08‏/01‏/2018

️لە چەند دێڕێکدا.. ئێران و خۆپیشاندان

ئێ قەیچێکا دەستی دەرەکیش بێت🇮🇷

ئەم مامۆستا نەجمە(هاواری ئازادی) گۆرانیبێژەش، لەبەر ئەوەی لەبەرەی چەپە حەز دەکات دەسەڵاتدارانی ئێرانی ئێسلامی بڕوخێت، وەک ئێرانیییەک هاتۆتە وەڵام دەڵێت: دەستی دەرەکی نییە، بەڵکوو خەڵکی خۆیانن ڕاپەڕیون، بەڵام مامۆستا ئەوەی بیرچووە، ئێ قەیچێکا دەستی ئەوانیش بێت، گرنگ ئەوەیە دەسەڵاتی ئیسلامی لە ئێران بڕوات، قۆناغێکی نوێ دەست پێ بکات، ئەی لە کۆنەوە نەیان وتووە پیسی بەپیسی لادەچێت و زاڵم زەواڵی بۆ دەبێت(ئەزموونی لابردنی سەدام حسەین لەلایەن ئەمەریکاوە، باشترین نموونەیە کە پیسی بە پیسی لادەچێت).. بەڵام هەرچۆن ئەو جووڵانەوەیە ئەمدیوئەودیوی دەکەیت و هەڵی دەسەنگێنێت، لەوە دەچێت نەیارانی ڕیفۆرمخوازنی دەسەڵاتدارانی ئێستا کە حیزبوڵاییەکانن، لە پشت ناڕەزایەتییەکانەوە بن.. ئیتر داهاتوو بۆمان دەردەخات ئەو ناڕەزایەتیانە خۆبەخۆ بووە یان قورمیشکراو...
عەباس شوان  ٥ کانوونی دووەم‏ ٢٠١٨

مەبن بە کوێخای کوردی ئێران

کاک ڕێبوار فەتاح، فاوڵ، کەوتیتە تەڵەوە، ئێمەی کوردی هەرێمی کوردستانی عێراق لە ناکۆکییەکانی نێوان خۆمادا نیگەران بووین لەوەی بەشێک لە کوردەکانی ئێران و... چ لەناوخۆ چ لە دەرەوەی وڵات لووت دەژەندنە کاروبارمانەوە و بە بەرژەوەندی لایەکی کێشەکە کە زیاتر پارتی بوو، دەجووڵانەوە، ئێمە پێمان دەووتن مەبنە لقێکی تری پارتی و ڕۆڵی تابوری پێنجهەم مەگێڕن، بەناوی کوردایەتییەوە ئاو مەکەن بەڕەگی دیکتاتۆرییەتی پارتیدا.. خەریکی کێشەی کوردستانەکەی خۆتان بن، کەچێ ئێوە و ژمارەیەکی تر هەڵوێست پێشووترتان بیرچۆتەوە، لە ناڕەزایەتییەکانی ئەم چەندد ڕۆژەی ئێران هەمان کایە و ڕۆڵی ئەوان دەگێڕن و ڕێنماییان دەکەن کە وا بکەن، وا مەکەن، هانی جووڵاندیان دەدەن.. بانێکە دووهەوا، خەریکی کێشەکانی خۆمان بین باشترە...
عەباس شوان  ٣ کانوونی دووەم‏ ٢٠١٨

