خیانەت لە پارتی پێویستە!


ئەم یەک دوو ڕۆژە هەواڵەکان خۆشن بەوەی پارتی و یەکێتی بە فیعلی دەستیان بە پاشقول  لەیەکتری  گرتن کردەوە، دوای ئەوەی بە هەردووکیان پرۆسەی ڕیفراندۆمیان ساز کرد... یەکەم هەوڵی خۆش، ئەوە بوو کە بیرە نەوتیەکانی کەرکووک بەهۆی هاتنی حەشدی شەعبی عەرەبە شیعەکانەوە لە دەست پارتی دەرهێنرا کە دەبێتە بڕینی ڕەگی ئابووری، بەو هۆیەوە هەژموونی خۆی بەسەر پارت و لاەیەنەکانی تردا زاڵ کردووە. ئەم هەنگاوەی یەکێتی تەقلەیەکی باش بوو کە بە پارتی لێدا، خاڵێکی ئەو سینارۆییەیە کە لە ڕێکەوتنی بزووتنەوەی گۆران و یەکێتی ناڕاستەخۆ باس کرابوو جێبەجێکرا، بەوەی شادەماری ئابووری پارتی دەبێت ببڕدرێت، ئەو کاتە عاقل و سەلار دەبێت.... دووهەم هەواڵی خۆش ئەمڕۆ ٤ شەممە ١٨ ی تشرینی یەکەم، هەڵوەشاندنەوەی پەرلەمانە کارتۆنییەیان بوو، کە بێ بزووتنەوەی گۆڕان و کۆمەڵ ئیسلامی دروستیان کردبووە.. عەباس شوان ١٨ ی ١٠ ی ٢٠١٧

بەتەمای ئەمەریکا بوون، بێشێو سەرنانەوەیە!

ئایا سەرۆکی پارتی بەدەردی دیکتاتۆرەکانی وەک مەعەمەر قەزافی و سەدام حوسین و تر... دەچێت؟  بەڵام کێ ئەو کارە دەکات؟ خەڵکی هەولێر و دهۆک یان دەوڵەتانی دراوسێ و ئەمەریکا و... لای دەن؟ ئایا پێگەی ئەوەندە گرنگ و هەستارە تا لایبەرن؟ بڕوا ناکرێت!
ئێمە دەزانیین کە ئەمەریکا مۆراڵی نییە، هەر ئەوان نیین چاوپۆشییان لە کودەتاکەی سەر پەرلەمانیان کرد؟ هەر ئەوان نیین چاوپۆشی لە کەلەپووتانی کەنداوی عەرەبی دەکەن؟ ئەمەریکا جێی بڕوا و متمانە نییە، ئەوەیش دەبێت بزانیین کە ئەمەریکا بە ڕووکەش خوای سەر زەوییە، بەڵام خوای تریش هەیە، جا لەنێوان ئەو خوایانەدا کامیان تۆزی سەرۆکی پارتی دەبەن بە عاسماندا؟ ئەی کامیان پیلانی دژ بەو ئاشکرا دەکەن... تۆڕی جاڵجاڵۆکەیە زۆر جێی هیوا نییە...
لەلایەکی ترەوە لەبارەی ئەو نامەیەی وەزیری دەرەوەی ئەمەریکا کە گوایە پێش ڕێفراندۆمەکەی ٢٥ ی ئەەیلوول بۆ سەرۆکی پارتی ناردووە، نامەکەی فەرامۆش کردووە: پێم وا بێت سەرۆکی پارتی چاوی لە ئۆردۆگانی تورکیا کرد، کە جارجار لە فڵان و فیسار مەسەلەدا ململانێ لەگەڵ ئەمەریکا و ئەورووپادا دەکات، ئەو تەنگەژەیەیە ئێستا دەیبینین ئەنجامی ئەو سەرشێتییەی جەنابێتی.. ئاخر بەچییەوە لاسایی ئۆردۆگان دەکاتەوە، پێگەی ئەو بەهێزە و لەوانەیە بتوانێت ململانێ لەگەڵ خۆی بەهێزتر بکات، سەرۆکی پارتی بە چییەوە؟ نە حکومەتی حکومەتە، نە خەڵکی هەرێمەکە یەکگرتووە، بە تاکباڵ فسفسپاڵەوانی چی پێدەکرێت، سەرئەنجام پێدەچێت خاکی بەتوورەکە دەبێژن.. باچاوەڕوان بین... عەباس شوان ١٥ ی ١٠ ی ٢٠١٧

گۆران و عێراق ناڵێن عافێتت بێت!

لە قەیرانی ناوخۆیی نێوان بزووتنەوەی گۆڕان و پارتی دیموکراتی کوردستان کە بە لابردنی وەزیرەکان و کودەتای پەرلەمان کۆتایی هات، ئیتر لەو کاتەوە پارتی چەندەها کەس و حیزبی ڕاستەخۆ و ناڕاستەخۆ ڕاسپارد کە بزووتنەوەی گۆڕان قانع بکەن بە چارەسەری مام ناوەندی و چەند جۆر چارەسەری تر، بەڵام بزووتنەوەی گۆڕان تا ئێستا لەسەر هەڵوێستی شێلگرانەی خۆی بەردەوامە بە پارتی ناڵێت عافێتت بێت. لەم تەنگەژەیەی نێوان پارتی و حکومەتی عەرەبە عێراقییەکاندا کە بەهۆی سەرشێتی ڕێفراندۆمەوە دروست بووە، پارتی بە تەشت هیین دەخوات، بەڵام حکومەتی عێراقی ناڵێت عافێتت بێت.. هەر لەم تەناقوزاتانەی دۆخی دوای ڕێفراندۆم تورکیا و عێراق ڕێک بە ئاوازی کۆنی بزووتنەوەی گۆڕان کە ئۆپۆزسیۆن بوون، قسە دەکەن و دەپەیڤن.. !! عەباس شوان ١٤ ی ١٠ ی ٢٠١٧

بزمارەکانی ڕێفراندۆم!

ئەوەی دەیبینن کارێکی هونەرمەندی کاریکاتێرستی نەرویجی مۆرتێن مۆرلاند Morten Morlandە، ئەو بۆ گۆڤاری تایمی بەریتانی کار دەکات.. ئێمە کولاجمان کردووە و لەگەڵ دۆخی ئێستای کوردستانی باشوور - عێراق گونجاندوومانە، ئەو شوێنەی کە بەهۆی ناتەبایی سیاسییەوە ماوەیەکی زۆرە لە تابووتی مەرگدایە و هەموو گیانی خۆیان بزمارڕێژ کردووە، ئەم ڕێفراندۆمە غەشیمانەیە چەندەها بزماری تری بۆ زیاد کرد... لەچاوی دیکتاتۆرییەتی مەسعودی مەلا مستەفا و حیزبە کلکەکانی یەکێتی و یەکگرتووی ئیسلامییەوەی بناسن.... عەباس شوان ٩ ی ١٠ ی ٢٠١٧


ڕێفراندۆم خەونە شاعیرانەکەی مام جەلال!

هەرچەندە کاری ئێمەمانان نییە، بەڵام دەبێت هەر بووترێت و دەرببڕێت، هۆی ئەو هەنگاوە سەرشێتییەی کە سەرۆکی پارتی بەناوی ڕێفراندۆمی سەربەخۆیییەوە لە ٢٥ ی ئەیلوول نای، بۆ ئەوە دەگەڕێتەوە کە گۆڕەپانەکەی بۆ چۆڵ بووە، نە نەوشیروان مەستەفا نە جەلال تەلەبانی ماوە.. ئەم ناوەی دواییان واتە مام جەلال بە پێی ئەزموونی زۆری خۆی لە چەندەها خاڵدا لۆجیکیانە کاری کردووە و بیریکردۆتەوە، بێگومان گەر نەخۆش نەبوایە و چالاک بوایە، سەرۆکی پارتی ڕازی دەکرد و پاشگەز دەکردەوە، کە ئەو کارەی دەیکات هەڵەیە و کاتی نییە، هەر وەک چۆن جارێک باسی سەربەخۆییان لە  مام جەلال کرد بوو، وتیبووی خەیاڵی شاعیرانەیە.. جا وەک دەبینن ئەو کردەوە شاعیرانەی سەرۆکی پارتی چی بەسەر کوردی عێراقدا هێنا، پێدەچێت ئەوەیشی تا ئێستا بینا کراوە و بەدەستهاتووە بەو هەموو کەموکوڕییەوە لەدەست بچێت... عەباس شوان ٧ ی ١٠ ی ٢٠١٧

لە چەند سەردەمێکدا مامجەلالم بینیووە!

لەسەردەمی جەلالییەکاندا ١٩٦٦ بۆ ١٩٦٩ نانزانم لەسەر چی بوو شەهید عەلی چەلەبی برامیان گرتبوو، دەبوایە هەموو ئێوارانێک بە ئامانە منی مناڵ بچوومایە بۆ زیندانێک سەرەکەی جەمەلۆن بوو لە بەکرەجۆ بارەگای جەلالییەکانی لێ بوو، جارێک لە جاران لە دوورەوە مامجەلالم بینی جامانە بەسەرێکی سمێڵڕەشی قۆز بوو.. منی مناڵی ئەو کاتە لەبەر ئەوەی شەهید عەلییان گرتبوو، رقی دنیام لە جەلالییەکان بوو، لایەنگری مەلاییەکان بووم. لەو سەردەمەوە بفڕین بۆ ساڵانی دوای ڕاپەڕینی ١٩٩١ کە چەپێکی ڕادیکال بووم، جارێکی تر مامجەلالم بینییەوە ئەویش لە بۆنەیەکی هۆڵی ڕۆشنبیریدا بوو، فرسەتم هێنا و وابزانم ژمارەیەکی گۆڤاری ئەدەبی کرێکاریم دایە دەستی.. ئێمەمانان بەهۆی ئۆپۆزسیۆن بوونمانەوە نەک دژایەتی مامجەلال و حیزبەکەیمان دەکرد، بەڵکوو دژی ئەوانەیش بووین کە دەچوون بۆ لای بەتایبەتی نووسەر و هونەرمەندان، لە ڕۆژی ١٤ی ئه‌یلول ١٩٩٣ ژمارەیەک نووسەر چوون بۆ لای لە قەلاچۆلان کە هاتنەوە بەناوی گۆڤاری ئەدەبی کرێکارییەوە بەیاننامەیەکم لەسەر دەرکردن، بووە مایەی توورەبوونی ئەو نووسەرانەی چووبوون بۆ لای مامجەلال.. کاتێکیش کە ئاغای مەتەری نوێنەری حکومەتی ئێران هاتە بەردەرکی سەرا و مامجەلال پێشوازی لێ کرد، ئەوەیش سێهەمین جارم بوو لە دوورەوە بیبینم، ڕۆژی ٧ ی ١ ی ١٩٩٦ بەیاننامەیەکم بەناوی پاشکۆی سیاسی گۆڤاری ئەدەبی کرێکارییەوە لەسەر دەکرد و گەرما و گەرم بەناو خەڵکەکەدا بڵاوم کردووە، زۆر تووند بوو، دەنگوسەدایەکی باشی لەناو خەڵکیدا دابووە، ئەگەر بەهەڵەدا نەچووبێتم هەر ئەوە بووە هۆی گرتن ( ٢٣- ٤ تا ٤- ٥ - ١٩٩٦) م لەلایەن ئاسایشی حیزبەکەی مامجەلالەوە.. عەباس شوان ٥ی١٠ی٢٠١٧

بەیانامەکان ی گۆڤاری ئەدەبی کرێکاری

) هێرش بۆ سه‌ر كتیبخانه‌كان

ئه‌وه‌ی له‌ Kurdistanی ئێراقدا - ڕاپه‌رینی ئازاری 1991 - گوزه‌را، شۆرش نه‌بوو، به‌و مانایه‌ی Marks به‌كاریهێناوه‌، ئیتر هه‌رچ ناوێكی تری لێبنرێت له‌جێی خۆیدایه‌. ئه‌م ڕاپه‌رینه‌ به‌قه‌ولی زووربه‌ی زۆری خه‌ڵكی، هه‌لومه‌رجێكی وای خولقاند، بووه‌ مایه‌ی چووزه‌ره‌ ده‌ركردنی زۆر بابه‌تی نوێ : له‌وانه‌ حه‌ره‌كه‌ی چاپ و بڵاوكردنه‌وه‌، یان حه‌ره‌كه‌ی كه‌لتووری به‌گشتی.

باڵاكردن و گه‌شه‌سه‌ندنی ئه‌م حه‌ره‌كه‌ته‌ به‌هۆی عه‌ناسر و گروهه‌ كۆمۆنیست و ڕادیكاله‌كانه‌وه‌ هان و جۆش ده‌درێت. ئه‌و كتێبانه‌ی یاساغ و ناقانوونی بوون، خه‌ڵكانی كۆمۆنیست و ئۆپۆزسیۆنی له‌سه‌ر ده‌گیرا و ئیعدام ده‌كران، ئێستا به‌عاله‌می ئاشكرا و بێ په‌ساپۆرت له‌كتیبفرۆشییه‌كاندا دانراون و ده‌كرێن و ده‌فرۆشرێن.

ئه‌م حه‌ره‌كه‌ته‌ هه‌تا بێت باڵا به‌رزتر ده‌بێت، ئه‌مه‌یش بۆ فه‌رمانره‌وایانی تازه‌ پیاكه‌وتوو بۆته‌ مایه‌ی نیگه‌رانی. نازانن چۆن به‌ری پێ بگرن، دڵی ئاغایانی سه‌رو خۆیانی پێڕازی بكه‌ن. چۆن ده‌بێت له‌دوای تێكشاندنی بلوكی ڕۆژهه‌ڵات تازه‌به‌تازه‌ حه‌ره‌كه‌یه‌كی ماركسی خاراو لێره‌ خه‌ریكی گه‌شه‌ و نه‌شونماكردنه‌، به‌ربینی پێگرتوون و خه‌وی لێزڕاندوون.

