شۆڕش بوو کە دەیەها ژنیان تیرۆر دەکرد بەناوی سۆزانی بوونەوە؟ ئەوە شۆڕشگێری بوو کە لەسەر عەشق کچ و کوریان ڕەمی دەکرد؟
ئەوە شۆڕشگێری بوو بێگاریان بە جوتیار و گوندنشینانیان دەکرد؟ گەر ئەنجامیان نەدایە لە حەوز هەڵیان دەکێشان؟ زنجیرەیەکی تر لەو کارانە کە لە ژمارە نایەن...
نا بەڕێزینە ئێمەمانان ئەو کاتەیش بەهەر بیانوویەکەوە بوو بێت و لە ژێر پەردەی هەر ئایدۆلۆجیایەکدا بوو بێت وتوومانە ئەوە نە شۆڕشە و نە شۆرشگێڕییە، سەرەڕای ئەوەیش هەگیز بۆ یەک چڕکەیش بیرمان لە خیانەت نەکردۆتەوە، بەڵام کەسی بڕوای پێ نەدەکردین
پاش چەندەها ساڵ تازە بەتازە ژمارەیەک لە دۆستان دێنە سەر بای بەڕەی ئێمەمانان، کەواتە دۆشاو....

ئەم بەدواداچوونە بۆ ئە تێکستەی ڕێبین هەردییە، کە لەم لینکەدا دەبینرێت: http://www.awene.com/opinion/2013/12/17/28342

گۆڕان بار مەکەن بە کێشی قورس
٢٠١٣.١٢.٢٨

ئەم دوو کورتە دێڕە پڕ مانایە هی گەنجێکی هەڵسووڕاوی بزووتنەوەی گۆڕانە، لەوە تووڕەیە کە کورەکانی نەوشیروان مستەفا لە کۆنگرەی بزووتنەوەکە بەشداریان پێکراوە.

لة نيوان من و بزوتنةوةى كوران ....
تةنها تالة مويةك هةية
منیش ئەمە تێکستەم بۆ نووسی:
لەوانەيه لايەنگرانى پارته سياسيەكان خوێندنەوەيان بۆ پێكهاتەى كۆمەڵگا دروست نەبێت، بۆيه تووشى شۆكى لەو جۆرەی بەڕێزتان دەبنەوه، بزووتنەوەی گۆڕان نه پارتێكى ڕاديكاله تا ڕەفزی هەموو شتێکی بنەماڵەیی و خێڵەکی و ئایینی بکات، نە نەوشيروان مستەفایش كەسێكى ڕاديكالى وەك عەلى باپيره ئامادە بێت نزیکترین کەسی خۆى بکوژێت، هاوکات نە كۆمەڵگاكەشمان فينلاند و سویدە تا لایەنە بنەماڵەیی و خێڵەکی کاڵ بووبێتەوە، كەواته لە دۆخێکی وادا ئاساييه كەسه نزيكەكانى نەك فڵان کارەکتەر و کەسایەتی سياسى پلە یەکی تێكەڵ و چاملغ بە هەمان گرووپ ببێت، تەنانەت ئەو نەخۆشييه لايەنگره ئاساييەكان لە ژيانى ڕۆژانەى حيزبى و بەتایبەتی لەكاتى هەڵبژاردنەكاندا نفوزی بنەماڵەیی خزم خزمێنە كايە دةكەن.. نابێت ئەوە فەرامۆش بکرێت کە بزووتنەوەی گۆران لەوانەیە لەبەرانبەر حیزبی تەقلیدی وەک پارتی و یەکێتی شتی نوێی پێ بێت، ئەگینا بەراورد بکرێت بە..... تر ئەوا شتی تر دەوترێت.. بە کورتی کوردی کۆمەڵگاکەمان زۆری ماوە.

نەفرەت لە کفن دز!
٢٠١٣.١٢.٢٦

ئەم چاوپێکەوتنانەی لە بەرنامەی ڕوودا و مێژوو لەگەڵ ئەندامی کۆنسەی سەرۆکایەتی پێشوی پێ کە کە و برای عەبدوڵا ئۆجەلان کراوە، پڕ پڕە لە نهێنی کە لەوانەیە لایەنگرانی ئەو پارتە لە هەرێمی کوردستان نەیزانن یان لێیان شاردرابێتەوە، ئەگەر بیزانن بێگومان خۆیان بە شوو نەدەدا و ئەوانیشیان وەک پارتی و یەکێتی لەبەرچاو دەکەوێت.. ئەو لاپەڕانەی ئەو پارتە هەڵدراونەتەوە وامان پێدەڵێت کە کۆپیکراوی پارتی و یەکێتین، لە ناشیرینیدا لەو دوانەی هەرێمی کوردستانیشیان تێپەڕاندووە، کەواتە نەفرە لەکفن دز.

لەم لینکەوە ٣ بەرنامەی یەک لەدوای یەکی ئەو چاوپێکەوتنە دەبینرێتەوە
http://nrttv.com/barnama_dreje.aspx?jimare=1853
هاوپێچ
-----
بۆ من پرسیارە بەڕێزیشتان لە شەری تەرەفەکانی ئەو حیزبە تۆ وەک کەسێکی خەڵکی کوردستانی باشوور و گوندی هەڵەدنی پارێزگای سلەیمانی بەرگری لە لایەکیان دەکەیت و خۆتان تێوە گلاندووە!! دوای ئەوە ئەو برایەی عەبدوڵا ئوجەلان خۆ باسی مێژووی غەیری خۆیان کەسی تر ناکات. من لەم باسە زیاتر مەبەستم کوردستانی خۆمانە نەک ئەوان چوونکە کێشەی ئێمەمانان نییە

زەرەبین و کۆمۆنیست

کاتێک بە کابرای ناسیاو گەیشت، هەواڵی ناسیاوێکی هەردووکیانی لێ پرسی کە ئەو بۆرە خزمایەتی لەگەڵدا هەبوو، حەزی کرد تێبینی خۆی لەسەر بدات، بەوەی لێی پرسی: ئەزانی فڵان لە قسەکانیدا وەک کۆمۆنیستەکان دەپەیڤێت؟ بەڵام لە شوێنێکی ئەنتی کۆمۆنیستیدا کار دەکات؟!!
ئەویش وتی بەڵێ کۆن لەگەڵ ئەواندا کاری کردووە، پێدەچێت خڵتەوخەوێڵی ئەو سەردەمەی هێشتا تێدا مابێت..
لەوپەڕی قەناعەتەوە وەڵامی دایەوە وتی: بیروباوەڕی کۆمۆنیستی مانای دادپەروەری، بۆیە ئەو گرووپانەی لە ژێر ئەو ناوەدا کار دەکەن خەڵکیان بەدەورەوە نامێنێت یان کەم بەتەکیان دەکەون، چوونکە خەڵک بەگشتی لە خودی خۆیاندا حەزیان بەدادپەروەری و یەکسانی نییە، هەموو هەڵپەی یەکتر خواردنیانە

کوردی کوردستانی ڕۆژهەڵات خۆیان بە میوان دادەنێن!؟
٢٠١٣.١٢.٢١

لەو بەرنامەیەی ئێوارەی چوارشەممە ١٨ی١٢ کە عەلی کەریمی بەشدار بوو تێیدا، لە بەسێکی قسەکانیدا وتی: حیزبەکانی کوردستانی ڕۆژهەڵات موچەخۆری هەرێمی کوردستانن.. مستەفا هیجری (لە چاوپێکەوتنێکی گۆڤاری واڵاپرێس: ئەو قسەیەی ناوبراو دەسەلمێنێت، بەم شێوەیە:..نوێنەری ئەو وڵاتانەی کە کوردیان تێدا بێبەش کراوە، با ئەوانیش لەوێ (کۆنگرەی نەتەوەیی)حزوریان هەبێت، با نوێنەری کۆماری ئیسلامی حزوری هەبێت...) ئەمەی مستەفا هیجری ڕێک دیدی حکومەت و حیزبەکانی هەرێمی کوردستانە نەک هی پارتێکی ئۆپۆزسیۆن کە کۆماری ئیسلامی ئێران دوژمنێکی سەرەکی و داگیرکەری کوردستانی ڕۆژهەڵات بێت
دیدەکانی عەلی کەریمی، لەوەدا تەناقوز بوو لەداخی هەژموونی زاڵی حیزبەکەی مەسعود بارزانی، سیاسەتی پارتەکەی ئۆجەلانی پێ دروست تر بوو، کە هەردوو پارتەکە ئاو بە یەک ئاشدا دەکەن و هزری هەیمەنەخوازی ڕەشمەی کردوون، کەواتە چی بەچی کرا؟ گۆڕینەوەی ئەلتەرناتیڤێکی ڕەش بە ڕەشتر!؟؟

تەواوی بەرنامەی تەبا و ناتەبا لەم لینکەدا دەبینرێت
http://nrttv.com/barnama_dreje.aspx?jimare=1856
تەواوی چاوپێکەوتنەکەی مستەفا هیجری لە گۆڤاری ناوبراو لەم لینکەدا دەبینرێت
http://www.walapress.com/Topic_1632_6