لە پەراوێزی بابەتەکەدا:
سڵاو کاک شەهرام حاتەمی، بەشێک کە بەدواداچوونەکەت جۆرێک لە تێکەڵی پێوە دیارە، فۆکست لەسەر ئەسڵی بابەتەکە نییە بۆیە شایەنی وەڵامدانەوە و لەسەر وەستان نییە..
بەڵام ئێمە بە ڕوونی ڕەخنەمان لە ژمارەیەک کوردی عێراقی خۆمان گرتووە کە خەریکن بەدەردی ژمارەیەک لە کوردی ئێران دەچن، کوردایەتی و مامۆستایەتی و... دەفرۆشنەوە! کە قسە لەگەل هەر کوردێکی ئێران و تورکیا و سووریا بکەیت گاڵتە بە عەقلی ئەوی دی دێت.. هەرچوار بەری کوردستان کەس لە خۆیان بە عاقل تر نازانن، ئێمە کە ئەوە دەزانیین ئیتر بۆ سەری خۆمان بە کێشەی دەرەکی ئەوانەوە بهێشێنین. کەواتە نابەجێیە کوردێکی ئەو دیو قسە لەسەر کێشەیەک بکات کە لێی نازانێت و گوێی لێ ناگیرێت.. بە بەپێچەوانەشەوە بۆ کوردی کوردستانەکانی تر.
من دژی لووت ژەندنە کارووباری یەکترییەوە ئیتر هەر کەس و حیزبێک بێت.. تۆ بەم قسەت دەیسەلمێنت وەک پێ کە کە و پارتەکەی مەسعود بارزانی وایت، قەیچێکا کە لووت دەژەننە فڵان کوردستان و فیسار کوردستان و حیزبیان بۆ پێک دەهێنن گوایە خۆیان ژن و پیاوی سیاسی و خەڵکی دانایان نییە.. وەک جیڤارا دێن خەڵکی تر ڕزگار دەکەن، ئەوە هزری ئەنتەرناسیۆناڵی کۆمۆنیستەکانە، بەڵام لە قۆزاخەی کوردستانەکاندا لە لای بەڕێزت پەنگی خواردۆتەوە. دووبارەی دەڵێم خەریکی کێشەکانی خۆتان بن، ئەوانی تریش هەروەها.. ئەوە کوردایەتی ڕاستەقینەیە.
عەباس شوان  ٦ کانوونی دووەم‏ ٢٠١٨

ئایا ئۆپۆزسیۆنی ئێرانی لە کۆڵ هەرێم دەبنەوە؟🇮🇷

ئەوە یەکدوو رۆژە خۆپیشاندان لە چەند شاری ئێران بە ناوچە کوردنشینەکانیشەوە بەرپا بووە، گریمان ئەو ناڕەزایەتیانە وەک ئەوەی ساڵی ١٩٧٩ بەسەر ئەنجامی باش دەگات، ئەم حکومەتە لا دەچێت، دانەیەکی تر جێی دەگرێتەوە، لەم نێوەدا چی لە پەیوەندی نێوان کوردی هەرێمی کوردستانی عێراق چ لەگەڵ حکومەتی داهاتوو چ لەگەڵ ئەو ئۆپۆزسیۆنە دابەستەیەی دەرەوەی ئێران ڕوودەدات و دەگۆڕێت؟ پێشبینی ئەوە دەکرێت حکومەتە لۆکاڵییەکانی هەرێم درێژە بە پەیوەندی خۆیان بە حکومەتە نوێکەی دراوسێ زەبەلاحەکەیانەوە بدەین، بەشی زۆری کوردە ئاوارەکانی ئێران بەتایبەتی ئەوانەی لووت لە ئۆپۆزسیۆن بوون دەدەن دەڕۆنەوە، نایانپەرژێتە سەر کێشە دەرەکییەکان بەپلەی یەکەم لە کۆڵ هەرێم دەبنەوە سەرقاڵی خۆیان دەبن.. ئیتر پێشبینی ئەوە ناکرێت چوونەوە بۆ ناوخۆی ئێران هەنگاوێک دەبێت بۆ واز لە کلکایەتی پارتی و یەکێتی و عەرەبەکانی کەنداو و تورکیا. 
عەباس شوان  ‏٢ کانوونی دووەم‏ ٢٠١٨ 