به‌ئاشكرا له‌حالی حازردا ناوێرن ئیعلانی جه‌نگ و قه‌ده‌غه‌كردن ڕابگه‌یه‌نن، بۆیه‌ ناشه‌رعییانه‌ پاشقول ده‌گرن، به‌خشكه‌یی و قورمیشكردن كه‌وتونه‌ته‌ جووڵه‌.

ئه‌وه‌ بوو له‌ماوه‌یه‌كی كورتدا له‌هه‌ردوو شاری Sleîmanî- كتێبخانه‌ی ڕاپه‌رین و Hellebce – كتێبخانه‌ی ئۆكتۆبه‌ر، فرسه‌تیان هێنا و ده‌ستی خۆیان وه‌شاند و ئه‌و دوو مه‌كته‌به‌یه‌یان سووتاند، هه‌روه‌ها محاوه‌له‌ی كوشتنی نووسه‌ری ماركسی ناسراو Fuad Mecîd Mîsrî كرا. ئه‌مه‌ بێجگه‌ له‌هه‌ره‌شه‌ و گوره‌شه‌ی ئاشكرا و نهێنی له‌م نووسه‌ر و له‌و نووسه‌ری تر. له‌به‌رامبه‌ر ئه‌و هێرشانه‌دا حكومه‌ت ئه‌ڵێی كه‌ره‌ی شه‌ربه‌ته‌!!؟

ئێمه‌ له‌لای خۆمانه‌وه‌، نه‌ك ئیدانه‌ی ئه‌و كاره‌ تیرۆریستییانه‌ به‌توندی ده‌كه‌ین، به‌ڵكوو ده‌شڵێین : ده‌بێت ده‌ست به‌جێ حكومه‌تی Kurdistan وه‌ك چاو پارێزگاری له‌سه‌روماڵی خه‌ڵكی بكات، هه‌رچی زه‌ره‌روزیانه‌ بۆیان بژمێرێت و ئه‌و ده‌سته‌ره‌ش و مه‌خفییانه‌ بگرن و دادگایی ئاشكرا بكرێن .

ئیدانه‌ی ئه‌و لایه‌نانه‌ بكرێت كه‌ پشت و په‌نای تاوانبارانن، هه‌روه‌ها بانگه‌وازی كرێكاران و خه‌ڵكی زه‌حمه‌تكێش ده‌كه‌ین به‌هه‌ر شكل و شێوه‌یه‌ك به‌گونجاوی ده‌زانن، ناره‌زایه‌تی خۆیان ده‌ربڕن و فشار بخه‌نه‌ سه‌ر ده‌وڵه‌ت تا حه‌دێك بۆ ئه‌و ده‌ستدرێژییانه‌ دابنێت.

بژی ئازادی بیروڕا و چاپ و بڵاوكردنه‌وه‌ و سۆشیالیزم. 20 تشرینی دووه‌م 1992
---------
ئه‌م تێكستییه‌ وه‌ك ڕاگه‌یاندنی گۆڤاری ئه‌ده‌بی كرێكاری به‌ناونیشانی ( ده‌رباره‌ی هێرش بۆ سه‌ر كتیبخانه‌كان و چه‌ند له‌ نووسه‌ران ) به‌تیراژی 250 دانه‌ بڵاوكرایه‌وه‌.

2) سه‌ردانی یه‌كێتی نوسه‌ران ...

ماوه‌یه‌كه‌ دیارده‌ی سه‌ردان وه‌ك په‌تا داكه‌وتووه‌، سه‌ردان بۆ ماڵان و ئه‌م لاو و ئه‌ولا نا، به‌ڵكوو سه‌ردان و چاوپێكه‌وتنی ئه‌م سه‌ره‌ك عه‌شیره‌ت، ئه‌و مه‌لا، ئه‌و پیاوی مه‌عقولی كۆنه‌په‌رست، یان ئه‌م ده‌زگا، ئه‌و ده‌زگای ئه‌ده‌بی و هونه‌ری و پیشه‌یی بۆ لای سه‌ران و كه‌سانی پله‌ و پایه‌ به‌رزی حكومه‌تی هه‌رێم.

ئه‌م سه‌ردانانه‌ زیاتر به‌قورمیش و هاندانی كه‌سانی سه‌ر به‌لایه‌نه‌كانه‌وه‌ ساز ده‌درێ، یاخود سه‌ردانكه‌ران بۆ خۆبردنه‌ پێشه‌وه‌ و وه‌رگرتنی ئیمتیاز و خۆپاكردنه‌وه‌ به‌و كاره‌ هه‌ڵده‌ستن.

ئه‌وه‌ی جێی قسه‌مانه‌، نووسه‌رانی كورد / Sleîmanî و Kerkuk پاش بێنه‌وبه‌ره‌یه‌كی دوو هه‌فته‌یی، به‌فیتی چه‌ند نووسه‌رێكی سه‌ر به‌( PUK )یه‌وه‌، به‌هه‌زارحاڵ له‌ ژماره‌ی (.....)ئه‌ندام زیاتر، توانیان (....) ئه‌ندام كه‌متریش ڕازی بكه‌ن و له‌ ڕۆژی 14ی ئه‌یلول 1993 سه‌ردانێكیان بۆ لای به‌ڕێز Celal Tallebanî به‌رێخست.

قسه‌ له‌سه‌ر تاكه‌تاكه‌ی ئه‌و نووسه‌ر و ئه‌دیبانه‌ ناكه‌ین، كامیان چیی بوون یان چیی نه‌بوون، كامیان ئێستا چین و ده‌یانه‌وێ له‌دواڕۆژدا ببن به‌چی. هه‌روه‌ها قسه‌ له‌سه‌ر ئه‌وه‌ ناكه‌ین به‌ڕێز Celal Tallebanî له‌پشت ئه‌م كه‌مپینه‌ به‌رفراوانه‌وه‌یه‌، نیازی چییه‌ و به‌دوای چ سیاسه‌تێكه‌وه‌یه‌، یان چی وتووه‌ و باسی چی كردووه‌.

به‌ڵكوو... به‌ڵكوو قسه‌ له‌سه‌ر خودی پێشوازییه‌ ساردوسره‌كه‌یه‌، كه‌ هێژایانی نووسه‌ر به‌نسیبیان بوو. ئه‌و نووسه‌رانه‌ی هه‌ر هه‌موو به‌و نیازه‌ بۆ لای به‌ڕێز Celal Tallebanî چوو بوون، وه‌ك سه‌ردانكه‌رانی پێش خۆیان، خواردنێكی سپێشه‌ڵ و دانسقه‌ بخۆن، له‌كۆتایشدا به‌چه‌ند هه‌زار دینارێكه‌وه‌ بگه‌ڕێنه‌وه‌.

كۆمیدیاكه‌ له‌وه‌دایه‌، هێژایان بۆ چی چوون، چییان تووش بوو، به‌ده‌ستی به‌تاڵ به‌ره‌وباوان بوونه‌وه‌. له‌و سه‌فه‌ره‌ پڕ شكۆیه‌دا ده‌ستكه‌وت ته‌نیا و ته‌نیا یه‌ك گڵاس ئاوی... ئاوی ساردی قه‌ڵاچۆلانیان نۆش كرد بوو.

به‌ڕێز Celal Tallebanîl وه‌ك فه‌رمانره‌وایه‌ك عاده‌تییه‌تی محازه‌ره‌ دابدات، له‌و محازه‌ره‌یه‌شدا دبلۆماسییانه‌ هێرشی كردۆته‌ سه‌ر هێزێكی سیاسی ڕادیكاڵی سه‌ر به‌چینی كرێكار... كه‌س له‌و هێژایانه‌ وه‌ڵامییان نه‌داوه‌ته‌وه‌ – له‌وانه‌یه‌ بڵێن كاری ئێمه‌ نییه‌ - ، ئێ باشه‌ گریمان وایه‌!!

ئه‌ی بۆ قسه‌ی زل و بپدار، خۆ له‌خه‌ڵكی ساده‌وساكار، له‌نووسیندا به‌پێشره‌و و عونسری ئاگاه له‌قه‌ڵه‌م ده‌ده‌ن، ئازان!!؟

وه‌زعی ناهه‌موواری خه‌ڵكی ره‌شوڕووتی Kurdistanتان له‌هه‌پاڵ نه‌گه‌یاند؟ بۆ ئه‌وه‌ و ئه‌وه‌ و ئه‌ویترتان كه‌ په‌یوه‌ندی به‌ورده‌كارییه‌كانی ژیانی كرێكار و زه‌حمه‌تكێشانه‌وه‌ هه‌یه‌ نه‌خسته‌ ڕوو..؟

بۆ ره‌خنه‌تان له‌خۆی و ڕێكخراوه‌كه‌ی نه‌گرت كه‌ ده‌وریان له‌خوڵقاندنی ئه‌م وه‌زعه‌ ناهه‌موواره‌ی خه‌ڵكی ره‌شوڕووتی Kurdistan هه‌یه‌؟ بۆ مه‌وقیفیتان حه‌رج نه‌كرد؟!

حه‌یف و مه‌خابن، به‌Selman Rushdî و Muzefer Newab و.... ده‌وترێ نووسه‌ر و ئه‌دیب، به‌ئێوه‌یش هه‌مان شت!! به‌م چوونه‌تان و چوونه‌كانی داهاتووشتان، فزه‌ نه‌كردنتان، له‌وه‌ ده‌رچوون ئێوه‌ ده‌نگی زوڵاڵ و ره‌سه‌نی میلله‌تی بنده‌ست بن... به‌م چوونه‌تان له‌وه‌ ده‌رچوون ئێوه‌ ده‌نگی ناره‌زایه‌تی میلله‌تی كرێكار و ره‌شوڕووت بن... ئێوه‌ به‌كوردییه‌كه‌ی ده‌تانه‌وێ ببن به‌ڕۆبۆت یان ڕۆبۆتن.
----------
ئه‌و چه‌ند دێره‌ سه‌ره‌تا وه‌ك به‌یاننامه‌ به‌ناونیشانی (سه‌ردانی یه‌كێتی نوسه‌ران بۆ لای Celal Tallebanî و په‌یانی ئه‌دیب و نووسه‌ران؟) له‌كاتی خۆیدا گه‌رماوگه‌رم له‌سه‌ر ڕووپه‌ری نیو لاپه‌ره‌ A4 به‌تیراژی 500 دانه‌، دواتریش بووه‌ سه‌رووتاری گۆڤاری ئه‌ده‌ب و هونه‌ری كرێكاری له‌ ژماره‌ 22 ئه‌یلول 1993، بڵاوكرایه‌وه‌.

3) ئیمزاكۆكردنه‌وە

هه‌توندی ناره‌زایه‌تی و بێزاری خۆمان به‌رامبه‌ر به‌و هێرشه‌ ناجوامێرانه‌یه‌ی كراوه‌ته‌ سه‌ر كتێبخانه‌ی هه‌نگاو – Ranîye ده‌رده‌بڕین.

هێرشی لێره‌وله‌وێ و به‌رده‌وامی بۆرژوا كۆنه‌په‌رست و په‌رتوكاو بۆ سه‌ر مه‌ڵبه‌نده‌ كه‌لتوورییه‌كان له‌دنیای به‌ناو ئازاد و دیموكراتدا، پێشێلكردنی ئاساییترین ئازادییه‌، كه‌ ئازادی هه‌ڵسووڕان و ئازادی بیروڕا ده‌ربڕینه‌.

ئه‌ركی هه‌ر ئینسانێكی شه‌ریف و ئازادیخوازه‌ ده‌نگی ناره‌زایه‌تی هه‌ڵبڕێ چ به‌نووسینی سه‌ر ڕۆژنامه‌كان، چ به‌ئیمزا كۆكردنه‌وه‌ و به‌رێخستنی ڕێپێوان، میتینگ له‌به‌رده‌م داموده‌زگا به‌رپرسه‌كانی حكومه‌تی هه‌رێم.. ئه‌وه‌ حكومه‌تی هه‌رێمه‌ ده‌بێت قه‌ره‌بووی زه‌ره‌روزیانه‌كان بكاته‌وه‌، پارێزه‌ری سه‌روماڵی خه‌ڵكی بێت.

بژی ئازادی بیروڕا، هه‌ڵسووڕان، چاپ و بڵاوكردنه‌وه‌.

تێبینی :له‌گه‌ڵ ئه‌م تێكستییه‌دا و له‌پاین په‌ره‌كه‌دا فۆرمی ناو و ئیمزا كۆكردنه‌وه‌یش چێكرابوو. بۆ خۆی وه‌ك ڕاگه‌یاندنێكی گۆڤاری ئه‌ده‌ب و هونه‌ری كرێكاری سه‌باره‌ت ئه‌و ڕووداوه‌ بڵاوكرایه‌وه‌.

شه‌وی 8 له‌سه‌ر 9 نیسانی 1993 جارێكی تر په‌لاماری یه‌كێ له‌مه‌كته‌به‌كانی كتێبفرۆشی له‌شارۆچكه‌ی Ranîye – هه‌نگاو درا.

ئێمه‌ 202 كه‌س له‌كرێكار، بێكار، ڕۆشنبیر، نووسه‌ر و هونه‌رمه‌ند به‌ده‌نگ بانگه‌واز – ڕاگه‌یاندنی گۆڤاری ئه‌ده‌ب و هونه‌ری كرێكارییه‌وه‌ چووین. لێره‌دا ئیمزامان كردووه‌. ناره‌زایه‌تی توندی خۆمان له‌به‌رامبه‌ر ئه‌و ده‌ستدرێژییه‌ په‌یتاپه‌یتایانه‌ی لێره‌و له‌وێ ده‌كرێته‌ سه‌ر مه‌ڵبه‌نده‌ كه‌لتوورییه‌كان ده‌رده‌بڕین.

