خەمی ڕۆژانە

منارە!!
٢٠٠٩.١٢.٩

لەفەرەنسا سارکۆزی، فەرموویەتی دروستکردنی مزگەوت و منارە قەدەغە ناکات، ئەم دەربرینە بەدواداچوونێکە بۆ ئەو ڕاپرسییەی لەسویسرا کرا و دەنگیان بە قەدەغەکردنی منارە دا. هەر لەم بارەیەوە لەئەڵەمانیا ئنگێلا مێرکل لەسەر هەمان مەسەلە وتوویەتی؛ دروستکردنی منارەم پێقبووڵە بەمەرجێک کوتتر بێت لە برجی کەنیسەکان.
بەڵام پێدەچێت ئەورووپا بڕیاری دابێت هزری ئیسلامی بەگشتی بەدەردی ئایدۆلۆجی سۆسیالیستی بەرێت، تا وای لێبکات لەتوندوتیژی دایبماڵێت، هەرچەندە تەشبیهێکی زۆر گونجاو نییە!


مەرجەکانی دیموکراتی؟
٢٠٠٩.١٢.٨

دیموکراتی بوون مەرج قبووڵ دەکات؟ یان مەرجی سیستەمی دیموکراتی ئەبێت چی بێت؟ کەس و لایەن و حکومەتەکان بەچیدا دەتوانرێێت خەسلەتی دیموکراتیبوونیان پێببەخشرێت؟ ئایا دیموکراتی جۆری هەیە؟ یان پێناسێکی ستاندار دەتوانرێت بەقەد باڵای پێببڕدرێت؟
چەمکی هاوڵاتیبوون بناغەی سەرەکی هەر سستەمێکی دیموکراتییە، ئەوەیش بەمانای هەر جۆرە هەڵاواردنێک بوونی هەبێت وەک ئەوەی فەرزی ئایین یان ئاینزا، ڕەگەزو خێڵێ، و ... بەسەر ئەوی تردا. ئەوەیش زەمینەخۆشکردنە بۆ هاوسەنگی و هەڵی ژیانی باشتر بۆ ئەندامانی کۆمەڵگا.
بۆ کۆنترۆڵ کردن و چاودێری هەمیشەیی، بێلایەنی دەزگای دادوەری بەمانای ڕاستەقینەی خۆی، هاوکات لەئاستی میللی ڕێکخراوەکانی کۆمەڵگای سڤێلی پێویستن.
هاوکات ئاگایی و هوشیاری بەکەلتووری دیموکراتی و هەوڵدان بۆ جێگیر و پراتیکەکردنی لەژیانی هەر تاکێکی کۆمەڵگا..

نەتەوە، زمان!
٢٠٠٩.١٢.٧

ئیشتشهاد، یان هێنانەوەی سەرچاوەی باس بۆ وتارێکی ڕۆژنامەی هەفتانە، دروستە، بەڵام ئیجباری نییە، نووسەر ئازادە لەئاماژەدان پێی یان نا.
مەریوان وریا قانیع وەک لەم پەرەگرافەدا دەیبینی ئاماژەی بەناوی نووسەرەکەی داوە و لەنێو کەوانەدا دایناوە:
لێرەدا راستیی ئەو تێزەی ئەرنیست گیڵنەرمان بۆ دەردەکەوێت کە دەڵێت "ئەوە نەتەوە نییە کە ناسیۆنالیزم دروستدەکات، بەڵکو ناسیۆنالیزمە کە نەتەوە دروستدەکات"، ناسیۆنالیزمە "نەتەوە لەو شوێنانەدا دروستدەکات کە نەتەوەی تێدانییە"
ئاخر بەکام تەلەفوزی کوردی! ئەوی دیوی ڕۆژهەڵات کە کاریگەری فارسی بەسەرەوەیە یان ئەوی دیوی باشوور کە کاریگەری عەرەبی ئەوی باکووریش ئاشکرایە. بۆ خۆشت دەزانی خوێندنەوە و گۆ کردن فڵان وشە تەنانەت لە زمانە ئەورووپییەکانیشدا گۆڕانی بەسەر دێت! کێشە لەوەدایە کورد بەحوکمی دابەشبوونی کەلتووری دەوڵەمەندە، لەو نێوەدا تایبەتمەندییەکی خالس کە کورد هەیبێت بزرە!!گەر هەوڵ بدرێت لایەنی کەم بۆ چیبکرێت ئەویش لەمەی تا نها بۆی کراوە بەتایبەتی لەباشوور، کاتی زۆرتری گەرەکە..

ڕاسیزم لەفلیمێکدا
٢٠٠٩.١٢.٦

ئەم فلیمە وەک دەبیین باس لەدیاردەی هزری ڕاسستی دەکات کە لەنێو بەشێک لەخەڵکی ئەورووپا بڵاوە. لێرەدا باش ئاشکرا نییە کەسە عەرەبەکە خەڵکی کام وڵاتە! گەر فەلەستینی بێت، ئەوا بەگشتی موعجبن بەهێتلەر و دیدەکەی! لەبەر ئەوەی گوایە جوولەکە وڵاتەکەیانی داگیرکردووە! ئەمە لەکاتێکدا کەسێکی جوولەکەی ئیسرائیلی لەپەلاماری فاشستەکان ڕزگ...اری دەکات. دەرهێنەرەکە ژیرانە پەیامێک دەدات بەفەلەستیینییەکان کە بەهزری شۆڤێنییەتی عەرەبی و ئایینی دەجووڵێتەوە، کە فریادرەس، یان سەرئەنجام جوولەکە ئەو شەیتانە نییە کە لەلای خۆتان وێناتان کردووە. دەکرێت هاوکاری یەکتر بن بۆ ژیانێکی باشتر لەوەی کە هەیە. سوپاس بۆ شلێر محەمەدی کە ئەم فلیمەی دانابوو.
بەستەری فلیمە کورتەکە:
http://www.youtube.com/watch?v=RpjHSiQLPmA

چوار پارچەکە!
٢٠٠٩.١٢.٥

گوێبیستی چەند بەرنامەی تەلەفیزیۆنی دەبم، خەڵک بەگشتی کە سڵاو دەنێرن، بۆ هەر چوار پارچەی کوردستان دەنێرن، گوایە ئەم بەرنامانەی کە لەهەرێمەوە پەخشدەکرێن، هەموو سەیری دەکەن! ئەوە نەگونجاوە، و باشتر بڵێن دوو پارچەی باشوور و ڕۆژهەڵات، یان هەر هیج نەڵین، چوونکە بەڕاستی کوردانی ڕۆژئاواو و باکوور لەشێوەزاری سۆرانی باش ناگەن. لەو بڕوایەدام سەیری ڕۆژتیڤی و کەناڵەتورکییەکان زیاتر دەکەن وەک لەوانی هەرێم.

گومان لەعەقلانییەت!
٢٠٠٩.١٢.٥

گومانێکی گونجاو دەبوو، گەر بزانرایە عەقلانییەت بەپێوەری ئەورووپی و ڕۆژئاوای بەسەر کۆمەڵگایەکی دواکەوتووی وەک ئەوەی خۆماندا نەسەپێنرێت!! کۆمەڵگاکەمان لەم قۆناغەدا پێویستی بەو عەقلانییەتە لەهەموو کات زیاترە. لەم وڵاتانەدا خەڵک لەیاسای بێڕۆح و گیانە بێزارە، بەڵام لەکۆمەڵگای خۆمان بەپێچەوانەوەیە، پێویستمان بەیاسا هەیە بۆ نەهێشتنی فەوزایەی کە کۆمەڵگاکەی تێکداوە...
وایە، عەقلانییەتیش لەکۆمەڵگای ئێمەدا بوونی هەیە، بەڵام چ جۆرەێک؟ بەپێچەوانەوە گەر ڕابەرانی کۆمەڵگا هەمەلایەنانە ژیر بوونایە، کێشەکان بەم ئاستەی ئێستا دەگەیشت؟!


ئیبراهیم تاتلەس، ئەو ساڵە بانگهێشتکرا بۆ هەرێمی کوردستان تەنها لەبەر کوردبوونی بوو. بەڵام ئەو داخوانییەکی شەرمهێنەری دا، خۆی ناشیرین کرد، ئەوەبوو ئەم شەکرەی شکاند: تورکی کوڕی تورکم! کەچی فشاری بزووتنەوەی کوردایەتی و فشاری ئەورووپا لەسەر حکومەتی تورکیا، هەنگاونان بۆ کرانەوە، ئەم ئینتهازییە گۆرانی کوردی دەڵێت....!

مونتەزر زەیدی، ئەو عەرەبە عێراقییەی کە لەکۆنگرەیەکی ڕۆژنامەنووسیدا سەرۆکی کۆنی ئەمەریکا جۆرج بۆشی بەر پێڵاودا، سەپرایسیان بۆ دروست کرد، ئەمڕۆ سێشەممە ٢٠٠٩.١٢.١ لەپاریس لەکاتی بەستنی کۆنگرەیەکی رۆژنامەنووسیدا، بەر پێڵاویاندایاندایەوە. ها هاهاهاهاها ٢٠٠٩.١٢.١

کۆمۆنیستی کرێکاریش مووچەخۆری حوکومەت بوون!

کۆمۆنیستی کرێکاری، بەپێی ئەو یاداشتانەی نەوشیروان مستەفا کە لەوەڵام بە مام جەلال داویەتەوە. چەند نهێنی سەیر ئاشکرا دەکات کە نوێیە. لەوانە کۆمەکی دارایی حکومەتی یەکێتییە، وەک گرووپ و حیزبەکانی تر، بۆ ئەو حیزبە، کە مانگانە ٥٠ هەزار بووە، وەرگرتووە!

دەتوانن ئەو هاوڕێ فرە ڕادیکالانە پێمان بڵین، ئەی بڕی ئەو پارەیەی کە لەپارتی وەرگیراوە چەند بووە؟ وا باشترە لەدەمی خۆتانەوە بێت، چوونکە درەنگ و زوو یەکێکی وەک نەوشیروان دەبێت ئەو نهێنیانە ئاشکرا بکات.
ئاشکراکردنی زانیارییەکان لەکەسێکەوە بۆ کەسێکی تر دەگۆڕێت. دوای ئەوە لەوانەیە ئەو دێڕە بەلای منەوە گرنگ بێت بەڵام بەڵای زووربەی خەڵکییەوە، بێبایەخ بێت، جیاوازییەکە لەوەدایە، من بەدوای هەواڵی کۆن و نوێتانەوەم.
ئەو ساڵ و مێژووەی باسی دەکەیت، بەندەی موخلیستان لەدەرەوەی وڵات بووم، لەهیچ سەرچاوەیەکی دی ئەو زانیاریانەی کە تاهیر حەسەن ئاشکرای کردووە، نها نەوشیروان مستەفا باسی دەکات، نەمبیستووە!

پاکی و ناپاکی فڵان دەستە و گرووپ و حیزب پەیوەندی بەئەکتیڤبوون و زۆری جەماوەر و دەسەڵاتەوە هەیە، زۆر ئاساییە حیزبەکەتان لەچاو پارتی و یەکێتیدا بەحەو ئاوشۆرابێتەوە، هۆکەشی هەموومان دەیزانیین، لەهاوکێشەی سیاسی گۆڕەپانەکەدا چۆن و چۆن نیین!
هەرچۆنێک بێت؟ دەمەزەردکردنەوە و وروژاندنی مەسەلەیەکی وا کە نەوشیروان مستەفا لەدژی کۆمۆنیستی کرێکاری بەکاری نەهێناوە، لۆچێکە و کراوەتەوە. ئەو حیزبەی کۆن بەداخەوە ئێستا چەند پارچەیە، وەڵامی چی دەبێت؟
٢٠٠٩.١٢.١

منارە، ئیتر بەسە!