07‏/11‏/2017

ئاشبەتاڵەکەی کەتەلۆنیا و هەرێمی کوردستانی عێراق

ڕێفراندۆمی کەتەلۆنیا وەک هەرێمی کوردستان بوو
ئەم کاریکاتێرە هی هونەرمەندێکی ئیتالی بەناوی Marco De Angelis وەیە، زۆر هونەریانە ڕێفراندۆمەکەی هەرێمی کەتەلۆنیای ئیسپانیا ڕەنگڕێژ کردووە، بکەرانی ئەو کارە بەرەو چ چارەنووسێکی پر مەترسی دەبات... گەر ئالاکە ئەو کاریکاتێرە بۆ ئاڵای هەرێمی کوردستانی عێراق بگۆڕین و ئەوەشی لەناو بەلەمەکەدایە بە سەرۆکی پارتی دیموکراتی کوردستانی عێراق دابنێن.. هەمان چارەنووس، وەک دەبینن دوای هەڵپەساردنی ڕێفراندۆمە فاشلەکە حکومەتی بەناو هەریمی کوردستان دەڵێن ڕیخمان خوارد ئێمە کردمان ئێوە نەیکەن، حکومەتی عێراقییە شیعەکان پێیان ناڵێن عافێتتان بێت...  سەرشێتیەکەی ئەو کابرایە ئەوە ئەنجامێتی، ئۆپۆزسیۆنی هەجین کە بزووتنەوەی گۆران و کۆمەڵی ئیسلامی نوێنەرایەتی دەکەن، دەیانەوێت حکومەتی نێچیر وقوباد نەمێنێت، گوایە ئەلتەرناتیڤیان حکومەتی ڕزگاری نیشتمانییە، ئەمە هەنگاوێکی تا ڕادەیەک ئازایانەیە، بەڵام خۆیان بە هەڵەدا دەبەن، چوونکە ئەو شکستە ئەو ئاشبەتاڵە گەورەیە لوقمانی حەکیمیش ڕاستی ناکاتەوە، لەبەر ئەوەی بەردێک نەزان فڕیدا بە حەوت حەکیم چاک ناکرێتەوە.. با ئاوڕێک لە مێژووی نزیک بدەنەوە و شەڕی نێوان پارتی و یەکێتی بەبیربهێننەوە کە هێشتا باری کەچی ئەوە ڕاست نەکراوەتەوە، ئەم ڕێفراندۆمە هاتە بانی، کەواتە ئەم ئاشبەتاڵە و گەنم گرتی جۆبڵاوە زۆری دەوێت.. جا وا باشترە خۆیان نەخەنە ئەو یارییە و هاوکێشەیەکەوە کە ئەوسەری دیار نییە، بەو هۆیەوە سومعەی پاکیشیان پێ لەدەست دەدەن. عەباس شوان ٢٠١٧.١١.٧

28‏/10‏/2017

چەند هەڵوەشاندنەوەیەک پێویستە؟

وای بۆ دەچم...
ماوەیەکە قسە لەسەر پۆستی سەرۆکی هەرێمە دەڵێن زیادەیە و مایەی کێشەیە، ئەگەر ئەو پۆستە زیالەسکە نەبوایە کوردی عێراق لەناوخۆیاندا تەبادەبوون و ڕووبەڕووی لێکترزان نەدەبوونەوە، کەواتە ئەو پۆستە لەعنەتییە کێشە خولقێنە. لەم هەڵوەشاندنەوەیەوە بۆ چەند هەڵوەشاندنەوەی تر، وەک هەموو ئاگادارین پەرلەمان و حکومەتیش بۆتە یاری دەستی پارتی لەبەر ئەوەی کەوتۆتە زۆنی زەردەوە، کەواتە ئەسڵەن ئەوانیش پێویست نیین، ئەوەی گرنگ بێت حکومەت و ئەنجوومەنی پارێزگاکانە، ئەگەر ڕۆژێک لە ڕۆژان پارتێکش داگیر یان پەکیان بخات، ئەوا کاریگەری ئەوتۆی لەسەر کۆی وڵاتە و هەرێمە نابێت، ئەو ئەنجوومەنانە پەرلەمانی بچووکراوەن، وا باشترە بەهێز بکرێن.. ئەوە ئەوانن ڕۆڵی گرنگ و ڕاستەخۆ لە ژیانی خەڵکی شارەکاندا دەبینن، نەک پەرلەمان و حکومەتە ناوەندییەکانی بەغداد و هەولێر.. عەباس شوان ٢٠١٧.١٠.٢٨