ده‌ڵێین ئه‌م كاره‌ ژێربه‌ژێرانه‌ مه‌گه‌ر له‌سه‌رده‌مه‌ ره‌شه‌كانی چه‌رخی ناوه‌ڕاستدا ده‌رهه‌ق به‌كتێب و كتێبخانه‌كان كرابێت، ئه‌مه‌یش خۆی له‌خۆیدا پێشێلكردنی سه‌ره‌تاییترین مافی مرۆڤه‌.

ئێمه‌ ڕاده‌گه‌یه‌نین :

1 - مرۆڤ ده‌بێت ئازاد بێت له‌ده‌ربڕینی بیروڕایدا، به‌بێ ئه‌وه‌ی له‌به‌رامبه‌ریدا تووشی هیچ مه‌ترسیه‌یك – ئیهانه‌، كوشتن، زه‌ره‌روزیانی ماددی، و... – ببێته‌وه‌.

2 - ده‌وڵه‌ته‌ ده‌بێت پارێزه‌ری سه‌روماڵ و ژیانی خه‌ڵكی و مه‌ڵبه‌نده‌ كه‌لتوورییه‌كان بێت

3 - بژاردنی هه‌ر زه‌ره‌روزیانێكی ماددی بگرێته‌ ئه‌ستۆ.

4 - تاوانباران هه‌ركه‌س و لایه‌نێكی سیاسی بێت، له‌به‌رده‌م یاسادا به‌رپرس بێت و محاكه‌مه‌ی ئاشكرا بكرێن.

5 - نه‌هێشتنی هه‌ر به‌ربه‌ست و سانسۆرێ له‌به‌رده‌م بیروباوه‌ڕی پێشكه‌وتنخوازنه‌ و یه‌كسانیخوازیدا.

ئێمه‌ ڕاده‌گه‌یه‌نیین، ئه‌گه‌ر حكومه‌تی هه‌رێم ناتوانێ جڵه‌وی ئه‌و ده‌ستدرێژییانه‌ بگرێت و هێچ حه‌ره‌كه‌یه‌كی جدی بۆ ناكات. ئه‌وا بانگه‌وازی كرێكار و زه‌حمه‌تكێشان و گشت مرۆڤێكی ئازادیخواز و شه‌ریف ده‌كه‌ین ده‌نگییان بخه‌نه‌ پاڵ ده‌نگمان بۆ مانگرتن و خۆپیشاندان و هه‌ر شێوه‌یه‌كی گونجاوی تری ناره‌زایه‌تی.

ئێمه‌ ئه‌و كاره‌ دژی كرێكاری و تیرۆریستییانه‌، یه‌ك تۆز نامانترسێنێ، درێژه‌ به‌بڵاوكردنه‌وه‌ی بیروباوه‌ری ئازادیخوازی و یه‌كسانیخوازی خۆمان ده‌ده‌ین.

بمرێ بۆرژوا كۆنه‌په‌رستی په‌رتوكاو، بژی ئازادی بیروڕا و چاپ وبڵاوكردنه‌وه‌ و هه‌ڵسووڕان و سۆشیالیزم.
------------
ئه‌م به‌شه‌ی دوایی تێكستییه‌كه‌ له‌گه‌ڵ ناو و ئیمزاكان وه‌ك( نامه‌ی ناره‌زایه‌تی بۆ به‌رده‌م ڕای گشتی ) گۆڤاری ئه‌ده‌ب و هونه‌ری كرێكاری وێرای بڵاوكردنه‌وه‌ی به‌تێراژی 400 دانه‌، له‌ ڕۆژنامه‌ی ڕێگای كوردستان و....یش بڵاوكرایه‌وه‌.

4) كوشتنی ئه‌بوبه‌کر عه‌لی

به‌هۆی گه‌مارۆی ئابووری دووفاقییه‌وه‌ – هاوپه‌یمانان و ڕژێمی به‌عسی عه‌ره‌بی سه‌رمایه‌ – كۆمه‌ڵگای Kurdistan، ڕۆژانێك ده‌گوزه‌رێنێ كه‌ له‌مێژووی هاوچه‌رخدا نه‌هامه‌تی و كاره‌سانێكی هه‌رگیز قورس و گرانی وای به‌خۆیه‌وه‌ نه‌بینیوه‌.

پێشێلكردنی ئازادییه‌ فه‌ردی و سیاسی و كۆمه‌ڵایه‌تییه‌كان وه‌ك باران به‌سه‌ر كۆمه‌ڵانی خه‌ڵك به‌تایبه‌ت كرێكارو زه‌حمه‌تكێشه‌كه‌ی داده‌بارێت!

ئه‌مه‌ له‌باری ئاساییدا، خۆ گه‌ر ناره‌زایه‌تی له‌خۆ نیشان بده‌ن، ئه‌وا زۆر خراپ و بێره‌حمانه‌ وه‌ڵامی پێده‌درێته‌وه‌!!؟ نموونه‌ زۆره‌، گه‌ر بیانژمێرین بۆ نووسینه‌وه‌ی كتێبێكی هه‌زار لاپه‌ره‌یی ده‌وێت.

شه‌هیدكردنی Ebubekr Elî شاعیر و زه‌حمه‌تكێش و نوێنه‌ری خانووه‌ بێتاپۆكانی گه‌ره‌كی حامییه‌، له‌ڕۆژی 1 ی 9 ی 1994 دا به‌ده‌ستی ئه‌نقه‌ست، وێنه‌یه‌كی ته‌ڵخ و دزێوه‌ كه‌ هه‌تاهه‌تایه‌ ده‌ه‌سڵاتدارانی شاری Sleîmanî ناتوانن بیسڕنه‌وه‌.

ئێمه‌ ده‌نگی ناره‌زایه‌تی و تووره‌یی خۆمان له‌گه‌ڵ هه‌موو ئه‌و ده‌نگانه‌ی له‌مه‌وبه‌ر به‌رزكراونه‌ته‌وه‌ ، تێكه‌ڵ ده‌كه‌ین و داواكارین :

1- پێكهێنانی لیژنه‌ی ته‌حقیقی له‌نوێنه‌رانی رێكخراوه‌ جه‌ماوه‌ری و كرێكارییه‌كان و مافی مرۆف و یه‌كێتی نووسه‌ران و كه‌سانی بێلایه‌ن و هه‌قخواز بۆ لێكۆڵینه‌وه‌ له‌ڕووداوه‌كه‌.

2 - بكوژانی گه‌وره‌ و بچووك بدرێن به‌دادگای ئاشكرا.

3 دابینكردنی هه‌موو حه‌قوحقوقێكی شه‌هیدانه‌ بۆ خانه‌واده‌كه‌ی.

4 - ڕاگرتنی بڕیاری ڕووخاندنی خانووه‌كانی حامییه‌ی، یان دانی ته‌عویزی گونجاو بۆ دانیشتوانی ئه‌و گه‌ره‌كه‌، دیاریكردنی بڕی ته‌عویزه‌كه‌ له‌لایه‌ن خه‌ڵكه‌كه‌وه‌ بێت. ناوه‌ڕاستی ئه‌یلولی 1994
--------
ئه‌م چه‌ند دێره‌ وه‌ك یاداشتنامه‌ی گۆڤاری ئه‌ده‌ب و هونه‌ری كرێكاری، وێرای به‌رزكردنه‌وه‌ی بۆ به‌رپرسان، به‌تیراژی 50 دانه‌یش بڵاوكرایه‌وه‌.

5) به‌یاننامه‌ی كۆتایی

له‌دوای جه‌نگی كه‌نداو ئیراق-كوێت له‌م ناوچه‌یه‌دا عه‌لومه‌رجێك هاته‌ كایه‌وه‌، كه‌ بووه‌ مایه‌ی ڕاپه‌ڕینی ئازاری 1991. ئه‌وه‌بوو داموده‌زگا سه‌ركوتكه‌ر و ئیستبدادییه‌كه‌ی چه‌ند ساڵه‌ی به‌عسی سه‌رمایه‌ ڕاماڵرا. به‌مه‌ش خه‌ڵكی به‌تایبه‌ت چینه‌كانی ژێره‌وه‌ ئاهێكیان پیاهاته‌وه‌، توانیان له‌به‌رده‌م بۆرژوازی ره‌نگاوره‌نگدا جورئه‌تی ره‌تكردنه‌وه‌ی زوڵموزۆر و ئیستبداد له‌خۆ پیشان بده‌ن، ده‌یانویست له‌چاره‌نووسی كۆمه‌ڵگادا ده‌ورونه‌خشیان هه‌بێت.

ئه‌وه‌ش به‌لای بۆرژوازییه‌وه‌ كاری نه‌كرده‌یه‌، چوونكه‌ بۆرژوازی كارێك ناكات له‌دواییدا به‌زیانی خۆی بشكێته‌وه‌. خه‌ڵكی ره‌شۆكی به‌قه‌ولی بۆرژوازی بیه‌وێ ده‌مدرێژی بكات.

ئه‌وه‌بوو له‌درێژه‌ی به‌رنامه‌یه‌كی دارێژراو و درێژماوه‌دا كاری دژه‌ شۆڕش و ده‌مكوتكردنیان خسته‌گه‌ر، سه‌ره‌تاكه‌ی به‌په‌لاماری شووراكان و كۆره‌وه‌كه‌ ده‌ستی پێكرا، ده‌كرێ بووترێ شه‌ری ئێستای نێوان هه‌ردوو باڵی ڕاستی بۆرژوازی كورد ئه‌لقه‌ی كۆتاییه‌كه‌ی بێت.

ئامانجی سه‌ره‌كی پرۆسه‌كه‌ و ئه‌م شه‌ره‌ی دوایی كه‌ به‌سه‌ر خه‌ڵكی كوردستاندا سه‌پێنراوه‌، زه‌مینه‌ خۆشكردنه‌ بۆ گه‌ڕانه‌وه‌ی دۆخی ئیستبدادی شه‌رقی پێش ڕاپه‌رین.

ئێمه‌ ئه‌دیب و شاعیرانی كۆوه‌بوو به‌بۆنه‌ی یادی مه‌رگی لینینه‌وه‌ كه‌ گۆڤاری ئه‌ده‌ب و هونه‌ری كرێكاری له‌ڕۆژی 21/01/1995 هۆڵی ڕۆشنبیری سازی كردووه‌، بێجگه‌ له‌وه‌ی ئیدانه‌ و ڕسواكردنی شه‌ری كۆنه‌په‌رستانه‌ی نێوان پارنی و یه‌كێتی ده‌كه‌ین، له‌هه‌مان كاتدا له‌به‌رامبه‌ر خولقاندن و داسه‌پاندنه‌وه‌ی هه‌ر جۆره‌ كه‌شوهه‌وایه‌ك له‌هه‌ر بۆرژوازییه‌كه‌وه‌ بێت، ببێته‌ هۆی گه‌ڕانه‌وه‌ی ئیستبداد ڕاده‌وه‌ستین.

ئێمه‌ ئه‌دیب و شاعیرانی مولته‌زم به‌چینی كرێكاره‌وه‌، هیچ خۆشخه‌یاڵی و ته‌وه‌هومێكمان له‌به‌رامبه‌ر بۆرژوازیدا نییه‌، كه‌ دوژمنی سه‌رسه‌ختی ئێمه‌ و ئینسانیه‌تن.

بۆیه‌ په‌یمان به‌كۆمه‌ڵانی خه‌ڵكی كوردستان به‌تایبه‌ت چینه‌كه‌مان ده‌ده‌ین تا مابین به‌رهه‌مه‌ ئه‌ده‌بییه‌كانمان نه‌خه‌ینه‌ خزمه‌تیانه‌وه‌، هه‌میشه‌ش به‌هه‌وڵی ده‌ست كه‌شفكردنیاندا بین، به‌پێچه‌وانه‌وه‌ به‌رهه‌مه‌كانمان بۆ هه‌رچی زیاتر هوشیاركردنه‌وه‌ی ئاستی چینایه‌تی ئێوه‌ بێت، هاوڕێیانی كرێكار.
----------
به‌یاننامه‌ی كۆتایی یادی 71 هه‌مین ساڵڕۆژی مه‌رگی لینین، گۆڤاری ئه‌ده‌بی كرێكاری ژماره‌ 30 نه‌ورۆزێ 1995 لاپه‌ره‌ 15.

6) دڕاندن

ئه‌وه‌ ماوه‌یه‌كه‌ لێره‌وله‌وێ به‌هۆی شه‌ره‌ نه‌گریسه‌كه‌ی نێوان پارتی و یه‌كێتی، زیاد له‌پێویست ئازادی هه‌ڵسووڕانی سیاسی پێشێل جه‌كرێ، كه‌سانی سه‌ر به‌فڵان و فیسار حیزبی سیاسی ده‌گیرێن، شیعار ده‌درێنرێ، بایاننامه‌ مساده‌ره‌ ده‌كرێ، ته‌نانه‌ت شیعار و ڕاگه‌یاندنی كۆره‌ ئه‌ده‌بییه‌كانیشی گرتۆته‌وه‌*!!