لە کورد سەخیفترم بۆ بدۆزنەوە، دەڵێم قیڕ
٢٠١٣.١٢.١٩

کام لە میدیای بینراو و بیستراوی دراوسێکان فارس و عەرەب و تورک گۆرانی کوردی لێدەدات و پیشان دەدەن؟ کەچی بۆ نموونە نالیا ئێف ئێن و ڕادیۆ گۆڕان و ...هتد نیوەڕوان وادەزانن شەست و حەفتاکانی سەدەی ڕابردووی سلەیمانییە یەکدوو کاتژمێر ئوم کەلسوم و عەوبولحەلیم حافز و دەخەنە سەر بەجێی دەهێڵن، بۆ ئەوەی خەڵک بێزار بکەن بەدەنگی ناسازیان... کێ دیویەتی میدیایی خۆماڵی دەهۆڵ بۆ کلتووری بێگانە بکات؟ باقیەکەی بۆ ئێوە بەجێدەهێڵم
-
هاوپێچ
----
قسەی من لەوەیە کە میدیا دەبێت دەوری سەرەکی لە بە کوردبوونی زیاتری خەڵکیدا ببینێت، بەڵام ئەو میدیایانە و تەنانەت کومپانیاکانی ناو شارەکان هێندەی گۆڕانی عەرەبی و... لێدەدەن نیو هێندە کوردی نا! ئەمەیان لەوانەیە بیانوویەکیان بەدەستەوە بێت، بەڵام کەناڵەکانی میدیای چی؟؟
کورد هەموو کەس لە خۆی بەمرۆڤتر دەزانێت، بۆیە لاساییان دەکاتەوە.
بێگومان زیان دەدات، گەر زۆر بوو وەک ئێستا دەیبینین، نا دراوسێکان کاریان نییە گوێ لە کوردی بگرن!! خۆیان کەمیان میدیا هەیە؟ چەند خەیاڵ پڵاوییە؟؟!! ئەو وتەزایەت بیستووە کە دەڵێت ڕۆژنامەیەکم بدەرێ میللەتێکت بۆ دروست دەکەم.. میللەت دروست کردن و هەستانەوەی میللەت بەو شێوەیە دەبێت کە بەشێک لە میدیا دەیکات؟
زۆر جار دەبێت زمان تووند بێت بۆ ئەوەی بەرامبەرت بتەزێنیت.
کەس باسی سەرکردەی نەکردووە!! ئەمەیشی ئێمە لێی دەدوێن ڕەگەزپەرستی نییە، هەموو شتێک بە کوردەوە جوانتر دەبێت، کە بەڕێزت و من گوێ لە فڵان گۆرانی و ئاوازی بیانی دەگرین ئەوە ئەرکی تایبەت و شەخسی تاکەکانە، نەک شتیکی تر، بەڵام میدیا هی گشتە و کاریگەری دادەنێت، ناکرێت تێکەڵی بکەین، هەر ئەمەی بەڕێزتان دەریدەبڕن جۆرێکە لەو تێکەو لێکەیەی کە لە ناوخۆی وڵاتەکەدا هەیە و بەربینی بە خەڵکی گرتووە!! نەبوونی دادپەروەری گەندەڵی ناکاتە ئەوەی ئێمە ئەسڵی مەسەلەکانمان بیر بچێتەوە، کەواتە با ئێمەیش بەشێوەیەکیتر خۆمان بدەینە دەست فەوزا و ئەو ئاوەی داگیرکەر و هاوشێوە ناوخۆییەکانی ڕشتوویانە پێی تێبخەین
میدیای کوردی گەورە بووە، بەڵام بۆ ئەوەی کاریگەری باشتری هەبێت، لایەنی کەم دەبێت لەم خاڵی باسەی ئێمەداخۆی لابدات.. نابێت ئەوە لەیاد بکەین بەشێک لە هۆی دروست بوونی دۆخە بۆ هەژموونی زاڵ و زۆری میدیای دەوروبەریشمان دەگەڕێتەوە، کە چەند سیفاتیان تێدایە لەوانی خۆمدا نییە.
ئەو لایەنەی کە بەڕێزت باسی دەکەیت ڕێشەدارترە و دەکرێت بەسەرەتای بێگانە پەرستی دابنرێت لە نێو کورددا.. لە بەرەنگاربوونەوەی لایەنی ڕەشی کلتووری ئایینی کەممان نەوتووە و نەکردووە.
پێم وایە ڕاپەڕینی ١٩٩١ سەرەتای ڕینیسانسێک بووە، بەڵام ئەو جووڵەیە کەی بە ئەنجام دەگات، لەوانەیە کاتی زۆرتری بووێت.
ئەوە تێبینییەکی بەجێیە، زیاتر من قسەم لەسەر کوردی کوردستانی باشوورە، لەنێو ئەوانیشدا بەشێک لە میدیاکاران و دەزگاکان.
نا خراپترین گۆرانیبێژی خۆمان بە هەزار ئوم کەلسووم و.. نابێت بگۆڕینەوە، ئەوە زۆر نادروستە لەبەر ئەوەی فڵان گۆرانیبێژ باش نیین، ئیتر ئەوانی عەرەب و فارس و تورک و... بە باشتر بزانیین.. ئا ئەو هزرە مەترسیدارەیەی بەڕێزتانە کە دەبێت هەموو دژی بین.
گەر ڕاست بکەین لەگەڵ خۆمدا و ئایدۆلۆجی سنکمان نەکات، هەموو کەس گروپ و کلتووری خۆی لە پێشترە وەک لە هی بێگانە و ئەوانی تر.. ئیتر نە ئەوە ڕاسیزمە نە شتێکی ترە.. وەختی خۆشی کە نێونەتەوەیی بووین، لە ڕێگای گۆڤاری ئەدەبی کرێکارییەوە، خەریکی وەرگێڕانی ئەو جۆرە لەو ئەدەبە بووین، بە پێی ئەو دەربڕینەی بەڕێزتان بێتت ئەو کاتیش ڕاسیست بووین.
پێم وایە کورد و فینلاندییەکان لە چەند خاڵدا نزیکن لەیەکترەوە، بەشێک لە فینلاندییەکان بەهۆی گۆلبالزەیشنەوە وەک کورد زەلالەتیانە بەدەست هەژموونی زاڵی کلتووری و سیاسی و کۆمەڵایەتی..ئەم دۆخەی باسی دەکەین بەتایبەتی لە کاری نادروستی میدیا بۆتە دیاردە، ڕێژەکەی گەر لای فینلاندییەکان ٥٠٪ بێت ئەوا لای خۆمان لە ٧٠٪، بۆیە جێی نیگەرانییە. بەڵام فینلاندییەکان ئەوەندەی من بەهۆی میدیاوە ئاگاداریان بم بەگشتی کلتووری خۆیان خۆش دەوێت.
گریمان ئەوەی تۆ دەیڵێت ڕاستە، بەڵام گەر بەراوردی نێوان میدیا کوردی و میدیا بێگانە دراوسێکان بکەیت، زۆر جیاوازە، ئەوەی ئەوان لە حەپولکیان دەردەچێت گەر لە هەفتەیەکدا گۆرانییەکی کوردی لێ بدەن.. هەر لەبەر ئەوە ئەوان بەشەر و کورد شتێکی تر بێت.. ئەوەی ئێمە باسی دەکەین گلەیی و ڕەخنەیە لە میدیای خۆمان نەک خەڵکی دی.. تۆ دیقەت بدە لەو هزر کە گەر گۆرانی کوردی باش و هونەری بێت ئەوان لێمان وەربگرن و لێیدەن!!! چ سووکایەتییەکە!! ئاخر کەسی یەکسانخواز چۆن دەبێت دەربڕینی وای لێ دەربچێت و بڵێت؟ من بۆ خۆم سەرتاپا دژی ئەو بۆچوونەم پێم وایە ئەم دنیایە بە کوردەوە جوانتر دەبێت.
دیدێکی دروستە، تەنها ئەوەیە میدیای کوردی کە هەتا بێت لقوپۆپی لێدەبێتەوە، وەک ئەرکێک باشترە گرنگی بدەن بە کلتووری خۆماڵی زیاتر وەک لە بێگانە و دراوسێکان.. هەموو کەس و بنەماڵە و گروپێکیش بەشی خۆی خۆپەرستە، جا ئەو خۆپەرستییە لەفەرهەنگی سیاسییدا ناونراوە سکتاریست و یان ڕەگەزپەرست و...
پێم وایە بەڕێزتان سەردێڕە سەرنجڕاکێشەکەیت لا مەبەستە، ئەو دایلۆگەی سەرەوەتان نەخوێندۆتەوە، بێگومان ئەو کات دەتزانی ئێمە بە کێ دەڵێن سەخیف، بەندە تۆزێک ڕەحمم کردووە، ئەگینا خەڵکانی تری هاوزمانی خۆمان لەوە خراپتر دەڵێن.. دوای ئەوە پرسیارت لە خۆت نەکردووە دەربڕینیکی وا بۆ؟ دیارە بەرئەنجامی ناشیرینییە، ئەگیان کەس لە خۆرا هار دەبین.
بەڵام بەداخەوە لای خۆمان هەریمی کوردستان وەک فینلاند نییە کە بڵێت گشتی و ناگشتی یان وەک تەلەفیزیۆنی فەرمی حکومەت ئوڵێ و نیمچە فەرمی ئێم تێ ڤێ ٣ و ئەوانی تر.. ورد بوویتەتەوە لە تەلەفیزیۆنی ئولێ تەنانەت ڕیکلامی کاڵاکانیش بڵاو ناکرێتەوە، ئەوانی تر دەیکەن.. لە کوردستان کەناڵی ڕووداو و کەی ئێن ئێن ڕۆژانی شەممان وەک کەناڵی حکومی بەرنامەی ئایینی دەکەن.. ئەوە فەوزایە کەناڵی حکومی کە نییە دەبێت وا بکات چوونکە نوێنەرایەتی هەموو خەڵک دەکات.. ئەم خاڵەی من وروژاندوومە دەچێتە ئەو هەرجومەرج و شپرزەییەیی کە کۆی کۆمەڵگای گرتۆتەوە.. گرنگ ئەوەیە درێژە نەکێشێت، دیارە ئەوەیش بە ڕەخنەی هەموومان دەبێت..
پێم وایە ئەو ئازادییەی کە بەڕێزت باسی دەکەیت نیوداشتە، ئەوەندە سەقەتە لە ئازادی هیچ وڵاتێکی تر ناچێت..من پرسیار لە بەڕێزت دەکەم بۆ تۆ و زۆری تر لە وڵات ڕاتان کردووە، لەوانەیە بەهۆی کێشەی سیاسی کۆمەڵایەتی و.... ەوە بێت. گریمان ئەوانەیش نەبوو، کەواتە لەوێ ژیانێکی باشی مرۆڤانە و شایستە فەراهەم نابێت و نییە، بۆیە سەدەها تاکی وەک بەڕێزتان لەو ئازادییە ڕادەکەن و حەوت بەردی پیادا دەدەن؟ خۆتان ڕزگار دەکەن!!
ئەو لایەنەی تۆ باسی دەکەی ڕاستە و ڕاستیش نییە، تا ڕادەیەک جێی پەسەندە، بەڵام گەر وەک تۆ دەڵێت کارەکتەرە سیاسییەکان لە ناچاریدا وابن ئەی میدیاکان بۆ بوونەتە دەهۆڵ کووتی کلتووری بێگانەکان؟ گەر هونەر دیاردەیەکی جیهانی بێت، بە هونەری کوردییەوە جوانتر دەبێت، ئەو جیهانییەتە کەلوکوێرە تەنها ئێمە و میللەتە بچووکەکانی تر، گوێ لەوان بگرین...ئەوە خۆ بەکەمزانیینە.

بۆ لایەنگرانی بزووتنەوەی گۆڕان
٢٠١٣.١٢.١٧

دروشمێکی کۆنی سەر دیواری کۆڵانێکی گەرەکی قەرەجاوا (خەبات)لە هەرێمی کوردستان- سلەیمانی:
زێری ووڵاتە ئەو نەوتە ڕەشە، داگیر کراوە، گەل ڵی بێ بەشە

بەسوپاسەوە لە سامان سەعیدیم خواستووە

ئاڵا ناسنامەیە
٢٠١٣.١٢.١٦

ئاڵای هەرێمی کوردستان و کوردانی کوردستانی باشوور، بکەنە سەر وێنەی پرۆفایلەکانتان، وەک لەوەی لە ڕۆژێکدا یادی بکەنەوە و باسی بکەن.. جا گەر واتان کرد لە نێو جەنجاڵی ئەم دنیا و ئەم گۆلبالیزەیشنە و ئەم فەیسبووک و تویتە دەبێتە نیشانە بۆ ناسینەوەتان کە خەڵکی کام وڵاتە و سەر بە چ نەتەوەیەکن...
--------
لەم لینکەدا دەتوانن، ئاڵا بخەنە سەر وێنەکانتان
http://www.picbadges.com/badge/2926472/
هاوپێچ
------
لە باری یاساییەوە ئەو ئاڵایە لە هەرێمی کوردستان فەرمییە، لە ئاستی دنیا ناسراوە... بەڵام ئەمە ئەوە ناگەیەنێت کوردەکانی کوردستانەکانی تر بە هی خۆیان نەزانن... دیارە بۆ خۆم پێم وایە هەر کوردستانە لەسەر بنەمای ئەو ئاڵایەی ئێستا هەرێمی کوردستان ئاڵایەکی جیاواز بۆ خۆیان دروست بکەن و بڕیار بدەن.. ئەم ئاڵایەکی ئێستا هەرێم وا باشترە دەستکاری بکرێت لە جیاتی ٢٥ تیشک ٤ تیشک بێت چوونکە هەرێمی کوردستان چوار شارە..
بەڵام خەیاڵ شتێکە و لۆجیک شتێکی ترە، کوردایەتی نەبێتە هۆی ئەوەی شتەکان وەک خۆی نەبینرێت...

کەمێک تەحەمولی گەرەکە
٢٠١٣.١٢.١٥

هەموو شتێک قابیل بە کاڵا بوونە، بزانن بۆ بازرگانی کردن چۆن لا لە کەمئەندامان دەکەنەوە، ئێمەیش بە بەزەیی دەزانیین و دەبینین، بەکاری قەشەنگ و جوانی دەزانیین.. بەڵام و کەواتە باگراوەندی کارەکە مرۆڤ دۆستانە نییە
http://youtu.be/E8umFV69fNg

هاوپێچ
----
کرۆکی کارەکە هەر بەکاڵابوونی هەموو بەها و کایەکانی ژیانە..لە لایەکی ترەوە پێم وایە مرۆڤ نابێت بچێتە ژێر باری هەر شتێکەوە کە ڕووکەشێکی مرۆڤدۆستانەی بەبەردا دەکەن.

چیرۆکێک وەک خۆی (حکومەتی هەربێنە)!!
شەممە ٢٠١٣.١٢.١٤

هاوێنی ڕابردوو بە ڤیتامین واوی هاوڕێیەکی دەستڕۆیشتوو کەسێکیان کردبووە لای سکرتێری سەرۆکی ئەنجوومەنی وەزیران کێ قەردەاغی، لەو چەند خولەکەی لەوێ ببوو، هەر کارمەندە خۆی کردووە بەژووردا بۆ مەبەستی واژوو و پرسیار و کاروباری فەرمانگەیی، وایش ڕێکەوتووە کە کچ و زاوای ئەو کێ قەرەداغییە خۆیان بکەن بەژووردا، ئەو جەنابە بەو سەردانە زۆر دڵی خۆش دەبێت، بۆیە پەیتا پەیتا هەر کارمەندێک لەو چەند خولەکەدا هاتبێتە لای، ئەو جووتەی پێناساندوون، ئەمە ترۆپک و ناوجەرگەی حکومەتی هەربێنە، ببوورەن تەتەلەی زمانە حکومەتی هەرێمە، و یەکێک لە کارمەندانی پایەبەرزی حکومی و حیزبییە لە کاتی دەوامی فەرمیدا چی دەکات.. معامەلەی کەسەکە و کارەکەی لەو کاتەوە کەوتۆتە بیرەوە و ئاوی ئاموون و توونی بابا چوو، ئەمە لای خۆی لە ئۆرگانێکی هەرەبەرزی حیزبێکی دەسەڵاتەوە بەرزکرابووە.. خۆش ترخێنە.