25‏/10‏/2017

ئەلفاتحا! ڕێفراندۆم بە مردوویی لەدایکبوو


بۆ ئەوانەی خۆیان شین و مۆر کردبووە، فاتیحا بۆ گیانی ڕێفراندۆمەکە، خۆتان خۆش بن.. خۆت بۆ بۆرە پیاو بدە بەکوشت دەڵێت بە دەردی خوا مرد... چەندمان وت مەکەن، خۆتان لێ نەگۆڕێت، گرووپە بچووکەکان لەئاست زەبەلاحەکاندا تەنها یاشێخ بە شاڵت قەستەمیان لەسەرە.. ناخۆشتر بۆ بەشێک و ژمارەیەکی دیاریکراوی کوردی پارچەکانی ترە، کە بووبوون بە قەرەقۆزی پارتی و سەرۆکەکەی، ئێمەی خانەخوێیان تاوانبار دەکرد، ئێمە هێڵی عەقلانی ناو کۆمەڵگای خۆمانیین نەک خەڵکی تر و ..
وەک بی بی سی ئنگلیزی دەڵێت: حکومەتی پارتی و یەکێتی ئەنجامی ڕیفراندۆمەکەیان سڕ کرد.

پەرلەمانی کارتۆنی پارتی

ئێمە زوو وتمان پەرلەمان بۆتە مەجلسی تەشریعی و تەنفیزییەکەی سەردەمی سەدام حسەین بەڵام لەبەرگی زەردی پارتیدا، یەکێتی و یەکگرتوو و بۆقە بچووکەکانی تر ڕۆیشتن و خۆیان بە پەنگ کرد.. لەشان و شەوکەتتان دێت پیرۆزتان بێت... زۆر جێی سەرسووڕمانە دوای ئەو هەموو سووکایەتییە کە بە ڕابەڕانی یەکێتی لەسەر ڕووداوەکانی ١٦ی مانگی کەرکووک لەلایەن پارتییەکان پێیان کرا و تا ئێستا درێژەی هەیە، ئەوەندە ڕوو قایم بیت دووبارە لەگەڵیاندا بچیتەوە ژێر سەقفێک... ماسین تەڕتەڕ نەباشەیە... شەیتان هاوار.. مردن نەماوە  عەباس شوان ٢٠١٧.١٠.٢٤

لە چەند دێڕدا ٢٠١٧

- "من رزگارکەری گەلەکان نیم، رزگارکەری گەلان بوونیان نییە، گەلان خۆیان خۆیان رزگار دەکەن" چێ گيفارا

وەڵا کاک مەجید ساڵح، قەت شایەتمان ناهێنم بە دیار قسەی وادا، چوونکە ئەو زاتە چێ گیڤارا(١٩٢٨-١٩٦٧)یە خۆی دوای بەشداری لە ڕزگارکردنی کوبا ئۆقرەی نەگرت، بەمەبەستی ڕزگارکردنی وڵاتێکی تر ڕۆیشت بۆ بۆلیڤیا، لەوێ گیانی بەخت کرد.... هەر ئەم کردەوەیشی بووە هۆی ناوبانگی جیهانی.. ئەمەیش ڕێک بەپێچەوانەی ئەو وتەیەوە، بەڵام لەوە دەچێت هی ئەو نەبێت... بۆیە سەرچاوە پێویستە بخرێتە ڕوو تا خوێنەر قەناعەت بکات... ٢١ کانوونی یەکەم، ٢٠١٧

سلێمانی لە هەولێر دەچێت!

کاک شوان سدیق، پێم وایە هۆی ئەوەی کە هەولێر لەگەڵ شارێکی یاخی وەک سلێمانی ناجووڵێت بۆ ئەوەیە کە خەڵکی ئەو شارە باری ئابووریان بەهۆی سەنتەربوونەوە لە خەڵکی شارەکانی تر باشترە، خەڵکێکیش باش بژێو بێت بۆ زۆر مەسائیل ناجووڵێت، گەر ڕەواش بێت، چاوپۆشیش لە خراپی دەسەڵات دەکات، ئیتر هەر کەس و پارتێک بێت... بیرمان نەچێت کە هەولێر تەنها کوردی تێدا نییە، بەڵکوو وەک کەرکووک تێکەڵە و تورکمانی تێدایە.. بەتایبەتی دوای ٣١ی ئاب بۆ گۆڕینی پێکهاتەکەی خەڵکی دەڤەری بادینانیان تێدا چاندووە.. ١٨ کانوونی یەکەم، ٢٠١٧