یەکشەممە ٢٢ی ١١ لەسویسرا ڕاپرسیی لەسەر قەدەغەکردن و نەکردنی یاسایی مزگەوت و منارە سازدەکرێت.
ئۆردۆگان کاتێ سەرۆکی شارەوانی ئەستەمبوڵ بوو، لەکۆبوونەوەیەکدا وتبووی: مزگەوت سەربازگامانە، منارەکەی ڕمەکانمانە، قوببەکە کڵاوەکانمانە، باوەڕکردوانیش سەربازەکانمانە.
جا ئەوە پەیڤی بەحساب میانەڕەوێکی تەفگەری ئیسلامی بێت! زۆر ئاساییە قبووڵی زیادکردنی منارە نەکەن و نەهێڵن ئاوەدان بکرێتەوە. هەرواش دەرچوو، لەسەدا ٥٧،٥ دەنگیان بە قەدەغەکردنەکەدا. ٢٠٠٩.١١.٢٩
ئەو دەربڕینەی ئۆردۆگانم لەسەر بابەتێکی ماڵپەڕی ستاندار وەک کۆمێنت دانا، برادەرێک بەناوی: تێبین دارا؛وە کۆمێنتیکی نووسیبوو. ئاوا وەڵامم دایەوە:
لەڕاستیدا، ئەوەی لەسویسرا و چەند وڵاتی تری ئەورووپا ڕوودەدات، کاردانەوەی ئەو توندڕەوییەیە کەسەرچاوەکەی چەند بەشێک لەتەوژمی ئیسلامی، دروستی کردووە! بەو هۆیەوە تەڕ و وشکی پێدەسووتێنرێت. ئەم هەنگاوە بەجۆرێک لەجۆرەکان دەبێت ژیرانە بخوێنرێتەوە نەک داخوانی مناڵانە بدرێت. هەموو دەزانیین کێ لەپشتی توندڕەوە ئیسلامییەکانەوەیە، ئەمە پەیامێکە... مشاهدة المزيد بۆ ئەو دەوڵەتە عەرەبی و ئیسلامیانە کە ڕاستەخۆ و ناڕاستەخۆ دانیان بۆ ڕۆدەکەن و داڵدەیان دەدەن و پشتیوانیان لێدەکەن!
ئیسلام لەلایەنە ئینسانی و مۆراڵییەکەی دەرچووە، خۆش یا ترشی بوێت، دەبێت لە خڵتەوخەوێڵ و ناشیریینەکانی داتەکێنرێت، تا زوو بکرێت و هەنگاوی بۆ بنرێت، درەنگە. دەبێت بچێتەوە ماڵ و لەژیانی گشتی بکرێتە دەرەوە.
فشارە دەرەکییەکان وەکو ئەمەی سویسرا، وا بکات ئەو بزافتە لەسەر دەستی بیرمەندانی خۆیی خێراتر بکرێت. ٢٠٠٩.١٢.١

دیدێکی پێچەوانە لەسەر حەج و جەژن!

چەپرەرەوێک: ئەمڕۆ جەژن نییە، ڕۆژی قەتڵ و عامی بەستەزمانترین حەیوانەکان لە کەس پیرۆز نەبێت.
برادەریک: ...هیوادارم که ئه م ئێوارەیه گۆشتان لەماڵدا نەبێت ...ها ها
من: هاهاههاهاهاها دواهەمین دێر جوانە!
چەپڕەو: هەر کەس پێي خۆشە با گۆشت بخوات
من: تۆ وا بڵێ! بۆ خۆت شاردۆتەوە؟ ئەوە لەکوردستانیش بووی گۆشتت نەدەخوارد؟ عەیب نەبێت سەوزەواتخۆر بووی؟
چەپڕەو: ...خۆ سەوزەواتخۆری عەیب نییە...

من: .. سەوزەخۆری تەندروستترە، نەکردنی جەژن، داوایەکی گونجا و ڕاستە، بەڵام بەمرووری زەمان بۆتە کەلتووری و عادەت، کێشەکە لێرەدایە، کێ بەقسەمان دەکات؟
هێشتا ئایین بڕیاردەری زۆر مەسائیلە! هەوڵی زۆری گەرەکە، هەنگاونان بۆ ڕێفۆرم و نەرمکردن وەک خاڵێکی سەرەتا، ئینجا هەنگاوەکانی تر.. ئاشکرایە، بەتوندی بەرەنگاری هەر دیاریدەیەک ببیتەوە، توندڕەوی لێدەکەوێتەوە..

من: لەوانەیە شتەکە بەو شێوەیە نەبێت، دەربڕینەکە پێکەنیهێنەرە، وەک جۆکێک وایە. بەڵام لەوانەیە لەوی تریاندا هەڵە بیت. لێرەش لەئەورووپا ڕۆژانە ئەو گاوگۆتاڵ و مریشک و شتی تر لەکارگەکاندا سەردەبڕڕێن. گرنگ ئەو کارە کە دەکرێت، لەپێناو خزمەتی مرۆڤدایە و مرۆڤ پێویستییەتی، لەو جۆرە کەسانە زۆرن کە هیچ جۆرە گۆشتێک ناخۆن لەبەر ئەوەی ئاژەڵیان خۆش دەوێت، بەهەقی نازانن گۆشتی خۆشەویستانی خۆیان بخۆن!

چەپڕەو: من سکولار نیم من کابرایەکی دژی دینم، دین بە دامەزراوەیەکی سەرکوتگەر دەزانم و نەختێکیش گاڵتەم لەو سکولاریستانە دێت کە بیانوو بۆ دین دەهێننەوە.

من: بۆ ئێمە چین؟ نا من بۆت وردتر دەکەمەوە، کێشەکە بەو ئاسانییە نییە، تەنها دژی ئایین بیت! یان خۆت بەسکۆلار نەزانیت! بۆ مارکس چی بووە؟ ئایا یەکێک نییە لەبنیاتگوزارانی ئیدە و ڕەوتی سکۆلاریزم؟

چەپڕەو: ... هەرکەس بەرەنگاری دین نەبێتەوە ئەمڕۆ ئازاديخوازیەکەی کەم و کوڕە...دينی سەردەمی مارکس خرابووە قوتووەوە، دینی ئەم سەردەمە تاوانێکی ڕێکخراوە... مارکس کاتێک وتی: دین ئەفیونی گەلانە، نە ئێران و عەرەبستانی سعودی...

من: لەسەر ئەو دێرە هەر لێرە شتێکم نووسی کە تەحریف کراوە، مارکس نەیوتووە ئەفیوونی گەلانە، تەنها ئایینی بەئەفیوون ناوبردووە، ئەم گەلانە دواتر پێوەی لکاوە. دوای ئەوە ئۆپۆزسیۆنبوونەی تۆ باسی دەکەیت ڕاستە، کەلوکوێرە، بەڵام دەبێت ئەوەە بزانی ئەوانیش جۆری زۆرە، ئەمەش دەمانگێڕێتەوە بۆ تیووری ڕێژەیی، کە شتەکان پێرفێکت و لەسەداسەد نیین و نییە. هەروەها لەوبڕوایەدام ئایین پێشتریش هەر دەوری خراپی گێڕابێت بەپێچەوانەی ئەوەی تۆوە.

چەپڕەو: ...پێم خۆش نییە ئەو قسەیەت بێ ڕاستکردنەوە تێپەڕێت، ئەوە تەحریف نییە و مارکس وتوویەتی کە ئەفیونی گەلانە، لەوەش زیاتر وتویەتی کە ڕەخنەگرتن لە دین بناغەی هەموو ڕەخنەیەکە...

من: ئاخر پیوپل یان بەفینلاندی بیخوێنیتەوە دەبێتە پێۆپلێ دەکاتە ihmiset بەکوردی دەکاتە خەڵک، بەعەرەبی الناس، بەفارسی مردم.
تۆ کەزەمت کرد با لەشوێنی خۆیدا بێت. هاتوویت قسەکەی منت سەلماندووە، لەم دێڕەیدا It is the opium of the people کەمانای فەرهەنگی بەزمانی فارسی ئاوایە: این تریاک مردم است. لەوێدا وشەی گەلم بۆ بدۆزەوە ناوی خۆم دەگۆڕم.

کەسێکی چەپڕەوی تر، ئەما ئەکتڤ و نووسەر، لەناوەوەی وڵات، لەپەیوەند بەم مەسەلەیە، سەردێڕی بابەتێکی بەم شێوەیە بوو: نەفرەت لەحەجكردنەكەتان و جەژنەكەشتان پیرۆز نەبێت!
ئەوە هێندەی تر هانیدام بەجۆرێکی تر بکەومە پەیجووری، سەرئەنجام ئەم چەندێرەیشی هاتە بان:

حەجکردن بەشێکی وەک ئەرکێکی ئایینی چاولێدەکرێت و خۆش بەختانە ئەمە بەرەو کاڵبوونەوە دەچێت، بەهۆی ئەوەی کێشەی ئابووری و نەخۆشییەباوەکانی وەک ئەنفلۆنزا جۆراوجۆرەکان و هاوکات گرانبوونی مەسرەفی گەشتەکە.
وڵاتێکی وەک عەرەبی سعودی، ژێرزەمینەکەی پڕە لەپێترۆڵ، پێویستی بەهیچ جۆرە سەرچاوەیەکی دارایی نابێت، بەڵام هاوکات دوو شوێنی پیرۆزی ئاینی ئیسلامی لێیە و بۆتە سەرچاوەی خێروبێری زۆر و زیاتر، وڵاتی دی دنیا لەهیچ لەو شتانە بەهرەمەند نییە! وەک دەڵێن: پارە دەڕژێتە سەر پارە. یان پارە پارە ڕادەکێشێت!
بزنسی حەج لەمساڵدا وەک ئامارەکان دەڵێت وا بووە:

١٠٠هەرار پۆلیس بۆ چاودێری.
٢٠ هەزار پزیشک و سستەر بۆ فریاکەوتنی تەندروستی.
٧ هەزار چێشتخانە بۆ دابینکردنی خواردنی خێر.
٦٠ هەزار پاس بۆ گواستنەوە.
قازنجی ساڵانە لەبازرگانی سەرو ٦ ملیارد ئێرۆیە.

ئەمساڵ بزنسی حەج بەپلەی یەکەم بەهۆی پەتای ئەنفلۆنزای بەراز، هاوکات قەیرانی ئابووری جیهانییەوە، زەرەرێکی گەورە بەر کەوت:
ئەوانەی لەچوون بۆ حەج پەیشیمان بوونەتەوە، دەوڵەمەندە گەورەکان بوون کە لەئوتێلە پێنج ئەستێرەکان شوێن بۆ حەوانەوە دەگرن.
لەوڵاتێکی وەک ئەڵەمانیا چوون بۆ حەج لەناو موسڵماناندا لەچاو ساڵانی لەمەوبەردا بۆتە نیوە.
لەوڵاتی میسری عەرەبیش لە٥٠٠ هەزارەوە بۆتە ١٣٠ هەزار حاجی. سەرجەم کەمبوونەوەکە دەگاتە، لە سەدا پانزە. ٢٠٠٩.١١.٢٩

چیرۆکی زۆر کورت

فیل بەو زەبەلاحییەی لەمشک دەترسێت، دوور لەڕووی ژنان، عەیب نەبێت، دەڵێن ئەوانیش هەر لەمشک دەترسێن. کە لەهاوڕێکەم پرسی، زۆر نابێت ژنەکەی لێی جیابۆتەوە، فیل لەچی دەترسێت؟ لاشعوور وەڵامیدایەوە: لەژن! ٢٠٠٩.١١.٢٦

هزر

ژمارەیەک لە ڕووناکبیرانی عەرەبی سوونە، ماوەیەکە باس لەچەند مەسەلەی هەستیار دەکەن: یەکێ لەوانە مەسەلەی ئازادییە، گوایە ڕاوەستانەوە لەبەرامبەریدا کاری ئیسلامی ڕاستەقینە نییە. ئەم کاردانەوەیە لەو تۆمەتەوە هاتووە کە ئیسلام، وەک ئایینێکی ئەنتی ئازادی ناسراوە. بۆ ئەو مەبەستە وەک کاردانەوە دەگەڕێنەوە بۆ پاشخانی مێژووی، بەتەشخیس کاتێک محەمەد لەشاری مەدینە بووە، گوایە لەسەر بنەمای هاوڵاتیبوون نەک لەمەبدەئی فەتحەوە، کاریکردووە، و تەنانەت خێڵە جوولەکانیشی بەیەک چاو سەیر کردووە و بەشداری لەحکومدا پێکردوون! ٢٠٠٩.١١.٢٢

تەکنیکی ئەلکترۆنی

پەرەی دەستپێک ماوەی چەند مانگە هیچ گۆڕانکارییەکی تێدا نەکراوە! بەپێچەوانەی زمانەکانی تری وەک فارسی و عەرەبی، بەردەوام نوێ دەکرێنەوە. بەهۆی پێویستی نووسین و گەڕان بۆ سەرچاوە، هەمیشە لێرە دەگەڕێم بەتایبەتی فینلاندی و عەرەبی و فارسییەکەی، ڤێرسیۆنە کۆنەکە کە کرمانجییە، لەدەستی ڕاست یان چەپ لەگەڵ زمانەکانی تردا دەبینرێت. ئەوەی نابینرێت ئەمەی خۆمانە!! ئایا بیر لەو کێشەیە کراوەتەوە؟ پێم باشە لەگەڵ کرمانجییەکەدا ڕێکەوتنێک بکرێت بۆ نموونە ئەو زمانەی کوردییەکە تەنها بەپیتە (Kurdi)لاتینییەکە بنووسێت بۆ ناسینەوە، ئێرەش بەپیتە (کوردی)کوردییەکە بناسرێتەوە. دیارە لەگەڵ کۆنترۆڵ و بەڕێوەبەرانی ئنسکلۆپیدیاکە رێکەوتنێک هەبێت و لەگەڵ زمانەکانی تردا هەردوو کوردییەکە بەجیا دەربکەون.