٣١ ی ئاب لە کەرکوک دووبارە بووە
هەینی ٢٠١٣.١٢.١٣

لەسەر هەڵوەشانەی لیستی هەڵبژاردن لەو شارە، بۆ کەسێک ئەم چەند دێڕەم نووسی:
ئێوە وەک کەرکووکییەکان دەبێت ئەوە باش بزانن کە پارتی گۆڵێکی تری وەک ٣١ی ئابی دووبار کردەوە، ئەمجارەیان لە شاری کەرکووک، پەنجە خستنە سەر خاڵەکان ئازایەتییە، نەک بە گشگیر بکرێت بۆ حیزبەکانی تریش
بزووتنەوەی گۆڕان هەردەم جیاواز بووە و نەیشاردۆتەوە، ئەسڵی گۆڵەکە پارتی لە کەرکووکییەکانی کرد، دواتر حیزب و کیانەکانی تری خستە هەڵوێستێکی نەخوازراوەوە، ئەو کارە لە بیر دەکرێت و بەرەو لایەکی تر دەبرێت و دەستەچەورەکە بەهەموو لایەک دەسڕن!!
بزووتنەوەی گۆڕان پاشکۆیەتی لایەک ناکات بەقوربانی لایەکی تر، چارەی مامناوەندی هەڵبژارد. لەڕاستیدا ئەو ڕەخنەیەی کە دەبێت لە بزووتنەوەی گۆڕان بگیرێت، غەڵەتەکە لەوەدایە بەداخەوە زۆر جار کوردایەتی بەری چاوی لێڵ دەکات، ناشیرینی ئەو دوو پارتە لەبیر دەباتەوە، لەبنەڕەتەوە نەدەبوایە لەو تەحالوفە بەشدار بوایە
هاوپێچ
-------
لەوێ دەنگی لایەنگرانی گۆڕان و پارتی فتە، بەڵام پارتی بۆتە ڤایرۆس، دەرمانێکی بەهێزی دەوێت بۆ لەناوبردنی، ئەو فەلسەفە کۆنەیان بەردەوام ئامادەیە کە من نەبم تێکی دەدەمەوە.. دیارە لایەنی تریشی هەیە کە حیزبەکانی هەرێمی کوردستان ئێستا بەهۆی دۆزینەوەی نەوت لەلای خۆمان، کەرکووکیان بۆ گرنگ و مەبەست نییە، وەک سەدەی ڕابردوو ئەمانەی جارجار لەبارەی گرنگی ئەو شارەوە هەموویان مزایەدەیە و چاوبەستە، لەوانەیە لایەنی هەرێمایەتیش دەوری هەبێت، ئەمەی پارتی کردی پەیامێک بێت بۆ تورکیا کە ئەوان دەستبەرداری کەرکووک بوون، یان لەوانەیە ڕێکەوتنیکی ژێربەژێری نێوان پارتی و تورکیا بێت کە کەرکووک تەسلیم بە تورکمانەکان بکەن، بەخاتری کارئاسانی و ڕایکردنی و چاوپۆشی لە هەوڵەکانی هەرێمی کوردستان کە پارتی نفوزی زۆری بەسەر ئابوورییەکەیدا هەیە..
پارتی ڤایرۆسە دەبێت، بەڵام ئەوە حیزبەکانی ترە، بەتایبەتی یەکێتی عار نانێت و چاوپۆشی لێدەکات، ئاخر ئەمە چەندهەمین جارە تەقلەیان پێ لێدەدات و هەر لەگەڵیشیدان؟ جاران یەکێتی تەقلە بە پارتی و ئەوانتر لێدەدات، ئێستا پێچەوانە بۆتەوە ئەو تەقلە بەهەموو لێدەدات!!
-----------
ئەم بابەتەم چڕ کردەوەو کردم بە ووتارێک ناردم بۆ ماڵپەڕی سبەی کە هی بزووتنەوەی گۆڕانە، بڵاوویان نەکردەوە، لەبەر خاتری پارتی!!!

پۆستەرێکی واقعی
پێنجشەممە ٢٠١٣.١٢.١٢

دوای بڵاوبوونەوەی سکاڵانامەیەک، کە دەنگوسەدایەکی باشی لەلای خەڵک دایەوە، دەستڕەنگین کاکە فەرەیدوون کونجرینی وەک دەبینن ئەم کارەی ئەنجام دا، لەوێدا شەهیدانی دەستی تیرۆر کۆکراونەتەوە، کە بەدەستی چەتە و چەقۆوەشینە بەکرێگیراوەکانی پارتی و یەکێتی و ئیسلامییەکان لەناوچوون...
شەهیدانی قەڵەم: فەرهاد فەرەج ، سۆران، عەبدولستار، سەردەشت، کاوە
هاوپێچ
-------
بۆ هەموو ئەو قوربانیانەی دەستی تیرۆر بەتایبەتی ئەوانی قەڵەم یادگارێکیان دەوێت.
ڕەووف کامیل ئاکرێی بیرە، بەڵام هێندەی بزانم ئەو زیاتر سیاسی بووە نەوەک نووسەر دەرکەوتبێت.. لەڕاستیدا ئەمانەی دەکرێت دەستپێشکەری میللی نێوان خەڵکی ناولێبنرێت، شتی فەرمی و ستاندار نییە، لەداهاتوودا بەهیواین هەموو ئەوانەی تیرۆر کراون لەسەر بیروڕای ئازاد کارێکیان بۆ بکرێت، کەس لەبیر نەکرێت، ئەمەی من وەک ئەو فەرامۆشکردن و سکاڵایەیە کە بەڕێزتان لە نامەیەکدا پەراوێزخستنی خۆتت سەڕەڕای مێژووی پڕشنگدار بەیان کردووە، ئەم هەوڵە لەپێناو نۆرماڵ کردنەوە ئەو دۆخەدایە، لە کۆمەڵگایەکی شپرزەی وەک ئەوەی ئێستا ناکرێت. هەر هەم کارە تاکیانەی لێ سەوز دەبێت بەهیوام کۆمەڵگاکەمان ئاسایی بێتەوە ئەو کات ئاسان دەبێت.

جوانناسی - ستاتیکا

بۆ لە پێناو حیزب و حکومەتەکاندا خەڵک وا دەکەن؟ ئەی ئەگەر وا نەکەن چی بکەن؟ هەموو قوربانیدانێک چ گەورە چ بچووک ئەنجامەکەی ڕێکەوتنە، کەواتە مرۆڤ ئەو مرۆڤەیە لە ژێر هەر بارێکدا نەبێتە قوربانی، کەواتە چ شتێک و ئیدە و تەوژمێکی ناو کۆمەڵگا شایەنی قوربانییە؟؟ ئەو کات هەست ناکەیت لەسەر پشتی کیسەڵ بۆت نووسراوە.. ئێوە دەڵین چی؟
----
بەرهەمی کاریکاتێرستی نەمساوی Marian Kamensky تەنها کۆمێنتەکە هی بەندەی موخلیستانە

مام جەلال وەک ماندێلا بنێژن
سێشەممە ٢٠١٣.١٢.١٠

با لایەنگرانی یەکێتی زۆر دڵیان بە وێنە نوێکانی سەرۆکی پارتەکەیان خۆش نەکەن، چوونکە ئەو لەکەناری مەرگدایە و لە ئانوساتدایە گیان لەدەست بدات، کەواتە باشتر وایە خۆیان بۆ مەراسیم و ڕێوڕەسمی ناشتنی ئامادە بکەن، بێگومان لە شاری سلەیمانی دەنێژرێت، لەبەر ئەوەی دوو دەورە سەرۆکی وڵاتێک بووە، بێگومان زوربەی سەرۆکی وڵاتانی دنیا دێن و ئامادەی ناشتنەکەی دەبن، هەروەک چۆن ئەمڕۆ سێشەممە٢٠١٣.١٢.١٠ ڕێوڕەسمی ناشتنی ماندێلامان بینی. باشە چی کراوە؟ چ بەرنامەڕێژیەک بۆ ناشتنێکی شایستە کراوە؟ ئایا شاری سلەیمانی ئامادە و سازە بۆ ڕووداوێکی گرنگی وا کە زوومی کامێراکانی دنیای دەچێتە سەر؟
هاوپێچ
-------
بەپێچەوانەوە ئەوە خۆزگە و ئاوات نییە بۆ مەرگی خەڵک ، ئەو سەرۆک کۆماری وڵاتێکە و زۆریش چۆتە تەمەنەوە، هەر کۆچ دەکات، قسە لە ئەگەرێکی چاوەڕوان کراوە، ئایا حیزبەکەی چی بۆ دەکات؟
برادەرێک شوێنی شایستەی بۆ ناشتنی مام جەلال بەقەندیلی داناوە، منیش ئەم کۆمێنتەم بۆ نووسی:
پێم وایە ئەم تێکستەی من پێچەوانەی ئەوی تۆیە، دیارە ئەوە زۆر لە سیاسییەکانی تر دەگرێتەوە، هەمیشە سوێدیان خواردوو بەو شۆڕشەی تەقەیان تیا نەکردووە. بڕاوا ناکەم مام جەلال سەرەڕای ئەو هەموو ساڵەی لە بزووتنەوەی چەکداری کورددا تەقە لە لولەی تفەنگییەوە هاتبێت و نابێتی بەدوژمنەوە، غەیری ڕاو و نیشانە شکێنی، ئەوە لەبەر ئەوەی بەرێوەبەر و نەخشەدانەری سیاسی بووە، نەک جەنەڕالێکی سەربازی و پێشمەرگەیی، هاوکات ئەو سیاسییەکی شارنشین بووە، تا لە شاخ بوو ئەنتی هزری خێڵەکیانە هەڵسووڕاوە، ئیتر چی بکات لەو دەشت و دەر و کێوە، ئەینێری بۆ ئەو هەردە، لە ئێستادا لۆجیک نییە و تەنها قسە بابادانە.
لەو بڕوایەدام لە گردەکەی برایم ئەحمەد دەنێژرێت، ئەگەر خۆی وەسێتی نەکردبێت و شوێنەکەی دیاری نەکردبێت.

لە کولەکەی تریشدا ناوی ناهێنرێت!!!

ئەوەندەی بیرمان بێت کەسایەتییەکانی دەستی تیرۆر تا بێت زۆر دەبن، بەڵام بەداخەوە قوربانیانی ئەهلی قەڵەم تەنها ژمارەیەکیان لەلایەن میدیا و ئۆپۆزسیۆن(بزووتنەوەی گۆڕان)ەوە بوونەتە بنێشتەخۆشەی سەرزاران و ناویان ئەوەندە دەهێنرێت مرۆڤ بێتاقەت دەکەن، هەر کە ڕووداوێک دەقەومێت ئەو یەکدوو دانەیە (سۆران و سەردەشت و عەبدولستار)ناویان دەمەزەرد دەبێتەوە، هەشە هەمان چارەنووسیان هەبووە بەتایبەتی کەسێکی وەک فەرهاد فەرەج کە لەبەر ماڵەکەیدا وەک دەڵێن بەدەستی ئیسلامییە ڕادیکاڵەکانی ئەو کات شەهید دەکرێت، کەس ناوی ناهێنێت.. ئەرێ بەڕاست تا کەی فەرهاد فەرج بە فەرامۆشی دەسپێرن؟
هاوپێچ
-------
ئەوەی منی کوشتووە، چەند دانە لە بەڕێوەبەرانی میدیای ئازاد و سەربەخۆ و ئەهلی وەک ڕۆژنامەی هاوڵاتی و گۆڤاری شار و گۆڤاری سپی کۆنە چەپن و کەمال ڕەئوف و شاون محەمەد و کاژاو جەمال هاوڕێی نزیکی فەرهاد بوون، کەچی ئاوا بە فەرامۆشیان سپاردووە
بەڵام قسە لەوەیە و بەچاوێکی وردتر بڕوانیین کەسیان وەک فەرهاد فەرەج فەرامۆش نەکراوە، بەکر عەلی شاعیر قسەی زۆر زۆری لەسەر کرا... کێشە ئەوەیە تەنانەت تەوژمە سیاسییە چەپەکانیش لەبەر ئەوەی فەرهاد فەرج عەداوەت بوو لەگەڵیاندا ناوی ناهێنن.
پێم وایە ئێمە وەک هاوڕێی ئەو لە هەوڵی ئەوەدا بین، ئەو فەرامۆشییە کاڵ بکەینەوە کە دەهەق بەو کەس و قوربانییە دەکرێت.
شەهیدی ناوبراو زۆر بێ پشتوپەنا بوو بۆیە ئاوا فەرامۆش کراوە، ئۆپۆزسیۆن(بزووتنەوەی گۆران)یش هەموو شتێک نییە، ئەوەی پرسەکان زیاتر دەوروژینێت میدیایە، من زیاتر قسەم لەسەر میدیایە چوونکە ئۆپۆزسۆنیش دوای ئەوان دەکەوێت و لاساییان دەکاتەوە.
ئەو ناوانەی بەڕێزت ڕیزت کردوون لەسەر سیاسەت تووشی ئەو چارەنووسە بوون، وەک لەوەی لەسەر میدیا بێت، ئەوە تێکەڵ کردنی کێسەکان و لەم نێوەدا تازە بەداخەوە هەموو ئەوانە ڕۆیشتوون، قسەی من لە محاسەبە و سزادان و دادگا لێگرتنیان نییە، ئەوەندەی کە باس کردن و فەرامۆش کردن و بیرهێنانەوەیانە، هەر یەکەیان لەگەڵ گرووپی خۆیان، چوونکە شەهیدەکان جۆریان زۆرە... بە پێچەوانەوەی بەڕێزتەوە پێم وایە میدیای سەربەخۆ دەستی لە پارتەکان و ئۆپۆزسیۆنیش کراوەترە، لەژێر چەنەی ئۆپۆزسیۆندا نیین، ئەوە هزری تاکی حیزبییە، کە هەمیشە حیزب بەیەکەم دەبینێت گوایە ئەوانن کە وردودرشتی کێسەکان دەوروژێنن.
ئەو وێرای ئەوەی هەڵسووڕاویکی بواری کریکاری و سەندیکایی بوو، هاوکات نووسەرێکی باش بوو، بەهەوڵ و ماندوو بوون زۆر خۆی پێگەیاند بەڵام بەداخەوە زەفەریان پێبرد و شەهیدیان کرد.
کەس وەک فەرهاد فەرەج فەرامۆش نەکراوە، بەکر عەلی ئەوەندەی لەسەر وترا نەبێتەوە.
بێگومان وا نەدەبوو و نەخێر؟ بەڵام بۆ هەستانەوەی جەهدی زۆر کەسی دەوێت.. ئەو کات خۆ میدیای ئازاد هەبوو؟ چەند شەهیدکردنەکەیان وروژاند، ئەو وتار و هەواڵ و بابەتانە کوا کە باسی ڕووداوی ئەو بکەن؟
ئۆپۆزسیۆن هەموو شتێک نییە، دەبێت ئەوە بزانیین کە میدیا شتێکی وروژاند ئەوان ناتوانن خۆیانی لێ ببوێرن.. دوای ئەوە ئەوان تەنها کاری هاوبەش دەکەن و لەبەرانبەر جەبەرووتی پارتی و یەکێتیدا یەکگرتوون، پێدەچێت لەداهاتوویەکی نزیکدا ئەو کارە هاوبەشەش نەمێنێت چوونکە بەتەمای بەشداریکردنن لە حکومەتی هاوبەش. دیارە لایەنێکی تری فەرامۆش کردنی جوانەمەرگەی برات بۆ لایەنی زاتی و بنەماڵەیی و ئەو هێز و تەوژم و هاوڕێیانەی دەگەڕێتەوە کە ئەو لایەنگری دەکرد.. بۆ نموونە هاوڕێی نزیکەکانی کە هەموویان لە میدیای سەربەخۆدا کاریان دەکرد و دەکەن.
عەبولخالق هەرچەندە لەسەر کتێب و لەهەلومەرجی بەرگریدا شەهید کرا، بەڵام هەمیشە ناوی لەسەر زارانە و فەرامۆش نەکراوە وەک ئەم شەهیدەی ئێمە باسی دەکەین، کەمێکیش نزیکایەتی و هۆی شەهید کردنی هەردوو لایان وەک یەکە، عەبدولخالق بەعس تیرۆری نەدەکرد گەر هاندانی مەلاکانی خۆمانی لەگەڵدا نەبوایە، فەرهادیش فەرخەکانی هەر ئەو مەلایانەی سەردەمی بەعس بوون، لەبەردەم دەرگای ماڵەی خۆیدا شەهیدیان کرد.
تیرۆر جۆریان زۆرە، ئەمانەی من مەبەستمە ئەوانی قەڵەمە.