قەلەمی مشت نوقاو

هەواڵەکان بۆ گۆڕانکاری لە دەسەڵاتی حیزب و حکومەتە لۆکاڵییەکان لەلایەن خەڵکی ناڕازی جێی ئومێد و دڵخۆشییە، بەڵکوو ئەمجارە ئەو ٢ گەنجە عەقل ئێکسپایەربووە ڕابماڵرێن، ئەرکی ئەهلی ئەدەب و هونەرەجوانەکان هاوشانی کردنی جەماوەرەکەیە، هاوکات پەرەپێدانی هونەری یاخی و بەرگری.. ڕۆڵی ئەکتیڤی ئەدەب و هونەر گوڕ و تینی زیاتر بە ناڕازیان دەبەخشێت...عەباس شوان/ فینلاند
-------
وێنەکە وەرگیراوە و کەمێک دەستکاریم کردووە و تێکستە کوردییەکەیم خستۆتە بانی... ١٨ کانوونی یەکەم، ٢٠١٧

یاداوەرییەکانی ڕابردوو

شەستەکانی سەدەی ڕابردوو لە گەرەکی مەڵکەنی شاری سلیمانی کابرایەکی خانەقینی کەواوسەڵتەلەبەری جامانەی ڕەش و کڵاو سیی کۆڵانەوکۆڵان دەگەڕا و هاواری دەکرد: کاش ئەشکال فەخفوری.. لە زاری نوخشەی کچی جەلالی ئەورەحمانە خرەی خەیاتەوە...١٧ کانوونی یەکەم، ٢٠١٧

بۆشە بۆش
ئەمەریکا خوای سەرزەوی عێراقە، خۆتان کەر مەکەن!
لەم یارییەشدا حکومەتە دۆڕاو و شکستخواردووەکەی پارتی و یەکێتی سەرچیغ دەچن و چوون، ڕێفراندۆم بووە هۆی شکستی گەورە نەک بۆ خۆیان بەڵکوو بۆ کۆی گشتی کوردی کوردستانی عێراق، نایانەوێت بەتەنها ڕسوا بن، دەبێت خەڵکیش لەگەڵ خۆیاندا بەقوڕدا بەرن.. خراپترین تۆژاڵی سیاسی لەو هەرێمەدا دەدۆزیتەوە.. 
ئەو ئاشبەتاڵچیانە ئەمەریکا سزای داون کەچی دەچن تەشەبوس بە فەرەنسا و ئەڵەمانیا و ژمارەیەک پەکەوتەی ئەمەریکی دەکەن، ئەمە لە کاتێکدا ئەمەریکا سزای داون و ڕسوای کردوون، کەواتە ئەورووپییەکان حەدیان چییە لە قسەی ئەو خوایە لادەدەن.. ‏٢ کانوونی یەکەم، ٢٠١٧

گۆرانییەکانی قادسییەی پارتی و یەکێتی دۆڕاو ڕابگرن، داڕزێن


داعش خێری نەنووسێت کە گۆرانییەکانی هاوشێوەی سەردەمی بەعسیان لای پارتی و یەکێتی زیندوو کردەوە،هیچێتی زۆر گۆرانیبێژمان بۆ دەرکەوت کە ئەو گۆرانیانەیان بێژا. لە دوای ئاشبەتاڵی ١٦ی مانگی ڕابردوو هێشتا لە میدیا بینراوەکانەوە بێشەرمانە ئەو گۆرانییە بێبایەخانە پیشان دەدەنەوە... ٢١ تشرینی دووەم، ٢٠١٧

- میلیشیاکانی پارتی و یەکێتی ڕێوین!
خەڵک مزاهەرەی نەدەکرد و نەیاندەگەیاندە تووندوتیژی وا کە حکومەت بڕوخێنن٫ قەتلوعامیان بکەن٫ سەرفەنەزەریان دەکرد. لەولاشەوە پارتی و یەکێتی و میلیشیاکانیان وەک شێری ناو بێشە خۆیان دەردەخست٫ کەچی بینران نەک شێر وەک ڕێوی هەڵیان تیزان. کەواتە هەردوولا غەشیم بوون٫ تاک و تەرای خەڵک نەبێت... ١٧ تشرینی دووەم، ٢٠١٧