مەبەست لەدێری یەکەم لاپەڕەی دەستپێک ئەم بەستەرەیە:
http://ckb.wikipedia.org/wiki
کەچەند مانگە وەک لاپەرەی دەستپێکی ژمانەکانی تر نوێ ناکرێتەوە بۆ نموونە هەواڵ و بابەتی جۆراوجۆر
بابەتی دووەهەمیش، شاراوەیی لینکی ئەم Wikipedia کوردییەی شێوەزاری سۆرانییە. لەلاپەرەکانی زمانەکانی تردا. گەر تۆ بۆ بابەتێک بگەڕێت بۆ نموونە لێرەدا:
http://ar.wikipedia.org/wiki
لەدەستی ڕاست ژمارەیەک زمانی تر پیشاندەدرێت، کلیکی هەرکامیان بکەیت بۆ هەر بابەتێک بەو زمانە دەتداتێ. کێشەکە ئەوەیە بۆ کوردی شێوەزاری سۆرانییەکە بەهیچ جۆرێک دەرناکەوێت؟

بۆ نەمانی ئەو کەموکووڕییە وەک دەبینی پێشنیارم کردووە چۆن چارە دەبێت؟ گەر ئێوە شتی باشتر دەزانن بۆ وەستاون و نایکەن؟
گونجاوە، کارکردن لێرەدا، بەڵام لەوانەیە زۆر باش نەتوانم ئەو کارە ئەنجام بدەم، بۆ ڕزگاربوون لەو کێشەیە و ئیسراحەتر ئەوەیە بۆ هەواڵەکان ئعتماد برکێتە سەر سیستەمی ئار ئێس ئێس. وەک ئاگادارن ژمارەیەک لەماڵپەرەکان بەهرەمەندەن لەو تەکنیکە بۆیە خراپ نییە پەنای بۆ ببرێت. بۆ ناوەکەی، دیارە ئنسکلوپیدیا بێت زۆر باشترە، لە ئەدەبیانی کوردیدا جێگیر بووە، گەر ڕێکەوتن لەسەری نەبێت ئەوا وەک ئینگلاندییەکەی بێت، چوونکە ئەمە خەسلەتێکی جیهانی هەیە، پێویست ناکات بگۆڕدرێت. هەر لەبارەی ناوەوە، کوردی سۆرانییەکە پێم باشە وەک لەسەرەوە نووسیوومە تەنها (کوردی) بێت و بەو شێوەیە دەربکەوێت وەک چۆن عەرەب و فارسییەکە دەردەکەون، بۆ دەرکەوتنی بەشی پیتە لاتینییەکەش ئاوا بێت (Kurdi). بەمەش هەموو خوێنەرێک بۆی دەردەکەوێت کە کورد بە دوو پیت دەنووسێت و بەدووریش دەبین لەحەساسییەتی ناوچەگەری. ٢٠٠٩.١١.٢٠

هزر

ئەڵێن محەمەد پێغەمبەری ئیسلام، لەنێو پێغەمبەراندا لەوەدا شاز بووە، هاتووە حکومەتی دروستکردووە، سیاسەتی کردووە! بۆیە زۆرێک لە تەوژمی ڕادیکاڵی ئیسلامی سیاسی، هەر کە باسی جیایی ئایین لە دەوڵەت و سیاسەت دەکرێت، حەساسییەت دەیانگرێت و فێیان لێدێت! بۆیە دەڵین ئیسلام دەوڵەتە وەک لەوەی ئایین بێت! هەمیشە ئاوێزانی یەکتربوون! جا دەکرێت دیاردەیەکی ڕەگداکووتاوی مێژووی وادا جێپەسەند بێت؟

قسە لەوەیە ئایە ئایین دەکرێت لە دەوڵەت و حوکم جیابکرێتەوە؟ یان دەبێت مەلا و ئیمام و پیاوانی ئایینی لەژیانی سیاسی دووربخرێنەوە؟
داوا و دەستکۆتاکردنی پیاوانی ئایینە لە کاری سیاسی، کە لەئێران و سعودییە و سوودان و زۆر شوێنی دیکەی ڕۆژهەڵات وەزعیان لەکۆمەڵگا خراپ کردووە! بەڵام لەوڵاتیکی دیموکراتی و کراوەی وەک فینلانددا دەژیت، ئایا ئایین بەمانای وشە لەژیانی کۆمەڵگا و تەنانەت سیاسییەکانیشدا بەتەواوی کراوەتە دەرەوە؟

ئەوەی دەڵێن: کە ئاینی ئیسلام کۆکەرەوەی هەمووە و بەرنامەی ژیانە! جۆرە ئاوازێکە قابیلی قبووڵ نییە، خۆپەرستییە وەک لەوەی کرانەوە بێت! هەروەها ئایینەکانی تریش هەروا دەڵێن، بۆیە کافراندنی یەکتر دەکەن! ئەمەیش رێک بەپێچەوانەی ئەو ئیدەیەوەیە کە وەک خاڵێک بۆ ڕیفۆرم لەئاییندا لەبەرچاو دەگیرێت، دەبێت دان بەئایینەکانی تردا بنێن. هەنگاوێکە بەرە ئاراستەیەکی پۆزەتیف.

نەخێر نەکراوەتە دەرەوە، هەر گەڕەک و ناوچەیەک دەبینی کەنیسەیەکی تێدایە، خەڵکی هەموو یەکشەمانێک سەردانی کەنیسە دەکەن، تەنانەت لەخوێندنگاکاندا لەسەر رەفەی پۆلەکان کتێبی ئایینی ئەنجیل دەبینرێت، پارادۆکسی کۆمەڵگای فینلاندی و ئەوانی ترلە جەژنەکانی مانگی یۆوڵو (١٢) دا دەبینرێت. ئیتر ئایین کەی دەرکراوە لەژیانی کۆمەڵگا؟ دەریشناکرێت! قسە لێرەدایە پیاوانی ئایین لەژیانی سیاسی دوورخراونەتەوە و بەهایان نەماوە، ئەگینا سێبەری ئایین لە زۆر بواردا دەبینرێت. ئەوەیش بزانە ئایین وەک هەر دیاردەیەکی تر لایەنی جوان و ناشیرینی لەخۆدا هەڵگرتووە، ناکرێت ڕاستوچەپی بەسەردا بهێنرێت.. ٢٠٠٩.١١.١٥

چیڕۆکێکی زۆر کورت

خانمەکە، تازە هاتۆتە وڵاتەکە، بۆ هەموو شوێنێک دەبێت ڕێبەدێی بکەیت. جارێک داوای ژمارە تەلەفوونێکی لێکردم، لەوەدابووم ناوەکەی لەتەلەفوونەکەمدا بۆ بدۆزمەوە، نازانم چی بوو، کەمێک بەگران هاتبەدەستەوە، لەو نێوەدا وتی: تا چەندت خوێندووە؟ لەوە دەچێت نەخوێندەوار بیت. یەکسەر چەند ڕۆژ لەمەوبەرم بیرکەوتەوە کە وتم: لەکوردستان هەرچی...یەک بووبین، لێرە وەک نەخوێندەوار واین.
جا بۆ پێڕابواردن و زۆجیکە مەدالیایە، بۆ ئەوەی تەئکید بێت کە فیعلەن نەخوێندەوارم، تەلەفوونەکەم خستە بەرچاوی تا ناو و ژمارەکە، خۆی بیدۆزێتەوە.
-: نەوەڵا نەمخوێندەوە قۆناغی مەحوی ئومییەم تەواو کردووە. بەسەرسووڕمانەوە: ئەوە چۆنە؟! خەڵکی سلەیمانی وا نیین، نەخوێندەواریان کەم تێدایە! لەوەڵامدا وتم
-: نا بۆ خەڵکی سلەیمانی بەچی دەزانی؟!
گوندنشینانە درێژەم پێدا
-: کەنیشکە، لەوەدەچێت بێئاگا بیت، نموونەی وەک منی فرە زۆرە. ٢٠٠٩.١١.١٣

هزر

بۆ تەوژمی ئیسلامی سیاسی بەتایبەتی باڵی توندڕەویان ڕقیان لەڕیبازە جۆراوجۆرەکانی سۆفییەکانە! ئایا سۆفییەکان لەگەڵ خوای خۆیاندا ڕاست دەکەن یان ئیسلامی سیاسی؟ قسە لێرەدایە، توندڕەوەکان، ئایین بەئاڕاستەیەکدا دەبەن، وەک دەبینن، بۆتە ئایدۆلۆژیایەک دژی کرانەوە، دژی لێبووردەیی، دژی بیڕوڕای جیاواز، دژی هەموو ئایینەکانی دی بەکافرزانییان، جا دژی چی نییە!
بەپێچەوانەوە دەکرێت ئایین وەک بیرێکی مۆرالی و رۆحانی چاولێبکرێت، لەبێژنگ بدرێت، بگەڕێنرێتەوە بۆ هەقیقەتی خۆی... بۆ ئەو بەش و لایەنە ڕووناکەی تا ئێستا لەهەوڵی خەفەکردن و شاردنەوەیدا بوون!
لەپێناو بەرەنگاربوونەوەی باڵی تووندڕەوی ئیسلامی و پاشەکشە پێکردنیان. هەنگاوێکی وا دەستیان لەبندا دەبڕێتت بەوەی ئەوە ئیدەی بێگانە نییە و ئەوە پیلانی ڕۆژئاواییەکان نییە لەدژی ئیسلام، بەڵکوو شەڕێکی ناوخۆیە، دەبێت بکرێت، لەپێناو کرانەوەدایە. ٢٠٠٩.١١.١١

کۆچ و کۆچبەری!

بڕیارێک لەهاوێندا دەرچووە، ئەو کەسە پەناهەندانەی کە لەفینلاند داڵدەدەدرێن، بەتایبەتی خەڵکانی کورد و عەرەب و تورکمان و... عێراقی پەساپۆرتی فینلاندییان بۆ دەرناکەن، دەبێت بەپەساپۆرتی وڵاتەکەی خۆی هەبێت و هاتووچۆی پێبکات. جا زۆرن ئەوانەی کە وا پیشان دەدەن هیچ جۆرە بەڵگەنامەیەکی وڵاتەکەی خۆیان نییە! لەکاتێکدا خۆی بەعێراقی ناساندووە!

ڕێیان پیشاندەدرێت بچن بۆ باڵوێزخانەی وڵاتەکە، تا بەڵگەیەک بهێنن کە ئەو کەسە هیچ جۆرە دیکۆمێنتێکی نییە بیسەلمێنێت عێراقییە، لەوێ عەدەتەن کە جۆرێکە لەگەندەڵی بەڵگە دەدەن بەکەسەکە و دەینێرێت بۆ بەشی پەساپۆرت. پاشان وەڵامی بۆ دێتەوە، پەسەند نەکراوە، ئەو بڕەپارەیەشی کە وەک هەقدەست داویەتی دەفەوتێت، ڕێگای باڵوێزخانەی پیشاندەدەن تا لەوێ پەساپۆرتی خۆتان دەربهێنن.

جا خۆش ئەوەیە جارێک عەرەبێکی عێراقی، لەلای کارمەندی پەساپۆرت خۆی وا پیشاندا کە ناوێرێت بچێت بۆ داوای پەساپۆرت لەباڵوێزخانە بکات، دەیگرن! کارمەندەکە سەریسووڕما، وتی لێرە تۆ ژیانت پارێزراوە کەس ناتوانێت دەستت بۆ بەرێت. ئاساییە بچیت داوای بکەیت. لەوەڵامدا وتی ئاخر ناوێرم خۆ پیشان بدەم گەر بزانن لێرەم کەسوکارەکەم لەعێراق دەگرن!
ئەو کەسە بەر لەهاتنی چەند ساڵ لەسووریا بووە. بەناوی ژن و مناڵەکەشییەوە قسەی دەکرد، کارمەندەکە کردییە دەستییەوە، کە ئەوان بەهۆی تۆوە هاتوونەتە ئێرە، کێسەکەیان مرۆڤانەیە نەک سیاسی، گەر بچن لەگوڵ کاڵتریان پێناڵێن! دوای ئەوە پەساپۆرتی عێراقی لەئاستی نیو دەوڵەتیدا دانپیانراوە و ستاندارە، دواتر کارمەندەکە ئەوەی دەربڕی دەیەوێت پەساپۆرتی وەرگرێت و لێدا بڕوات بۆ وڵاتیکی تر!

وەک ئاشکرایە، پەناهەندەکانیش پۆڵین کراون، ئەوانەی حکومەتی فینلاندی لەسەر داوای یو ئێن، خۆی دەیانهێنێتە وڵاتەکەوە، ئەوانە بەناچارکراوان دەناسرێن، وەک ئەوانە نیین کە بەڕێگای نایاسایی خۆیان کردووە بەوڵاتدا. نها زۆربەی پەناهەندەکان لەم جۆرەن. ناچارکراوان لایەنی کەمی ژیانیان بۆ فەراهەم دەکات، ماتکوستوس ئاسیا کیریایان کە وەک پەساپۆرت وایە و بۆ سەفەر و گەشت بەکاردەهێنرێت، دەداتێ. ٢٠٠٩.١١.٩

حکومەتی د. بەرهەم سالح!