لە ئەمەریکا سەخیفترم بۆ بدۆزنەوە
یەکشەممە ٢٠١٣.١٢.٨

ئەمەریکا لە پێناو بەرژەوەندی و بازاری خۆی چاوی لە دیکتاتۆرتین وڵاتی دنیای وەک سعودییە و ئێران و... پۆشیوە ئیتر قابیلە چی لێ چاوەڕوان دەکرێت کە هاتۆتە کوردستانی باشوورەوە.. فەرموو بڕوانن لە دهۆک زانکۆی ئەمەریکی تر دادەنرێت کورەکەی مەسعود بارزانی (مەسروور) دەبێتە سەرۆکی... دواڕۆژمان ڕۆشنە وەک بەری مەنجەڵ.
پێم وایە بەهیوام هەڵە نەبم، ئەم کردنەوەی زانکۆیە لە شاری دهۆک لەسەر حسابی ئەو زانکۆ ئەمەریکییە دەبێت کە لە سلەیمانی هەیە، چوونکە پارتی و هاوشێوەکانی ئیرسی بەعسیان تەرک نەداوە و بەشێوەی جۆراوجۆر کاروکردەوەکانی دووبارە دەکەنەوە، وەک چۆن لەسەدەی ڕابردوودا زانکۆی سلەیمانیان گواستەوە بۆ هەولێر
هاوپێچ
----
هەموو ئەو ڕووداوانەی لەناوخۆی وڵات کە ڕوو دەدەن، زیاتر ڕەشبینمان دەکات، وەک لەوەی گەشبین..

پارتی لە عێراقیش سیاسەتی فاشلی هەیە

ئەحمەد چەلەبی، هوشیار زێباری وەزیرەکەی پارتی لە حکومەتی عێراق بەر ڕەخنە و توانج دەدات و دەڵێت: سیاسەتی وەزارەتەکەی شکستخواردووە، ئەگەر شکستخواردوو نەبێ، لە کاتێکدا بەغدا باشترین پەیوەندی لەگەڵ ئێران و ئەمریکا هەیە، کەچی عومان دەبێتە هۆی نزیکبوونەوەی تاران و واشنتن لە بری عێراق
هاوپێچ
----
دةكةويته سةر بةرژةوةندى لايةنةكانى دةرگير، ئيستا كورد ژمارةيةكى ناو هاوكيشةى ناوچةكةيه، بةلام چؤن ژمارةيةكه؟ بيگومان گةر لةگةل ئيران و توركيا و ئةمةريكا بةراورد بكرێت ژمارەیەکی کاڵ و لاوازە، بةلام ئەگەر هاتوو مالى كوردى بەهێز و تؤكمة بێت، پيلانةكان كاريگةرى زؤرى نابيت. بؤيه زياد لە پێویست وريايى گةرةكه

تیرۆری دفن!!
شەممە ٢٠١٣.١٢.٧

ئەم ڕووداوە (تیرۆر کردنی کاوە گەرمیانی) و چەند تری هاوشێوە، کە لێرە و لەوێ ڕوودەدەن دەرهاویشتەی دۆخی شپرزەی سەردەمی ئاوەدانکردنەوەیە، دەبێت لەوانە ناخۆشتر چاوەڕوان بکرێت، ئەوەی جێی سەرسووڕمانە لە بنتێک دەدرێت کە زۆر جێی سەرنج نییە، وەک چۆن لە سۆرانی مامە حەمە درا، کەسایەتییەکی گرنگی بوارەکە نییە، زیاتر نگا بۆ ئەوە دەچێت کە مەبەستیان زاڵکردنی کەشی ترس و تۆقاندن بێت. لە ڕاستیشدا ئەمە زەمینە خۆشکردنە کە خەڵکی توخنی پیشەی ڕۆژنامەنووسی نەکەون.
لەلایەکی ترەوە گەر ئەم دەستوەشانە نامەردانەیە سرفەن لەسەر کاری میدیایی بێت، ئەوە ترس و نیگەڕانی گرووپە دەستڕۆیشتووەکانی هەرێمی کوردستانە کە خەریکە میدیا بێتاقەتیان دەکات و پەتی تەحەمولیان دەپچرێنێت، لەم نێوەدا سەرئەنجامی ململانێی نێوان ئەو دوو تەرەفە و دەسەڵاتە بەقازانجی جوانتر کردنی کۆمەڵگایە و میدیاکاران لە بێژنگ دەدرێن و دەستڕۆیشتوانی کۆمەڵگا هەروەها.

جەنەراڵە ترسنۆکەکانی کورد!!
پێنجشەممە ٢٠١٣.١٢.٥

جەنەڕاڵی فەرەنسی پاوڵا ئاوسارێسێس (١٩١٨ - ٢٠١٣) دەڵێت:
فێریانکردم بکوژم بێ ئەوەی ئەسەرێک بەجێبهێڵم، فێریانکردم درۆ بکەم و گوێ بە ئازاری خۆم و ئەوانی تر نەدەم.

ئەم کەسە بەیەکێک لەسەرسەخترین پلەدارە باڵاکانی لەشکری فەرەنسی دادەنرێت، کە ئامادە نەبووە، پەشیمان نەبووە لەو کارانەی کردوونی، بەتایبەتی لە کاتی داگیرکردنی جەزائیر.
بەشێک لە سەرکردە کوردەکانی کوردستانی باشوور چ لە سەردەمی شاخ، چ لەسەردەمی دەسەڵاتیاندا، لەوانەیە دوای مەرگیشیان ئامادە نەبن دان بەو کارە قێزنەوەنانەدا وەک ئەشکەنجدان و کوشتنی ناڕازییان بنێن، ئازایەتی لە خۆیان نیشان نەدەن بڵێن؛ ئەوەمان کردووە و لێی پەشیمان نیین. کەواتە لە ناو کوردی کوردستانی باشوور هاوشێوەی ئەو جەنەڕاڵەی زۆر تێدایە...
گەر جەنەڕاڵە فەرەنسییەکە لەبەرانبەر بێگانە جەزائیرییەکاندا وای کردبێت و بیانوویەکی بە دەستەوە بێت، ئەی ئەوانی خۆمان کە لە شاخ و دەسەڵات دژی کەسانی ئۆپۆزسیۆن ئەشکەنجە و تیرۆریانیان بەکارهێناوە، چی؟
هاوپێچ
----
ئیتر وەک ئەو جەنەڕاڵە فەرەنسییە دانی پێناوە، هەلومەرجی دۆخەکان وایخواستووە، دیارە گەر دیقەتت لە دەربڕینەکی دابێت پێدەچێت ئەو کارانەی کردوویەتی ئازاری دابێت، بەڵام دانی بەخۆیدا گرتووە.. ئەو کارانەی لەبەرانبەر جەزائیرییەکاندا کردوویەتی، چاوپۆشینی سیاسییەکانی ئەو کاتی لە پشتەوە بووە.. لەلایەکی ترەوە ئێمە وەک گەواهیدەرێکی سەردەمی شاخ، جۆرێک سەرفەنەزەر کراوە، ئێستا تۆ ناوی دەنێت کۆیلە، چوونکە کەم کەس هەبوو دەیانزانی و یان ئازایەتی ئاشکرا کردنی هەبوو، بڵێت ئەوە شۆڕش نییە و کەسەکانیش شۆرشغێر نیین بە مانای وشە، کە لە شاخ هەبوو.

جەنجاڵ خولقێن!
سێشەممە ٢٠١٣.١٢.٣

گەنجێک لەسەر ئەو قسەیەی کە ڕۆژی ٢شەممە ٢٠١٣.١٣.٢ کەسایەتییەکی جەنجاڵئامێز فەرهاد پیرباڵ کردی و وتی: کورد بەحیزی ڕاهاتووە! بەشێوەیەکی تر لاسایی کردۆتەوە و دەڵێت: کەس نەڵێ کورد مردووە، کورد خەوی لێ کەوتووە!!ی داوە بە گوێماندا، کە هەمان وەزنی هەیە و تەواوکەری یەکترن!
کوردەکان ڕێک وەک عەرەبەکان وان، بۆیە ناکرێت بە یەکچاو سەیر بکرێن، باشترە پەنجە بخرێتە سەر خاڵ، بووترێت کوردی کام پارچە خەوتووە؟ هێندە هەیە کوردی هەرێمی کوردستان نەخەوتووە و دەوڵەتداری و حوکمی خۆیان دەکەن.
فەرهاد پیرباڵ بەهۆی لایەنگری لە پارتییەوە کێرڤی جەماوەری پیس دابەزیوە، ئەو کارەی لە پێناو ڕاکێشانی سۆزی کوردانی ئەودیو دایە نەک شتێکی تر، بەڵام بەدەر لە هەر ڕەهەند و پاشخانێکی ئەو کردەوەیە، هەڵوێستێکی جێی پەسەندە، ئیدانەیەکی پارتیانەیە بۆ پارتییەکان...
هاوپێچ
-------
ئەو کارە هیچ کاریگەری قورسی لەسەر پارتی دانانێت و نابێت، سیناریۆیەکی کۆمیدییە و مرۆڤ دەهێنێتە پێکەنیین وەک چۆن موهەرجەکان دەیکەن.

با قسەیەکیش بۆ دز بکەین!!