ئه‌م كاره‌ پڕ مه‌ترسیانه‌ وای له‌ئێمه‌ كردووه‌ كه‌ ده‌نگی ناره‌زایه‌تی له‌دژی گشت ئه‌و پێشلكردنانه‌ هه‌ڵبڕین، داواكارین لایه‌نه‌كانی فه‌رمانره‌وا له‌هه‌ر شوێنێك هه‌ن، ڕێز له‌قسه‌ی و به‌رنامه‌ی حیزبه‌كانیان بگرن. بژی ئازادی بیروڕا.
-----------
* شه‌وی 5 شه‌ممه‌ 16/2/1995 شه‌مشه‌مه‌كوێره‌كانی فه‌رمانره‌وایان له‌به‌ر ئه‌وه‌ی ڕاگه‌یاندنی كۆره‌كه‌ ( مه‌به‌ست له‌كۆری كورته‌چیرۆكی كریكاری خویندنه‌وه‌ی ڕۆژی 18/02/1995 ) له‌سه‌ر په‌ڕۆی سوور نووسرابوو، ئه‌نفالیان كرد! بۆ ته‌حه‌دایان، له‌هه‌مان شوێن به‌رده‌ركی سه‌را له‌سه‌ر په‌ڕۆی شوور ڕاگه‌یاندنه‌كه‌ دووباره‌ هه‌ڵواسرایه‌وه‌. گۆڤاری ئه‌ده‌بی كرێكاری ژماره‌ 30 نه‌ورۆزی 1995 لاپه‌ره‌ 17.

7) گێچه‌ڵ

ڕۆژی شه‌ممه‌ 18/02/1995 له‌كۆڕی چیرۆك خوێندنه‌وه‌دا كه‌ بۆ هاوڕێ Ebas Shiwan سازدا. له‌كاتی وتووێژ له‌سه‌ر چیرۆكه‌كان Homer Mhemed ناوێك، ئه‌ندام عه‌فو قه‌ره‌قۆز له‌تیپی شانۆیی نینا ( له‌گه‌ڵ ڕێزمان بۆ خودی تیپه‌كه‌ ) له‌دوور له‌ئادابی ئینسانی، زۆر سادییانه‌ به‌چه‌ند دێڕێك كه‌ پڕ بوو له‌حه‌قد، بازاڕیانه‌ كه‌وته‌ ڕشانه‌وه‌ و په‌لاماردانی هاوڕێی چیرۆكنووس. ئه‌و كات بۆ تێكنه‌چوونی كۆره‌كه‌ دانمان به‌خۆدا گرت و سوپاسی قسه‌ پڕ جنێوه‌كانی كرا.

ئه‌و قول گرتنه‌ له‌خۆڕاییه‌، بووه‌ مایه‌ی ناره‌زایه‌تی زووربه‌ی زۆری ئاماده‌بووان. هه‌ر ئه‌و كات له‌سه‌ر شانۆكه‌وه‌، چه‌ند كه‌س هه‌ڵسان و ره‌خنه‌یان له‌ناوبراو گرت. دیاره‌ ئاژاوه‌گێرێكی وا قورمیش كراوه‌، تا به‌و شێوه‌یه‌ و به‌فیتی ئاغایانی وردودرشتی شه‌رمان پێ بگێرێت! نیگه‌رانن له‌به‌رامبه‌ر هه‌ڵسووڕانی چالاكانه‌ی گۆڤار و خودی سه‌رنووسه‌ر!

ئه‌گه‌ر وا نییه‌، بۆ پاشقولمان لێده‌گرن و له‌ناخافڵ و له‌پشته‌وه‌ خه‌نجه‌ری ژه‌هراویمان لێده‌ده‌ن؟! ئه‌وانه‌ موعجبن به‌ئه‌ده‌بیاتی بۆرژوازی و له‌به‌رده‌میاندا به‌چۆكدا دێن! كه‌چی به‌پێچه‌وانه‌ نه‌ك زمانی ته‌شجیعكردنیان ناگه‌ڕێ، به‌ڵكوو سه‌ره‌كۆنه‌مان ده‌كه‌ن! بۆ ئێمه‌ ئازان، هیچ به‌خاڵۆی خۆی فێره‌!

Ebas Shiwan ێك، كه‌ به‌زه‌ره‌ ته‌وه‌همی له‌به‌رامبه‌ر بۆرژوازیدا نه‌بووه‌ و نییه‌، هه‌ڵقوڵاوی نێو كرێكارانه‌، هه‌موو چیانی له‌پێناو خه‌باتكردن بۆ چینه‌كه‌ی ته‌رخانكردووه‌، خۆی به‌محامی و میوان نازانێ، چی كردووه‌ تا به‌و شێوه‌یه‌ معامه‌له‌ی له‌گه‌ڵدا ده‌كرێ؟!

جا Homerî kurî Xetab و ئه‌وانه‌ی وه‌ك ئه‌و وان، چ جیاوازییه‌كیان لگه‌ڵ خانه‌واده‌ی بۆرژوازیدا هه‌یه‌؟! ئه‌وان به‌عاله‌می ئاشكرا بانگی دژی كرێكار ده‌ده‌ن و شه‌مشه‌مه‌كوێرانه‌ به‌شه‌و په‌ڕۆی سووری خودی كۆره‌كه‌مان ئه‌نفال ده‌كه‌ن!

ئه‌م لیبۆكه‌ش له‌به‌رده‌م 300 كه‌سدا بۆ ڕازیكردنی دڵ و چه‌پڵه‌ی نه‌وه‌ی نوێی بۆرژوازی، بێشه‌رمانه‌ سووكایه‌تی و ئیهانه‌ت به‌هاوڕێی له‌خۆبووردوو Ebas Shiwan ده‌كات!؟

ئێمه‌ وێرای ناره‌زایه‌تی توندمان له‌به‌رامبه‌ر ئه‌و هێرشه‌ به‌عس ئاسایه‌دا كه‌ ده‌رهه‌ق به‌گۆڤار و سه‌رنووسه‌ره‌كه‌ی كرا، له‌هه‌مان كاتدا هه‌زار باره‌ی ده‌كه‌ینه‌وه‌ هه‌رگیز ئه‌و كارانه‌ ساردمان ناكاته‌وه‌، گه‌رموگوڕانه‌تر په‌یامی مێژوویی خۆمان ده‌گه‌یه‌نینه‌ مه‌نزل. به‌سووربوونمان ئه‌و سپڵی لاورگانه‌ له‌نێو بزووتنه‌وه‌كه‌ وه‌ده‌رده‌نێین، ده‌ریاش به‌ده‌می قمقمۆكه‌ شلێو نابێ.

شایه‌نی باسه‌ ئه‌م فسفس پاڵه‌وانه‌ له‌سه‌ر هاوڕێیانی پارتی كۆمنیستی كرێكاری مه‌حسووبه‌.

گۆڤاری ئه‌ده‌ب و هونه‌ری كرێكاری 19/02/1995
-----------
ئه‌وه‌ی به‌ردمان تێگرێ، به‌رقی تێده‌گرین، ئه‌م تێكستییه‌ وه‌ك به‌یاننامه‌ به‌تیراژێكی دیاركراو بڵاوكرایه‌وه‌. دواتر له‌گۆڤاری ئه‌ده‌بی كرێكاری ژماره‌ 30 ته‌ورۆزی 1995 لاپه‌ره‌ 17- 18 دووباره‌كرایه‌وه‌.

+ وەڵامی كۆمۆنیستی كرێكاری

به‌ته‌ئریخی 21/02/1995 نامه‌یه‌كی هاوڕێیان كۆمیته‌ی رێكخستنی پارێزگای Sleîmanî پارتی كۆمۆنیستی كرێكاری ئێراقمان به‌ده‌ست گه‌یشت، كه‌ وه‌ڵامه‌ بۆ به‌یاننامه‌یه‌كی ئێمه‌ به‌ناونبشانی: ( ئه‌وه‌ی به‌ردمان تێگرێ، به‌رقی تێده‌گرین ) كه‌ له‌ڕۆژی 19/02/1995دا بڵاومان كردۆته‌وه‌.

به‌گشتی نێوه‌رۆكی نامه‌كه‌ جێی ره‌زامه‌ندیمانه‌، وه‌ده‌نگهاتنێكی گونجاوه‌. به‌مه‌به‌ستی جه‌ده‌لكردن و ڕۆشنكردنه‌وه‌ی مه‌سه‌له‌كان، به‌لامانه‌وه‌ باشه‌ درێژه‌ به‌پسه‌كانمان بده‌ین، له‌سه‌ر هه‌ندێ خالی نامه‌كه‌ وچانێك بده‌ین:

ده‌ڵێن: (... له‌م به‌یاننامه‌یه‌دا دوای دووباره‌كردنه‌وه‌ی هه‌مان ئسوبی ئه‌و هاوڕێیه‌ی كه‌ ئێوه‌ قه‌راره‌ ره‌خنه‌تان لێگرتبێ...) ئێمه‌ كه‌سی ناوبراو – كه‌تنكه‌ر - ئه‌گه‌ر ڕێزێكمان لێنابێ به‌هۆی تیپی نیناوه‌ بووه‌، نه‌ ده‌یناسین و نه‌ هیچ ناكۆكییه‌كی شه‌خسی و ئایدۆلۆژیمان له‌گه‌ڵیدا هه‌بووه‌. بۆ سه‌عاتێكیش بووبێ له‌گه‌ڵیدا دانه‌نیشتووین، به‌ڵكوو ده‌ستگرۆیمان كردووه‌ و له‌گۆڤاردا به‌رهه‌ممان بۆ یڵاوكردۆته‌وه‌. ئیتر نازانین غه‌زه‌بی لێگیرا بوو وا ئێمه‌ی ورووژاند!؟

نازانین چۆن لاێی به‌خۆیدا كاری وا بكات كه‌ بووه‌ مایه‌ی ڕسوایی به‌پله‌ی یه‌كه‌م بۆ خۆی؟! خوا بیكات به‌قوربانی عه‌قلی كۆمۆنیستیمان، ئه‌گینا موسته‌حه‌قی شتی تر بوو... ئه‌و جۆره‌ كارانه‌ لێمان ناوه‌شێته‌وه‌، به‌داخه‌وه‌ زۆریش به‌داخه‌وه‌ ئه‌مه‌ چه‌نده‌مین جاره‌ لایه‌نگران و ئه‌ندامان و كه‌سانی نزیك به‌پارتی ئێوه‌ شه‌ر و گێچه‌ڵیان پێكردووین! به‌رگریمان كردووه‌. دیاره‌ كه‌ وترا شه‌ر ده‌ست پاراستن و پرنگانه‌وه‌ له‌ئێستا و داهاتوودا بۆچییه‌؟ پریشكیش به‌ر ئه‌م و ئه‌و ده‌كه‌وێ.

ئێوه‌ ده‌ڵێن ئه‌و هێرشه‌ ته‌ئید و مۆری ئێمه‌ نییه‌، به‌ڵام قسه‌ی وا به‌گوێدا ناچی! حاشا له‌ڕووتان ئه‌مه‌ عه‌ینی هێزه‌ بۆرژوازییه‌كانه‌! Fereîdun Ebdulqadr ئه‌ندامی سه‌ركردایه‌تی PUK ه‌، یه‌كێكه‌ له‌دارێژه‌رانی سیاسه‌تی ئه‌و پارته‌، له‌TV ه‌وه‌ هێرشی غه‌یۆه‌ سیاسی كرده‌ سه‌ر KDP و Barzanî! ئه‌وه‌ بووه‌ مایه‌ی ناره‌زایه‌تی و ره‌خنه‌، خێرا PUK به‌گی دانا، وتیان: ره‌ئی شه‌خسی خۆیه‌نی! ئه‌وان به‌هۆی ته‌سه‌رفی نامه‌سئولانه‌ی ئه‌فراده‌كانیانه‌وه‌ به‌ر نه‌فره‌تی خه‌ڵكی كه‌وتوون، ئه‌ی ئێوه‌ بۆ؟! ئه‌گه‌ر جله‌وی هاوڕێیانتان نه‌گرن، بێ موسته‌قبه‌لن.

ده‌ڵێن: (.... هێنانه‌ ناوه‌وه‌ی حیزب مه‌سه‌له‌یه‌ هیچ په‌یوه‌ندی به‌كێشه‌ی ئێه‌ووه‌ نییه‌...) هه‌ر له‌مێژه‌وه‌ وا جێكه‌وتووه‌ و واناسراوه‌ كه‌ ئه‌ندامان و لایه‌نگرانی حیزبه‌كۆمۆنیسته‌ جۆراوجۆره‌كان، خه‌ڵكی شه‌ریف و ئازادیخواز و سیاسی و زۆر سیفه‌تی چاكه‌ی تر و نموونه‌یی بوون.

كه‌سی ناوبراو له‌وانه‌یه‌ به‌حسابی چه‌وتی خۆی وابزانێ كه‌ فڵان كه‌س له‌حیزبه‌كه‌یدا نه‌ما، ئیتر ده‌بێ لێی بدرێت و كه‌رامه‌تی بڕووشێنرێ تا ئافه‌رین لای حیزب حاسل یكات! كاریگه‌ری حیزب و په‌روه‌رده‌ی حیزبی له‌كوێیه‌ و ئاوا ده‌بێ؟!

ده‌ڵێن: (... ئێمه‌ پێمان وایه‌ ده‌ستێكیش له‌پشتییه‌وه‌ هه‌یه‌... ) ئازیزان هه‌موو كه‌س باسی ده‌ست بكات، بێ عه‌ده‌بی نه‌بێ، نابێ ئێوه‌ توخنی بكه‌ون، چوونكه‌ ئه‌و ده‌سته‌ له‌نێو ئێوه‌دایه‌ و بووه‌، له‌كالیتانه‌وه‌یه‌ به‌رگریتان لێكردوون! سه‌رچاوه‌ی ته‌نگه‌ژه‌كان هاوڕێیانی سه‌ر به‌ئێوه‌ بوون:

وه‌ستاSabîr

Dllshade ره‌ش

Shiwan Mhemed یان Shiwan ه‌ی وێنه‌گری فیدیۆ

Azad ی ره‌وت ناسراو به‌Azad حه‌وت برۆ

Homer Mhemed و كێ و كێی تر نه‌بوون كه‌ ناسیاسیانه‌ و غه‌یره‌ كرێكارییانه‌ جووڵاونه‌ته‌وه‌ و هاوسه‌نگه‌رانیان لێته‌وه‌لاكردوون و لێكردوون به‌دوژمن؟!