بۆ هەر کەسێکی هەرێم ئاشکرایە، دەزگا ڕاگەیاندنەکانی پارتی و خەڵکانی نۆرماڵ لاڕوونە، ناوچەکانی ژێر کۆنترۆڵی ئەو حیزبە، گوایە پڕ خێروبێر و ئاوەدانە، ئەوەیش بەرئەنجامی بردنی سەروەتوسامانی خەڵکییە، بۆ زەموزەمکاری لەدژی تا ئێستای یەکێتی بەکاری دەهێنا. ئەم کارەش بەبەرتیلی ڕاستەخۆ و ناڕاستەخۆ ئەنجام دراوە و دەدرێت!
لەم سەردانەدا، لە پەیڤەکانی دکتۆر بەرهەمدا کە لەنێو پەرلەمان کاتی سوێندخواردندا وتی:
ناوچەی دهۆک پێویستی بەلالێکردنەوەی زیاترە، ئەمە بەناڕاستەوخۆ هەموو ئەو پڕوپاگەندانە بەدرۆ دەخاتەوە کە ئەو ناوچەیە ئاوەدان و خۆش گوزەران پیشاندراوە! پروپاگەندەی هەرزانە و ڕاستی تێدا نییە.
چوونەکەشی زیاتر ئەو بۆچوونە دەلەسمێنێت. خۆ خراپ نییە گەر بەم نەفەسە ژیرانەیەوە دکتۆر بەرهەم لەهەوڵی بەدرۆخستنەوەی ئەو ئیدعایانەدا بێت و کار بکات.
بۆ هاوڵاتی ئاسایی هەرێم لەلایەکی ترەوە پرسیارە بۆ لەیەکەم هەنگاودا دەچێت بۆ دهۆک؟ ئایا ئەمە بەرتیل نییە بۆ پارتی ؟ لەسەر بنەمای ئەوەی ئەو ناوچانە لەباری ئاوەدانییەوە باشترە لەناوچەکانی تر، بۆ یەکەم شوێن ئەوێ باشەکەی هەڵبژارد لالێدەکاتەوە؟ ئەی بۆ لا لەسلەیمانی و گەرمیان و هەڵەبجە لەسەرەتای دەستبەکاربوونیەوە ناکاتەوە؟! ئەمە چۆن هاوسەنگییکە، دکتۆر و کابینەکەی دەیەوێت لەباری ئاوەدانییەوە دروستی بکات؟ ٢٠٠٩.١١.٧

پرسیار؟

لەساڵانی ٥٠ كاندا یەكەم وەزیری ئافرەت، ئەندامی حزبی شیوعی بووە.. شتی سەیرتر ئەوەیە زووربەی سکرتێرەکانی کورد بوون! کورد لەو بوارەدا ئازابوون! بۆ لەچەپێتیدا، دیارە ڕادیکالەکەی نا، گەیشتوون بەپلەی گەورە، لەڕاسترەویشدا سفر بوون! قابیل بەلێکۆڵینەوە و بەدواداچوونە. ٢٠٠٩.١١.٥

ئۆپۆزسیۆنێکی کاڵ!

بۆ گوێبیست و سەیرکردنی دەنگوباس تەلەڤیزیۆنەکەم خستە بان کەناڵی کەی ئێن ئێن، چیم بینی خانمێکی موحەجەبە هەواڵەکانی دەخوێندەوە! سەیرم لێهات وتم تۆ بڵێێ ڕەمەزان دەستی پێکردێتەوە و پێمان نەزانیبێت! یان خوانەخواستە کەسێک مردبێت، بەڵام جلەکانی خانمەکە ڕەش نەبوو، هیچ نیشانەیەکیش بۆ پرسە بەتەلەفیزیۆنەکەوە دیار نەبوو! ئەکرێت ئازیزان، ئێوە ئەو مەتەڵەم بۆ هەبهێنن؟
لەسەدا ٩٥ موسڵمان! هەرگیز وا نییە، وەختی خۆی پێغەمبەری مسڵمانان بۆ جیاوازی ژنەکانی لەخەڵکی ئاسایی، ئەو جۆرە سەرپۆشەی بۆ دیاریکردوون.! لەمیژەوە وەک سمبولی گروپە ئیسلامییەکان بەتوندڕەو نۆرماڵیانەوە دەناسرێت.
...نای شارمەوە ئەو بێژەرەم بینی ئەبلەق بووم! نا و هەرگیز نا، بۆ پیشاندانی نموونەی وا، ئەمە وەک ئەوە وایە کارمەندێک بەجلوبەرگی خەوتنەوە بچێتە فەرمانگە! ٢٠٠٩.١١.٤

شەری جەنگاوەرە کۆنەکان!

ئەو پەیڤانەی مام جەلال کە لەپلنیۆمدا لەبەرانبەر نەوشیروان مستەفا و گۆڕاندا کردوویەتی، هەر لەوە دەچێت دەستی چەوری بەخەڵکی بسڕێت، هەرچی ناشیرینی و کاری خراپ و دزێوی یەکێتی نیشتمانی کوردستان کردوویەتی، لەمێژەوە خەڵکی باسی دەکەن و دەیزانن، داویەتە پاڵ ئەو، وای وێنا کردووە کە شەیتانی گەورەیە، جا کێ بەوە دەڵێت، ئامین!
کە نەوشیروان مستەفا یاداشتەکانی لەسەر شەڕی پارتی و یەکێتی بەچەند زنجیرە دابەزاند، لەزۆر لاوە لێیان کرد بەهەڵا، گوایە برینی کۆن کولانەوەیە، ئەویش لەوەڵامدا ڕایگرت. بەڵام پێدەچێت مام جەلال دەروازەی دۆزەخی لەسەر خۆی واڵا کردبێت بۆیە ئەو قسانەی کردووە، با چاوەڕوانی ڕۆژانی داهاتوو بین. ٢٠٠٩.١١.٣

هزر

بەئێستاشەوە دروشمی جیایی ئایین لەدەوڵەتم پێ قبووڵە، ئەمە بەمانای ئەوە نایەت کە وەک بەشێک لەسکۆلاریستەکان بەهزری ڕووت و ئەبستراکەوە تا ڕادەیەکیش تووند دەڕواننە ئەو مەسەلەیە، کە مانای لابردن و نەهێشتن و دژایەتی سەرسەختانەی ئایین بگەیەنێت! ئەمە لەکاتێکدا لەمەڵبەند و ناوەند و سەرچاوەی سەرهەڵدانی بیرەکەوە بەو شێوەیە تێنەپەڕیوە.
بەڵکوو لەئەنجامی ڕێنیسانسێکی هەمەلایەنەی زاستی و ڕیفۆرم بەدەستهاتووە.. جا بزووتنەوەیەکی ڕووناکبیری و مۆدێرن و ڕیفۆرمی ئایینی لەوڵاتە ئیسلامیەکاندا بەدی دەکرێت؟ ٢٠٠٩.١١.٢

سەرەقەلەمەکانی مانگی ٨ تا ١٠


عەباس شوان - AbasShiwan

لەکۆتاییدا، تورکیا بۆ دیفاکتۆی هەرێمی کوردستان ملی دا، تورکیا دەیەوێت لەو قەبارەییەی خۆی زیاتر دەور بگێڕێت وەک هێزێکی هەرێمایەتی، بەدەردی ئێران کە بەجۆرێکی میلیتاریانە خۆی دەردەخات! ئەو دەربڕینەی وەزیری دەرەوە کە وتوویەتی کورد و تورک عەرەب کایەکەری ئەسڵی ناوچەکەن، ڕۆژهەڵاتیکی ناوەڕاستی نوێ بنیان لەمەودوا دەنێن، بەبێ فارسەکانی ئێران، پەیامێکی دووسەرەیە، بەوەی بۆ ئێرانی فارسی لێدەرکردووە! هاوکات گەڕانەوەی پایەی کوردە کە لەمێژەوە، فەرامۆشکراوە، ئەمە لەکاتێکدا لەڕووداوەکانی هەرێمایەتییدا ژێربەژێر دەورونەخشیان گێراوە، دیارە هەمیشە بەربەستبوون لەبەرەوپێشچوونی سیاسەتانی فڵان دەوڵەت، گەر بەرژەوەندی کوردی تێدا نەبوو بێت، سەریەشە و شتی تری لەو بابەتەیان خولقاندووە. ٢٠٠٩.١٠.٣١

عەبدولکەریم قاسم، ئەفسەرێکی پلەباڵای عەرەب عێراقی بوو، بەکودەتا و خوێنڕ...شتن هاتەسەر دەسەڵات و پاشای کوشت، بەنانەوایەک دەڵێت: تكایە وێنەکەم بچووک بكەرەوە و گونكەكان گەورە بكە!٢٠٠٩.١٠.٣١

پێدەچێت ئەو پیرەمێردە تا ئێستا نەیزانیبێت کە خواوەند مردووە! نیتیشە...
خەڵک بۆيە رقی لەئەمەريكايە، چوونكە ئێمە دەمانەۆيت بۆ لای خودا بگەڕێتەوە! جۆرج بۆش
ئەو دەربڕینەی جۆرج بۆش، هەرچۆن لێکی دەدەیتەوە لەقسەی مەلایەکی نەخوێندەواری ئیسڵامی لای خۆمان دەچێت! ئاخر ئەوەی لەبەرامبەر ئەمەریکادا ڕاوەستاوەتەوە و تەنانەت دەستی خراپیشی وەشاند نوێنەڕانی توندڕەوی ئیسلامی سوونی بوون، بە موبارەککردنی مەزهەبەکانی تری ئیسلام. ٢٠٠٩.١٠.٣٠

هێزی بەرفراوان و خاوەن پێگەی جەماوەری گەورەی لەگەڵدایە، ئەم هێزانەش جۆراوجۆرن.. قورسایی جەماوەریی زۆرمان هەیە و هێزە بەشدارەكانی ئیئتیلافەكەمان ڕەسەنن..گرەنتی ئەوەمان كردووە كشانەوەی تێدا ڕوونەدات، بنەمایەكی تۆكمەی هەبێت بۆ ساڵانی دوای هەڵبژاردن..شانازی بەعەرببوونی خۆمانەوە دەكەین..حكومەتی ئیسلامیمان نەبووە تا لەشكستە...كان بەرپرس بێت، حكومەتی عێراق مەدەنی و تەوافوق و یەكێتی نیشتمانی بووە..ئێمە لەگەڵ پارتی و یەكێتی مێژووی خەباتی هاوبەشمان پێكەوە هەیە، هەر ئەوان دەناسین، ئەوان بەدەروازە دەزانین بۆ هاوپەیمانی لەگەڵ برا كوردەكانمان.. (سەرۆكی‌ ئەنجومەنی‌ باڵای‌ ئیسلامی،‌ عەممار حەكیم)