دوای گوێگرتن لەو چاوپێکەوتنەی شاسوار عەبدولواحیدی کۆمپانیای نالیا، ئەوە لەلام دروست بوو کە میدیای بینراو و بیستراوا لە دوو لاوە لە ژێر فشاری پارتی و یەکێتیدایە، ئەویان بە پارەی زۆر و زەبەندی دزراوی هەرێمی کوردستان، ئەمی تریان بە ترس و تۆقاندن و تیرۆر خەریکی کاری گەنگی خۆیانن، بەمەیش یەکەیەکی تەواوکەرن! پارتی بە تەلەفیزیۆنی ڕووداو و ڕۆژنامەی هەولێر هاتۆتە مەیدان و هیچی بۆ میدیاکانی تری حیزبی و ناحیزبی نەهێشتۆتەوە، ڕووداو لە دەرەوە و ناوەوەی بەهۆی پەیامنێرە زۆروزەبەندەکانیەوە گەرماوگەرم هەواڵ دەگەیەنێت، بەمەیش ئاوی کردۆتە ژێر میدیاکانی تر، بۆیە ناچار دەبن لە دەستی دووەوە زۆر لە هەواڵەکانی ئەو دووبارە بکەنەوە! وەک شاسوار عەبدولواحید ئاماژەیەکی پێدا کە بەتەمای گۆڕانکارین، ئەی ئەوانی تر هەست ناکەن لە کاروان بەجێماون، تا کەی وا دەمێننەوە، بەهیوام ئەمەیش نەبێتە پرسی دواکەوتووی ئاوەدانی سلەیمانی لە چاو هەولێردا...؟
-----------
تەواوی چاوپێکەوتنی ناوبراو لەم لینکەدایە
http://nrttv.com/barnama_dreje.aspx?jimare=1827
هاوپێچ
-------
- لەمەوبەر شاسوار قسەی نەکردووە، بەڵام بەو تاوانەی لە دژی کرا، هێنایانە دوان.
- پیاوی هەر کەسێک بێت، وەک منداڵێکی شارەکە ژیر و دانایە و بە دیدێکی کراوە خزمەت دەکات، کەس شایەنی ئەوە نییە لەسێدارە و تیرۆر و بریندار بکرێت.. لەشوێنێکی تردا نووسیبووم، ئەوەندە زیاد دەکەم ئەو جەماعەتەی دەوری پارتیان داوە، بە چاولێکەری لە عەرەبەکانی کەنداو و ئەمەریکاییەکان لەگەڵ دامەزراندنی کومپانیاکانیان کەناڵێکی تەلەفیزیۆنیشی بۆ دەکەنەوە، سەرەتا هێڵی پەیوەندی تەلەفوونی کۆرەک دامەزرا، وەک شاسواریان نەکرد کە کەناڵی زانیاری بەخشی هەواڵ دابنێت، ئەوان کەناڵی تەرفیهیان دانا، مەبەستم بە پلەی یەکەم لەم باسە کێبرکێی میدیاییە نەک لایەنگری خاوەن کومپانیاکە.
- جا کەی ئەوە کێشەیە کۆن چی بووە و چی نەبووە، دەنگۆی لەو جۆرە هەموو کەس هەیەتی و بەدوایەوەیەتی.. گرنگ ئەوەیەی ئێستایەتی کە دەیکات و خزمەت دەکات.. من لەسەرەوە وەک کۆمینت نووسیوومە کە ئەویان هێنایە دواندن.. دەبێت قسە لەوە بکرێت کە تاوانی بەرامبەر کراوە، نەک شتی لابەلا.
- لای فڵان و فیسار بۆ پارە نییە و لای ئەو هەیە دیارە لە ئێمە زیرەک ترە. ئەو پرسیارە (ئەمەت لە کوێ بوو؟) زۆر واردە، تەنانەت بۆ کەسێکی داهات دیاریکراویش.

خەمی ڕۆژانە، تشرینی دووهەمی ٢٠١٣




هەتا هەتا هەتایە تۆپێ تەل بە پەنجایە
شەممە ٢٠١٣.١١.٢
ئەو چل و چەند ملیۆن دینارە یارەبی عافێتی ئەو پەرلەمنتارانە بێت، بە غەزوبەزی شانیان بێت کە لەو شوێنەوە بەرگرییان لە جوانتر کردنی کۆمەڵگا کردووە. ئەم فشوهوڕی بەرگریکردنە لە خەڵک(کام خەڵک؟!) چەند دانە کەسێک بەرزیان کردۆتەوە لە شانوشەوکەتیان نایەت، چوونکە نە هەڵگری ئاڵای یەکسانی بوون نە ڕۆژێک کۆمۆنیست نە ڕۆژێکیش کرێکار و فیلقاوە بوون. هی وایان تێدا خۆی وەک مەسعود بارزانی هەرێمی کوردستانی بدەرێ ناڵێ بەزیاد بێت و بەسە هێڵنج دەدەمەوە... داخی قیسمێک لە ئەورووپانشینەکان سەخت ترە، خۆیان ئامادەنیین لەوەری چەور و ئیسراحەتی ئەورووپا بەجێبهێڵن بگەڕێنەوە هەرێمی کوردستان.. دیارە بە خۆشمەوە کە لە فینلاندم... کەواتە هەتا هەتا هەتایە تۆپێ تەل بە پەنجایە
---------------
بەشێک لە گۆڕانخوازان زیاد لە پێویست هەڵوێست دەنوێنن، ئەی بۆ ناڵێن وەک عەبدوڵای مەلانووری بڕۆن وەریبگرن و بدەن ئەو ناوەندانەی کە خەریکی چارەسەری نەخۆشییە درێژخایەنەکانن یان هەر پرۆژەیەکی تر کە خزمەت بە خەڵکی کەمدەرامەت بکات.. دوای ئەوە وەرنەگرتنی ئەو پارەیە دەگەڕێتەوە بۆ خەزێنەی دەوڵەت و پارتی یەکێتی ئەوەندەی تر بەهێز دەبن.. ئەو جۆرە دەربڕین و فتوایانە بێسقەیی لەبەرانبەر ژمارەیەک پەرلەمانتاری ئازای دەردەخات و دروست دەکات کە ٤ ساڵە وەجهی جوانیان داوە بە بزووتنەوەی گۆڕان..

بابەکر دڕەییان خستە قافەوە!
چوارشەممە ٢٠١٣.١١.٦
گوێم لەو چاوپێکەوتنەی بابەکر دڕەیی بوو، بێژەرەکە (هیوا جەمال) چەند جار ویستی بیخاتە تەڵەوە، نەچووە ژێر باڕ، بەڵام لە خاڵی کۆنگرەدا زەفەری پێ برد، هەر خۆیان بۆ سبەینێ کردیان بە مانسێتی هەواڵێک... میدیا و میدیاکاران پڕ مەترسین بەتایبەتی ئەوانەی ئەنتین بە بزووتنەوەی گۆڕان، بۆ تاک و کۆ لە بۆسەدان.. قسە ئەوەیە بۆ وەڵامی بانگهێشتی ئەو جۆرە میدیایانە دەدەنەوە لە کاتێکدا لایەنگرانی بزووتنەوەی گۆڕان بەردەوام لە هەوڵی سووک و بێئێتبارکردانیاندان؟!! بۆیە پێم وایە با جارێکی تر بە هەواڵێکی وا نەکەوینە تەڵەوە و سەرەکۆنەی هاوڕێیانمان بکەین.
-------
دیارە تێکستەکە بۆ کاک خالید ڕەزام نووسی کە توانجی داوە لە خاوەن قسەکە.
لینکی هەواڵەکە لە ماڵپەڕی گۆڤاری لڤین
http://www.lvinpress.com/newdesign/Dreje.aspx?jimare=21229#.Unjl9B3wTrE.facebook

جا چی کۆپی و تەزویر نییە؟


یەکێتی+پارتی لەدوای ساڵی ١٩٩١ەوه خەريكى تەزويرن، يەك لەشكر دكتۆرى زانكۆ و مامۆستا و ئەندازيار و ڕۆژنامەنووس و پاريزەر و .... یان دروست كردووه.. بەڵام مادام دەنگى نارەزايەتى بەرز و نێره، بێ ئومێدى نەگەرەكه، كاك لەتيف گیان کەمێک دەستداگره.

--------
لەسەر تێکستێکی له‌تیف فاتیح فه‌ره‌ج کە لەسەر ئەنجامی هەڵبژاردنی سەندیکای پارێزەران نووسی بووی لە لاپەڕەی تایبەتی فەیسبووکدا
https://www.facebook.com/latef.fateh/posts/686516834732150

درۆزەکەری لێرە و لەوێ!


گەر مليۆنێك ديناريشم بدەنێ هەر درۆزە دەكەم! بۆ نەیکەم؟ چۆن ئێوە فێرى ئەوەن، ببن بە بەرێوەبەر، ئێمەش فێری ئەم کارە بووين و بۆمان تەرك ناکرێت!

--------
وتەی مرۆڤێکی کوردی کوردستانی ڕۆژئاوا لە شاری هەولێر


لە فینلاندیش ژمارەیەک خەڵکی بێگانە بە لێدانی ئامێری ئۆکۆردێن و... ئامێرەکانی تر، ئاوازی شاد و خۆش دەدەن بەگوێی ڕێبواراندا، ئەوانیش چەند سێنتیان بۆ دادەنێن. 
هەرێم و حەپەی زڕبرا
پێنجشەممە ٢٠١٣.١١.٧

لەو بەرنامەيه بەو ئەنجامە گەيشتم كوردى كوردستانى خۆمان(هەرێم) واى لێهاتووه، كەس باشى ناڵێت و دانی خێری پێدا نانێت، نمەكی سوێر و حەرامه، هەر رێک بەدەردی شاری سلەيمانى چووە، تەنانەت واى لێهاتووه هەر زەلامێک و نەناسراوێک هەڵدەستێت سووكايەتى پێ دەکات، بەداخەوه خەڵکی کوردستانی باشوور، بەتایبەتی هەرێمی کوردستان کە خاوەن مێژوویەکی پڕ لە قاەومانێتی و قوربانی و سەروەری و بەرخۆدانە، لەژێر پەردەی کاری گەنی فڵان حیزب و فیسار حیزب ئیهانەت بە کەرامەتی هەموو دەکرێت، جێی سەرسووڕمانە هاوڵاتی هەرێم وەک سەردەمی بەعس بێشەخسییەت دەکرێت، هەموو كەسێك لەخۆی بە بەرزتر بزانێت!!! ئەو سەردەمە تەنها عەرەبە داگیرکەرەکان بوون، ئێستا زڕبراکانی دەوروبەریشی هاتۆتە سەر!!!!
----------
تەواوی بەرنامەی تەبا و ناتەبای کەناڵی تەلەفیزیۆنی ئێن ئاڕ تی دایلۆگی نێوان کوردێکی ڕۆژئاوا و کوردێکی هەرێمە، لەم لینکەدا دەبینرێت
http://youtu.be/XfMbP-9__4s

سوێندی پەرلەمانی و شازی!!

لە یەکەم دانیشتنی دەورەی نوێی پەرلەماندا و لەکاتی خوێندنی سروودی نیشتمانی ئەیرەقیب؛دا، لە کۆی ١١٠ کەس تەنها ٦ کەس هەڵنەساونەتە سەر پێ. کەواتە کەمایەتییەکی کەم لەناو نوێنەرانی خەڵکی کوردستاندا ناڕازین لەو سروودە، گەر لە ڕووکەشدا کەمێک ڕەحمیان پێبکرێت و وا بخوێنرێتەوە مادام وڵات لەسەر سیستەمی دیموکراسی قەراری گرتووە، کەواتە دەبێت ئاسایی بێت، چەند دانە پەیدا بن کە ڕێز نەنوێنن بۆ سومبلەکان،ئیتر بە هەر بیانوویەکەوە بێت. لە ڕوویەکی ترەیەوە، دەکرێت بووترێت ئەو کارە ڕێز لێنەنانە لە مێژووی خوودی خۆیان و کەسوکاریان. 
ئاوڕێک لە دواوە بدەینەوە یەکێک هەر لەو ٦ کەسە لە داخوانییەکدا عەنتەریاتی نواندووە، وادەزانێت پەرلەمان چایخانە و باڕ و مەیخانەیە بۆیە بەنیازە شەرەکورسی تیا بکات!!!
یان بە جۆرێکی تر سەیر بکرێت، مادام گەلێکی ٥ ملیۆنیین کەواتە دەبێت لەم جۆرە کەسانە و نووسەری شازی وەک فەرهاد پیرباڵ و زۆر لەوە خراپتریشمان تێدا بێت.. دەبێت چاوەڕوانی لەوە شازتر بین..