- ڕەنگ زەرد بوونی بەشێکت کوردەی ئێران!
ئەرێوڵا بیرمانە بەڵام کامەران محەمەد گیان بەشێکی زۆری کوردانی ئێران ئێستا ڕەنگیان زەردە وەک پارتییەکان، لە پارتی ترن، پارتی وازیهێناوە ئەوان واز نا‌ێنن... ئەو سەردەمە گوزەشت بدرێتەوە بەچاوی کوردی عێراقدا، بە سەد قات هەقیان بۆ کراوەتەوە، خۆت لەوانەیە شاهید بیت...ئەوانە ئێستا تابووری پێنجهەمن و لقێکی تری نوێی پارتین... ١٦ تشرینی دووەم، ٢٠١٧


- فاوڵی دووهەم
ئەم خاڵە و دەربڕینەی عومەری سەید عەلی :".. ئێمه‌ دژی شه‌ڕی ناوخۆین دژی دوو ئیداره‌یین دژی دوو هه‌رێمین.."

دروست نییە و دژایەتی لەگەڵ دیدی زووربەی زۆری لایەنگرانی گۆراندا هەیە، بەوەی گەر بە دوو هەرێمی کردن وەک چارەیەکی مامناوەندی و دامرکانەوەی قەیرانی سیاسی بیت و هاوکات بێتە فشکردنەوەی هزری سانترالیزی کوردایەتی پارتی قازانجە نەک زەرەر..بەڵام ئەم دەربڕینە دوای ئاشبەتاڵی پارتی و یەکێتی سوودی نییە، قسە بابادانە و بۆش و بەتاڵە.. ئەمە دووهەم فاوڵیەتی، فاوڵی کوشندەی ئەوە بوو ئاشکرای کرد کە دەنگی بە بەڵێ بۆ ڕێفراندۆم داوە... ٨ تشرینی دووەم، ٢٠١٧


- دوای سەروو ۲۰ ساڵ لە ئازادی نیوداشت ترسی لەشکری عیراق لەلای کورد نەڕەویوەتەوە! هەر کە وتیان هات ئەگەر قورسترین چەکی وەک دەبابە و موشەکی ئەرزئەرزیشیان پێ بێت ڕادەکەن.🏃‍♂️🏃‍♀️🏃‍♀️🏃‍♂️ ٨ تشرینی دووەم، ٢٠١٧ 


- داخەکەم شانازی لووت شکاندنی پارتی و یەکێتی لەسەر دەستی خەڵکی ناڕازی کوردستانی عێراق نەبوو، هێزە دەرەکییەکان کردیان... ٢٠١٧.١٠.٢٦

- بۆ ڕیش چوون سمێڵیان تێنا!

کوردستانی عێراق
بەهۆی ڕیفراندۆمەوە وەک قوماشی کوردەری چووە ئاو!
عەباس شوان ٢٠١٧.١٠.٢٤


24‏/10‏/2017

هێڵی عەقلانی لە کوردستانی عێراق کێیە؟

عەزیزی شێخانی لەو نووسەرە باش و بەڕێزانەیە کە بەهەناسەیەکی درێژەوە وتارەکانی دەنووسێت، لەو کوردانەی کوردستانی خۆرهەڵاتیش نییە کە عەقڵی دابێتە دەست هاشوهوشی حیزبە دەسەڵاتدارەکان بەتایبەتی پارتی.. لەم وتارەیدا کە باس لە دۆخی کەرکووک و ڕووداوەکانی پاش و پێشی ڕێفراندۆمە سەرشێتانەکەی سەرۆکی پارتی و ئاشبەتاڵی دووهەم دەکات.. یەک خاڵ لەو وتارە جێی ڕەخنەیە نووسەر بیری چووە باس لەو دیدە عەقڵانەیەی ناو کۆمەڵگای کوردی عێراق بکات کە خۆی لە بزووتنەوەی گۆران و کۆمەڵی ئیسلامی و توێژی نووسەر و ڕووناکبیران نوێنەرایەتیان دەکرد و دەبینییەوە، دژ بە پیلانەکانی حیزبە دەسەڵاتدارەکان وەستانەوە... عەباس شوان ٢٠١٧.١٠.١٩

22‏/10‏/2017

پێشمەشکە!