ئه‌ی باشه‌ كێ بوو له‌گه‌ڵ فڵان و فیسار لاێكخراوه‌دا قاڵب و فاڵبكاری به‌كارده‌هێنا؟ ده‌ستی چه‌ور به‌كه‌س مه‌سڕن، سیاسه‌تی نادروستتان بوو كه‌ له‌ماوه‌ی كه‌متر له‌ساڵێكی ته‌مه‌نی حیزبه‌كه‌تاندا زۆر ره‌شیدانه‌ زه‌ربه‌تان له‌بزووتنه‌وه‌ی كرێكاری – ئه‌گه‌ر وای ناو لێ بنێین – به‌تایبه‌ت دژی بێكاری وه‌شاند!

یه‌كێتی بێكاران له‌دوای شوراكانه‌وه‌ یه‌كه‌م لاێكخراوه‌یه‌ك بوو كه‌ به‌ریره‌نجی گشت كۆمۆنیست و چه‌پی شاری Sleîmanî بوو، شه‌ق و نه‌زۆكتان كرد!؟ له‌خیلالی ئه‌و ماجه‌رایه‌دا زۆر ده‌نگ هه‌بوو ده‌یانووت: كوڕینه‌ وا نابێ. كوره‌ لوتتان ده‌دا له‌عه‌رزی و دوایی كاڵه‌ك به‌ئه‌ژنۆ ده‌شكێنن.

كه‌چی بوون به‌كه‌ره‌ی شه‌ربه‌ت و قسان به‌با چوو! ئاخر پێمان ناڵێن هه‌وڵدانی بێسه‌مه‌ری چه‌ند مانگ له‌مه‌وبه‌ر و ئێستاتان بۆ له‌حیمكردنه‌وه‌ی هه‌ردوو رێكخراوی بێكاران ده‌لیلی چییه‌؟؟

ده‌ڵێن: (... به‌ڵكوو به‌دژی حیزب نووسراوه‌...) گۆڤار و شه‌خسی Ebas Shiwan یش ئه‌نتی حیزب نین، له‌به‌رنامه‌دا نییه‌، بۆ دژایه‌تی ئه‌م حیزب و ئه‌و حیزب به‌تایبه‌ت ئه‌وانه‌ی ئیدعای نزیكبوون به‌چینه‌كه‌مانه‌وه‌ ده‌كه‌ن، دروست نه‌بووه‌.

پێمان باشه‌ ئه‌وانه‌ نازر بن و ده‌ستگرۆیمان بكه‌ن و ئیلهامیان لێوه‌ربگرین، به‌ڵام به‌داخه‌وه‌ نه‌ك ئه‌وه‌یان نه‌كردووه‌، زۆر جاریش محاره‌به‌كراوین و ده‌كرێین!؟ هه‌تا یه‌خه‌یان پێنه‌گرین، خۆیان نه‌یاووتووه‌ ئه‌وه‌ قسه‌مانه‌ یان ئه‌وه‌ یارمه‌تیمانه‌!

به‌نیسبه‌ت حیزبی كۆمۆنیستی كرێكاری ئێوه‌شه‌وه‌، گه‌ر خۆ به‌هه‌ڵه‌دا نه‌به‌ن، ئێمه‌ له‌زۆر حیزبی تر موته‌عاتیف تربووین له‌گه‌ڵتانا. ده‌پرسین: كێ بوو له‌كۆڕی شیعر خوێندنه‌وه‌ به‌بۆنه‌ی مه‌رگی هاوڕێ Lînîn ه‌وه‌ 21/01/1995 به‌شداری كرد؟ هاوڕێتان Tahîr Hesen نه‌بوو؟ ئه‌گه‌ر دژتان بووینایه‌ ڕێگامان پێنه‌ده‌دان، ته‌بلیغ بۆ سیاسه‌ته‌كانتان بكه‌ن.

ئه‌ی ئه‌وه‌ ئێمه‌ نه‌بووین كه‌ یه‌كدوو هاوڕێتان له‌شارۆچكه‌ی Kelar گیران، خێرا بروسكه‌ی پشتیوانیمان بۆ لێدان؟ له‌داهاتووشدا هه‌ر غه‌درێكتان لێبكرێ له‌سه‌رتان هه‌ڵده‌ده‌ینێ. دیاره‌ ئێمه‌ به‌هه‌ده‌فی دیاریكراو ناوی ئێوه‌مان ترنجاندۆته‌ نێو ناوانه‌وه‌.

ده‌ڵێن: (... ئێوه‌ وه‌ك دوو هه‌ڵسووڕاوی مه‌یدانی ئه‌ده‌ب و هونه‌ری كرێكاری...) ئه‌م لێكچوواندن و هه‌ڵسه‌نگاندنه‌ زۆر گۆچانی و دوور له‌ڕاستییه‌وه‌یه‌، ته‌نانه‌ت بێئینسافانه‌شه‌! كه‌سی ناوبراو بێجگه‌ له‌وه‌ی وه‌ختی خۆی بۆ وه‌رگرتنی له‌په‌یمانگای هونه‌ره‌ جوانه‌كان ( حه‌په‌ سه‌وز )ه‌كه‌ی بێ ئاو قووت داوه‌!

پێمان ناڵێن له‌بواری هونه‌ر و نووسیندا چ شوێن ده‌ستێكی دیاره‌؟ یان چ خزمه‌ت و ئیزافه‌یه‌كی خستۆته‌ سه‌ر بزووتنه‌وه‌ی ئه‌ده‌ب و هونه‌ری كرێكاری؟! ئاخر خواتان بێ!

باسی خۆ كردن جایز نییه‌، بزووتنه‌وه‌ و خه‌ڵكی ده‌كه‌ین به‌حه‌كه‌م.. ده‌وری ته‌خریبی حیزبه‌كان له‌م حاڵه‌تانه‌وه‌ ده‌رده‌كه‌وێ: كابرا هیچ نییه‌، كه‌چی له‌خه‌ڵكی ده‌كه‌ن به‌شێر و پڵنگ و زۆر شتی تر! به‌داخه‌وه‌ عاده‌تی تیورداتاشین و قه‌به‌كردن، هه‌رچه‌نده‌ شكستان تیاهێناوه‌، ته‌رك ناكه‌ن!؟ له‌گه‌ڵ ئیحتراماتی به‌نده‌ی موخلیستان.
-------------
گۆڤاری ئه‌ده‌بی كرێكاری ژماره‌ 30 نه‌ورۆزی 1995 لاپه‌ره‌ 18 - 20

8) الی الاستاز PUK

ڕۆژی 31/7/1995 نوێنه‌ری به‌شی هوشیاری و ڕووناكبیری مه‌ڵبه‌ندی رێكخستنی شاری Sleîmanî PUK- سه‌ردانێكی نووسینگه‌ی گۆڤاریان كرد، له‌گه‌ڵ خۆیاندا ده‌عوه‌تنامه‌یه‌كیان بۆ هێنابووین تا به‌شداری له‌و منازه‌ره‌یه‌دا بكه‌ین، كه‌ بڕیاره‌ رێكی بخه‌ن له‌ژێر ناونیشانی ( ئه‌زموونی كۆمه‌ڵگای مه‌ده‌نی و شێوازی كاری حیزبایه‌تی هاوچه‌رخ بۆ Kurdistan ).

بۆ وه‌ڵام به‌و به‌ڕێزانه‌ به‌باشمان زانی به‌م به‌یاننامه‌یه‌ هه‌ڵویستی خۆمان ڕابگه‌یه‌نین :

Kurdistan ی ئێراق به‌هۆی كێشه‌ی نه‌ته‌وه‌ییه‌وه‌ بۆ زیاتر له‌ 25 ساڵ ده‌چێت، بۆته‌ مه‌ڵبه‌ندی كێشمه‌كێش و به‌رخۆدانی توندوتیژ له‌نێوان خه‌ڵكی Kurdistan و حكومه‌ته‌ داگیركه‌ره‌ یه‌ك له‌دوای یه‌كه‌كانی عه‌ره‌بی ئێراقی. دیاره‌ هه‌لومه‌رجێكی وا ده‌بێته‌ مایه‌ی پاشكه‌وتنی ناوچه‌كه‌ له‌بواری كۆمه‌ڵایه‌تی و شارستانی و ئابووری و...، ئه‌گه‌ر به‌هه‌ڵه‌دا نه‌چووبین كوێره‌ دێیه‌ك بووه‌ بۆ خۆی!

له‌دوای ڕاپه‌رینی ئازاری 1991یشه‌وه‌ ئه‌وه‌ نه‌بێت حیزب و حكومه‌تی كوردی هه‌وڵیان دابێت له‌دوای ئه‌وان ده‌ستێك به‌كۆمه‌ڵگادا بهنن و به‌ره‌و پێشیبه‌رن و ئه‌و شه‌به‌ق و كه‌له‌به‌رانه‌ قه‌ره‌بوو بكه‌نه‌وه‌. به‌ڵكوو بۆرژوازی مشه‌خۆری كورد هه‌روه‌ك شه‌ریكه‌ به‌شی بۆرژوازی عه‌ره‌بی ئێراقی نه‌ك توخنی به‌مه‌ده‌نی كردنی كۆمه‌ڵگایان نه‌خسته‌ ئه‌ستۆی خۆ، زۆر نامه‌سئولانه‌ ئه‌و تۆزه‌ مه‌عالمه‌ شارستانیییه‌ی كه‌ به‌هه‌ر شه‌ره‌شه‌قێ به‌دی هاتبوو، له‌پرۆسه‌یه‌كی به‌رنامه‌داڕێژراودا پاكویاندا!

بۆرژوازی كورد هه‌ر به‌وه‌وه‌ دانه‌ساكا، زۆر حاقیدانه‌ و داخ له‌دڵانه‌، به‌ته‌ره‌فێكی تر، ئه‌وا بۆ ماوه‌ی ساڵێك زیاتره‌ جه‌نگێكی ناوخۆیی كۆنه‌په‌رستانه‌ی بێ ئامانی وایان هه‌ڵگیرساندووه‌، تا ته‌ڕ و وشك پێكه‌وه‌ بسووتێ، ماڵوێرانی، كوشتوبر و ئاواره‌یی و برسی كردن، ئابلوقه‌ی ئابووری چه‌ند فاقه‌ بكه‌نه‌وه‌ و حساب بۆ هیچ هه‌وڵێكیش كه‌ له‌ده‌ره‌ووه‌ و ناوه‌وه‌ ده‌درێ بۆ ڕاوه‌ستانی شه‌ر، ناكه‌ن. تا بێت درێژه‌ به‌كایه‌ی ئاژاوه‌ و ئاشووبی خۆیان ده‌ده‌ن!

بۆرژوازی كورد كه‌ سه‌رچاوه‌ و خولقێنه‌ری وه‌زعێكی ئاوا مه‌ینه‌تبار و نائینسانی بێت، ئه‌وه‌ ماهییه‌تی بێت، به‌چ هه‌قێ له‌ڕووی دێت ده‌م له‌مه‌سه‌له‌ی دیموكراسی، مافی مرۆڤ، ئازادییه‌ سیاسی و كۆمه‌ڵایه‌تی، به‌تایبه‌ت مه‌سه‌له‌ی به‌مه‌ده‌نی كردنی كۆمه‌ڵگای Kurdistan وه‌رده‌دا؟؟!!

گۆڤاری ئه‌ده‌بی كرێكاری و پاشكۆ سیاسییه‌كه‌ی نه‌ك له‌سیمینارێكی فریوكارانه‌ی وادا به‌شداری ناكات، به‌ڵكوو به‌ئه‌ركی خۆی ده‌زانێ بانگه‌وازی ڕۆژنامه‌ و گۆڤاره‌ حیزبی و غه‌یره‌ حیزبییه‌كان، ئه‌وانه‌ی یه‌ك تۆز به‌هه‌ق گیانی مه‌ده‌نییه‌ت له‌خۆدا شك ده‌به‌ن، بكات. به‌شداری له‌و مه‌هزه‌له‌یه‌ و منازه‌رانه‌ی ئێستا و داهاتوو نه‌كه‌ن.

هه‌ر ڕۆژنامه‌نووس و ڕۆژنامه‌یه‌ك به‌هه‌ر بیانوویه‌كه‌وه‌ به‌شداری بكات، یه‌عنی به‌شداره‌ له‌میكیاج كردنی وه‌زعه‌كه‌ كه‌ هێچ ئینسانێكی مه‌ده‌نی و شه‌ریف و ئازادیخواز پێی ڕازی نییه‌. یه‌عنی خۆشباوه‌ری و ته‌وه‌هم به‌داموده‌زگای بۆرژوازی. یه‌عنی به‌شدار له‌چه‌واشه‌كردنی ڕای گشتی كۆمه‌ڵ. یه‌عنی فه‌رزكردنی به‌رژه‌وه‌ندی ته‌سكی حیزبایه‌تی و شه‌خسی به‌سه‌ر به‌رژه‌وه‌ندی كۆمه‌ڵ. یه‌عنی چوونه‌ پاڵ ده‌ستی بۆرژوازی ئاژاوه‌گیر. یه‌عنی....