هاوپێچ:
-------
سروودی ئەیڕەقیب، سەرچاوەکەی کوردستانی خۆمانە، ئاساییە کە کوردێکی پارچەکانی تر بەدڵیان نەبێت، پێم وایە هەر پارچەیە دەبێت سروودی نیشتمانی خۆی هەبێت، ئیتر لەوە دوور دەکەوینەوە، فڵان پارچە گێچەڵ بەوی تر بکات.. 
ئەو دەنگدەرانەی ئەوان بەتایبەتی کۆمەڵی ئیسلامی قیاس بە کۆی گشتی دەنگدەرانی هەرێم هیچ نییە و کەمە. بەداخەوە پارادۆکسی هەڵبژاردن وای کردووە ئەو گروپە ئیسلامیانە دەنگیان دابەزێت کەچی کورسیان زیادی کردووە، لەچاو هەڵبژاردنی پێشوو تردا.
ئەوانە خۆشیان بکوژن ناتوانن سرودی نیشتمانی بگۆڕن، لەداخی دڵیانە هەڵسوکەوتی وا دەکەن، هێزیشیان لەوە زیاتر نابێت کە ئێستا هەیانە، ئیتر با هەر خەریکی وروژاندنی ئەو چەند خاڵانە بن کە پێی ناڕازین، بەڵام قسە لە دوورنما و دید فراوانی ئێمەیە و تێگەیشتنی زیاترە لە پێکهاتەی کۆمەڵگای هەرێمی کوردستانە.
ئەم جۆرە تەسەروفەی ئەو ژمارە کەمەی ناو پەرلەمان دەربڕی کۆی گشتی خەڵکی هەرێمی کوردستان نییە، دوای ئەوە خودی پەرلەمان یاساوڕێسای وای دەرنەکردووە کە هەر هاوڵاتییەک لە هەر پلە و پایەیەکدا بێت گەر کارێکی هاوشێوەی وای لێوەشایەوە سزای بدات.
بەڵام گەر هزری بەراوردکاریمان بجووڵێنین، بۆمان دەردەکەوێت مەلا و پیاوانی ئایینی ئەو سەردەمە و ئەم مەلامۆدێرن و حیزبە مۆدێرنە ئایینیانە زۆر جیاواز بیریان کردۆتەوە، قابیلی بەراورد کردن نیین. بەشێک لەوان ئەو سەردەمە وەک منەوەرانی کۆمەڵگای بچووکی ئەو کات لە دژی نادادپەروەری جەنگاون و ناسراون، وەک ئێستا نییە شت و کایەکان زۆر جیاکرابێتنەوە. 
ئایین ئایین نییە، یەکەیەکی موتەجانس نییە، تۆ دیقەت بدەرە ئەم کێشەیەی کە ئەو ژمارە کەمە لە پەرلەمانتاران دروستیان کرد، کاردانەوەکان چۆن بوون، بینیمان ئایینی دەوڵەتی بەرگری لە سروودەکە دەکرد کە بە پێچەوانەی ناڕازیانە، خۆ لە ڕووبەری بەرفراوانیشدا دەبیین ئاینزاکان هەر یەکەیان بۆ خاڵێک بەجۆرێک دەڕوانن.. خومەینی و بن لادن هەیە، هاوکات خەڵکانی ئایینی هەیە کە بڕوایان بە ئەرحەمنراحمین و پێکەوە ژیان هەیە و قبووڵی سەردەمی نوێ دەکەن..
بەڵام گەر هزری بەراوردکاریمان بجووڵێنین، بۆمان دەردەکەوێت مەلا و پیاوانی ئایینی ئەو سەردەمە و ئەم مەلامۆدێرن و حیزبە مۆدێرنە ئایینیانە زۆر جیاواز بیریان کردۆتەوە، قابیلی بەراورد کردن نیین. بەشێک لەوان ئەو سەردەمە وەک منەوەرانی کۆمەڵگای بچووکی ئەو کات لە دژی نادادپەروەری جەنگاون و ناسراون، وەک ئێستا نییە شت و کایەکان زۆر جیاکرابێتنەوە. 

ئایین ئایین نییە، یەکەیەکی موتەجانس نییە، تۆ دیقەت بدەرە ئەم کێشەیەی کە ئەو ژمارە کەمە لە پەرلەمانتاران دروستیان کرد، کاردانەوەکان چۆن بوون، بینیمان ئایینی دەوڵەتی بەرگری لە سروودەکە دەکرد کە بە پێچەوانەی ناڕازیانە، خۆ لە ڕووبەری بەرفراوانیشدا دەبیین ئاینزاکان هەر یەکەیان بۆ خاڵێک بەجۆرێک دەڕوانن.. خومەینی و بن لادن هەیە، هاوکات خەڵکانی ئایینی هەیە کە بڕوایان بە ئەرحەمنراحمین و پێکەوە ژیان هەیە و قبووڵی سەردەمی نوێ دەکەن.
کێسی کوردستانی ڕۆژهەڵات
یەکشەممە ٢٠١٣.١١.١٠

١- گەمژەیش ڕێژەییە
ئەى ئەو کەسەی بۆ خۆى گەمژەيه؟ بەڵام گەمژەيى لە هەموو بوار و كايەكانى ژياندا نييه، لە فڵان شتدا گەمژه دەردەكەوێت يان خؤى وا پيشان دەدات، گەمژەيىش پەيوەندى بەتەمەن و قؤناغەكانى ژيانەوه هەيه ناكرێت گشگير بكرێت 
------
ئەم تێکستەی سەرەوە بۆ ئەم دەربڕینێکی توانای سەعی بەگ بوو:
قسە بۆ دیوار بکەیت باشترە، وەک لەوەی بۆ کەسێکی بکەیت کە بڕیاری داوە گەمژە بێت

٢- پێشنیار بۆ کوردانی کوردستانی ڕۆژهەڵات
دڵمان بۆتان ژان دەکات بەڵام لەگەڵ ڤایرۆسی حیزبایەتیدا دەڵێت چی؟ لەوە زیاتری لێ سەوز نابێت.. گرنگ ناوخۆی وڵاتە، خەباتی مەدەنی تێیدا بەهێز بکرێت، یان لایەنی کەم وەک دەورانی خەباتی چەکداری کوردستانی باشوور بکرێت بەوەی سەدەها کەسیان ناردەوە بۆ لای ڕژێم و سەدەها سەرۆک جاش و خەفیفەیان لەلای ڕژێم چاند.. یان لایەنی کەم چاوێک لە کوردانی کوردستانی باکوور بکەن، بەتایبەتمەندی خۆتان نەک کۆپی. کەواتە کاتێک براوە دەبن ناخۆ بەهێز بکەن...

هاوپێچ:
-------
دەرەوەی وڵات و تەنانەت ئەو تێکۆشەرانەی دانیشتووی کوردستانی باشووریش گرنگ نییە پەرتەوازە بن، بناغە ناوخۆی پارچەکەیە بەهێز بێت، حکومەتی کۆماری ئیسلامی ئەسڵەن قازانجێتی خەڵکی ناڕازی لەدەرەوەی سنوورەکانی هەر خەریکی بۆڵەبۆڵ بن.. باشترە خەباتی جۆراوجۆری ناوخۆی کوردستانی ڕۆژهەڵات بە ئەسڵ وەربگریرێت. دیارە قوربانی و گیان فیدایی و مەشەقەت هاوکات وریایی و دسپلینی زۆری دەوێت، ئەو کات حکومەت حسابی بۆ دەکات و کاردانەوەی دەبێت. ئەم ڕێگایە دوور دەکەونەوە لە فشارەکانی خوڵک و حکومەتی هەرێمی کوردستان، دیمەنێکی جوانتر لەلایان دروست دەکەن. 
لەلایەکی ترەوە، ڕووداوی بەردباران کردنی قونسلخانەی ئێران لە هەولێر پەیام و دەرسێکە بۆ ئەوانەی فینلاند و وڵاتانی دی، کام لە خۆپیشاندانەی کە کراوە و چوونەتە بەردەم باڵوێزخانەی ئێران لە هێلسنکی ئیختیشاشی تێدا ڕوویداوە؟ چەند جار بەدار و بەرد پەلاماری باڵوێزخانە دراوە؟؟؟ لە چی دەترسن؟ خۆ بەشی زۆری کوردانی کوردستانی ڕۆژهەڵاتی نیشتەجێی فینلاند هاوڵاتی فینلاندین، کەواتە هار و دڕ بوون (ببوورن لەدەربڕینی ئەو وشەیە) و بەهەڵمەت و دەستپێشکەر نەبن هەتا هەتایە کۆماری ئیسلامی بەسەرتاندا زاڵ دەبێت و نە حکومەت نە کەسی تر حسابتان بۆ ناکات.
-----
ئەم تێکستە بۆ ڕەخنەیەکی مەجید هەقییە، کە لەسەر خۆپیشاندانی کوردانی کوردستانی ڕۆژهەڵات لە فینلاند نووسیبووی

سەری مارەکە گەمارۆ دراوە
دووشەممە ٢٠١٣.١١.١١

بینین و ببیستن و خۆتان حوکم بدەن، ناهەقی لە هەموو بوارەکان، لە خەڵکی سلەیمانی دەکرێت، بۆیە وا هار بوون، بەڵام دوای هەڵبژاردنی پەرلەمانی وردە وردە خەریکە ئەو سەردەمە بەسەر دەچێت، سلەیمانی بۆ خەڵکەی گەڕاوەتەوە، جا چاوەڕوان بن چۆن گەشە دەکات
تێبینی
-----
سەری مارەکە دەربڕینێکی زەعیم سدیقی تاوانباری کۆنە داگیرکەری بێگانە بوو لەبارەی سلەیمانی وتبووی

تکایە کلیک بکەرنە سەر هەردوو لینکەکە، تەواوکەری یەکترن
http://youtu.be/B6iGXYKaSXI  و http://youtu.be/GjF0PMYb-jc 

بزووتنەوەی گۆڕانم بۆ بخەرە ئیعرابەوە؟ 
سێشەممە ٢٠١٣.١١.١٢

پێم وایە وەسفکردن و پۆڵینکردنی بزووتنەوەی گۆڕان بە لیبرالی کە منیش وەک لایەنگرێکی ئەو بزووتنەوەیە دروستە، بەڵام هێشتا بەفەرمی ئەو جەرائەتەی نەداوە بە خۆی تا لە خانەیەک لەخانەکان جێگیر بێت، ئەمەیش پێدەچێت نەیەوێت وەک فڵان حیزب و دەستەی تەقلیدی تر ناوزەد بکرێت کە جێی ڕەخنەن، هێزێکی وا بەگژ قولەی قافی پارتی و یەکێتی چوو، بەتایبەتی لە بوارەکانی گەندەڵی و نائیداریدا، خۆزگە لەمەشدا ئازایەتی لە خۆ نیشان بدایە و ئەو کەلەبەرەی پڕ بکردایەتەوە.
--------
ئەمە وەک کۆمێنتێک بەکەمێک دەستکارییەوە لەسەر گۆشەوتاری دکتۆر عادل باخەوان نووسیم، تکایە کلیک بکەرە سەر تەواوی وتارەکە لەم لینکەدا
http://hawlati.co/ئەرشیڤەکان/17442

هاوپێچ
ئەم بزووتنەوەیە لە مێژووی سیاسی کۆمەڵگای کوردی هەرێمدا و لە چاو تەوژمە سیاسییەکانی تردا تازەکورەیە، دوای ئەوە ئازایەتی ڕەها نییە، لەوانەیە بەگژداچوونەوەی گەندەڵی و خراپی ئیدارەدانی کۆمەڵگا، جۆرێک لە ئازایەتی بێت، بەڵام مەرج نییە بزووتنەوەی گۆڕان لە بوار و کایە و خاڵەکانی تردا هەمان ئازایەتی لەخۆ نیشان بدات.. 
تۆ خۆت شاهیدی دەمانناسیت تا ئێمەمانان بە لەتە گۆڤارێکەوە شەرمان بە دەسەڵاتی سلەیمانی لە نەوەدەکانی سەدەی ڕابردوودا دەفرۆشت، ئەم برادەرانەی ئێستامان ناویان لە کولەکەی تەڕیشدا نەبوو، بەشێکیان خەریکی سەرکوتکردنی دەنگمان بوون

لە جلوبەرگیشدا نوێنەرایەتی هەرێم ناکات!!
شەممە ٢٠١٣.١١.١٦

ئەو جلوبەرگە کوردییەی مەسعود بارزانی لەبەریایەتی، ئەمڕۆ شەممە ١٦ ی ١١ پێوەی چووەتە کوردستانی باکورەوە، نوێنەرایەتی کۆی گشتی کوردستانی باشوور بەتایبەتی هەرێم ناکات، هەموو دەزانیین ئەو جۆرە جامانە و جلەبەرگە بەشێکی کەم و بچووک (دەفەری دهۆک نەک هەموو ناوچەی باهدینان) دەیپۆشن و لەبەری دەکەن، زووربەی زۆری کوردستانی باشوور و هەرێم جلوبەرگی جیاوازیان هەیە. بۆیە لەمەشدا ئەو سەرۆکە ئێکسپایەر بووەی هەرێم لەمەشدا نوێنەرایەتی نەک حیزبەکەی ناکات، بەڵکوو نوێنەرایەتی گروپێکی هەر بچوکی کوردانی دەڤەری باهدینان دەکات...
هاوپێچ:
-------
قسە لەوەیە هەر کەسێک لە پلە و پایە و پۆستی حکومیدا بێت و بڕیار بێت سومبلی کۆی گشتی پێکهاتەکەی وڵاتەکەی بکات، ئەوە نابێت جلوبەرگی خۆجێی دێکە لەبەر بکات. پێم وایە مەسعود بارزانی دەبوو بە وەک سەرۆککۆماری فینلاند نینستۆ بە جاکەت و پانتۆڵەوە بچوایەتە ئەو سەردانە، کە قاڵبێکی جیهانییە.. بەڵام لەگەڵ هزری عەشایەری دا دەڵێت چی؟ 

لەبارەی بەهەرێم بوونی سلەیمانییەوە

وابزانم خراپ لە کێشەی کوردستانی باشوور بە تایبەتی سلەیمانی تێگەیشتوویت، ئەوە کارتێکی بەهێز و گورچکبڕی خەڵکی سلەیمانییە بۆ ئەو نادادپەروەرییەی کە تا ئێستا دەرهەقیان دەکرێت، و کراوە، گەر نەمردین و پارچەی ئێوەیش (کوردستانی ڕۆژهەڵات) ئازاد بوو ئەوا دەبیننین گرووپە خێڵەکییەکان چی بە خەڵکی دەرەوەی خۆیان دەکەن، ئەوەتا نها لە کوردستانی ڕۆژئاوا دەبینیت گروپێک خەریکی قورغکارین و دەمی خەڵکی تر دەدوورن