هەڤاڵ ئەبوبەکر لە پلاکارتێکدا نووسیویەتی: نە خەڵک شکاوە، نە پێشمەرگە، ئەوەی شکاوە ئەنجوومەنی باڵای سیاسی کوردستانە! ڕاستە خەڵک نەشکاوە و ڕاستە ئەو ئەنجوومەنە کارتۆنییە تێکشکاوە، بەڵام ڕاست نییە ئەو میلیشیانەی پارتی و یەکێتی ناوزەد بکرێن ئەسڵەن بە پێشمەرگە، بەڕاستی ناوی پێشمەرگەیان بە دەربڕینی شاخ سووک و ڕسوا کردووە!.. ئەم ناوی پێشمەرگەیە بۆ سەرباز و چەکدارانی ئەو حیزبانە لە دەستکردی سەرۆکی پارتی و هەژموونی زاڵی ئەو حیزبەیە بەسەر پەرلەمان و حکومەتی مردارەوەبوو.. ڕووداوەکانی ١٦ ی ١٠ لە شاری کەرکووک و پردێ و توز و مەخموور و شەنگال ئەو فشوهوڕ و پیاهەڵدانانەی کە بەسەر ئەو میلیشایانە(ناویان لێناون پێشمەرگە)دا هەڵیان دەدا هەر هەمووی بە درۆ دەرچوو.. نە ئازان نە تەڕەماشیشن.... تەشبیه نەبێت دوور لە ڕووی ژنانی لادێ، ئەوانە پێشمەشکەن..
+ وشەی پێشمەشکە دەربڕینێکی کۆنی سەردەمی داگیرکاری عەرەبە عێراقییەکان بوو.. گەر بە هەڵيدا نەچووبم جووتیارانی لادێکان لەبەر ئەوەی غەدر و بێگاریان پێدەکردن، لەداخا لە نێوان خۆیاندا بە پێشمەرگەیان دەووت پێشمەشکە... عەباس شوان ٢١ ی ١٠ ی ٢٠١٧

21‏/10‏/2017

سیاسەت پیاوی سەرمایە!

بە قەولی کارل مارکس گوایە ئابووری سەرمایە و پیاوەکانی (سەرمایەداران) سەرخانی کۆمەڵگا پێکدەهێنن و دیاری دەکەن، سیاسیەکان دەبنە پارێزەری بەرژەوەندی سیستەمی ئابووری سەرمایەداری، بەڵام لە تا ئێستا کوردستانی عێراق بە پێچەوانەوەیە، سیاسییەکان بەهۆی کاری سیاسیانەوە بوونەتە سەرمایەدار و یاسا و ڕێسایان داناوە و  کۆمەڵگایان هەڵسووڕاندووە، بەڵام بە شێوەی ئەنارکیزمی! کەواتە ئەوانە ٢ ئەرکیان خستۆتە سەرشانی خۆیان بۆیە بە ٢ سەر مەست و حەیران بوون، بەس دوای دیاردەی دۆناڵد ترامپی ئەمەریکا خەریکە هاوکێشەکە بەجۆرێکی تر دەکەوێتەوە و مۆدێلی سەرمایەداری سیاسی سەر هەڵدەدەن، دیارە ئەو مۆدێلە سیاسییەی کوردستان خیانەت بە سەرمایە و سەرمایەداری دەکەن و جێی بڕوا نیین، بۆیە خودی سەرمایەدارێکی گەنجی وەک شاسوار عەبدولواحید خۆی راستەوخۆ هاتۆتە ناو مەیدانەکە و زۆرانبازییەکەوە.. منەتی بەکەس نییە، مێژووی وەک سیاسییە کالاسیکییەکان عەیبدار نییە. عەباس شوان ٢٠١٧.١٠.٢١

️لە چەند دێڕێکدا.. ئێران و خۆپیشاندان

ئێ قەیچێکا دەستی دەرەکیش بێت🇮🇷 ️ ئەم  مامۆستا نەجمە( هاواری ئازادی ) گۆرانیبێژەش، لەبەر ئەوەی لەبەرەی چەپە حەز دەکات دەسەڵاتدارا...