ئەو فەرخە زەلامە، کە بەخەلافەت وەک چەند دانەیەکی لای خۆمان ئەو پلەوپایەیەی ماوەتەوە، قسە لەکێشی خۆی زیاتر دەکات، هێزێکی سرفەن ئایینین، و بەشداری حکومەتەکەن کەچی لافی نەتەوەپەرستی عەرەبی لێدەدات! لەکاتێکدا هەموو دەزانیین ئەوانە هزری ئاینی و تایفییان فرە ترە لەشتێکی تر بە ئیهانە نەبێت بۆ گوند نشینان شیعەکان لادێی و کێوین، مەیلیان بەلای حکومەتی ئێرانەوە، زیاترە!
بۆیە کە باسی بزووتنەوەی گۆڕانی دەدەن بەگوێدا، غەشیمانە وەڵام دەداتەوە و هەست بەگۆڕینی هاوکێشە سیاسییەکانی ناو هەرێمی کوردستان ناکات نەیبیستبێت! وا دەزانی تەنها پارتی و یەکێتی هەن! جاوەرە ئەم کەلە وشک و بێئاگایانە لەسبەی ڕۆژدا دەسەڵاتی زۆریان هەبێت، ئەبێ چی بکەن؟ بەڵام هەرچی بکەن بەدەلیلی ئەوەی لەهاوپەیمانێتیدان، ئەو هێزە ئایینیانە سەرکەوتوو نابن.٢٠٠٩.١٠.٣٠
++++++++
مادەم ئۆپۆزسیۆن دەنگی نەدا و هاتنە دەرەوە لەهۆڵی پەرلەرەمان چۆن باقییەیەکەی تر ڕێگایان بەخۆیاندا درێژە بەو کارە بدەن؟ خۆ بۆ زۆر مەسەلە باس لەدیموکراسی تەوافقی دەکەن و بەخەڵکی دەڵێن دکتاتۆرییەت، بەکار دەهێنن! بانێکە و دوو هەوا! ئەمە نیشانەی جۆرێک لەدیکتاتۆری دەگەیەنێت بەناوی زۆرینەوە، هەر لەسەرەتاوە وترا ئەم حکومەتە سەرکەوتوو نابێت بەو دەنگدانەی ئەمڕۆ ڕاستی ئەو بۆچوونەی گەیاند، دەبێت چاوەڕوانی فشاری جۆراوجۆر بن.
چوونە دەرەوەی ئۆپۆزسیۆن، نەچوونەبەردەمی وێنە گەورەکەی مەلا مستەفا کە بەدەستی ئەنقەست هۆڵەکەیان پێڕازێنرادبووە، کە زۆر نایاساییە، رەفزکردنی هەیمەنە و هەژموونی هزری بنەماڵەیی دەگەیەنێت. ئەوانەی مانەوە چاوبەرەژێر و ماستاوچین، دەیانەوێت ڕەوشەکە وەک خۆی بمێنێتەوە. ٢٠٠٩.١٠.٢٨
++++++++
تا ئێستا هێزیكی چەكداری كوردستانیمان نییه هەرچەنده كه هەر حیزبه و هێزەكەی خۆی بەپێشمەرگەی كوردستان دادەنێت! بەڵام لەراستیدا وانییه و هەر پێشمەرگەیەك پێشمەرگەی حیزبەكەی خۆیەتی و وەفادار و گوێرایەڵی سەرۆكی حیزبەكەی خۆیەتی نەك هی سەرۆك یان سوپاهسالاری هەرێم؟
ئەم بەرەگرافە لەبابەتێکی هۆمەر دزەییەوە وەرگیراوە. داوەریکردن لەسەری دەکرێت بەپاکانەنامە بۆ مام جەلال ناولێبنرێت. بەهزری پیرانە نووسراوە. ٢٠٠٩.١٠.٢٧
++++++++
سنتەری كوردستان بۆ پرسه سیاسیەكان- سەر بەپارتی دیموكراتی كوردستانە لەکارێکیدا فەرموویەتی: زیاتر 80% ی میللەتی كورد متمانەی بەسهركردایەتییەکەی نەماوە بڕوانن و ببینن پارتی و یەکێتی چۆن گەندەڵییان تەخشان و پەخشان کردووە و پێدزکەیان کرۆتە هەموو کونوکەلەبەرێکەوە.٢٠٠٩.١٠.٢٧
++++++++
مام جەلال، لەوەتی هەیە، کەسایەتییەکی جەنجال ئامێز بووە، قسەکردن لەسەری پشکی شێری بەرکەوتووە. یان لەقەبەکانی؛ لەزەمانی بەکرەجۆیدا، بیرمە جۆرە قوماشێکی ژنانیان بەناو ئەوەوە ناونا( ڕیشی مام جەلال)، گەر بەهەڵەدا نەچووبم هەرگیز ڕیشی نەهێشتۆتەوە. لەنوێترین هەواڵدا، لە بەغدادی عەرەبی بیرەیەکیان بەناوی ئەوەوە خستۆتە بازاڕەوە، ئەمەیش دەکرێت بەچەند جۆر لێکدانەوەی بۆ بکرێت.
بەڵام مام لەبەر ئەوەی کەسێکی خروخەپانە ئامێری تەلەفوونی نۆکیای فینلاندی ژمارە ٦٦٠٠ یان بەناوی ئەوەوە نابوو
http://www.220-electronics.com/gsm/nokia6600.jpg
٢٠٠٩.١٠.٢٧
+++++++
١ - : بۆ ماڵەکەی گەڕا، نەیدۆزییەوە ، چوونکە شار جلەکانی گۆڕیبوو، لەبەر ئەوەی باران تەڕی کردبوو.
٢ - : ناوی لەپاین جێگەی نووستنەکەیدا دانا... بەبێ پێناس زۆر دەنووست .
٣ - : بەبرسێتی دەخەوت، بەڵام لەخەونیدا زۆری دەخوارد.
٤ - : تەمەنێکی لەکانەبەردەکاندا بەبەردشکاند بردە سەر، خۆی ڕۆیشت، بەردەکان مانەوە.
ئەمە چوار چیرۆکی زۆر کورتی کەسێکی عەرەبە (سعيف علي) لەیەکێک لەبلۆگەکاندا بەرچاوم کەوت. ٢٠٠٩.١٠.٢٧
+++++++
بێگومان وایە، لەم قۆناغەدا بزووتنەوەی گۆڕان ئەلتەرناتیڤە، هیچ شتێکیش سەرمەدی نییە قابیل بەگۆڕانە، هەرکات ژیان وەستا یان وەک سوعبەتچیان دەڵین گەر شەمە لەمانگ بڕا، ئەوا ئەلتەرناتیڤی نامێنێت.
باشە بەلای بەڕێزتانەوە بێجگە لەوەی ئێستا کە هەیە چیی تر ؟
ئۆپۆزسیۆن لەدوو جۆر زیاتر هەیە، ئەمەی بزووتنەوەی گۆڕان دیارە پەرلەمانتارییە بۆ چاککردنی سستەمی فەرمانڕەوایی خراپی نها و ڕابردوو. سەرەتایەکی باشیان دەست پێکردووە، لەوبڕوایەدام هێڵی بەیانیان بەرزتر دەکەنەوە.
ئیتر دەرەوە، جادە بەشێکی هەڵپێکراوی ئەرکیانە، تا ڕادەیەک قورسە. بەوەش کرێڤی جەماوەریی بەرزتر دەبێتەوە. بەپێچەوانەی دیدی بەڕێزتەوە!
باشە ئەی بۆ لە خۆت ناپرسی بۆ گۆڕان هاتە مەیدانەوە؟ بێگومان بەهۆی خراپی سیستەمەکەوە بووە کە بەڕێوەیان بردووە! ئۆپۆزسیۆن ئەلتەرناتیڤە، نەک شتێکی تر، دەڵێن ئێمە حوکمەت پێک بهێنین ئاواو ئاوا بەڕێوەی دەبەین و لەکۆنەکان باشتر دەبین، بۆیە خەڵک دەنگیان پێدەدات و تاقیان دەکاتەوە.
لەم خاڵەدا ملم لەموو باریکترە، بەڵام تۆ بڕوانە ئەندام بەرلەمانەکانی گۆڕان بزانە لەکۆی ٢٥ چەندیان خانمە وەک جەنابتان؟
کارکردن زۆر سەختە بەتایبەتی لەمەسەلەی ژناندا بەداخەوە ئەو وڵاتە غەزەب لێنیشتووە هی ژن و مناڵ و ستاتیکا نییە، بەهیوام ئەم هەنگاوە ببێتە هۆی گەڕانەوەی شتەکان بۆ شوێنی خۆیان
گرنگ ئەوەیە لەمەودوا ئەوانەی کۆنی ناو دەسەڵات کە قسەیان لەسەرە و تێوەگلاون ناتوانن درێژە بەو کارە بدەن، لایەنێکی تر ئەوەیە دەسەڵاتیش وەک چۆن ئۆپۆزسیۆن بەزەرەبین دەگەڕێت بۆ گەندەڵی و ناشیریینییەکانی دەسەڵات، ئەوانیش بەهەمان شێوە بەدوای ئەمانەوەن. کەواتە لەم نێوەدا کێ قازانج دەکات؟ ئایا ئەم هەنگاوە بەئاڕاستەیەکی پۆزەتیفدایە یان نێگەتیف؟ بێگومان میللەت سوودمەند دەبێت. ئەوەیش بزانە فوول دیموکراتی لەهیچ شوێنێکی دنیادا نییە، قابیلە هەرێمی کوردستان شاز بێت. ٢٠٠٩.١٠.٢٤
++++++++
کۆن بەجێ دەهێڵین یان ئەو دێتەوە بۆ لامان و داگیرمان دەکاتەوە، دەکرێت واز لەقەدەر و مێژووی خۆت بهێنیت، بۆ هەرکوێ بچیت، سێبەری بەسەرتەوە ئەبێت؟ جا کۆنمان رەخنە کردووە، یان لەگەڵ هەر سەردەمێکی نوێ و گۆڕانکارییەک خۆزگەمان بە کۆن بەمانا بەرفراوانەکەی خواستووە! جا ئەو یەخەگرتنە هەمیشەییەی کۆن کە وەک چەسپی دووقلی پێمانەوە نووساوە، وای لێکردووین غیرەت بدەینە بەر خۆمان و بیر لەشیتەڵ و دایلۆگکردنی بکەینەوە، لەو هزرەوەی هیچ شتێک قابیلی ئەوە نییە، هەتاهەتایە بەپیرۆز سەیربکرێت! ٢٠٠٩.١٠.٢٤
++++++++
لای خۆمان کە ناوی سویسرا دەبرا، بەوەی وڵاتێکی جوان، دیموکراتی، بەرهەمهێنەری کاتژمێری نایابە، پێدەچێت بەهۆی فشاری ئیسلامی سیاسییەوە، بەرگی دیموکراتی فڕێبدات، یان حەدێکی بۆ دابنێت! ماوەیەکە ژمارەیەک لەحیزبە نەتەوەپەرست و ڕاسڕەوەکان، بۆ بەرگرتن لە تەوژمی بەئسلامبوونی وڵات هەڵمەتێکیان دەستپێکردووە تا دەستوور بگۆڕن و نەهێڵن لەوە زیاتر بەهەر بیانوویەکەوە بێت مزگەوتی نوێ دروست بکرێت. ئەم پۆستەرە زمانی کوردیم کردەسەر، گوزارشت لەو دیدە دەکات:٢٠٠٩.١٠.٢١
++++++++
خەسرەو پیرباڵ - Khasro Pirbal، وێرای هاوشاری بوون، و هاوڕێمە، بەڵام هێندەی بزانم و بیناسم وەک من فینلاندی باش نازانێت، تەنانەت لەگەڵ ژنە فینلاندییەکەیدا بەئنگلیزی دەئاخاوێت! کەچی سەیر بکەن دیوانی شیعر لەو زمانەوە وەردەگێڕێتە سەر کوردی! ئیتر تێناگەم چۆن ڕێگای بەخۆی داوە کارێکی وا بکات؟!
زمانی فینلاندی بەئیعترافی خودی فینلاندییەکان یەکێکە لەگرانترین زمانەکان، مرۆڤ بەئاسانی بەتایبەتی گەورە ساڵانی پەناهەندەی وەک ئێمەمانان فێری نابن.
ئەو برادەرە وتارێکی وەرگێڕایە ئیمکان بوو جێی ڕەخنەی کەم بێت، بەڵام ئەو هاتووە شیعری وەرگێراوە و فینلاندی باش نازانێت! ئیتر وەر خۆت ئەو مووە لە گەندەڵییە دەربکە!
لەپایزدا ڕۆژ بەرەو کەمی دەچێت، ئیتر ئێرە زۆر زۆر تاریک دەبێت، بۆیە دڵی فینلاندییەکان دەگیرێت، خوخوایانە بەفر ببارێت بۆ ئەوەی دنیا ڕووناک بێتەوە. بەهۆی تێکچوونی ژینگەوە، بەفر بارین درەنگ دەکەوێت، بۆیە حالەتی تاریکی رەشی تۆخ درێژ بۆتەوە، بەڵام شارستانەکان هەمووی ڕووناکە، بەهۆی وزەی کارەباوە. ئەو سیمبولیکە، مەبەستی بێخزمەتی ئەو ناوچە داگیرکراوەی فینلاند لەلایەن ڕووسەکانەوە. بۆیە هەتا ئێستاش حەزیان پێیان نییە، بەڵام خوا ئەو خوایەیە، ڕێک وەک خۆمان و عەرەبە عێراقییەکانە، ڕووسەکان، کەسانی پلە دوون و مەجبوورن و مەمنوونن لەفینلاند قبووڵیان بکەن. وەک چۆن عەرەبەکان هەرچی سووکایەتی هەبوو پێیان دەکردین، بەهەموو عەرەبێکمان دەووت سەیدی، ئێستا ئەوان پلە دوون لەلای ئێمە و مەجبوورمانن. ٢٠٠٩.١٠.١٧
++++++++
تورکەکان لە ئەورووپا وەک هەر ڕۆژهەڵاتییەکی تر سووک سەیر دەکرێن. لەنێو خۆی وڵاتەکەش دەیانبینی لەبەرانبەر ئەورووپییەکاندا هێندە سووکن مرۆڤ شەرم دەکات. ئەو شۆڤێنییەتەی لەناوخۆی تورکیا لەبەرانبەر کورددا دەیکەن وەک ئەو هزرەی لای خۆمان وایە کە شاری لەبەرنبەر گوندنشینەکاندا بەکاریدەهێنن! ٢٠٠٩.١٠.٤
++++++++
ئەوەی کە خالیدی خولە سوور لەو چاوپێکەوتنەی ڕۆژنامەی ئاوێنەدا باسی کردووە، گوایە بە فەرمانی مام جەلال و نەوشیروان مستەفا بۆتە پیاوی حکومەتی عەرەبی عێراقی، و ڕاوچی پێشمەرگە، دەچێتە خانەی گێڕانەوەی مێژوو، هەر لەو قۆناغەدا ئەو سەرکردە ناسراوانەی ئێستا و کۆن، گەر لۆجیکانە بڕوانیینە مێژووی بزووتنەوەی چەکداری، شتی وایان فرە کردووە، لەوانەیە لەدنیای ململانێی سیاسیدا نموونەی لەو جۆرە زۆر بن. چۆن بۆ میللەتانی جیهان واردە بۆ کوردی هەرێمیش بەهەمان شێوە.