لەبارەی دەربڕینی نووسەرێکەوە

وڵا وا نییە، هەردوو کارەکە پیشەن (دارتاش و ڕۆژنامەنووس) ناکرێت فەرزی ئەویان بدەین بەسەر ئەوی تریاندا، بۆ هەموو دەربڕین و لێکدانەوەیەک ئامین ناڕەوایە
ئەو تێکستەی سەرەوە لەسەر ئەم قسانەی بەختیار عەلی کراوە
ئەو کورسییەی ئێمە لەسەری دادەنیشین، دارتاشێکی نەخوێندەوار دروستی کردووە، هونەری لە هەموو ئەو ڕۆژنامانەی زیاتر تێدایەکە لەسەر کورسییەکە دەیخوێنینەوە.
ئەو دەربڕینە گوایە لە یەکێک لە ڕۆمانەکانی نووسەرەوە دەرهێنراوە

لەبارەی تەلەفیزیۆنی ڕووداوەوە

هەڵسووڕانی سەرەتای خاوبۆتەوە وەک ئێن ئاڕ تی و کەناڵەکانی تری لێهاتووە، تازەبوونەوەی بەردەوامی نەماوە، ئەوەی دەیڵێن نەیڵێننەوە و دووبارەی نەکەنەوە

لەبارەی دووبارە بە سەرۆک بوونەوەی نێچیر بارزانییەوە 

ئایا ئەوانەی دەستنیشان کراون، بۆ خۆی بەشێک لە کۆمەڵگا بەسەردەمی عوسمانییەکان و پاشایەتی و عەبدولکەریم و سەردەمی بەعسیشەوە وا نەبوون؟ گرێنتیتی دەدەم ئەو دۆخە درێژەی دەبێت، بەشە پاک و نەزیهەکە هەردەم لە کۆمەڵگادا واوەیلایان بووە و دەبێت بەدەست ئەو بەشەوە کە باسیان لەنێو باساندایە بەهۆی دەستڕۆیشتوونیانەوە، ئەم یاریزانە (نێچیر بارزانی) دەڕوات هی کەی بەدوادا دێت.. سیزیفە سیزیف

کوردایەتی بەستایلی عەرەبی کەنداو!!!
سێشەممە ٢٠١٣.١١.١٩

لە زانکۆی سلەیمانی جلی کوردی قەدەغە دەکرێت. لە دژی ئەو بڕیارە بۆ ڕۆژی دوایی خوێندکارێک بە جلی کوردییەوە دەچێتە دەوام. مامۆستا پێی دەڵێت : بۆ بەو جلانەوە هاتوویت؟ ئەویش بەتوانجەوە بەم شێوەیە وەڵامی مامۆستاکە دەداتەوە: ئاخر دزداشە و عەگالەکەم لە غەسالەی جلشۆردندا بوو.

ئەو کورتە بەسەرهاتە باگراوەندی خێڵەکی لە پشتەوە یاری و سەما دەکات
ئەو خوێندکاری زانکۆیە چەند وەڵامێکی سیس و پیسی مامۆستاکەی داوەتەوە!!! زانکۆ شوێنێکی گشتی و مەدەنییە، کوردایەتی بەستایلی عەرەبەکانی کەنداو... 
ئەوە جۆرێکە لە فەوزا، ئەگەر بڕیار بێت، بڕوامان بەو دەربڕینە هەبێت کە دەڵێت: کەسی گونجاو بۆ شوێنی گونجاو. نابێت پشتیوانی لەو ستایلە بکەین، چەند ناشیرینە کەسێک بە بیجامەوە بچیت بۆ مارکێت و شت بکڕیت، بیجامە هی خەو و ماڵەوەیە. زانکۆش دامەزراوەیەکی مۆدێرن و مەدەنییە و شوێنی عیلم و زانست و پێگەیاندنی کەسانی ژیر و دانایە، ناکرێت بە بەرگی خۆجێییەوە دەوامی تیا بکرێت. ئەمەیش دەچیتە خانەی هەنگاونان بەرەو زیاتر ڕێکخستنی کۆمەڵگا. 
هەنگاوێکی وا لە خۆرایی نەهاتووە، دیقەتی کتێبی ئەلفبای کوردی پۆلی یەکی سەرەتایی ئەمین باڵدار بدەن؟ کە ٥٠ ساڵ لەمەوبەر چاپکراوە؟ بۆیە کوردایەتی بە جلوبەرگ نییە. هەر لە کۆنەوە بەشێک لە شارییەکان جلوبەرگی کوردییان لە بۆنە جۆراوجۆرەکان پۆشیوە. بۆ دائیرە و دەوامی فەرمانگەکان چاکەت و پانتۆڵ لەبەرکراوە. لەم چەرخی پۆڵینخوازییەدا گەڕانەوە بۆ دواوە مانای چی؟
گەر ئەم خاڵە ببەستینەوە بە سیاسەتەوە، ئەو گلەییەی لە مەسعود بارزانی سەرۆکی ئێکسپایەربووی هەرێم دەکرێت کە لە کات و کاری فەرمی و چوون بۆ وڵاتان جلی کوردی دەپۆشێت، کە لەوانەیە دوورنمایەکی ناسیۆنالیستی هەبێت ناپەسەند و نەگونجاوە، چوونکە ئەو بەرگەی ئەو دەیپۆشێت، هی ناوچەیەکی لاچەپەکی هەرێمی کوردستانە، دەربڕی کۆی گشتی هەرێمەکە ناکات. کەواتە ژێرانە ترە بە جلوبەرگی مەدەنییەوە بڕوات بۆ ئەملاو ئەولا و دەوام بکات، تا لە ڕەخنە و گلەیی خۆی بپارێزێت.

پارتی و هەولێر لە چاوی کوردانی ڕۆژهەڵاتەوە

جارێک سەردانی ماڵی کوردێکی کوردستانی ڕۆژهەڵاتم کرد، دیقەتمدا لە جیاتی ئاڵای کوردستان، ئاڵایەکی گەورەی فینلاندی لەسوچێکی ماڵەکەی وەک فەرمانگە حکومییەکان داناوە، کە پرسیم بۆ؟ خوێن لە جگەری ئەتکا، وتی: لە کاتێکدا تەمەنێکم لەکوردستانی باشوور بەسەر برد و ژیام، هیچیان پێم نەدا، غەیری.... ئیتر مەمنوونی چیتان بم، ئاماژەی بۆ بەیداخە فینلاندییەکە کرد. تێگەیشتم.
هاوپێچ
-----
 ئەوە جۆرێکە لە کاردانەوە، هەمیشە کوردەکان خەڵکی تریان لە خۆیان بە پیاوتر زانیوە.. ڕاستیشە مافی مرۆڤ لە وڵاتێکی وەک فینلاند هەرگیز بە هەرێمی کوردستان بەراورد ناکرێت، ئەوان هێزی کاریشیان گەرەکە بۆیە خەڵک بەگشتی وەردەگرن، لای خۆمان پێچەوانەکەیەتی

کوردی ڕۆژئاوا، کوردی تر بەشووی داوە!!
پێجشەممە ٢٠١٣.١١.٢١

لە تێکستێکی هاوڕێیەکدا ئەم دێڕە سەرنجی ڕاکێشام:
ڕۆژئـاوا : کـۆیـلایـەتـی زەرد و تورکـی نـاوێ .
بۆیە ئاوام بۆ نووسی:
كەى كوردستانى ڕۆژئاوا كێشەى لەگەڵ توركيا هەيه و هەبووە؟ دووژمنى سەرەكى ئەوان سووريايه!!!!! هاوکات بەدەر لە فشاری ناڕاستەخۆی تورکیا، ئەوان لەگەڵ عەرەبى سوورى و حكومەتەكەيان كێشەيان هەيه، ئەو جۆرە دەربڕینە زۆر دروست نییە، ناکرێت وەک کوردی هەرێم ئاوا بڕوانرێتە کێشەی ئەو پارچەیە، وابزانیت کێشەی کوردی کوردستانی باکوورە، ئەم دەربڕینە جۆرێک لە موعجبی یان بەقەولێکی تر هەژموونی هزرى لایەنێکی سیاسی كوردانى باكووری پێوەیە، تووتیانە بێ بیرکردنەوە دەوترێتەوە، بەبارێکی تردا بەلارێدا بردنى مەسەلە و کێشەی کوردانی ڕۆژئاوا دەگەیەنێت، چوونکە لەو هاوکێشەیەدا توركيا كێشەى لاوەكيە نەك بناغەيى
هاوپێچ
----

يارييةكى گلاوه، چؤن له هةريمى كوردستان نزيكى ١٥ سالى ويست تا بتى پارتى و يةكيتى تيكشكينرا و ئابروويان برا، ئةو پارچةيةش لةم دؤخه قةيراناوييةدا مةحاله وةك هةريمى لى بيت، تا ئةو كاتةى ئارام دةبيتةوه و دةچنه دةورةى حوكمدارى، هةر چةنده لةو. بروايةدا نيم ئةو پارچةيه هيچيان به هيچ ببيت، لةبةر ئةوةى لةگةل هاوپەيمانييةتييةكى دؤراوى جيهانين ئةويش بلؤكى رووس چين ئيرانن. كةواته بةهيز كردنى پؤلاريزم لةو پارچةيه كاريكى باشه، پيم وايه دةبيت تةشويقيان بەتایبەتی خەڵکە سەربەخۆکە بكةين تا دةنگى خؤيان بيت و بن.
گۆڕان دەبێت دیدەکانی بەرفراوان بکاتەوە
هەینی ٢٠١٣.١١.٢٢

لەگەڵ بەشی زۆری قسەکانی کاک بابەکر دڕەیم، بەڵام ئەوەی لە یاد کردووە کە کۆمەڵگای کوردی و تەنانەت ناو خودی بزوتتنەوەی گۆڕان خەڵکانێک هەن کە ئاتائیست و کاکەیی و یەزیدی و کۆمۆنیست و سەر بە ئایین و گروپەکانی ترن، ئەی ئەگەر گرنگی و قورسایی بە ئایینی محەمەدییەکان دەدرێت، بۆ ئەوانی تر فەرامۆش دەکرێت؟ قورسایدان بەوان پەراوێزخستنی گروپەکانی تر دەگەیەنێت، ئەی بزووتنەوەی گۆران بۆ ئیدعای جوانتر بوون دەکات لەکاتێکدا ترسی ئەو زۆرایەتی مەزعومە بیری کەمایەتیەکانی نامێنێت، ئەگەر بڕیار بێت هەموو بەیەک چاو ببینرێت و حساب بۆ زۆری و کەمی نەکرێت و دیموکراسی ڕاستەقینە وادەخوازێت و بزووتنەوەی گۆڕان لەسەر چی شەڕ بە پارتی و یەکێتی دەفرۆشێت؟ 
-----
تەواوی چاوپێکەوتنی بابەکر دڕەیی لەم لینکەدا دەبینرێت
http://www.lvinpress.com/newdesign/Drejeb.aspx?jimare=1398

پێشنیارێک بۆ کەمپین
شەممە ٢٠١٣.١١.٢٣

خێڵەکان هاتن بەرەنگاریان بنەوە

وەک ئاشکرایە "شار" بۆتە گوندێكی گەورە و گران و زەبەلاح! کەواتە کلتووری گوند تا بێت کۆنترۆڵی دەکات، وای لێهاتووە جیاوازییەکی ئەوتۆ نەماوەتەوە لە نێوانیادا
یەکێک لەو کلتوورە پاشگری ناوی کەسەکانە ئەو قەرەداغی و شارەزووری و سوورچی و کەرکوکی و ئاکرێی، ئەویان شێخ و سەید و دەرویش و مەلا یان فڵان بەگ و قڕە و پاشا و وەزیر و گزیر و کوێخا رینگۆ یان....
خەریکە وای لێدیت ئەگەر پاشگرێک نەکەیت بەخۆتەوە، ئەوانی تر بە پەڕوو تووکەوە دەتخۆن و کۆ لە هیچ ناکەنەوە
پێم وایە ئەرکی ڕوناکبیران و خەڵکانی شارستانی تەنانەت حکومەتیشە هەڵمەتێک بەڕێبخەن تا لایەنی کەم وەک سەرەتا لەم خاڵەوە دەستپێبکرێت بۆ ئەوەی ئاستێک بۆ ئەو بەگوندکردنە دابنرێت، شار شار بێت و گوند گوند بێت، بەم هۆیەوە ژمارەیەک خەڵک پاشگرە خێڵەکی و... یەکانیان تووڕ بدەن، یان ببێتە فشارێک و باسێکی ناو کۆمەڵگا..
 دیارە وەک ئەلتەرناتیڤ پاشگری ناوی کوردی جوانترینیانە.. 
باقییەکەی بۆ ئێوە بەجێ دەهێڵم