ئێمه‌ ئه‌و قسه‌ بریقوباق و پفدراوانه‌ی له‌نێو هۆڵه‌كاندا له‌سه‌ر وه‌زعی Kurdistan دادمان نادات. ئێمه‌ ئاوه‌دانكردنه‌وه‌ و په‌یداكردنی كار بۆ بێكاران و ڕاگرتنی شه‌ری كۆنه‌په‌رستانه‌. ره‌هاكردنی ئازادییه‌ سیاسی و كۆمه‌ڵایه‌تییه‌كان و...مان ده‌وێت.

كرێكاران نه‌ك مقاته‌عه‌ی ئه‌و سیناریویانه‌یان كردووه‌، به‌ڵكوو ئاماده‌یش نیین له‌سه‌ر شاشه‌ی TVیش سه‌یری بكه‌ن. گاڵته‌یان به‌عه‌قلی خاوتان دێت. به‌سه‌ چیتر فریوكاری ، خه‌ڵكی كوردستان له‌برساندا سووك و سه‌لیم و ڕسوا بوون. 1995.8.
------------
ئه‌م تێكستییه‌ به‌یاننامه‌ی گۆڤاری ئه‌ده‌بی كرێكاری بوو، به‌ناونیشانی ( الی الاستاز PUK مع التحیات ) به‌تێراژی 300 بڵاوكرایه‌وه‌.

9) تیرۆر و موته‌وه‌هیم بوون

چه‌ند براده‌رێكی ساده‌له‌وحی نزیك به‌لایه‌نێكی چه‌پ و خۆ به‌ڕادیكاڵزان WCPI، ماوه‌یه‌كه‌ ده‌ستیان به‌كارێ كردووه‌، بۆ پێكهێنانی لیژنه‌یه‌ك له‌دژی تیرۆر. ئه‌و به‌ڕێزانه‌ له‌مه‌وبه‌ر به‌هۆی وتارێكه‌وه‌ جه‌نجاڵێكیان خولقاند، له‌و پێناوه‌دا ڕووبه‌ڕووی هێرشێكی توند بوونه‌وه‌، خه‌ریك بوو تووكی سه‌ریان با بیبا. هه‌رئه‌مه‌یش بوو، وای لێكردن په‌نا بۆ كارێكی له‌م جۆره‌ به‌رن، ئه‌ترسین ئه‌مه‌یشیان به‌ده‌ردی كۆمیته‌ سه‌رنه‌كه‌وتووه‌كانی تریان ده‌ربچێت!؟

به‌پێی ئه‌وه‌ی تیرۆر ڕووبه‌ڕووی هه‌موو لایه‌ك بۆته‌وه‌، بۆ قورسایی پێدانی كێشه‌كه‌ و به‌جه‌ماوه‌ری كردنه‌وه‌ی مه‌سه‌له‌كه‌، لیژنه‌ی ناوبراو بێ چاوپۆشی كه‌وتۆته‌ سه‌ردانی ئه‌م حیزب و ئه‌و حیزب، په‌یوه‌ندی گرتن له‌گه‌ڵ ئه‌م كه‌سایه‌تی، ئه‌و كاسایه‌تی. یه‌كێ له‌و حیزبانه‌ی سه‌ردانیان كردووه‌ جگه‌ له‌وه‌ی فه‌رماره‌وایه‌، به‌ئاشكرا و دزی پراكتیزه‌كه‌ر و مره‌وجی دیارده‌كه‌یه‌، ئیتر نازانیین ئه‌و براده‌رانه‌ سیاسی و ئۆپۆزسیۆن بوونه‌كه‌یان له‌چیدایه‌؟!

به‌چه‌ند ڕۆژ پێش سه‌ردانه‌كه‌یان، چه‌كداره‌كانی خانه‌خوێ PUK به‌پێی پیلانێكی دارێژراو له‌نایناهه‌ق و به‌ده‌ستی ئه‌نقه‌ست له‌نزیك شارۆچكه‌ی Koye په‌لاماری سه‌ركرده‌یه‌ك – Heme Helaq- و زیاتر له‌ 10 پێمیمی لایه‌نێكی سیاسی – پارتی كاری سه‌ربه‌خۆیی كوردستان – ده‌ده‌ن، بێجگه‌ له‌شه‌هید كردنیان، به‌نیازبوون دیزه‌به‌ده‌رخۆنه‌ی بكه‌ن! به‌ڵام، به‌هۆی فشاری چه‌ند لایه‌نی سیاسییه‌وه‌، پاش چه‌ند ڕۆژ به‌قێزوبێزه‌وه‌ په‌رده‌یان له‌ڕووی كاری دزێو و ناشارستانیانه‌ی خۆیان هه‌ڵدایه‌وه‌!!

هه‌ر دوای چه‌ند ڕۆژ، پاش چوونی لێژنه‌ی دژی تیرۆر بۆ لای PUK، ئاسایشه‌ موحته‌ره‌مه‌كان!! زۆر ره‌شیدانه‌ و ڕووهه‌ڵماڵراوانه‌ و به‌به‌رچاوی ئه‌و عاله‌مه‌وه‌ ده‌مژمێر 2.30 ی ڕۆژی 8 / 11 / 1995 له‌نیو جه‌رگه‌ی شاری Sleîmanî په‌لاماری دوو لافیته‌ی ره‌شیاندا كه‌ به‌ر له‌نیوده‌مژمێر به‌و بۆنه‌یه‌وه‌، بۆ ئه‌و پۆله‌ شه‌هیده‌ هه‌ڵواسرا بوو، دڕێندرا و بڕێ جنێوی مزریشیان دا!!؟

جا گه‌لی براده‌رو خوشكینه‌

موفاته‌حه‌ كردنی حیزبی فه‌رمانره‌وا له‌مه‌سه‌له‌یه‌كی وادا، بێجگه‌ له‌نیشاندانی ترس و نیگه‌رانی و قبووڵكردنی باوكایه‌تییان نه‌بێت زیاتر هیچی تر نییه‌، له‌هه‌مان كاتدا ره‌واج پێدانی ته‌وه‌هم و خۆشباوه‌ری ده‌گه‌یه‌نێت! 1995.11.10
-------------
ئه‌م چه‌ند دێره‌ به‌ناونیشانی ( تیرۆر و موته‌وه‌هیم بوون به‌بۆرژوازی ) وه‌ك به‌یاننامه‌ پاشكۆ سیاسییه‌كه‌ی گۆڤاری ئه‌ده‌بی كرێكاری به‌تیراژی 200 دانه‌ بڵاوكرایه‌وه‌.

10) په‌یامی جمهوری جه‌هل

هه‌ر كه‌سێ له‌ معاره‌زه‌ی Îranی ناو Kurdistan و Îraq شتێكی به‌سه‌ر هاتبێ له‌ژێر سه‌ر و به‌ئاگاهی Hecîyaghaî Mhemedî ناسراو به‌ئاغای قه‌یتانی كراوه‌! حكومه‌تی جه‌هلی ئیسلامی Îran ئه‌و میرغه‌زه‌به‌، ئه‌و سێبه‌ری مه‌رگه‌، ئه‌و ئیزرائیله‌ی ناردووه‌ تا ببێته‌ فریشته‌ی ئاشتی نێوان PUK و KDP!!

بۆ پێشوازی له‌م جه‌نابه‌، بۆ ئیحترام له‌جیاتی ئه‌وه‌ی چه‌ند حه‌یوان وه‌ك عاده‌ته‌ له‌به‌ر پێی بدرێ به‌زه‌ویدا، چه‌ند تێكۆشه‌ر، چه‌ند ئازیزی ماندوونه‌ناسی معاره‌زه‌ی Îranیان وه‌ك قوربانی له‌به‌ر پێیدا تیرۆر كرد! ئه‌مه‌ چ په‌یامێكه‌؟

پێوقه‌ده‌می ئاغای قه‌یتانی هه‌روه‌ك سیاسه‌تمه‌داری بسته‌باڵای ناوچه‌ی سۆران مام Celal Tallebanî فه‌رمووی : خێرو به‌ره‌كه‌ت و بارانی له‌گه‌ڵ خۆی هێنا!

چ جه‌هاله‌تێكه‌؟

گه‌ر ده‌جالی گه‌وره‌ Refsencabî بهاتایه‌ چی ده‌باراند؟ له‌وانه‌بوو معجزه‌ ڕووی بدایه‌ : گه‌نم، گه‌نمی بۆ برسیانی Kurdistan بباراندایه‌! هاوكات بۆ معاره‌زه‌ی Îranی قه‌تلوعام زیاتر هیچی تر نه‌ده‌بوو!

كرێكار و زه‌حمه‌تكێشان

دیقه‌ت بده‌ن و ورد ببنه‌وه‌، تا ئێستا حاكمانی ره‌نگاوره‌نگ بۆ به‌رژه‌وه‌ندی خۆیان كۆیان له‌هیچ كارێكی نامه‌شروع و دژی ئینسانی نه‌كردۆته‌وه‌، به‌لایانه‌وه‌ گرنگ نه‌بووه‌، ئێوه‌ چیتان به‌سه‌ر دێ یان نایه‌ت؟

حاكمانێكی بێفه‌ڕ و نامه‌سئولی وا نه‌بۆته‌وه‌، ئه‌وه‌تا بۆ جه‌لاد و نوێنه‌ری حكومه‌تی دڕ و وه‌حشی وه‌ك جمهوری جه‌هلی ئیسلامی Îran نمایشتان پێده‌كات، له‌سوجده‌ ڕاتان ده‌گرێ، ئیهانه‌تێكی ترتان ده‌كه‌ن و چه‌ند كه‌س له‌و ئازادیخوازانه‌ كه‌ په‌نایان هێناوه‌ته‌ به‌ر ئێوه‌، له‌باوه‌شی بێره‌ونه‌قی ئێوه‌دا، له‌ Kurdistanی به‌Somall بوودا ئۆقره‌یان گرتووه‌، وازیان لێناهێنن و تیرۆریان ده‌كه‌ن!!

به‌سه‌ چی تر، قبوڵكردنی ئیهانه‌ت، خۆ ئێوه‌ وه‌ك حاكمان دۆم – له‌گه‌ڵ ئیحترامی زۆر بۆ ئه‌و خێڵه‌ – نیین، له‌ماڵی خۆتاندا ئیحترامی میوان نه‌گرن و له‌ماڵی خۆتاندا لێیان بده‌ن. ده‌نگی ناره‌زایه‌تی به‌رز بكه‌نه‌وه‌ و به‌هه‌ر شكل و شێوه‌یه‌ك كه‌ به‌گونجاوی ده‌زانن پارێزگارییان لێبكه‌ن، حاكمان بخه‌نه‌ ژێر فشار تا حه‌دێ بۆ گشت ئه‌و ده‌ستدرێژییانه‌ دابنرێت.

به‌ڵام به‌كێ ده‌ڵێی؟ خۆشباوه‌ری تاكه‌ی؟ ڕووناكرێته‌ حاكمانی بێفه‌ر. وه‌سیله‌ و شێوه‌ خه‌باتی تر زۆره‌، سه‌ربه‌خۆیانه‌ ده‌ستی بۆ ببررێت... كه‌واته‌، ماتڵی چیین؟ 1996.1.7
-------------
ئه‌و چه‌ند دێره‌ له‌شێوه‌ی به‌یاننامه‌دا گه‌رماوگه‌رم به‌تێراژی 500 دانه‌ به‌ناونیشانی ( په‌یامی جمهوری جه‌هلی ئیسلامی و حاكمانی Kurdistan، برسێتی و تیرۆر و جه‌هاله‌ته‌!! ) به‌ناوی پاشكۆ سیاسییه‌كه‌ی گۆڤاری ئه‌ده‌بی كرێكارییه‌وه‌ بڵاوكرایه‌وه‌.

11) لابردنی گه‌مارۆ

له‌م ڕۆژانه‌دا، سه‌ره‌تای مانگی شوبات به‌هۆی ملدان و ڕازیبوونی بكوژی یه‌كه‌می خه‌ڵكی كرێكار و زه‌حمه‌تكێشی Îraq به‌كورد و عه‌ره‌بییه‌وه‌، Sedam Huseîn ی فاشست، بۆ دانوسان له‌گه‌ڵ UN له‌سه‌ر ناردنی پیترۆڵ به‌رانبه‌ر به‌خۆراك، نرخی كاڵاكان له‌ سه‌دا په‌نجا دابه‌زی و هاته‌ خواره‌وه‌.

كه‌چی له‌م كات و ساته‌دا، لێره‌ له‌شاری Sleîmanî ئیداره‌ی حكوم كه‌ PUK كۆنترۆڵی كردووه‌، مووچه‌یان ڕاگرتووه‌! ئه‌م كاره‌یشیان بۆ ئه‌وه‌یه‌ تا ئێوه‌ به‌و تۆزه‌ پاره‌یه‌ - خوا له‌ده‌ستیا ببڕێ - كه‌ پێتانی ده‌ده‌ن، له‌م فورسه‌ته‌ سوود وه‌رنه‌گرن، پێداویسته‌ سه‌ره‌تاییه‌كانتانی پێنه‌كڕن و ئاهێكتان پیادا بێته‌وه‌!

له‌م چه‌ند ساڵه‌ی ڕابردووه‌دا ئیداره‌ی حكوم ئه‌مه‌ یه‌كه‌م كار و دواهه‌مین كاری نه‌بووه‌ و نییه‌ له‌دژی ئێوه‌ ده‌یكات. ئه‌وانه‌ ده‌ڵێی له‌خوێندا گرتونیان تا هێنده‌ داخ له‌دڵ و ڕقیان لێتانه‌ و واتان پێده‌كه‌ن 1 ئه‌وانه‌ حه‌ز ناكه‌ن پشوویه‌كتان پیابێته‌وه‌! ئه‌وانه‌ و زۆر حیزبی تر نایانه‌وێ گه‌مارۆی ئابووری وه‌حشیانه‌ی ئیمپریالیستان لا بچێت. نانی گه‌مارۆ ده‌خۆن!