قسە لەوەدایە، ئێستا کۆمەڵگاکەمان کراوەترە، بۆیە کەس شەرمی لەکەس نییە، ئەو نهێنیانە و زۆری تر نها و لەداهاتوودا دەبینرێت و دەورووژێنرێت. بۆ قامک خستنە سەرئەو بنتە، دەکرێت بەجۆرێکی دی لێکبدرێتەوە، ئەو ڕۆژنامەنووسە بۆ لەم کاتەدا ئەو کەسەی هێناوەتە دوان؟ کەسێکی جەنجاڵئامێزە، ماوەیەکە لەمیدیادا باس دەکرێت، ئەمە لەکاتێکدایە نەوشیروان مستەفا ڕابەرایەتی قەوارەیەکی سیاسی دەکات و لەهەڵبژاردنی مانگی حوزەیراندا بەسەرکەوتن گەیشتووە، لەهێز و توانای هەردوو پارتی گۆڕەپانەکە کەمکردۆتەوە.

ڕکەبەرەکانی بەهەر شێوەیەک بێت لەهەوڵی لێدانی بکەری ئەسڵی ئەو کارە و ئەو سەرەن و لەکێش و کەسایەتی کەم بکەنەوە، ئیتر لەڕێگای وروژاندنی مێژووی ئەوەوە بێت یان شتی تر...
وردبینی ئەم لێدانە لەوەوە دێت لە کەناڵێکی سەربەخۆوە دەرچووە، کە لەلایەن ئەو دوانەوە تاوانبارە بە پشتیوانی لە لیستی گۆڕان! کەواتە گەر وای ناوبنێین دۆستان دەکەن بەگژ یەکتردا، لەلای یەکتر بێئیعتبار دەبن! بۆ خۆشی پەیامێکە بۆ ئۆپۆزسیۆن بەوەی زۆر دڵ نەبەستی بە ڕاگەیاندنی سەربەخۆ، قابیل بەوەیە لەهەر چرکەساتێکدا لێت هەڵگەڕێتەوە و وەک مار پێتەوە بدات! ٢٠٠٩.١٠.٧
+++++++++
هزری کوردی و فارسی و عەرەبی و پاکستانی و تورکی چ جیاوازییەکی لەگەڵ هی ئەورووپییەکاندا هەیە؟ لەباری بایلۆجی و فیسۆلۆجییەوە وەک یەکە؟ و لەبیرکدنەوەدا لەیەک ئاست دان؟ بێشک وەک یەک وان، بەڵام هزری مرۆڤێکی ئەورووپایی لەنێو باگراوەندی زانستی و فەلسەفی و کراوە بەڕووی دایلۆگ و قەناعەت پێکردنی یەکتردا خەمڵیوە. بەرئەنجامی مێژووەیەک لەهەوڵ و تێکۆشانی بێوچانە، کەواتە قۆناغی پاشوپێشی هزر رۆڵی کاریگەر لەو جیاوازییەدا دەبینێت. ٢٠٠٩.١٠.٣
+++++++++
لە ٢٩ مانگی ڕابردوودا، لەبەرلین، دادگا ڕێگای بە خوێندکارێکی تەمەن ١٦ ساڵەدا، لەقۆناغی ناوەندی، لەکاتی پشووەکان دەوامدا دەتوانێت نوێژ بکات. بڕیارەکە سەرچاوەکەی لەدەستووری ئەڵەمانییەوە وەرگیراوە کە دەڵێت: ..نابێت ئازادی ویژدان و مەزهەب، ئازادی ئایینی و بیروڕا سکۆلارەکان پێشێل بکرێت..
بەمەرجێک ڕێ لەمافە بنەڕەتییەکانی خەڵکانی تر نەگرێت، بڕیارێکی وا زەمینە خۆش دەکات بۆ ئایینەکانی تریش تا فەرزە ئایینیەکانیان جێبەجێ بکەن، جۆرێک لەفەوزا دەخولقێنێت! لەگەڵ بێلایەنی خوێندگا و سیستەمی پەروەردە نایەتەوە. کاریگەری لەپرۆسەی لێکهەڵپێکانی دەکات، جیاوازییەکانی نێوان موسڵمان، جوولەکە، کریسیان، بوزی ... گەورەتر دەکات! هەرچۆنێک بێت ئایین کاری تایبەتی مرۆڤەکانە، دەبێت وا بمێنێتەوە. ٠٩.١٠.٢
+++++++++
بەرتیل کە بەشێکە لەهەیکەلی گەندەڵی، لە هەریمی کوردستان وەک کاری ئاسایی ڕۆژانەی خەڵک چاو لێدەکرێت! بۆتە هۆی ڕاگرتنی گەشە و پێشکەوتنی کۆمەڵگاکە! ٠٩.١٠.٢
++++++++
لەناو پارتی دیموکراتی کوردستاندا هەمیشە کورسییەک بۆ ”مەلا مستەفا“ بە چۆڵی جێئەهێڵدرێت و وێنەیەکی ئەوی لەسەر دائەنرێت. ئەو کە خۆی لە گۆڕدایە، دائەنیشت لەڕێگای وێنەکەیەوە نەک لەوێ بەڵکوو لە شارەکانی هەولێر و دهۆک وەک دەرزی دەچێت بەچاودا و ئامادەیە و حوکم دەکات! ٠٩.٩.٣٠
++++++++
ئازاد جندیانی، دەفەرمووێت: ئۆپۆزسیۆن، بەبەشێكی سەرەكی پرۆسەی دیموكراتیزەكردنی كوردستان ئەزانین، لەپێناویشیدا تێكۆشانی زۆرمان كردووه!... بەڕێوەچوونی پرۆسەیەكی سیاسی ... بەرپرسیارێتییەكی هاوبەشی دەسەڵات و ئۆپۆزسیۆنه...ئۆپۆزسیۆن نابێت ناتەندروست و ناڕەحە...تمان... بكات..!!
ئاخر ئەوە چ لۆجیکێک و درۆیەکی زەبەلاحە، ئێوە هەوڵی دروستکردنی ئۆپۆزسیۆنتان دابێت؟! مەگەر بەو شێوەیە لێکبدرێتەوە و ئەو پەیڤانە ڕاست بن، کە سیستەمی بەڕێوەبردنی وڵاتتان گەیاندە کەناری هەرە ناشیرین و نەخوازراوی خۆی، بۆیە خەڵکیتان لێ هاتنە دەنگ و خۆیان ڕێکخست و لە مانگی حوزەیران و هەنگاوی یەکەمدا پاشەکشەیان پێکردن، دەسەڵاتی بێمونافسیان کەم کردنەوە. تۆشی سەرسووڕمان و شەپۆکاوییەکی وایان کردن، تا ئێستا نەهاتوونەتەوە سەرخۆ.
ئاخر ئەو پێناسەیەی بۆ ئۆپۆزسیۆن هەتانە، ناچێتە گیرفانەوە، دانیشتن بە هزری ئێوە بیربکەنەوە، جا ئەو کاتە چی بە جەماوەرە ناڕازییەکە بڵێن، ئێوە ڕێگای خیانەتیان پیشان دەدەن، ناچنە ژێر باری ئەو بلۆفە بریقەدارەوە. ٠٩.٩.٢٩
++++++++
کێشەی عەرەب و جوولەکەکانی ئیسرائیل وەک نەخۆشی شێرپەنجەی لێهاتووە، نەک خۆیان بەڵکوو جیهانیشیان مەشغوڵ کردووە. ململانێکە پەڕیوەتەوە ناو وردەکارییەکانی ژیانی تاک تاکی ئەو کۆمەڵگایەوە؛ گروپێک لەجوولەکەکان بۆ ماوەی ١٠ ڕۆژ زیاترە بەشەو لەشاری قودس دەگەڕێن بۆ ئەو کچانەی کە دڵداری لەگەڵ کوڕانی عەرەبدا دەکەن، هەڕەشەیان لێدەکەن بۆ پاشگەزبوونەوە، بەبیانوی ئەوەی بەپارە و دیاری دەیانخەڵەتێنن و دەوڵەمەندن. جولەکە دەبێت بەجوولەکەیی خۆی بمێنێتەوە. ئەی کورد دەبێت لەبەرانبەر شاڵاوی وادا کە لەهەرێم هەیە، ژێربەژێر لەجەرەیاندایە، کوڕان و کچان لە عەرەب نزیک دەبنەوە، یان بەپێچەوانەوە! چی بکرێت؟ ٠٩.٩.٢٩
++++++++
بەشێک لەناسیۆنالستانی هەرێمی کوردستان، دیدیان لەسەر تورکمان و بەتایبەتی بەرەی تورکمانی وایە؛ گەر هەموو قۆڵت هەنگوین بێت و بیکەی بە قورگیاندا، دەرتهێنایەوە گازی لێدەگرن! کەمێک ڕاستی تێدا بێت، چۆن؟ لەم ڕۆژانەدا لەسەر ئەو بڕە پارەیەیی مام جەلال بۆ قەرەبوو کردنەوەی ئاوارەکانی یاریگای کەرکووکی تەرخانی کردووە، کەوتوونەتە تەقە! خەتاکە لە مام جەلالەوەیە، چی بۆ نەکردن؟ زۆری یا بەدەمیانەوە! ئەوەیش ئەنجامەکەی؟ ٠٩.٩.٢٦
++++++++
هەینی ڕابردوو ٢٥ی ٩، هەزارەها موسڵمان لەنزیک کۆشکی سپییەوە بەکۆ نوێژیان کرد. ئەوەی جێی سەرنجە پەیڤی یەکێک لەڕێکخەرانی خۆپیشاندانەکەیە، بەم شێوەیە:
...ئەمەریکا یەکێکە لەباشترین شوێنەکانی جیهان بۆ ژیان تیاکردن... هێشتا مەشخەڵی ئازادی و ئومێدە...٠٩.٩.٢٦
++++++++
بزووتنەی گۆڕان لە وڵاتی میسری عەرەبی ناسراو بە كفاية، جەمال موبارەکی کوری سەرۆکی ئەو وڵاتە لەسەر ئەو هەموو سەروەت و سامانەی کە کەس نازانێت لەکوێوە هێناوییەتی، و هەیەتی، دەدات بەدادگا. بزووتنەوەی گۆڕانی لەمەڕ خۆشمان، تۆبڵێی کاری لەو جۆرەیان بەدەستەوە نەبێت، لەسەر کوڕەکانی مەسعود بارزانی و مام تالەبانی و دارودەستەی خوار ئەوانەوە... ٠٩.٩.٢٤
++++++++
پەنجەرە کردنەوە بەڕووی تەوژمەکاندا، جوانە، هاوکات قابیلی ئیستغلالکردنە، وەک دەبینین ڕەگی عەشایەری و بنەماڵەیی چۆن گەشاوەتەوە، بەشێکی هەڵپێچراوی ئەو گەندەڵییە کە بەدەستییەوە زەلالەتمانە! شتە هاوبەش و گشتییەکان بوون بەژێرەوە. تا دوێنێ هەورامی و باهدینییەکان بوو، نها هەولێرییەکانیشی هاتە بان! بەناوی ئەوەی موخالەفەت زۆرە لەبەرانبەر بەفەرمیکردنی و بەستاندارککردنی شیوەزاری سۆرانی، لەبری شێوەزاری هەولێری بۆ ئەو مەبەستە پێشنیار دەکات! ٠٩.٩.٢٣
+++++++
ئەگەر مەنهەجی ئایینی هۆی دواکەوتوویمان بێت، خۆ لە زووربەی وڵاتانی دەورووبەرمان مەنهەج بەو شێوە توندە نییە، ئەی بۆ ژنان هەروەک ئێمە وان؟! گەر خراپتر نەبن، چاکتر نیین؟! کەواتە عیلەتەکە لەخودی ژناندایە نەک شتێکی تر... مەبەست ئەوەیە، کە لەوڵاتەکەی مەنهەج ئایینی لەچاو وڵاتانی عەرەبی و ئیسلامی تووند ترە، بەحوکمی ئەوەی یەکدوو شوێنی پیرۆزی ئیسلامەکانی لێیە، بنەماڵەیەکی کۆنەپارێز و عەشایەر حوکمی دەکەن... ئەو دیدە ڕووی ئایین کەمێک سپی دەکاتەوە! سەرجەمی کێشەی ژنان دوو سەرەیە؛ هەم ژنان و هەم ئایین ڕۆڵیان لە دوکەوتوویی ژنان لەناو کۆمەڵگادا هەیە!
بەو شێوەیە نییە نە ژن پیرۆزە نە ئایین. قسە لەوەیە ئایین ڕۆڵی خراپ دەگێڕێت لەژیانی مرۆڤەکاندا بەتایبەتی لەوڵاتانی ڕۆژهەڵاتدا کە بەتوندی گیراوە و دەرگای ئیجتهاد و هەر جۆرە ڕیفۆرمێک داخراوە... ئایین لە دواکەوتووی ژنان پلە یەک نییە، بەڵکوو هۆی تر ڕۆڵی لە کۆتوبەندکردنی ژناندا هەیە، ئەویش کەلتووری دواکەوتوویی خێڵەکی و عەشاییەرییە. ٠٩.٩.٢٢
++++++++
بەپێی ڕێکخراوی گەشە و هاوکاری ئابووری لە ٣٠ وڵاتی ئەورووپی ڕێژەی بێکاری بۆ یەکەمجار لەدوای جەنگی جیهانی دووهەمەوە گەیشتۆتە ١٠% ،پێشبینی دەکرێت زیاتریش بێت! ئەمەیش پەیامێکە بۆ هەموو ئەو گەنجانەی هەرێمی کوردستان کە دەیانەوێت بێنە ئەورووپا، وردە وردە ئەو تەسەورەی لەبەرامبەر ئێرە دروست بووە گوایە بەهەشتە، کاڵ دەبێتەوە، بەم هۆیەوە ناچار کوردەکانی دەگەڕێنەوە، بەتایبەتی نها وڵات لەسەردەمی بنیاتنانەوەدایە، هەلی کارکردن زۆرە... ٠٩.٩.٢١
++++++++++
هیچ دڵخۆشکردنێک لەو حکومەتەدا نابینرێت، دەزانن بۆ؟ چوونکە ئەوەی نێچیر بارزانی کە کەسێکی پڕنفوزی ناو پارتی بوو، حکومەتەکەی لەگەندەڵیدا نوقم بوو. قابیلە ئێستا دکتۆر بەرهەم لەو بەنفوز تر بێت و سەرکەوتوو تر بێت، ئەوە هەرگیز نابێت؟! ئەمە وێڕای ئەوەی دکتۆر بەرهەم تا ڕادەیەک کەسایەتییەکی خۆشەویستە، لەجێبەجێ نەکردنی ئەرکەکانی دەبێتە مایەی لێدانی ئەو کەسایەتییە، لەکەدار بوونی. 09.9.19