لابەلا

ئەم چەند ڕێنماییەک لەلای برادەرێکی عەرەب بینیم، بۆم وەرگێڕان ئێوەیش دەتوانن خالی تری بۆ زیاد بکەن، یان وەک من نالۆجیکەکانی لێ فڕێ بدەن، نەشتان کرد، ئەوا گەردنتان ئازاد بێت، شابلوخێر:
١ بە گۆمان بە لە هەموو شتێک ٢ گەڕان بەدوای ڕاستیدا ٣ هزری مەڕەلیزم کە هەموو دوای یەک دەکەون تووڕبدە ٤ پرسیار زۆربکە ٥ زۆر بخوێنەوە ٦ ناڕازی و ڕەخنەگر بە، هیچت لاپیرۆز نەبێت، تاکوێر نەبیت ٧ ئەوەی لەگەڵ لۆجک و هزرتا نەهاتەوە پەسەندی مەکە ٨ ئازاری ئەوە مەدە، جیا لە تۆ بیردەکاتەوە
هاوپێچ
----
مەڕەلیزم گەر بە هەڵیدا نەچووبم وەختی خۆی هی یەکێک لە گروپی ڕوانگە دایهێنا، ئیتر نازانم حسین عارفی چیرۆکنووس بوو یان..؟

ناتق نەبوون و داماوی سیاسییەک
یەکشەممە ٢٠١٣.١١.٢٤ 

ئةوه نزيكى نيو كاتژميره لةكةنالى ئين ئار تى چاوپيكةوتنه لةگةل جةلال جةوهةر من هيچ تينةگةيشتووم، گؤران كةسى وا داماوى تيايه؟ يان نازانم ئةو پيشكةشكاره بؤ وا فةقير بووه؟ پرسياره ئاگرينةكانى جارانى نةماوه!!؟
هاوپێچ
----
یەکدوو دانە بێژە، با بیان ناسین و قورعەیان بۆ بکەین تا خەڵاتی خراپترینیان. پێببەخشین.
 لە ناو هەموو دەستە و گروپێکدا ژمارەیەکی وا هەڵدەکەون... ناخۆشییەکە لەوەدایە لە هەموو کۆبوونەوەکاندا لەگەڵ نەوشیروان مستەفادایە!!!
چۆنە لە عیبارەتی ئێستاوە لیستێکیان بۆ بکەینەوە لەمەوە دەست پێبکەین و ئەو زاتە ژمارە یەکی پێبدەین
قسە لەسەر ناتقی و شت پێ بوون و نەبوونی ژمارەیەک لە هەڵسووڕاوانی بزووتنەوەی گۆڕانە، کە لەو بڕوایەدام هەموو گرووپێک لەو جۆرە کەسانەی تێدایە

لە زاری دکتۆر عێزەدین مستەفا ڕەسووڵەوە

نموونەیەک لە دڕندەیی مێژووی سەرەتای دروستبوونی ئایینی محەمەدی

ئه‌بوبه‌كر سوپای خالیدی كوڕی وه‌لید نارد تا مالیكی بن نوسره‌ بکوژێت 
مالیکی پێش ئه‌وه‌ی به‌شمشێر خالید له‌ ملی بدا، شایه‌تمانی هێنا. به‌ڵام خالید هه‌ر له‌ملی داوە!! 
لە خالید دەپرسن: ئەو شایه‌تمانی هێنا بوو، واته‌ موسوڵمان ببوو، چۆن ده‌یكوژێت؟!
-: ئاخر قوربان كه‌ شمشێرم خسته‌ سه‌ر ملی ئه‌وسا شایه‌تمانی هێنا. واته‌ له‌ ترسا موسلمان بوو 
-: چوزانی له‌ترسا بوو؟ ئایا دڵیت هه‌ڵدڕی تا بزانیت له‌ ترسا یان خواهیشت بووە؟!
----
تەواوی نووسینەکەی ناوبراو لەم لینکەدا دەبینرێت
http://xendan.org/drejaWtar.aspx?NusarID=2135&Jmara=6729
هاوپێچ
----
دەربڕینی ئایینی محەمەدی لەوەوە سەرچاوەی گرتووە کە بنیاتنەری ئەو ئایینە کەسێک بووە ناوی محەمەد بووە. وەک ئایینەکانی تر کە یەکێکی وەک عیسا و موسا بنیاتی ناوە
مەخسەدی لە گێڕانەوەی چیرۆکەکە بە کەمیک دەستکارییەوە نامەدری و زاڵمی و دڕەندەییە نەک شتیکی تر، هەر وەک ئەو ڕفێنەرانە وایە داوای پارەکە لە خێزانەکە دەکەن و پارەکە دەبەن و کەسەکەش دەکوژن..

لە گوڵفرۆشیشدا غەدرمان لێدەکەن!!!
سێشەمە ٢٠١٣.١١.٢٦

ئه‌حمه‌دی مه‌لا نووسیویه‌تی :"کورد سوریالییه، تا یەکێک لەو دیوەوە نەهات، دووکانی گوڵفرۆش نەبوو لە هەموو هەرێم".
پێم وایە دەربڕینێکی ئه‌حمه‌دی مه‌لا زۆر دروست نەبێت، چوونکە لە ژير فشارى رەوەندى كوردى بە ستايلى ڕۆژئاوایی دووباره گولفرؤشى بازاڕى گەرم بووە و پەيدا كردەوه، ئەويش تەنها گولی زينەی بۆنەکان کە زیاتر جۆرێکە لە ئەتەكييەتی کۆمەڵگا مورەفەهەکان، ئەگينا من وەك گەواهیدەرێك گوڵوگوڵزار لە شارێکی گەورەی وەک سلەیمانیدا هەر هەبووه بەتایبەتی لەناو خەڵکە شارییەکاندا و توێژاڵى پياوه مەعقول و دەولەمەندان و کاربەدەستانی حکومی گرنگييان پێداوه، ڕاستتر وایە بووترێت لەدواى ٢٠٠٥ ەوه كوردەكانى ڕۆژهەڵات و فارسەكان پەيدا بوون، چوونکە بووە یەکێک لە پێداویستییەکانی بازاڕ، کەواتە لەمەوە بۆمان دەردەکەوێت لەم خاڵەدا ئەو هزرەی ئەحمەدی مەلا پێی بیر دەکاتەوە بەهرەمەند نییە لە باگراوەندی مێژووی خۆجێی و تێکەڵی کردووە، کەواتە بەدەستی خۆمان غەدر لەخۆمان دەکەین
--------
ئەودیو، دەربڕینێکی کۆنی میللی و کوردانەیە لە ئاخاوتنی ڕۆژانەی خەڵکی کوردستانی باشوور ، بۆ خەڵکی کوردستانی خۆرهەڵات بەکارهاتووە 
هاوپێچ
------
- گەر وڵاتی خۆمان بەراورد بکەیت بە ئەورووپا لە ئاستی پێویستدا نییە، گولفرۆشی میللی نەبۆتەوە، کە لە هەر سەنتەری گەرەکێکدا بەلایەنی کەمەوە گولفرۆشێک هەبێت
- کوردستانی خۆمان و بەتایبەتی سلەیمانی وەک لەسەرەوە نووسیوومە ئەورووپا نەبووە تا گوڵفرۆشی بەو ستایلە هەبێت، من بیرمە لە حەفتا و هەشتاکانی سەدەی ڕابردوودا بازاری عەسری گوڵفرۆشیمان هەبوو بەڵام نایلۆن بوو بۆ ڕازانەوە، ئێمە شێوازێکی ترمان هەبوو کە دەچووین بۆلای خەڵکی خۆشەویست بەتایبەتی لە بەهاران و هاویناندا ڕیحانەمان وەک دیاری دەبرد، ئەو عادەتە تا ئێستا تەرک نەکراوە لەسەر قەبران گوڵ و ڕیحانە و نێرگز دەبرێتە سەر گڵکۆی ئازیزان ، لە شەستەکانیشدا ئێمە لە باخی شێخ لەتیف گوڵەباخمان دەکری بۆ جوانی دامان دەنا، وەک چۆن بەر لە سەد ساڵ لەم فینلاندە قاوە خواردنەوە هی چینی دەوڵەمەندان بووە لەوێش لەلای خۆمان وا بووە، لەبەر ئەوەی هەژار بووین یان ئەوەتا لە بیرمان نەماوە.. گەرەکی عەقارییت بیرە کە تەنانەت ناوەکانیشیان جیاواز بوو لای خەڵکی ڕەشۆکی بووە جێی نوکتە و تەنز.. بەیەکێک لەگەرەکە جوا و ڕازەوەکانی بە گوڵو گوڵزار ڕازابووە ئەو کاتە دەژمێردرا باخی گشتی و چوارباخت لە بیر نییە.. بەکورتی و کوردی ئەو گوڵفرۆشییەی ئەو کورە مەلایە باسی دەکات و نادروستە، من هیچی خۆم لا سووک نییە، کوردستانی ئێمە جیاوازە، هەزار ساڵە لەدەرەوەیە ئێستا هاتووە فەلسەفە لێ دەدات. هاتنی فارس و کوردەکان بۆ ئەو کارە بازاڕ گەرمی و کۆمەڵگای خۆشگوزەرانی ئێمە ڕایکێشاون نەک ئەوان هاتبن ئیسترادیان کردبێت بۆمان

سرودی نیشتمانی عێراقی، تەڕەماش ش ش ش؟؟!!

عێراق به‌كوردستانه‌وه‌ جوانه‌ 
پێكه‌وه‌ژیان داوای‌ هه‌موانه‌ 
ئەم دێڕەیان کە بڕیارە ببێتە سروودی نیشتمانی عێراق گونجاوترە...لەوەی تریان کە ئاوایە
سڵاو له‌شاخی‌ به‌رز‌و ده‌شتی‌ به‌رینت
له‌خه‌ڵكی‌ جوامێرو مێژوی‌ دێرینت
چوونکە ئەوەیان پەنجەی نەخستۆتە سەر خاڵ کە کوردستانە، ئەم دەربڕینەی دووهەمیان لاستیکییە.
هەر لەسەر دەربڕینی بژی عێراق، قسە قسە دەهێنێت و ئاوڕێک لە مێژوو بدەینەوە لە حەفتاکانی سەدەی ڕابردوودا لەبەرانبەر دروشمی هەربژی کورد و عەرەب ڕەمزی نیزال و هەتا هەتا هەتایە کورد و عەرەب برایە، ناڕازیان و تەوژمی ناسیۆنالیستی کوردی لە کوردستانی باشوور ئەوەیان هەڵگێڕابووە، بە تەنزەوە دەیان وت: هەتا هەتا هەتایە تۆپێ تەل بە پەنجایە.
پێم وایە سرودی نیشتمانی بۆ هەموو عێراقییەکان دەبێت ئاواز و تێکستەکەی یەک بێت، بەڵام هەر پێکهاتەیەک بەزمانی خۆیان بیخوێنن و بیڵێنەوە
----------
لەم لینکەدا هەواڵێک لەو بارەیەوە بڵاوبۆتەوە
http://hawlati.co/%D8%A6%DB%95%D8%B1%D8%B4%DB%8C%DA%A4%DB%95%DA%A9%D8%A7%D9%86/19566

گۆڕانیبێژێکی دوو ڕووی یەک پارە
شەممە ٢٠١٣.١١.٣٠

هەتا دوێنێ بۆ عۆجە ئەمڕۆ بۆ هەولێر، ئیتر دنیا دەوران دەورانە، ئایا نموونەی هاوشێوەی واش لە ناو خۆماندا نییە؟ کێ هەیە سەدام زێڕەی لە بیر نەبێت؟ خۆ بێگانە نەیووت!!!

ئەوەی بۆ بەعس وتراوە
http://youtu.be/4ic1wPP9PPY
ئەوەی بۆ هەولێر وتراوە
http://youtu.be/j57XG5ay6Ag
ئەم دیاردەیە جۆرێکە لە لاسیکی کردنەوەی سەردەمی عەرەبە داگیرکەرەکان، جۆرەها ڤیستەڤاڵیان بەڕێدەخست و دواتر کەسایەتییە قەرەقۆزە ناسراوەکانی وەک نزار قەبانی و ئەم گۆرانیبێژە و زۆری تریان دەهێنایە پەیڤین، لە گشتدا ئەم توێژاڵەی ناو کۆمەڵگا زووربەیان شلن و نەرمن بە چاوسوورکردنەوەیەک فشی دەکەن یان بۆ خۆیان ماستوچین و چاوبەرەژێن.. 
ئەمانەی کە بەڕەگەز کوردن و زیاتر لە ١٥ ساڵە حوکمی وڵاتمان دەکەن چیبکەن پاڕە و سەروەت و سامانیان لەبەردەستدا بووە، ئۆتۆماتیک ئەو توێژاڵە لە دەوریان کۆ دەبنەوە و بوونەتەوە، ئیتر بە زۆر بوو بێت یان خواهیشت!!! جا بۆ چاو بەست و هزری فشەی کوردایەتی ملیۆنەها دینار لە پێناو گۆرانییەک و گۆرانیبێژێکدا سەرف دەکەن، بەڵام ناوخۆی وڵات شوبهە وێرانە. ئەم دیاردەیە زیاتر لە ناوچەی کۆنترۆڵی حیزبەکەی ماڵی مەلا مستەفادا باوییەتی و هەیە، بەداخەوە کۆنیش گۆڕانییە سیاسییەکەی سەدام زێڕە هەر لەو ناوچەیە ئامادەکرا و سەریهەڵذا!!!