كرێكار و كارمه‌ندانی ده‌وڵه‌تی

بۆ ڕاوه‌ستانه‌وه‌ له‌دژی ئه‌م كاره‌ و هه‌ر كارێكی تر خۆخواردنه‌وه‌ و خۆكڕكردن دادتان نادات و داشی ئه‌وان سوارتر ده‌بێت، بۆیه‌ ته‌نیا و ته‌نیا یه‌ك كار له‌به‌رده‌متانایه‌ ئه‌ویش : یه‌كگرتووانه‌ و سه‌ربه‌خۆیانه‌، به‌به‌رزكردنه‌وه‌ و به‌رێخستنی ناره‌زایه‌تی جۆراوجۆره‌كانتان ده‌توانن هه‌قی خوراوتان له‌قورگیان ده‌ربهێنن. ده‌ هیمه‌ت بكه‌ن...

نه‌فره‌ت له‌ Sedam Huseîn و داموده‌زگا سه‌ركوتكه‌ره‌كه‌ی و گه‌مارۆی ئابووری ئیمپریالیستان، پایه‌دار بێت هێزی له‌بن نه‌هاتووی خه‌ڵكی كرێكار و زه‌حمه‌تكێش. 1996.2.5
--------------
ئه‌م تێكستییه‌ به‌ناونیشانی ( به‌لابردنی گه‌مارۆ نانبڕاو ده‌بن ) بوو، وه‌ك به‌یاننامه‌ی پاشكۆ سیاسییه‌كه‌ی گۆڤاری ئه‌ده‌بی كرێكاری، به‌تێراژی 1000 دانه‌ بڵاوكرایه‌وه‌.

12) بزووتنه‌وەی ئیسلامی ته‌قه

له‌دوای ڕاپه‌رینه‌وه‌- ئازاری 1991 – كێشه‌ و ململانێی نێوان بزووتنه‌وه‌ ئه‌سڵییه‌ – كرێكار و سه‌رمایه‌داران – كۆمه‌ڵایه‌تییه‌كانی نێو ده‌روونی كۆمه‌ڵگای سه‌رمایه‌داری Kurdistan عوریانتر بۆته‌وه‌ و به‌زه‌قی خۆیان ده‌رخستووه‌، هه‌ر یه‌كه‌یان له‌چه‌ند مه‌یلی سیاسی جیاواز خۆیان ته‌عریف كردووه‌، ئه‌مه‌یش بۆ خۆی دیارده‌یه‌كی نوێ و ئیجابی به‌حساب دێت.

به‌هۆی چه‌ند عامله‌وه‌، ئه‌و مه‌یل و بۆچوونانه‌ له‌نێو خۆیاندا نه‌پرنگاونه‌ته‌وه‌ له‌هه‌ر كارێكی نائسوولی و نابه‌جێ له‌به‌رانبه‌ر یه‌كتردا، به‌پێی قانوونی جه‌نگه‌ڵ له‌هه‌وڵی خۆ سه‌پاندن و قورغ كردنی ناوچه‌ی نفوزدا له‌گه‌ڵ یه‌كتر بوون!

ده‌سته‌ و گرووپه‌ ئیسلامییه‌كانی نامۆ به‌كۆمه‌ڵگای مه‌ده‌نیش هه‌لیان بۆ ره‌خساوه‌ و به‌گووڕ و تینێكی بێ وێنه‌وه‌، به‌پێی توانا و له‌ ڕێگه‌ی هه‌ره‌شه‌ و گوره‌شه‌، گێچه‌ڵ و گه‌ركردن به‌م هێز و ئه‌و كه‌س، گۆمه‌كه‌یان شلێو و لیخن تر كردووه‌!

ئه‌مانه‌ جیاوازیان له‌چاو هێزه‌كانی تردا ئه‌وه‌ بووه‌ هێنده‌ دژی لایه‌نه‌ بچووك و موعاریزه‌كان – شیوعی، كۆمۆنیست، كرێكاری، پێشكه‌وتوخواز – بوون، نیو هێنده‌ له‌دژی حیزبه‌حاكمه‌كان KDP، PUK نه‌بوون! به‌ڵكوو له‌زۆر باردا به‌فیتیان جووڵاونه‌ته‌وه‌ و ته‌واوكه‌ری ئه‌وان بوون!!

بۆیه‌ غه‌ریب نییه‌، له‌هه‌ڵسووڕانیاندا نه‌ك هه‌ڵخرێنه‌ری جه‌ماوه‌ری زه‌ربه‌لێدراو و برسی نه‌بوون، بۆ داخوازییه‌ ئانی و ده‌ستبه‌جێكانیان، به‌ڵكوو هه‌میشه‌ خه‌ڵكیان له‌سه‌ر قانعبوون و ملشۆری و چاوله‌ده‌ستبوونی خێر و سه‌ده‌قه‌ و خۆهه‌ڵگرتن بۆ به‌هه‌شت و..... ڕاهێناوه‌!!

له‌مێژووی ئه‌م پێنج سه‌ڵه‌دا، كام گروپی ئیسلامی بینراوه‌ له‌پشت ناره‌زایه‌تییه‌كی جه‌ماوه‌رییه‌وه‌ ڕاوه‌ستابێ و بوو بێ؟؟

ئه‌مه‌ كارنامه‌ی گرووپه‌ ئیسلامییه‌كان بێت، ئه‌بێ خه‌ڵكی Kurdistan چ چاوه‌ڕوانییه‌كیان لێیان هه‌بێ؟ گه‌ر وردتر بكرێته‌وه‌، بزووتنه‌وه‌ی ئیسلامی له‌ Kurdistan بگێرێ، كه‌ خۆی له‌شارۆچكه‌ی Hellebceی كۆندا به‌حاكمی یه‌كه‌م ده‌زانێ و گوونی گوندار ده‌رده‌هێنێ، نه‌ك هێچ ڕیفۆرمێك – ئیسڵاحێكی به‌قازانجی خه‌ڵكی برسی نه‌كردووه‌، به‌ڵكوو هه‌رچی مه‌عالمی مه‌ده‌نی هه‌یه‌ نه‌یهێشتووه‌ و كردوویه‌تی به‌شاری( قـــــم و مــــه‌كــــه‌ )!! نه‌ك هه‌ر ئه‌وه‌، له‌به‌رانبه‌ر هه‌نگاوی مه‌ده‌نیانه‌ی تردا، بۆته‌ له‌مپه‌ر و زۆر به‌توندی ڕاوه‌ستاوه‌ته‌وه‌ .

تازه‌ترین یان به‌قه‌ولێكی تر عه‌یب و عارترین كارێك ئه‌وه‌ بوو، كه‌ ڕۆژی 1996.3.17 و له‌یادی كیمیابارانی Hellebceدا خولقاندیان : به‌به‌رچاوی هه‌زاره‌ها كه‌سه‌وه‌ په‌لاماریان برده‌ سه‌ر تیپێكی شانۆیی كه‌ خه‌ریكی نمایشكردنی شانۆیه‌ك بوون، ته‌نها له‌به‌ر ئه‌وه‌ی له‌گه‌ڵ عه‌قلی مۆمیاكراو و قرونی وستاییاندا نه‌ده‌هاته‌وه‌!!

ئه‌و هێرشه‌ بووه‌ مایه‌ی تێكچوونی پیسته‌پاڵه‌كه‌ و برنینداربوون و گیان له‌ده‌ستدانی ژماره‌یه‌ك هاوڵاتی له‌ ژن و مناڵ! به‌وه‌یش كیمیابارانی Hellebceیان به‌شێوه‌یه‌كی تر خولقانده‌وه‌!! هاوكات له‌گه‌ڵ ئه‌و هێرشه‌ نامه‌ردانه‌یه‌دا له‌نایناهه‌ق په‌لاماریان بردبووه‌ سه‌ر ژماره‌یه‌ك كادێر و ئه‌ندامانی حیزبی شیوعی Kuristanî îraq، كه‌ بۆ كارێكی تایبه‌ت چووبوونه‌ ئه‌و شارۆچكه‌یه‌!!

بزووتنه‌وه‌ی ئیسلامی، به‌م فه‌زیحه‌یه‌ی لاپه‌ره‌یه‌كی تری خسته‌ سه‌ر مێژووی ره‌شی خۆی، ئیسپاتتری كرد هێزێكه‌ گه‌ر جڵه‌وی حوكم بگرێته‌ ده‌ست، له‌ده‌وڵه‌ته‌ ئیستبدادییه‌كانی تری ناوچه‌كه‌ هیچی كه‌متر نابێ، به‌ڵكوو خراپتر ده‌بێ.

جا گه‌لی براده‌رینه‌ و خوشكینه‌ :

ئه‌و كاره‌ بێ په‌رده‌ و ڕووهه‌ڵماڵراوانه‌یه‌ی بزووتنه‌وه‌ی ئیسلامی كه‌ ده‌رهه‌ق به‌خه‌ڵكی برسی Hellebce كردی، بێجگه‌ له‌وه‌ی ئیهانه‌تێكه‌ له‌هه‌مان كاتدا زه‌نگێكی پر مه‌ترسییه‌، ده‌درێ به‌گوێی خه‌ڵكی Kurdistanدا، قابیلی قبولی نه‌ك خه‌ڵكی مه‌ده‌نی و ئازادیخواز نییه‌، به‌ڵكوو له‌و بڕوایه‌داین به‌شێكیش له‌ هێزه‌ ئیسلامییه‌كانی تر و خودی جه‌ماوه‌ری بزووتنه‌وه‌ی ئیسلامی ئه‌وه‌یان پێ قووت ناچێ و به‌ر نه‌فره‌ت و ناره‌زایه‌تی ده‌ده‌ن.

بۆیه‌ ئه‌ركی هه‌نووكه‌یی هه‌ر ئینسانێكی ناڕازی و لایه‌نه‌ عیلمانییه‌كانه‌ له‌به‌رانبه‌ر ئه‌و هێرشانه‌، له‌هه‌ر لایه‌نێكه‌وه‌ ده‌كرێته‌ سه‌ر جه‌ماوه‌ر، بێده‌نگ نه‌بن. بۆ به‌ربه‌ست كردن و له‌جێگا خۆدانانی ئه‌و مه‌ده‌ كۆنه‌په‌رستانه‌یه‌، به‌هه‌ر شكل و شێوه‌یه‌ك كه‌ به‌گونجاوی ده‌زانن سه‌ربه‌خۆیانه‌ ده‌ست به‌كار بن، هاوكاری یه‌كتر بكه‌ن ... بژی ئازادی بیروڕا. 1996.3.2
-------------
ئه‌م نووسراوه‌یه‌ به‌ناونیشانی ( بزووتنه‌وه‌ی ئیسلامی چی بۆ خه‌ڵكی Hellebce كردووه‌ تا ته‌قه‌یان لێده‌كات؟ ) له‌و مێژووه‌ی سه‌ره‌وه‌دا و گه‌رماو گه‌رم وه‌ك به‌یاننامه‌ به‌تیراژی زیاتر له‌ 1500 دانه‌ به‌ناوی پاشكۆی سیاسی گۆڤاری ئه‌ده‌بی كرێكارییه‌وه‌، بڵاوكراوه‌ته‌وه‌. له‌ هه‌مان كه‌ناڵدا واته‌ له‌ لاپه‌ره‌ 11 ژماره‌ 5 ی مانگی حوزه‌یرانی هه‌مان ساڵدا دووباره‌ كرایه‌وه‌.

13) تاوانی هه‌ڵه‌بجه و گه‌مارۆی ئابووری

خه‌ڵكی Kurdistan به‌تایبه‌ت كرێكارو زه‌حمه‌تكێشه‌كه‌ی به‌ده‌ست بۆرژوازی دواكه‌وتووی ناوخۆ و ئیقلیمییه‌وه‌ گیریخواردووه‌! سات نا ساتێك به‌رووڕووی كاره‌سات و چوورتمی وایده‌كه‌نه‌وه‌ ده‌كرێت بووترێ له‌مێژووی به‌شه‌ری ئه‌م سه‌ر زه‌مێنه‌دا وێنه‌ی ته‌ڵخ و دزێوی له‌و جۆره‌ نابینرێته‌وه‌!!

كیمیابارانی شارۆچكه‌ی Hellebce كه‌ به‌ر له‌ 8 ساڵ ڕوویدا، یه‌كێكه‌ له‌و كاره‌سات و تاوانه‌ وه‌حشیانه‌یه‌ی كه‌ هه‌نده‌ جه‌رگبڕبوو، ته‌نانه‌ت به‌شێكیش له‌بۆرژوازی نیگه‌ران كرد. به‌شه‌رییه‌تی مه‌ده‌نی هێنایه‌ له‌رزه‌.

به‌ڵێ، خه‌ڵكی زه‌حمه‌تكێشی ئه‌و شارۆچكه‌یه‌ له‌نایناهه‌ق بوونه‌ قوربانی كایه‌یه‌كی ره‌زیلانه‌ و كه‌سیفی بۆرژوازی عه‌ره‌بی و فارسی و كوردی.