++++++++++
ئەحمەد تورک، بەخاتری ڕاوێژکردن دێت بۆ دیدەنی باشوور، دەبێتە قوربانی دەستی کوردایەتییە! ئەو لەکوردستانی باکووڕ پڕ نفوزترین پارتە، لەپەرلەمانی تورکیا ژمارەیەکی باش پەرلەمانتاریان هەیە، و تەنانەت تورکە دڕەکانیش ئیعتباری بۆ دادەنێن. کەچی لای دەسەڵاتدارانی هەرێم وا نییە، لەم سەردانەیدا ئەو پێشوازییە ساردوسرە چیبوو لێیان کرد و دەبوایە مام جەلال بچوایە بەرەو پیری، نەک کەسێکی تر....!!!!!!! 09.9.19
+++++++++++
گێژەڵووکەکە هێشتا ئارام نەبۆتەوە! گەر ڕۆژانە لە ڕۆژنامەی کوردستانی نوێ بڕوانیت هەست دەکەیت، بەشێکی زۆری بابەتەکانی بەکورت و درێژییەوە، لەسەر بزووتنەوەی گۆڕان و گردەکەیە!؟ پێدەچێت کاریان نەمابێت تەنها چاودێری ئەوان نەبێت! 09.9.18
++++++++++
وەک هەواڵەکان ڕادەگەیەنن لیستی گۆڕان دەنگیان بە سەرۆک وەزیران و جێگیرەکەیان نەدا. لەبەر ئەوەی کە دەبوایە سەرەتا دەنگ بدرایە بە سەرۆکی حکومەت، دواتر ئەو جێگیرەکەی دەستنیشان بکردایە. ئەو کارەیش، بۆ خۆی جۆرێکە لە فیفتی فیفتیە کۆنە، کە لەنێوان لیستی کوردستانی هەبوو. سەرەتای سەرنەکەوتنی ئەو حکومەتە پیشان دەدات!
هەر ئەم دەنگدانە قلشتی خستە نێوان ڕیزەکانی ئۆپۆزسیۆن! جێی داخە کۆمەڵ ئیسلامی و حیزبی سۆسیالیست و زەحمەتکێشان، دەنگیان بەبەڵێ دا، هەر زوو وەفاداری خۆیان لەبەرانبەر دەنگدەران دۆڕاند! سەرەتایەکی خراپ کە قابیل بەوەیە داشی لیستی کوردستانی زاڵ ىێت!
دەڵێن، ئەو کارە یاساییە، کام یاسا، ئەو یاسایەی کە بەر لە چەند ساڵ لەترسی یەکتر لە پەرلەماندا هەڵبزرکێنراوە، تا ڕادەیەک هەقیشیان بوو، لەترسی یەکتر دایبنێن. پاش چەندەها ساڵ بۆ مەیسەر کردنی کاری خۆیان و لەدژی ئۆپۆزسیۆن بەکاریدەهێنن! نها، هەلومەرجی ئێستای نێوان پارتی و یەکێتی نەک گۆڕاوە بەڵکوو وا هەست دەکرێت گەراوینەتەوە بۆ ناوەڕاستی شەستەکان کە پارتی یەک پارچە بوو، مام و برایم ئەحمەد جیا نەبوونەتەوە! تەناقوزەکە لێرەدایە، ئەم بەدگومانییەی نێوان ئەو دوو هێزە و هاوکات لێکنزیکبوونەوەیە لەپای چی؟ 09.9.17
+++++++++++
عادل تۆفیق ڕەشید ناسراو بە عادل بەرواری، خەڵکی شاری دهۆک، پەرلەمانتار لەسەرلیستی هاوپەیمانی کوردستانی ژمارە ١٠ و سەر بەپارتەکەی مەسعود بارزانییە. کۆنە ڕاوێژکاری فەوجە سوکەکانی ژمارە ٢٠٦ سەردەمی بەعس بووە! دەوری باشی لەپرۆسەی ئەنفالدا گێڕاوە! لەلایەن دادگای باڵای تاوانەکانی عێراق، لەلیستی ناوی (٤٢٣) داواکراوه، ژماره(٣٤٣)ی بەرکەوتووه.
ئەو جەنابە بۆ تا ئێستا پەرلەمانتار بووە؟ ڕسوانەکراوە؟! نها ڕێکخراوی کوردۆساید لەجیاتی ئەوەی داوای دەستگیر و زیندانیکردنی بکات دەفەرموێ؛ دەریبکەن! جا بەقسەیان دەکەن؟ بڕوا ناکەم! 09.9.16
++++++++++
مەلا بەختیار، لە ماڵپەڕەکەی خۆیدا نووسینێکی بەناونیشانی (كۆمپانای وشە و دیپلۆماسیەتی دوژمنایەتی)ی هەڵبزرکاندووە، لەوێدا ٢ مەسەلەی وروژاندووە، یەکەمیان شایەنی باس نییە، دووهەمیان کە خۆی لەتۆمەتێکی ترسناک دەبینێتەوە! ئیتر نازانم بزووتنەوەی گۆڕان نرخ بۆ ئەو کەسە و ئەو تۆمەتە دادەنێت؟ بۆ خۆم لەو بڕایەدا نیم! بابزانیین چۆن دەبێت..... 09.9.16
+++++++++
تۆتالیتاریزم جگه لەوەی هەوڵدەدات جەستە و جموجۆڵەكانی دەرەوەمان كۆنترۆڵ بكات، بەهەمان شێوە هەوڵدەدات بێتە ناخمانەوە و لەوێشەوە كۆنترۆڵمان بكات. فەیلەسوفی بەرەگەز ئەڵمانی (هانا ئارێنت)
+++++++++
پەردەی کچێنیت بە ١٥ دۆلار بکرەوە، بێ ئەوەی نەشتەرگەری بکەیت.. ئەمە ڕێکلامێکە لەوڵاتی میسر، بۆ بەرهەمێکی چینی بڕیارە دوای چەژنی ئایینی ڕەمەزان لەبازاڕاکاندا بفرۆشرێت. لە سووریا دەمێکە هەیە، کەواتە لە عێراقی عەرەبی و هەرێمیش دەستدەکەوێت. ئیتر باشە کچەک...انی کوردستان لە سەر نەمانی پەردەی کچێنی، ناکوژرێن و زۆربەی تاوانەکانی دەرهەق بە مێینە دەکرێت لەسەر ئەو پەردە نەعلەتییەیە. ماڵی تەکنەلۆجیا ئاوەدان بێت کە ژیانی مرۆڤ دەکڕێتەوە. 09.9.15
++++++++++
لەبەرنامەی گەرماوگەرمی تەلەفیزیۆنی گەلی کوردستاندا بەمە بەشداربووم:
ئەوە چ لۆجیکێکە ئەو برادەرەی سلەیمانی باس لەئەرکی ڕۆژنامە و ئۆپۆزسیۆن دەکات! مادام ئۆپۆزسیۆن لەهەرێم دروست بووە، دەوری ئۆپزسیۆنبوون و فشاری ڕاگەیاندن گوایە بەسەر چووە هەر کامەیان با بچێت بە لای کاری خۆیەوە! ئەمە لەدنیای واقعیدا نایەتەوە چوونکە ڕاگەیاندن دەوری دوو سەرەی هەیە، لەئەورووپادا و کۆمەڵگا کەم کێشەکاندا واز لەو دەورە ئۆپۆزسیۆنی خۆی نەهێناوە! 09.9.14
+++++++++
(ئەو كەسەی بۆ یەكەمجار لەبری رم جنێوی بەكارهێنا، ئەو كەسه بەردی بناغەی شارستانیەتی دانا). فرۆید
+++++++++
لەبەلجیک پێنج لە خوێندنگاکانی ئەو وڵاتە، بڕیاری لەسەر ئەوە دەدەن کە مناڵانی بەئەسڵ مسلمان، بەسەرپۆشەوە بۆیان نییە بێنە دەوام.
لە بەریتانیا بەبۆنەی یادی کارەساتی ١١ی سپتەمبەرەوە، لەبەردەم مزگەوتێکدا شەروپێکدادان لەنێوان موسلمان و گەنجانی توندرەو ڕوو دەدات، داوای ئەوەیان کردووە کە بەسە بۆ کردنەوەی مزگەوت زیاتر.
ڕەوشەکە بەرەو خراپ بوون دەچێت، هزری راسستی لەگەشەدایە، ئەمە وێرای بێکاری زۆری ڕۆژهەڵاتییەکان بەهۆی قەیرانی ئابوورییەوە.! ئەی چار مانەوە لەژێر ئەم چەرداخەدا یان گەڕانەوە بۆ وڵاتی خۆ؟ 09.9.12
++++++++
ئەو نووسەرە بەهەڵەدا چووە دوا لە مەسعود بارزانی دەکات؛ لەسەر شەرمەزاری و خینانەتی گەورە و قورسی ٣١ی یابی ١٩٩٦ داوای لێبووردن بکات! بەداخەوە، ئەو و بنەماڵەکەیان کەپوویان زۆر لەوە گەورەترە کە بەئارامی و شارستانیانە داوایەکی وایان بەسەردا فەرز بکرێت! هەرچەندە توندوتیژی دەبێت دواهەمین چارە بێت. بەڵام..... 09.9.11
++++++++
الدكتور يوسف القرضاوی، یەکێکە لەوانەی فەتوای ئایینی تەخشانی و پەخشان دەکات، لە نوێترین فەتوایدا، ئەوە دەفەرموێت؛ لەبەر ئەوەی ئەمەریکا لە عێراق وەک داگیرکەر وایە نابێت عێراقیەکان رەگەزنامەی ئەمەریکی وەربگرن! ئەو موتەخەلیفە عەقلییە، بۆ خۆی غەشیم دەکات و نازانێت لەعێراقی عەرەبیدا بەتایبەتی شیعەکان کە زووربەن، بەو قسەیە ناڵێن ئامین. 09.9.10
++++++++
مەلاكان جاهیلن! بەئەنقەست دژایەتی ئایین دەكەن و دەیانەوێت ئایین و ئایینداری راستەقینە لای خەڵك ناشیرین بكەن!
خاوەنی ئەم دێڕانە شەرمنانە دژایەتی ئایین دەکات! ئەگینا ئایین سروشتی لاستیکی هەیە و ئایینی راستەقینە و زۆر شتی تر، فشەیەکی قەبەیە. 09.9.7
++++++++
بەشێک لەتورکمانەکان، لەزمانی خۆیانەوە، سیخوڕیان بۆ تورکیا، ئاشکرا دەکەن! ئیشیان بەدەزگای ئاشایشی ئەو وڵاتە چییە؟! جا ئەم بەشە هێندە لەبەرامبەر کوردا نابینان، بەحوکمی هەژموونی کورد لەکەرکووکدا، هەر تاکێکیان بگری، زمانی کوردی دەپەیڤن، کەچی لەماڵپەڕەکانیاندا زمانی عەرەبی دانراوە، کوردی تیا نییە! 09.9.5
+++++++++
شێخ جەمال ئەلبەنا، ڕووناکبیریرێکی ئایینی عەرەبی وڵاتی میسرە، دیدی لەسەر هاتنی لەشکری ئەمەریکا بۆ لەناوبردنی سەدام و دارودەستەکەی ٢٠٠٣ بەم شێوەیە دەربڕیوە:
کافرێکی دادپەروەر لە موسڵمانێکی زاڵم باشترە.
کەواتە دادپەروەری لە پێش ئایندارییەوەیە. 09.9.5
+++++++++
لەم ڕۆژە ٣١ی ئاب شوومەدا لە شارۆچکەی شەقڵاوە بووم، دواتر بیرەوەرییەکانم نووسییەوە، لەهاتنە دەرەوەمدا خێزانەکەم بەبێ پرس لەترسی پشکنینی بازگەی پارتی لەجانتای سەفەردا دەریهێنابووی فەوتاندبووی! بەڵام بەر لەوە کۆپییەکەیم دابوو بە ستران عەبدوڵڵا، ئیتر نازانم ئەوە ماوە؟ خۆزگە مابێت، ئێستاش هەرچەند دەکەم وردەکاری ئەو ساتانەم نایەتەوە بیر... 09.8.31
++++++++
زاهیر جەلالی گۆڕانی بێژم دی، تەکسی دەئاژوو، هەر کەسێک سەرکەوتایە، پێنج پرسیاری بەرەوڕوو دەکردەوە، گەر سیانی بزانیایە ئەوا وەک خەڵات کارتێکی١٥٠٠ دیناری کۆمپانیایەکی شاری هەولێری پێدەبەخشی و پێی دەووت برۆ لەهەولێر وەربگرە! لەپێناو چیدا ئەو جەنابە خۆی کردووە بەموهەریجی کوردستان تیڤی؟!! 09.8.28
++++++++
گەر ناچار به هەڵبژاردنم بكەن لەنێوان حكومەتێك كه ڕۆژنامەگەری ئازادی تێدا نییه و جێگەیەك كه رۆژنامەگەری ئازادی هەیه، بەڵام حكومەتی تێدا نییه، ئەوا بێگومان دووهەم هەڵدەبژێرم. چونكه حكومەتێك كه ڕۆژنامەگەری ئازادی نییه، شانسی گۆڕانی له پلەی سفردایه. لەوتارێکەوە وەرگیراوە 09.8.28
++++++++
مامۆستا كەی ئازاد دەبم؟
مامۆستا: كەس دەتوانێت واتلێبكات باوەڕ به شتێك بكەیت كه باوەڕ ناكرێت؟
خوێندكار: نەخێر.
مامۆستا: كەس دەتوانێت لەسەركردنی كارێك ڕەتتبكاتەوه كه باوەڕت پێیەتی؟