جا گه‌لی براده‌ر و خوشكینه‌

كاره‌ساتی Hellebce بۆ ئێمه‌ی كرێكار و زه‌حمه‌تكێش ئه‌وه‌ ده‌گه‌یه‌نێ كه‌ خێروبێری سیسته‌می سه‌رمایه‌داری غه‌یره‌ برسێتی و ماڵوێرانی و تاوان و قه‌تلوعام و....شتێكی تر نییه‌ و نابێت. ته‌نها وه‌ڵامێكی ددانشكێن له‌به‌رانبه‌ر ئه‌و سیسته‌مه‌ زاڵمانه‌یه‌دا ئه‌وه‌یه‌ :

یه‌كده‌نگی و هاوپشتی و رێكخراویبوونی خۆمان گه‌شه‌ پێبده‌ین و بپارێزین، هه‌وڵدان بۆ كۆمه‌ڵگایه‌كی ئازاد و یه‌كسان، كۆمه‌ڵگایه‌ك به‌خواستی ئازادانه‌ی خۆمان بچه‌رخێت... نه‌فره‌ت له‌خوڵقێنه‌رانی گه‌وره‌ و بچوكی تاوانی وه‌حشیانه‌ی هه‌ڵه‌بجه‌. 1996.3.16
--------------
ئه‌م چه‌ند دێره‌ به‌ناونیشانی ( تاوانی Hellebce و گه‌مارۆی ئابووری ته‌نها له‌سه‌رمایه‌داری ده‌وه‌شێته‌وه‌ ) وه‌ك به‌یاننامه‌ی پاشكۆ سیاسییه‌كه‌ی گۆڤاری ئه‌ده‌بی كرێكاری به‌تیراژی 300 دانه‌ بڵاوكرایه‌وه‌.

14) یه‌كسانی ژن و پیاو

8 ی مارس- ئازار ڕۆژێكی مێژوویی و پرشنگداری به‌شه‌رییه‌تی چه‌وساوه‌یه‌. له‌ڕۆژێكی وه‌ك ئه‌مڕۆدا له‌گۆشه‌یه‌كی ئه‌م دنیا پانوپۆره‌دا ژنانی كرێكار به‌ده‌نگی توره‌ ئه‌ما بڵند نركاندیان :

به‌سه‌ چیتر كۆیله‌تی، پله‌ دوویی، بێحورمه‌تی و بێبه‌شی و... ئێمه‌یش مرۆڤین له‌خوێن و گۆشت دروست بووین، حه‌ق و حقوقی خۆمان هه‌یه‌ و ده‌وێت، بژی یه‌كسانی نێوان ژن و پیاو.

بۆ ئێمه‌ی كۆمۆنیست جێی شانازی و سه‌ربه‌رزییه‌ كه‌ له‌و كات و ساته‌دا توانیومانه‌ ببینه‌ پشت و په‌نای به‌لامنازعس ئه‌و بزووتنه‌وه‌ ناره‌زایه‌تی و به‌رهه‌قه‌، جێپه‌نجه‌ی خۆمان به‌جێبهێڵین، له‌ئاستی جیهاندا 8ی مارس - ئازار بكه‌ین به‌ڕۆژی ژنان و ره‌سمیه‌تی پێبده‌ین.

هه‌ر له‌م بۆنه‌یه‌دا به‌هه‌لی ده‌زانیین وێرای پیرۆزبایی له‌ژنان به‌تایبه‌تی ژنانی كرێكار و زه‌حمه‌تكێش بكه‌ین. له‌هه‌مان كاتدا وه‌ك هه‌میشه‌ ده‌نگمان له‌گه‌ڵ ده‌نگیان ئاوێته‌ و تێكه‌ڵ ده‌كه‌ین، پێكه‌وه‌ به‌ره‌ و داسه‌پاندنی داخوازییه‌ ئابووری و كۆمه‌ڵایه‌تی و سیاسییه‌كانمان، به‌ره‌ و كۆمه‌ڵگایه‌كی بێ چین و چه‌وسانه‌وه‌... پایه‌دار بێت بزووتنه‌وه‌ی یه‌كسانیخوازی. 1996.3.8
--------------
ئه‌م چه‌ند دێره‌ به‌ناونیشانی ( له‌ 8ی مارس، بژی یه‌كسانی نێوان ژن و پیاو ) وه‌ك به‌یاننامه‌ی پاشكۆ سیاسییه‌كه‌ی گۆڤاری ئه‌ده‌بی كرێكاری به‌تێراژی 250 دانه‌ بڵاوكرایه‌وه‌.

15) بڕینی مووچه

هه‌روه‌ك ده‌بینن، ئه‌وه‌ چه‌ند په‌یپی ناسك و شاعیری یه‌كێ له‌ سیاسه‌تداڕێژه‌رانی حكومه‌تی هه‌رێم – نا... نا ببوورن حكومه‌تی KDP – ئه‌و KDPیه‌ی كه‌ چه‌ند ساڵ له‌مه‌وبه‌ر، به‌ده‌قیقی ماوه‌یه‌ك پێش شه‌ری كۆنه‌په‌رستانه‌ی ناوخۆ، له‌ هۆڵی په‌رله‌مان بۆ دیفاع له‌ گوزه‌رانی فه‌رمانبه‌ران، له‌هه‌مان كاتدا بۆ مزایه‌ده‌ كردن به‌سه‌ر PUKیه‌وه‌ سه‌رسه‌ختانه‌ ده‌نگی به‌زیادكردنی مووچه‌دا.

فیعله‌ن بڕیاره‌كه‌ بۆ ماوه‌ی دوو مانگ جێبه‌جێ كرا، فه‌رمانبه‌ران به‌ری ره‌نجی ناره‌زایه‌تییان سه‌ركه‌وتوانه‌ چنییه‌وه‌، ئاهێكیان پیاداهاته‌وه‌. به‌ڵام، به‌هه‌ڵگیرسانی شه‌ری ناوخۆ، بڕیاره‌كه‌ قڵپ كرایه‌وه‌، له‌ قوڕقوڕاگه‌یان ده‌رهێنرایه‌وه‌!

دوابه‌دوای ڕووداوه‌كانی مانگی ئاب و كۆنترۆڵكردنی حكوم له‌لایه‌ن KDPیه‌وه‌، به‌هاوكاری حكومه‌ته‌ به‌ڕێزه‌كه‌ی به‌غا! له‌جیاتی قه‌ره‌بووكردنه‌وه‌ و پیشاندانی وه‌فاداری بۆ فه‌رمانبه‌رانی برسی كراو، پێدانی هه‌موو حه‌ق و حقوقه‌كانی له‌وه‌به‌ریان، زۆر ئازایانه‌ هاتن به‌وێنه‌ی ده‌سته‌ خوشكه‌كه‌یان – PUK – به‌بڕوبیانوی زۆر لاواز، گوایه‌ نرخی دینار سێ به‌رامبه‌ری جارانه‌!! ناوكی فه‌رمانبه‌رانیان خست، ده‌ستیان به‌دابه‌شكردنی مووچه‌ كرد به‌بێ زیاده‌كه‌ی په‌رله‌مانی مرداره‌وه‌ بوو!!

ته‌نها قسه‌ی پڕبه‌پێست بۆ كرده‌وه‌یه‌كی دژی ئینسانی و دژی كرێكاری وا كه‌ كاربه‌ده‌ستانی تازه‌كوره‌ی KDP پێی هه‌ڵساون ئه‌وه‌یه‌ : مانگه‌ شه‌و سه‌ر له‌ئێواره‌ دیاره‌ و بانێكه‌ و دوو هه‌وا، هێشتا لای KDP زه‌مانی ته‌قیانووسه‌كه‌یه‌!؟ 1996.10.5
--------------
ئه‌م چه‌ند دێره‌ به‌ناونیشانی( KDP له‌ بڕینی مووچه‌دا لاسایی PUK ده‌كاته‌وه‌!! ) وه‌ك به‌یاننامه‌ی پاشكۆ سیاسییه‌كه‌س گۆڤاری ئه‌ده‌بی كرێكاری به‌تیراژی 400 دانه‌ بڵاوكرایه‌وه‌.

16) گرتنی نووسه‌ر

ئێواره‌ی ڕۆژی سێشه‌ممه‌ رێكه‌وتی 8 / 10 / 1996 له‌به‌رده‌ركی سه‌را، له‌به‌رچاوی خه‌ڵكی له‌لایه‌ن سێ چه‌كداره‌وه‌، برای نووسه‌ر كاك Azad Tofîq و برای ڕۆژنامه‌نووس كاك Aram Îsmaîl ڕاپێشی شوێنێكی نادیار كراون!!

ئه‌و كاره‌ به‌هه‌ر بیانوویه‌كه‌وه‌ بێت بۆ خۆی پێشێلكردنی سه‌ره‌تاییترین مافی مرۆڤه‌، كه‌ هێچ كه‌سێكی مه‌ده‌نی قبوولی ناكات. له‌هه‌مان كاتدا لادانێكی وازیحه‌ له‌و وه‌عد و به‌ڵێنانه‌ی كه‌ كاك Mesaud Barzanî داوییه‌تی به‌جه‌ماوه‌ری خه‌ڵكی Kurdistan.

بۆیه‌ لێره‌وه‌ خوازیاری بێقه‌ید و شه‌رت و ده‌ستبه‌جێ و ئازادكردنی ئه‌و دوو هاوڕێ نووسه‌ره‌مانیین، هه‌ر چه‌نده‌ ئایدۆلۆژییه‌ن له‌گه‌ڵیاندا نایه‌ینه‌وه‌..... به‌رقه‌رار بێت ئازادی قه‌له‌م.

له‌گه‌ڵ ئه‌و په‌ری ڕێزماندا چوارشه‌ممه‌ 1996.10.9

تێبینی : ئه‌و نووسه‌ره‌ به‌ڕێزانه‌ له‌هه‌مان ڕۆژدا دوای 29 ده‌مژمێر ئازاد كران.
-------------
ئه‌و چه‌ند دێره‌ وه‌ك یاداشتنامه‌ی گۆڤاری ئه‌ده‌بی كرێكاری، بۆ پارێزگاری Sleîmanî به‌رز كرایه‌وه‌ و هاوكات به‌تێراژی 200 دانه‌یش بڵاوكرایه‌وه‌ .

17) له‌شکرکێشی جمهوری ئیسلامی ئێران مه‌حکومه‌

ڕۆژی 28ی ته‌مووز 1996 هێزێکی گه‌وره‌ی ئه‌رته‌ش و پاسدارانی سه‌رکوتگه‌ریجمهوری ئیسلامی ئێران، به‌مه‌به‌ستی تۆڵه‌سه‌ندنه‌وه‌ به‌به‌رچاو یان به‌چاوساغی ده‌سه‌ڵاتدارانی ینک له‌ناخافڵ په‌لاماری ئۆردوگاکانی حیزبی دیموکراتی کوردستانی ئێران له‌ده‌ووروبه‌ری شارۆچکه‌ی کۆیه‌ داوه‌! که‌ بووه‌ مایه‌ی له‌ده‌ستدان و وێرانکردن و ئاواره‌بوونی ئه‌و شۆڕشگیره‌ ئازیزانه‌ی که‌ له‌تاو زوڵم و زۆری بێڕه‌زای جمهوری ئیسلامی ئێران په‌نایان هیناوه‌ته‌ به‌ر سفره‌ی خاڵی و خاکی تینوی خه‌ڵکی کوردستانی عێراق.

ده‌وڵه‌تانی دراوسێی کوردستانی عێراق زۆر بێشه‌رمانه‌ بێئه‌وه‌ی ڕێز و نرخ بۆ خه‌ڵکی و ده‌سه‌ڵاتداراسنی کوردستان دابنێن! ئه‌وه‌ چه‌نده‌هاجاره‌ له‌به‌رانبه‌ر هێزه‌ معارزه‌کانی خۆیاندا ملهوڕانه‌ له‌شکرکێشی گه‌وره‌ و بچووکیان کردۆته‌ سه‌ر خه‌ڵک و خاکی کوردستان که‌ بۆته‌ مایه‌ی مالوێرانی و په‌شێوی زیاتر...!

هێزه‌ معارزه‌کانی کوردی ئێران له‌دوای ڕاپه‌ڕینه‌وه‌ - ئازاری 1991 - به‌خاتری خه‌ڵکی کوردستانی عێراق، کاروچالاکی سه‌ربازییان ڕاگرتووه‌. که‌چی ینک نه‌ک ڕێزی له‌و هه‌ڵوێسته‌ جوامێرانه‌یه‌یان نه‌گرتووه‌، به‌ڵکوو بۆ دڵ ڕازیکردنی ئه‌و ده‌وڵه‌ته‌ چاوپۆشی له‌زۆر کاری تیرۆریستی بانده‌ مرۆڤکوژه‌کان کردووه‌!

هه‌روه‌ک بیستمان له‌پێناو به‌رژه‌وه‌ندی ته‌سکیدا و به‌هۆی شه‌ری ناوخۆیه‌وه‌، به‌بڕوبیانوی جۆراوجۆر بێجگه‌ له‌و ڕێگری و به‌ربه‌ستانه‌، ڕێگاشیان بۆ ئه‌م له‌شکرکێشییه‌ی دوایی خۆشکرد! ئه‌م سیاسه‌ت و مه‌نتق و په‌له‌قاژێیه‌ ته‌نها قابیلی (ینک)ه‌ و له‌و ده‌وه‌شێته‌وه‌!

هه‌ر له‌م دید و بۆچوونه‌وه‌ ئێمه‌ ئیمزاکه‌رانی لای خواره‌وه‌، وێرای مه‌حکومکردنی ئه‌و هێرشه‌ دژی ئینسانییه‌ی جمهوری ئیسلامی ئێران. له‌هه‌مان کاتدا نه‌فره‌ت و بێزاری له‌به‌رامبه‌ر ئه‌و کاره‌ سازشکارانه‌ی ینک ده‌رده‌بڕین.
---------
که‌ ڕووداوی ئاماژه‌بۆکراو ڕوویدا من له‌شه‌قڵاوه‌ بووم، هه‌وڵمدا ئیمزا کۆبکه‌مه‌وه‌ وابزانم چه‌ند که‌سیشم وه‌رگرت، سه‌رودانه‌ کۆپییه‌که‌یم هینده‌ی بیرم بێ دا به‌گۆڤاری گوڵان و برایه‌تی. به‌ڵام ڕووناکی نه‌بینی.