خوێندكار: بەڵێ.
مامۆستا: چۆن؟
خوێندكار: ئەگەربێت و هەڕەشەی كوشتن و دەستگیركردنم بكات.
مامۆستا - ئەی ئەگەر له مردن و دەستگیركردن نەترسایت؟
خوێندكار: ئەوا ناتوانێت.
مامۆستا: كەواته تۆ ئازاد نیت. لەبابەتی کەسێکەوە، وەرگیراوە 09.8.26
+++++++++
برادەرێک لەبەرنامەی ئەو ڕۆژانەی ئەمڕۆیان دروست کردووە، کەناڵی کوردسات بەناوی کاوە عومەر عەبدوڵڵاوە، بەقسەکانیدا دیار بوو لەسەر گروپێکی چەپ گیرابێت، باسی چۆنییەتی گرتنی، ئەشکەنجە و ڕۆژانی ڕاپەڕین و ئازادکردنیانی دەکرد. ناوی ژمارەیەک زیندانی هێنا کە پێکەوە بوون لەوانە کاژاو جەمالی ڕۆژنامەی هاوڵاتی و دیدار بەکری یەکێتی بێکاران نەها لەفینلاندە و حەسەنی مرووری کتێبفرۆش،.. یادیان بەخێر 09.8.19
+++++++++
لە کاتژمێر ٣ بۆ ٤ ی ئێوارەی ئەمڕۆ ١٧ ی ٨ ی ٢٠٠٩ ڕادیۆ نەوا بەرنامەیەکی پەخشکرد. لەوێدا فەلاح مستەفا، باسی لەمەرجی ئەو نوێنەرانەی کوردی دەکرد کە لەبالوێزخانەکانی عێراق، دەبێت هەبن. لایەنی کەم زمانی وڵاتەکە بزانێت. ئەو مەرجە لە نوێنەرەکانی کوردی بالیۆزخانەی فینلاند نییە! هەمووشیان ٣ کەسن سەر بەپارتین! ئەمە چەندی بەچەند؟! 09.8.17
+++++++++
هەیە دەڵێت: ڕووداوی ١١ ی سێپتەمبەری ٢٠٠١ ی ئەمەریکا، لێدانی هەردوو برجەکەی شاری نیویۆرک، هێندەی هێرش بوو بۆ ئەمەریکا دوو ئەوەندە زیاتر هێرش بوو بۆ سەر شارستانییەت و تەکنەلۆجیا. گەر ئەو برجانە لە هەر گۆشەیەکی تری جیهان بوایە، لەلایەن دووژمنانی شارستانیەوە، بەرەو ڕووی هەمان چارەنووس دەبووە و دەیانڕمان! 09.8.14
++++++++
بەپێی ئامارەکانی نەتەوە یەکگرتووەکان ڕێژەی نەخوێندەواری لە جیهانی عەرەبدا لەسەدا شەستە! جا ڕەوایە کورد چاو لەوانە بکات؟ تۆ بڵێی ڕێژەی نەخوێندەواری لەناو خۆماندا لەوی ئەوان بەرزتر نەبێت؟ 09.8.14
+++++++
لەبەرنامەی من العراق ی کە.ناڵی العربية، ئێوارەی هەینی ١٧ تەمووز ٢٠٠٩ ، أسامة النجيفي پارێزگاری ئێستای شاری موسڵ ئاواوی فەرموو: (إن الأكراد قوم يسكنون الجبال لا تاريخ لهم ولا حضارة) واتا : کورد میللەتێکی چیانشینن، مێژوو، شارستانییەتیان نییە.
جا سەیر بکە، سەدام پڕکێشی قسەی وای نەدەکرد. گرگنیکی دەشتەکی وا لەکورد بۆتە پۆستمۆدێرن! دراوسێی وات هەبێت، هەمیشە دووشەش لەدەستا دەتۆپێت! 09.8.14
++++++++++
پێش هەمو شتێك هەژار مەبه، چونكه هەژاری قێزەوەنترین دیاردەیه لەژیاندا، دایكی مەرگدۆستی و رق و كینەشه، دەروازەی یەكەمی دۆزەخه بەڕوی ژیاندا. ڤۆلتێر 09.8.10
++++++++++
کورد، کەلتوورێکی فرە دەوڵەمەندی هەیە، دەزانن بۆ؟ چوونکە میللەتێکی بێدەوڵەتە، دابەشبووی زیاتر لە چوار ناوچەی جیاوازە! تێکەڵ بەنەتەوەکانی ناوچەکە بووە، سوودی بەرامبەر لەنێوانیاندا هەبووە، هاوکات ئەمەش بۆتە خەوشێک کەلتوورێکی تەکەڵە دروست بووە، ناکرێت بووترێت فڵان نموونە سرفەن کوردییە سەیر دەکەیت لەلای دراوسێکانیش هەمان شت هەیە بە کەمیک گۆڕانەوە! نازانرێت لەئەسڵدا کوردی بووە یان نا! 09.8.10
+++++++++++
ماڵپەڕی کوردستان پۆست، لەهەوڵەکانی بۆ داماڵینی پەردە لەسەر ڕووە ناشیرینەکانی دەسەڵات و کەسەدیارەکانی، تیشکی خستە سەر چەند لەوانە، سەرچاوەکانیشی، ڕۆژنامەکانی ئەم وڵات و ئەو وڵاتی ئەورووپی بوو. لەسەر ئەو کێشە و مەسەلەیە، ئاوا هاتوومەتە وەڵام:
ڕاستە، دەبێت ئەوە ئاشکرا بکرێت و کاریکی پۆزەتیفانەیە، بەڵام بۆنی ڕاسستی لێدێت، یان بەقازانجی ئەو گروپە ڕاستیانە دەکەوێتەوە کە لەم وڵات و ئەو وڵاتی ئەورووپا لەگەشەکردندان. بەهیوام هەڵە بم.
ئەوەی کە لەسەر بەڵێن..... بڵاوبۆتەوە، یان لەوانەیە لەمەودوا شتی تری وا ببینین. بۆ ناوخۆمان پێویستە، بەڵام لەدەرەوە ئەوە بکرێت شتێکی ترە. بۆ خۆت دەزانی گروپی ڕاسستی لەدوای ١١ ی سپتەمبەرەوە، لەگەشەکردندان، ڕووداوی جۆراوجۆر لەدژی پەناهەندە و بێگانەکان زۆر بووە! دەبێت بگەڕێن ئەو ڕۆژنامە و گۆڤارانە سەر بە چ تەوژمێکن، کێ دەڵێ پارتێکی توندرەوی ناسیۆنالیست لە پشتیانەوە نیین؟
جا نابێت مرۆڤ هەروا لەخۆرایی بچێتە پای هەموو قسەیەک. لەبارەی ئەوەی سومعەی کوردی پێناشیرین دەبێت؟ وا نییە، لەوانەیە لەگەڵ دیدی ئەورووپی نەیەتەوە، دەزانی بۆ؟ چوونکە بەهۆی تاکێکەوە، گروپێک ناشیرین نابێت. هەر تاکێک خۆی لەبەرانبەر سەرپێچیدا بەرپرسە و لەبەرانبەر یاساشدا، ئەمەش بۆ ئەو ئازادی تاکە دەگەڕێتەوە کە لەم وڵاتانە هەیە.
ئەو ڕۆژنامە بێگانانەی فڵان و فیسار وڵاتی ئەورووپی، ئەو کێشانە زەق دەکەنەوە، من وتارەکەی لەسەر بەڵێن و چەند کۆمێنت نووسرابوو خوێندەوە، هەستم بە دیدی ڕاسیستی کرد، دەکرێت ئەو ڕووداوەش ئەم لێکدانەوەیەی بۆ بکرێت. باگراوەندی پشتی ئەو هەڵمەتە جییە؟
ئەم شارەی ئێمەدا تەنانەت ئاودەست پاکردنەوە نادەن بە پەناهەندە، هەرچەندە زۆر ئەکتیڤیش بێت. ئایا ئەوە جۆرێک نییە لە ڕاستتی؟ کۆنیش لەسەر ژن کوشتن هەڵمەتێکی وایان بەڕێخست، کە قسەت لەگەڵ هەر کەسێکیان دەکرد، دەیوت چەند ژنت کوشتووە!؟ بۆیە چوونە پای هەر قسەیەک لەوانەوە دەربچوێت هەڵەیەکی گەورەیە. 09.8.6
+++++++++
مهاباد قەرەداخی؛یش، هاتە پەیڤین، بەڵام لە بەرژەوەندی مەسعود بارزانی! بەس لەخاڵی ئەوەی کە دەڵێت دەبوایە کاندیدەکانی تر پیرۆزباییان لەبراوە بکردایە، لایەنگریم. گەر بەتەزویر بێت یان هەر شتێکی تر بوو بێت، دۆڕاو بەگیانی وەرزشییەوە، دەبێت پیرۆزبایی لە براوە بکات.09.8.6
+++++++++++
(... واذا حكمتم بين الناس فاحكموا بالعدل... ) ئەو دێڕە لە خانەی دادەکاندا دەبینرێت، لەبەر ئەوەی دادوەرەکانی دادپەروەر نیین و دادگاکانیش بێدادی تێدایە، ئیتر بۆ دەبێت ئەو تابلۆیانە بەهەڵواسراوی بمێننەوە. 09.8.4
+++++++++++
ئێستا تێدەگەم بۆ ڕادیۆێکەی کاری تێدا دەکەیت، لەسەر هەڵبژاردنەکانی هەرێمی کوردستان بێدەنگی هەڵبژاردووە!! تەنها یەک بابەتی لەو بارەیەوە پەخش کردووە ئەویش ئەنجامەکانی هەڵبژاردنەکەیە، ئەمەیش بەستەرەکەی
لەوانەیە بیانوویەک هەبێت بۆ ئەوە کە گوایە ئەم ڕادیۆیە (زایەڵە)تایبەتمەندە بۆ ڕووداوەکانی نێو سوید.
ئەی باشە بۆ بەشی فارسی هەمان ڕادیۆ لەسەر هەڵبژاردنەکانی ئێران و ڕووداوەکانی دوای ئەو، چەندەها بابەتی پەیوەند بەوە بڵاوکردۆتەوە، دیارە بانێکە و دوو هەوا! یان ئەوەتا ئێمە خۆمان لا سفرە! لەکاتێکدا قسە بێتە سەر کوردبوون، پێ زیاد لەپێویست ڕادەکێشین... ئاخر ئەوە پەیڤانە، ڕێک بەپێچەوانەوە دەست لە پشتدانی حوکمی دکتاتۆرییە!
-------------
بەشێک لەم بابەتە لەماڵپەڕی کوردستان پۆست و کوردستانیوز؛دا